Gen 20
20
UAbrahama loAbimeleki
1UAbrahama wasesuka lapho waya ngaselizweni laseNegebi, wakha eGerari phakathi kweKadeshi leShuri. 2UAbrahama wathi ngoSara umkakhe: Ungudadewethu. UAbimeleki inkosi yaseGerari wathuma, wathatha uSara.#Gen 12:13; 26:7 3Kodwa uNkulunkulu weza kuAbimeleki ngephupho ebusuku, wathi kuye: Khangela, uzakufa ngenxa yowesifazana omthetheyo, ngoba ungumfazi wendoda. 4UAbimeleki wayengakasondeli kuye. Wathi: Nkosi, uzabhubhisa lesizwe esingelacala na? 5Kasuye yini othe kimi: Ungudadewethu na? Laye uqobo wathi: Ungumnewethu. Ngikwenze lokhu ngenhliziyo yami eqotho langezandla zami ezingelacala. 6UNkulunkulu wasesithi kuye ephupheni: Yebo, ngiyazi ukuthi ukwenze lokhu ngenhliziyo eqotho; futhi ngakuvimbela ukuba ungoni kimi; ngenxa yalokhu kangikuvumelanga ukuba umthinte. 7Ngakho buyisela umfazi endodeni yakhe, ngoba ingumprofethi; izakukukhulekela ukuze uphile; kodwa uba ungambuyiseli, yazi ukuthi impela uzakufa wena labo bonke abangabakho.
8UAbimeleki wavuka ekuseni, wabiza zonke inceku zakhe, wazitshela zonke lezizinto; inceku zatshaywa luvalo olukhulu. 9UAbimeleki wasembiza uAbrahama, wathi kuye: Wenzeni kithi na? Ngoneni kuwe ukuba ungilethele mina lombuso wami icala elingaka na? Wenze kimi lokho okungafanele ukwenziwa. 10UAbimeleki wathi kuAbrahama: Kambe ukwenzeleni lokhu na? 11UAbrahama wathi: Ngoba ngathi impela ukumesaba uNkulunkulu kakukho kulindawo; bazangibulala ngenxa yomkami. 12Kanti impela ungudadewethu, indodakazi kababa, kodwa kasiyo indodakazi kamama; waba ngumkami. 13Kwathi mhla uNkulunkulu engisusa endlini kababa ngathi kumkami: Akungenzele umusa ngokwenza lokhu ukuthi endaweni zonke esizakufika kuzo uthi ngami: Ungumnewethu. 14UAbimeleki wasemnika uAbrahama izimvu lezinkabi, izinceku lezincekukazi; wambuyisela uSara umkakhe. 15UAbimeleki wathi: Khangela, ilizwe lami liphambi kwakho; yakha lapha uthanda khona. 16Wathi kuSara: Khangela, ngimnikile umnewenu inhlamvu zesiliva eziyinkulungwane, kube yisigeziso secala; phambi kwabantu bonke usuhlonipheka. 17UAbrahama wasekhuleka kuNkulunkulu; uNkulunkulu wamsilisa uAbimeleki kanye lomkakhe lencekukazi zakhe, bazala. 18Ngoba iNkosi yayivalile izizalo zonke zabendlu kaAbimeleki ngenxa kaSara umkaAbrahama.
Currently Selected:
Gen 20: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
