Joha 19
19
UJesu ugwetshelwa ukufa
(Mat 27:15–31; Mark 15:6–20; Luka 23:13–25)
1Ngakhoke uPilatu wamthatha uJesu, wamtshaya. 2Abebutho baluka umqhele wameva bawubeka ekhanda lakhe, bamambathisa ingubo eyibubende; 3beza kuye futhifuthi besithi: Bayethe, Nkosi yabaJuda! Bamwakala. 4Wabuya waphuma uPilatu wathi kubo: Khangelani, ngiyamkhuphela kini, lazi ukuthi kangifumani cala kuye. 5Wasephuma uJesu ethwele umqhele wameva embethe ingubo eyibubende. UPilatu wathi kubo: Khangelani, nangu lumuntu. 6Bathi bembona abapristi abakhulu lamanxusa, bamemeza bathi: Mbethele, mbethele! UPilatu wathi kubo: Mthatheni lina, limbethele, ngoba kangifumani cala kuye. 7Kodwa abaJuda bamphendula bathi: Silomlayo thina; ngomlayo wethu ufanele ukufa, ngoba uzenze iNdodana kaNkulunkulu. 8Kwathi uPilatu esizwa lamazwi, wasesesaba kakhulu, 9wangena futhi endlini yombusi wathi kuJesu: Ungowangaphi wena na? Kodwa uJesu kamphendulanga. 10Kwang’khona uPilatu wathi kuye: Kawukhulumi kimi? Kawazi yini ukuthi ngilamandla okukukhulula, ngilamandla futhi okukubethela na? 11UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu. 12Ngalokhoke uPilatu wafuna ukumkhulula; kodwa abaJuda bamemeza bathi: Uba ukhulula lumuntu, kawusuye umngane kaKesari; osuka azenze inkosi, umelana loKesari. 13Kuthe esizwa lamazwi uPilatu wamkhuphela phandle uJesu; wahlala phansi esihlalweni sokuthethela amacala endaweni egandelwe ngamatshe, ethiwa ngesiHeberu iGabatha. 14Kwakulusuku lokulungiselela iPhasika, kwakusemini. Wathi kubaJuda: Khangelani, nansi inkosi yenu. 15Kodwa bamemeza bathi: Msuse, msuse, mbethele! UPilatu wathi kubo: Ngibethele inkosi yenu na? Abapristi abakhulu baphendula bathi: Kasilankosi thina, ngaphandle kukaKesari. 16Wasemnikela kubo ukuba abethelwe.
Ukubethelwa lokufa kukaJesu
(Mat 27:32–56; Mark 15:21–41; Luka 23:26–49)
17Bamthathake uJesu, waphuma ethwele isiphambano sakhe, waya endaweni ethiwa yiNdawo yokhakhayi, ethiwa ngesiHeberu iGolgotha. 18Bambethela khona labanye ababili kanye laye, omunye ngapha, lomunye ngapha, uJesu ephakathi. 19UPilatu waloba isaziso, wasiphanyeka esiphambanweni. Kwakulotshiwe ukuthi: UJESU WASENAZARETHA, INKOSI YABAJUDA. 20Abanengi babaJuda basifunda lesisaziso; ngoba indawo lapho uJesu wayebethelwe khona, yayiseduze lomuzi. Kwakulotshiwe ngesiHeberu, langesiRoma, langesiGriki. 21Abapristi abakhulu babaJuda basebesithi kuPilatu: Ungalobi ukuthi: INkosi yabaJuda; kodwa loba ukuthi: Lumuntu wathi: NgiyiNkosi yabaJuda. 22UPilatu waphendula wathi: Engikulobileyo ngikulobile.
23Kwathi abebutho sebembethele uJesu, bathatha ingubo zakhe, bazenza izabelo ezine, kwaba yilowo lalowo owebutho waba lesabelo, bathatha lesigqoko. Kodwa isigqoko sakhe sasingelamthungo, salukiwe sonke kusukela phezulu kuze kufike phansi. 24Ngakhoke bakhulumisana besithi: Kasingasidabuli, kodwa asisenzele inkatho ukuba sizakuba ngesikabani. Lokhu kwenzeka ukuze kugcwaliseke umbhalo othi:
Babelana ingubo zami,
benzelana inkatho ngesigqoko sami.#Hubo 22:18
25Azenzake lezizinto amabutho. Kodwa kwakumi ngasesiphambanweni sikaJesu unina, lodadewabo kanina, uMariya umkaKlophasi, loMariya Magadalena. 26Kwathi uJesu ebona unina lomfundi amthandayo bemi khona, wathi kunina: Mama, nanso indodana yakho. 27Wasesithi kumfundi: Nango unyoko. Kusukela kulesosikhathi umfundi lowo wamthatha wamusa ekhaya lakhe.
28Emva kwalokhu uJesu ekwazi ukuthi konke kuphelile ukuze kugcwaliseke umbhalo, wathi: Ngomile.#Hubo 69:21; 22:15 29Kwakukhona isitsha sigcwele iwayini elimunyu sibekiwe khona; ngakho bacwilisa uzipho ewayinini, baluhloma emhlangeni, balusa emlonyeni wakhe. 30Kwathi uJesu eselamukele wathi: Kuphelile. Wakhothamisa ikhanda lakhe, wafa.
31Lokhu kwakulusuku lokulungiselela, ukuze izidumbu zingahlali esiphambanweni ngeSabatha, ngoba lolosuku lweSabatha lwalulukhulu, abaJuda bacela uPilatu ukuba yaphulwe imilenze yabo, basuswe. 32Ngakhoke abebutho beza baphula imilenze yowokuqala leyomunye ababebethelwe laye. 33Kodwa sebefika kuJesu, bebona ukuthi wayesefile, kabayaphulanga imilenze yakhe; 34kodwa omunye webutho wamgwaza ngomkhonto ohlangothini, kwaphuma masinyane igazi lamanzi. 35Yena owakubonayo ufakazile, ubufakazi bakhe buqinisile; yenake uyazi ukuthi ukhuluma iqiniso, ukuze lani likholwe. 36Lezizinto zenzeka ukuze kugcwaliseke umbhalo othi:
Kakuyikwaphulwa ithambo lakhe.#Eks 12:46; Nani 9:12; Hubo 34:20
37Njalo omunye uthi:
Bazakumkhangela abamgwazileyo.#Zek 12:10; Isam 1:7
Ukumbelwa kukaJesu
(Mat 27:57–61; Mark 15:42–47; Luka 23:50–56)
38Emva kwalokhu uJosefa waseArimathiya, owayengumfundi kaJesu kodwa ekufihla ngenxa yokwesaba abaJuda, wacela kuPilatu ukuba asuse isidumbu sikaJesu; uPilatu wavuma. Ngakho weza, wasisusa isidumbu sakhe. 39Kweza loNikodima laye, owake wafika kuye kuqala ebusuku, ephethe imure lixutshaniswe lenhlaba, ubunengi bayo bungangemifuma eminengi.#Joha 3:1–2 40Basebesithatha isidumbu sikaJesu, basigoqela ngamalembu kanye lamakha njengomkhuba welahlo labaJuda. 41Kuleyondawo lapho ayebethelwe khona kwakukhona insimu, ensimini kukhona iliba elitsha okwakungazanga kubekwe umuntu kulo. 42Ngenxa yokulungiselela kwabaJuda bambeka laphoke uJesu, ngoba iliba laliseduze.
Currently Selected:
Joha 19: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Joha 19
19
UJesu ugwetshelwa ukufa
(Mat 27:15–31; Mark 15:6–20; Luka 23:13–25)
1Ngakhoke uPilatu wamthatha uJesu, wamtshaya. 2Abebutho baluka umqhele wameva bawubeka ekhanda lakhe, bamambathisa ingubo eyibubende; 3beza kuye futhifuthi besithi: Bayethe, Nkosi yabaJuda! Bamwakala. 4Wabuya waphuma uPilatu wathi kubo: Khangelani, ngiyamkhuphela kini, lazi ukuthi kangifumani cala kuye. 5Wasephuma uJesu ethwele umqhele wameva embethe ingubo eyibubende. UPilatu wathi kubo: Khangelani, nangu lumuntu. 6Bathi bembona abapristi abakhulu lamanxusa, bamemeza bathi: Mbethele, mbethele! UPilatu wathi kubo: Mthatheni lina, limbethele, ngoba kangifumani cala kuye. 7Kodwa abaJuda bamphendula bathi: Silomlayo thina; ngomlayo wethu ufanele ukufa, ngoba uzenze iNdodana kaNkulunkulu. 8Kwathi uPilatu esizwa lamazwi, wasesesaba kakhulu, 9wangena futhi endlini yombusi wathi kuJesu: Ungowangaphi wena na? Kodwa uJesu kamphendulanga. 10Kwang’khona uPilatu wathi kuye: Kawukhulumi kimi? Kawazi yini ukuthi ngilamandla okukukhulula, ngilamandla futhi okukubethela na? 11UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu. 12Ngalokhoke uPilatu wafuna ukumkhulula; kodwa abaJuda bamemeza bathi: Uba ukhulula lumuntu, kawusuye umngane kaKesari; osuka azenze inkosi, umelana loKesari. 13Kuthe esizwa lamazwi uPilatu wamkhuphela phandle uJesu; wahlala phansi esihlalweni sokuthethela amacala endaweni egandelwe ngamatshe, ethiwa ngesiHeberu iGabatha. 14Kwakulusuku lokulungiselela iPhasika, kwakusemini. Wathi kubaJuda: Khangelani, nansi inkosi yenu. 15Kodwa bamemeza bathi: Msuse, msuse, mbethele! UPilatu wathi kubo: Ngibethele inkosi yenu na? Abapristi abakhulu baphendula bathi: Kasilankosi thina, ngaphandle kukaKesari. 16Wasemnikela kubo ukuba abethelwe.
Ukubethelwa lokufa kukaJesu
(Mat 27:32–56; Mark 15:21–41; Luka 23:26–49)
17Bamthathake uJesu, waphuma ethwele isiphambano sakhe, waya endaweni ethiwa yiNdawo yokhakhayi, ethiwa ngesiHeberu iGolgotha. 18Bambethela khona labanye ababili kanye laye, omunye ngapha, lomunye ngapha, uJesu ephakathi. 19UPilatu waloba isaziso, wasiphanyeka esiphambanweni. Kwakulotshiwe ukuthi: UJESU WASENAZARETHA, INKOSI YABAJUDA. 20Abanengi babaJuda basifunda lesisaziso; ngoba indawo lapho uJesu wayebethelwe khona, yayiseduze lomuzi. Kwakulotshiwe ngesiHeberu, langesiRoma, langesiGriki. 21Abapristi abakhulu babaJuda basebesithi kuPilatu: Ungalobi ukuthi: INkosi yabaJuda; kodwa loba ukuthi: Lumuntu wathi: NgiyiNkosi yabaJuda. 22UPilatu waphendula wathi: Engikulobileyo ngikulobile.
23Kwathi abebutho sebembethele uJesu, bathatha ingubo zakhe, bazenza izabelo ezine, kwaba yilowo lalowo owebutho waba lesabelo, bathatha lesigqoko. Kodwa isigqoko sakhe sasingelamthungo, salukiwe sonke kusukela phezulu kuze kufike phansi. 24Ngakhoke bakhulumisana besithi: Kasingasidabuli, kodwa asisenzele inkatho ukuba sizakuba ngesikabani. Lokhu kwenzeka ukuze kugcwaliseke umbhalo othi:
Babelana ingubo zami,
benzelana inkatho ngesigqoko sami.#Hubo 22:18
25Azenzake lezizinto amabutho. Kodwa kwakumi ngasesiphambanweni sikaJesu unina, lodadewabo kanina, uMariya umkaKlophasi, loMariya Magadalena. 26Kwathi uJesu ebona unina lomfundi amthandayo bemi khona, wathi kunina: Mama, nanso indodana yakho. 27Wasesithi kumfundi: Nango unyoko. Kusukela kulesosikhathi umfundi lowo wamthatha wamusa ekhaya lakhe.
28Emva kwalokhu uJesu ekwazi ukuthi konke kuphelile ukuze kugcwaliseke umbhalo, wathi: Ngomile.#Hubo 69:21; 22:15 29Kwakukhona isitsha sigcwele iwayini elimunyu sibekiwe khona; ngakho bacwilisa uzipho ewayinini, baluhloma emhlangeni, balusa emlonyeni wakhe. 30Kwathi uJesu eselamukele wathi: Kuphelile. Wakhothamisa ikhanda lakhe, wafa.
31Lokhu kwakulusuku lokulungiselela, ukuze izidumbu zingahlali esiphambanweni ngeSabatha, ngoba lolosuku lweSabatha lwalulukhulu, abaJuda bacela uPilatu ukuba yaphulwe imilenze yabo, basuswe. 32Ngakhoke abebutho beza baphula imilenze yowokuqala leyomunye ababebethelwe laye. 33Kodwa sebefika kuJesu, bebona ukuthi wayesefile, kabayaphulanga imilenze yakhe; 34kodwa omunye webutho wamgwaza ngomkhonto ohlangothini, kwaphuma masinyane igazi lamanzi. 35Yena owakubonayo ufakazile, ubufakazi bakhe buqinisile; yenake uyazi ukuthi ukhuluma iqiniso, ukuze lani likholwe. 36Lezizinto zenzeka ukuze kugcwaliseke umbhalo othi:
Kakuyikwaphulwa ithambo lakhe.#Eks 12:46; Nani 9:12; Hubo 34:20
37Njalo omunye uthi:
Bazakumkhangela abamgwazileyo.#Zek 12:10; Isam 1:7
Ukumbelwa kukaJesu
(Mat 27:57–61; Mark 15:42–47; Luka 23:50–56)
38Emva kwalokhu uJosefa waseArimathiya, owayengumfundi kaJesu kodwa ekufihla ngenxa yokwesaba abaJuda, wacela kuPilatu ukuba asuse isidumbu sikaJesu; uPilatu wavuma. Ngakho weza, wasisusa isidumbu sakhe. 39Kweza loNikodima laye, owake wafika kuye kuqala ebusuku, ephethe imure lixutshaniswe lenhlaba, ubunengi bayo bungangemifuma eminengi.#Joha 3:1–2 40Basebesithatha isidumbu sikaJesu, basigoqela ngamalembu kanye lamakha njengomkhuba welahlo labaJuda. 41Kuleyondawo lapho ayebethelwe khona kwakukhona insimu, ensimini kukhona iliba elitsha okwakungazanga kubekwe umuntu kulo. 42Ngenxa yokulungiselela kwabaJuda bambeka laphoke uJesu, ngoba iliba laliseduze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978