Luka 17
17
Izikhubekiso. Ukuthethelelana. Ukukholwa
(Mat 18:6–7, 21–22; Mark 9:42)
1UJesu wasesithi kubafundi bakhe: Kungaze kwenzeka ukuba kungaveli izikhubekiso; kodwa maye kulowo ezivela ngaye! 2Kungaba ngcono kuye ukuba ilitshe lokuchola ligaxwe entanyeni yakhe aphoselwe olwandle, kulokuba akhubekise abe munye kulaba abancinyane. 3Xwayani lina. Uba umfowenu esona, mkhuze; uba ephenduka, mthethelele.#Mat 18:15 4Loba ekonela kuze kube kasikhombisa ngosuku, abuye kuwe kasikhombisa, esithi: Ngiyaphenduka; umele ukumthethelela.
5Abaphostoli basebesithi eNkosini: Yandisa ukukholwa kwethu. 6INkosi yathi: Uba belilokukholwa okungangohlamvu lwemastade, belingatsho kulesisihlahla ukuthi: Quphuka, ugxumekeke olwandle; besizakulilalela.
7Nguwuphi kini olenceku elimayo ingabe eyalusayo, othi kiyo ibuya ivela egangeni: Sondela masinyane, uhlale phansi, udle, na? 8Kodwa kazukutsho yini kuyo ukuthi: Ngilungisela ukudla, uzibophe, ungiphakele, ngize ngidle, nginathe, andubana udle, unathe wena, na? 9Uyayibonga yini inceku, ngoba yenzile ekulayiweyo na? 10Kunjaloke lani, nxa selikwenzile konke elikulayiweyo, kalibokuthi: Kasisizinceku zalutho, ngoba senze lokhu ebesifanele ukukwenza.
Ukusiliswa kwabalobulephero abalitshumi
11Kwathi esahamba esiya eJerusalema, wadabula phakathi kweSamariya leGalili. 12Esangena emzaneni othile, wahlangabezwa ngabantu abalitshumi abalobulephero, abema khatshana; 13baphakamisa amazwi abo besithi: Nkosi, Jesu, sihawukele! 14Kuthe ebabona, wathi kibo: Hambani, liyeziveza kubapristi. Kwathi besahamba, bahlanjululwa.#Levi 14:1–32 15Omunye wabo esebonile ukuthi usilisiwe, wabuyela edumisa uNkulunkulu ngelizwi elikhulu, 16wawa ngobuso ngasenyaweni zikaJesu ebonga; wayengumSamariya. 17Kodwa uJesu wathi: Kakuhlanjululwanga abalitshumi na? Bangaphi, pho, abaficamunwemunye na? 18Kakho loyedwa yini obengabuya ukunika uNkulunkulu udumo, kuphela lo owezizweni na? 19Wasesithi kuye: Sukuma uhambe; ukukholwa kwakho kukusilisile.
Umbuso kaNkulunkulu. Ukubuya kweNdodana yomuntu
(Mat 24:26–28, 37–41)
20Kwathi ebuzwa ngabaFarisi ukuthi umbuso kaNkulunkulu uzakufika nini, wabaphendula wathi: Umbuso kaNkulunkulu kawufiki ubonwa ngamehlo. 21Njalo kabayikutsho ukuthi: Khangelani, nanku; ingabe ukuthi: Nankuya. Ngoba impela umbuso kaNkulunkulu uphakathi kwenu. 22Wasesithi kubafundi bakhe: Kuzakufika insuku, lapho elizakufisa ukubona lube lunye lwensuku zeNdodana yomuntu, kodwa kaliyikulubona. 23Bazakuthi kini: Khangelani, nanguya; khangelani, nangu. Lingayi lingabalandeli. 24Ngoba njengombane, nxa uphazima ukhanyisa zonke indawo zomkhathi, izakuba njalo iNdodana yomuntu osukwini lwayo. 25Kodwa kuqala imele ihlupheke kakhulu, ilahlwe yilesisizukulwana. 26Njengoba kwakunjalo ensukwini zikaNowa, kuzakuba njalo lasensukwini zeNdodana yomuntu.#Gen 6:5–8 27Babesidla, benatha, bethatha, besendiswa, kwaze kwafika usuku uNowa angena ngalo emkolweni, kwafika uzamcolo, wababhubhisa bonke.#Gen 7:6–24 28Ngokunjalo njengoba kwenzeka ensukwini zikaLoti, babesidla, benatha, bethenga, bethengisa, behlanyela, besakha;#Gen 18:20—19:25 29kodwa ngosuku uLoti aphuma ngalo eSodoma lana umlilo ovela ezulwini, wababhubhisa bonke. 30Kuzakuba njalo ngosuku ezakwambulwa ngalo iNdodana yomuntu. 31Ngalolosuku lowo ophezu kwendlu, lempahla zakhe zisendlini, angehli ukuyazithatha; njalo losensimini angabuyeli emuva.#Mat 24:17–18; Mark 13:15–16 32Khumbulani umkaLoti.#Gen 19:26 33Ofuna ukuzuza ukusila kwakhe kuzakumlahlekela, kodwa olahlekelwa yikusila kwakhe uzakukulondoloza.#Mat 10:39; 16:25; Mark 8:35; Luka 9:24; Joha 12:25 34Ngithi kini: Ngalobobusuku kuzakuba khona ababili belele ndawonye; omunye asuswe, lomunye atshiywe. 35Kuzakuba khona abesifazana ababili bechola ndawonye; omunye asuswe, lomunye asale. [36Kuzakuba khona ababili ensimini; omunye asuswe, omunye atshiywe.] 37Basebesithi kuye: Ngaphi, Nkosi? Wathi kibo: Lapho kukhona isidumbu, kulapho amanqe azakubuthana khona.
Currently Selected:
Luka 17: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Luka 17
17
Izikhubekiso. Ukuthethelelana. Ukukholwa
(Mat 18:6–7, 21–22; Mark 9:42)
1UJesu wasesithi kubafundi bakhe: Kungaze kwenzeka ukuba kungaveli izikhubekiso; kodwa maye kulowo ezivela ngaye! 2Kungaba ngcono kuye ukuba ilitshe lokuchola ligaxwe entanyeni yakhe aphoselwe olwandle, kulokuba akhubekise abe munye kulaba abancinyane. 3Xwayani lina. Uba umfowenu esona, mkhuze; uba ephenduka, mthethelele.#Mat 18:15 4Loba ekonela kuze kube kasikhombisa ngosuku, abuye kuwe kasikhombisa, esithi: Ngiyaphenduka; umele ukumthethelela.
5Abaphostoli basebesithi eNkosini: Yandisa ukukholwa kwethu. 6INkosi yathi: Uba belilokukholwa okungangohlamvu lwemastade, belingatsho kulesisihlahla ukuthi: Quphuka, ugxumekeke olwandle; besizakulilalela.
7Nguwuphi kini olenceku elimayo ingabe eyalusayo, othi kiyo ibuya ivela egangeni: Sondela masinyane, uhlale phansi, udle, na? 8Kodwa kazukutsho yini kuyo ukuthi: Ngilungisela ukudla, uzibophe, ungiphakele, ngize ngidle, nginathe, andubana udle, unathe wena, na? 9Uyayibonga yini inceku, ngoba yenzile ekulayiweyo na? 10Kunjaloke lani, nxa selikwenzile konke elikulayiweyo, kalibokuthi: Kasisizinceku zalutho, ngoba senze lokhu ebesifanele ukukwenza.
Ukusiliswa kwabalobulephero abalitshumi
11Kwathi esahamba esiya eJerusalema, wadabula phakathi kweSamariya leGalili. 12Esangena emzaneni othile, wahlangabezwa ngabantu abalitshumi abalobulephero, abema khatshana; 13baphakamisa amazwi abo besithi: Nkosi, Jesu, sihawukele! 14Kuthe ebabona, wathi kibo: Hambani, liyeziveza kubapristi. Kwathi besahamba, bahlanjululwa.#Levi 14:1–32 15Omunye wabo esebonile ukuthi usilisiwe, wabuyela edumisa uNkulunkulu ngelizwi elikhulu, 16wawa ngobuso ngasenyaweni zikaJesu ebonga; wayengumSamariya. 17Kodwa uJesu wathi: Kakuhlanjululwanga abalitshumi na? Bangaphi, pho, abaficamunwemunye na? 18Kakho loyedwa yini obengabuya ukunika uNkulunkulu udumo, kuphela lo owezizweni na? 19Wasesithi kuye: Sukuma uhambe; ukukholwa kwakho kukusilisile.
Umbuso kaNkulunkulu. Ukubuya kweNdodana yomuntu
(Mat 24:26–28, 37–41)
20Kwathi ebuzwa ngabaFarisi ukuthi umbuso kaNkulunkulu uzakufika nini, wabaphendula wathi: Umbuso kaNkulunkulu kawufiki ubonwa ngamehlo. 21Njalo kabayikutsho ukuthi: Khangelani, nanku; ingabe ukuthi: Nankuya. Ngoba impela umbuso kaNkulunkulu uphakathi kwenu. 22Wasesithi kubafundi bakhe: Kuzakufika insuku, lapho elizakufisa ukubona lube lunye lwensuku zeNdodana yomuntu, kodwa kaliyikulubona. 23Bazakuthi kini: Khangelani, nanguya; khangelani, nangu. Lingayi lingabalandeli. 24Ngoba njengombane, nxa uphazima ukhanyisa zonke indawo zomkhathi, izakuba njalo iNdodana yomuntu osukwini lwayo. 25Kodwa kuqala imele ihlupheke kakhulu, ilahlwe yilesisizukulwana. 26Njengoba kwakunjalo ensukwini zikaNowa, kuzakuba njalo lasensukwini zeNdodana yomuntu.#Gen 6:5–8 27Babesidla, benatha, bethatha, besendiswa, kwaze kwafika usuku uNowa angena ngalo emkolweni, kwafika uzamcolo, wababhubhisa bonke.#Gen 7:6–24 28Ngokunjalo njengoba kwenzeka ensukwini zikaLoti, babesidla, benatha, bethenga, bethengisa, behlanyela, besakha;#Gen 18:20—19:25 29kodwa ngosuku uLoti aphuma ngalo eSodoma lana umlilo ovela ezulwini, wababhubhisa bonke. 30Kuzakuba njalo ngosuku ezakwambulwa ngalo iNdodana yomuntu. 31Ngalolosuku lowo ophezu kwendlu, lempahla zakhe zisendlini, angehli ukuyazithatha; njalo losensimini angabuyeli emuva.#Mat 24:17–18; Mark 13:15–16 32Khumbulani umkaLoti.#Gen 19:26 33Ofuna ukuzuza ukusila kwakhe kuzakumlahlekela, kodwa olahlekelwa yikusila kwakhe uzakukulondoloza.#Mat 10:39; 16:25; Mark 8:35; Luka 9:24; Joha 12:25 34Ngithi kini: Ngalobobusuku kuzakuba khona ababili belele ndawonye; omunye asuswe, lomunye atshiywe. 35Kuzakuba khona abesifazana ababili bechola ndawonye; omunye asuswe, lomunye asale. [36Kuzakuba khona ababili ensimini; omunye asuswe, omunye atshiywe.] 37Basebesithi kuye: Ngaphi, Nkosi? Wathi kibo: Lapho kukhona isidumbu, kulapho amanqe azakubuthana khona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978