Luka 18
18
Umfanekiso womthonisisi ongalunganga
1Wabatshela umfanekiso wokuthi bafanele ukukhuleka, bengadinwa. 2Wathi: Kwakukhona emzini othile umthonisisi owayengesabi uNkulunkulu, engakhathaleli muntu. 3Kwakukhona futhi kulowomuzi umfelwakazi othile owayelokhu efika kuye, esithi: Akungisize esitheni sami. 4Kwaba yisikhathi elokhu engavumi; kodwa ngasemuva wanakana wathi: Lanxa mina ngingamesabi uNkulunkulu, ngingakhathaleli muntu, 5kodwa ngoba lumfelwakazi engikhathaza njalo, ngizakumlwela, funa angidinise ngokuza kwakhe futhifuthi. 6INkosi yasisithi: Ake lizwe okutshiwo ngumthonisisi ongalunganga. 7UNkulunkulu kayikubalwela abakhethiweyo bakhe yini abakhalayo kuye emini lasebusuku na? Uzakuphuza ukubasiza na? 8Ngithi kini: Uzakubalwela masinyane. Kodwake nxa iNdodana yomuntu ifika, izakufumana ukukholwa emhlabeni na?
UmFarisi lomthelisi ethempelini
9Wasekhuluma lumfanekiso kwabathile ababezithemba ukuthi balungile, bedelela abanye, wathi: 10Abantu ababili bakhuphukela ethempelini ukuyakhuleka, omunye engumFarisi, lomunye engumthelisi. 11UmFarisi wema wazikhulekela ngokuthi: Nkulunkulu, ngiyakubonga ngoba kanginjengabanye abantu, abaphangi, labangalunganga, lezifebe, lanjengalumthelisi. 12Mina ngizila ukudla kabili ngeviki, nginikela okwetshumi kukho konke engilakho. 13Kodwa umthelisi emi khatshana wayengathandi lokuphakamisela amehlo akhe ngasezulwini, kodwa watshaya isifuba sakhe, esithi: Nkulunkulu, akungihawukele mina soni. 14Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.#Mat 23:12; Luka 14:11
Ukubusiswa kwabantwana
(Mat 19:13–15; Mark 10:13–16)
15Baletha kuye abantwana ukuba abaphathe; kodwa abafundi bekubona babakhuza. 16UJesu wababizela kuye, wathi: Bavumeleni abantwana beze kimi, lingabanqabeli, ngoba umbuso kaNkulunkulu ungowabanje. 17Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.
Insizwa enothileyo
(Mat 19:16–30; Mark 10:17–31)
18Umbusi othile wasembuza esithi: Mfundisi olungileyo, ngizakwenzani ukuze ngidle ilifa lokuphila okungapheliyo na? 19Kodwa uJesu wathi kuye: Ungibizelani ngokuthi ngingolungileyo na? Kakho olungileyo, munye kuphela, nguNkulunkulu. 20Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.#Eks 20:12–16; Dute 5:16–20 21Yena wathi: Konke lokhu ngikwenzile kusukela ebutsheni bami. 22UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele. 23Kodwa yena ekuzwa lokhu, wadana, ngoba wayenothile kakhulu.
24UJesu embona wathi: Kulukhuni kangakanani kulabo abanothileyo ukungena embusweni kaNkulunkulu. 25Kulula ukuba ikamela lingene ngentunja yosungulo kulokuba umuntu onothileyo angene embusweni kaNkulunkulu. 26Abakuzwayo basebesithi: Pho, kungasiliswa bani na? 27Kodwa yena wathi: Okungenzekiyo ebantwini kuyenzeka kuNkulunkulu.
Umvuzo wokuzidela
28UPetro wasesithi: Khangela, thina sitshiye imizi yethu, sakulandela. 29UJesu wathi kibo: Ngiqinisile ngithi kini: Kakho umuntu otshiye indlu, ingabe umkakhe, labafowabo, labazali, labantwana, ngenxa yombuso kaNkulunkulu, 30ongayikwamukeliswa okuphindwe kanengi kulesisikhathi lesikhathini esizayo ukuphila okungapheliyo.
UJesu ukhuluma ngokuhlupheka kwakhe
(Mat 20:17–19; Mark 10:32–34)
31Wasethatha abalitshumi lambili, wathi kibo: Khathesi senyukela eJerusalema; konke okulotshiweyo ngabaprofethi ngeNdodana yomuntu kuzakugcwaliseka. 32Ngoba izakunikelwa kwabezizwe, iyangiswe, ithukwe, ikhafulelwe ngamathe, 33bayitshaye, bayibulale, kodwa ngosuku lwesithathu izakuvuka. 34Kodwa bona kabawaqedisisanga lawomazwi; lalinkulumo yayifihlakele kibo, kabakuqedisisanga okutshiwoyo.
Ukusiliswa kwesiphofu
(Mat 20:29–34; Mark 10:46–52)
35Kwathi esesondela eJeriko, isiphofu esithile sasihlezi siphanza ngasendleleni. 36Sisizwa ixuku lidlula, sabuza ukuthi kuyini lokho. 37Basitshela bathi: UJesu waseNazaretha uyadlula. 38Samemeza sathi: Jesu, Ndodana kaDavida, akungihawukele! 39Ababehamba ngaphambili basikhuza bathi kasithule; kodwa kwabang’khona simemeza kakhulu, sisithi: Ndodana kaDavida, akungihawukele! 40UJesu wemake, walaya ukuba silethwe kuye. Sesisondele, wasibuza esithi: 41Ufuna ukuba ngikwenzeleni na? Sathi: Nkosi, ukuba ngibone. 42UJesu wathi kuso: Bonake! Ukukholwa kwakho kukusilisile. 43Sahle sabona khona lapho, samlandela sidumisa uNkulunkulu; labantu bonke bekubona badumisa uNkulunkulu.
Currently Selected:
Luka 18: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Luka 18
18
Umfanekiso womthonisisi ongalunganga
1Wabatshela umfanekiso wokuthi bafanele ukukhuleka, bengadinwa. 2Wathi: Kwakukhona emzini othile umthonisisi owayengesabi uNkulunkulu, engakhathaleli muntu. 3Kwakukhona futhi kulowomuzi umfelwakazi othile owayelokhu efika kuye, esithi: Akungisize esitheni sami. 4Kwaba yisikhathi elokhu engavumi; kodwa ngasemuva wanakana wathi: Lanxa mina ngingamesabi uNkulunkulu, ngingakhathaleli muntu, 5kodwa ngoba lumfelwakazi engikhathaza njalo, ngizakumlwela, funa angidinise ngokuza kwakhe futhifuthi. 6INkosi yasisithi: Ake lizwe okutshiwo ngumthonisisi ongalunganga. 7UNkulunkulu kayikubalwela abakhethiweyo bakhe yini abakhalayo kuye emini lasebusuku na? Uzakuphuza ukubasiza na? 8Ngithi kini: Uzakubalwela masinyane. Kodwake nxa iNdodana yomuntu ifika, izakufumana ukukholwa emhlabeni na?
UmFarisi lomthelisi ethempelini
9Wasekhuluma lumfanekiso kwabathile ababezithemba ukuthi balungile, bedelela abanye, wathi: 10Abantu ababili bakhuphukela ethempelini ukuyakhuleka, omunye engumFarisi, lomunye engumthelisi. 11UmFarisi wema wazikhulekela ngokuthi: Nkulunkulu, ngiyakubonga ngoba kanginjengabanye abantu, abaphangi, labangalunganga, lezifebe, lanjengalumthelisi. 12Mina ngizila ukudla kabili ngeviki, nginikela okwetshumi kukho konke engilakho. 13Kodwa umthelisi emi khatshana wayengathandi lokuphakamisela amehlo akhe ngasezulwini, kodwa watshaya isifuba sakhe, esithi: Nkulunkulu, akungihawukele mina soni. 14Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.#Mat 23:12; Luka 14:11
Ukubusiswa kwabantwana
(Mat 19:13–15; Mark 10:13–16)
15Baletha kuye abantwana ukuba abaphathe; kodwa abafundi bekubona babakhuza. 16UJesu wababizela kuye, wathi: Bavumeleni abantwana beze kimi, lingabanqabeli, ngoba umbuso kaNkulunkulu ungowabanje. 17Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.
Insizwa enothileyo
(Mat 19:16–30; Mark 10:17–31)
18Umbusi othile wasembuza esithi: Mfundisi olungileyo, ngizakwenzani ukuze ngidle ilifa lokuphila okungapheliyo na? 19Kodwa uJesu wathi kuye: Ungibizelani ngokuthi ngingolungileyo na? Kakho olungileyo, munye kuphela, nguNkulunkulu. 20Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.#Eks 20:12–16; Dute 5:16–20 21Yena wathi: Konke lokhu ngikwenzile kusukela ebutsheni bami. 22UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele. 23Kodwa yena ekuzwa lokhu, wadana, ngoba wayenothile kakhulu.
24UJesu embona wathi: Kulukhuni kangakanani kulabo abanothileyo ukungena embusweni kaNkulunkulu. 25Kulula ukuba ikamela lingene ngentunja yosungulo kulokuba umuntu onothileyo angene embusweni kaNkulunkulu. 26Abakuzwayo basebesithi: Pho, kungasiliswa bani na? 27Kodwa yena wathi: Okungenzekiyo ebantwini kuyenzeka kuNkulunkulu.
Umvuzo wokuzidela
28UPetro wasesithi: Khangela, thina sitshiye imizi yethu, sakulandela. 29UJesu wathi kibo: Ngiqinisile ngithi kini: Kakho umuntu otshiye indlu, ingabe umkakhe, labafowabo, labazali, labantwana, ngenxa yombuso kaNkulunkulu, 30ongayikwamukeliswa okuphindwe kanengi kulesisikhathi lesikhathini esizayo ukuphila okungapheliyo.
UJesu ukhuluma ngokuhlupheka kwakhe
(Mat 20:17–19; Mark 10:32–34)
31Wasethatha abalitshumi lambili, wathi kibo: Khathesi senyukela eJerusalema; konke okulotshiweyo ngabaprofethi ngeNdodana yomuntu kuzakugcwaliseka. 32Ngoba izakunikelwa kwabezizwe, iyangiswe, ithukwe, ikhafulelwe ngamathe, 33bayitshaye, bayibulale, kodwa ngosuku lwesithathu izakuvuka. 34Kodwa bona kabawaqedisisanga lawomazwi; lalinkulumo yayifihlakele kibo, kabakuqedisisanga okutshiwoyo.
Ukusiliswa kwesiphofu
(Mat 20:29–34; Mark 10:46–52)
35Kwathi esesondela eJeriko, isiphofu esithile sasihlezi siphanza ngasendleleni. 36Sisizwa ixuku lidlula, sabuza ukuthi kuyini lokho. 37Basitshela bathi: UJesu waseNazaretha uyadlula. 38Samemeza sathi: Jesu, Ndodana kaDavida, akungihawukele! 39Ababehamba ngaphambili basikhuza bathi kasithule; kodwa kwabang’khona simemeza kakhulu, sisithi: Ndodana kaDavida, akungihawukele! 40UJesu wemake, walaya ukuba silethwe kuye. Sesisondele, wasibuza esithi: 41Ufuna ukuba ngikwenzeleni na? Sathi: Nkosi, ukuba ngibone. 42UJesu wathi kuso: Bonake! Ukukholwa kwakho kukusilisile. 43Sahle sabona khona lapho, samlandela sidumisa uNkulunkulu; labantu bonke bekubona badumisa uNkulunkulu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978