Luke 3
3
Anno quinto decimo tyberij cesaris
1Soðlice þam fiftendan geare þas caiseres anwealdes tyberij. beginnenden þam pontiscen pilate iudea þeode. foerðan dæles rice galilee herode. philippe hys broder. feorðan dæles rice iturie ⁊þas riche traconitidis ⁊lisania abiline feorðan dæles rica. 2under þare sacerde ealdres anna ⁊chaifa. godes word wæs geworðan ofer zacharias sune on westene. 3⁊he com into eall Iordanes riche bodiende. deadbote fulluht ⁊synne forgyfenesse 4swa hit awriten ys on ysaias bech þas witegan. Clepiende stefn on westene. gegarewiað drihtenes weig dod his siðas rihte. 5Ælch dane beoð gefeld ⁊ælch munt ⁊beorh beoð geniðered ⁊þwuru beoð on gerihte ⁊ungerydu on smeðe weges. 6⁊ælc flæsc gesihð godes hæle. 7Soðlice he cwæð to þam mægen þe ferden þæt hyo wæren fullode fram hym. Eale næddrene kyn hwa atewedo (sic) eow þæt ge fleon fram þam towearde eorre. 8Doð eornestlice deadbote wæstmes ⁊ne onginnen ge cweðen. we hæbbed us to fader abraham. Ich segge eow þæt god is swa mihtig þæt he maig of þisen stanen abrahames bearn aweccan. 9Nu ys syo æx asett. to þas treowas wirtrumen. Witodlice ælch treow þe ne brincd godne wæstme beoð forcorfan ⁊on fyr aworpen. 10Ða axoden hine þa manige ⁊cwæðen; hwæt do we. 11Þa cwæð he to heom. se þe hafð twege tunekan. sylle þam þe næfð ⁊þam gelice do se þe metes hæfð 12Ða comen þa manfulle þæt hy aþwegene wæren ⁊cwæðen to hym lareow hwæt do we. 13Þa cwæð he ne do ge naht mare þanne þæt eow gesett ys. 14Ða axoseden (sic) hine þa cempan ⁊cwæðen ⁊hwæt do we. Þa sæde he heom. ne sla ge nanne man. Ne tale ne doð ⁊beoð eðhealde on eowren andlyfenum. 15Soðlice þam folce wenenden ⁊eallen on heore heorten þencenden be Iohanne hwæder he crist wære. 16Ða andswerede Iohannes heom eallen seggenden. Witodlice ic eow an watere fullige. Soðlice kymð strengre þanne ich; þas ich nem wurðe þæt ich hys scoþwang uncnytte. Heo eow fulled on halgen gaste ⁊on fyre. 17⁊his fann is on his handa ⁊he fermed hys bernes flore ⁊gadered hys hwæte into hys berne. þæt chæf he forbernð on unacwenctelice fyre. 18Manega oðre þing bodiende. He þæt folc lærde. 19Herodes se feorðan dæles rica þa he wæs fram him geþread. be þare herodiscan his broder wife ⁊be eallen yfelen þe herodes dyde. 20⁊ofer eall þæt geicte þæt he beclysde Iohanne on cwarterne. 21Soðlice wæs geworðan þa eall þæt folc wæs gefullod ⁊þam hælende gefulloden ⁊gebiddenden. heofene wæs geopened 22⁊se halga gast astah lichamlicere ansyna on hine swa an culfre ⁊stefne wæs of heofene geworðan ⁊þus cwæð. Ðu ert min gecorena sune on þe me gelikeð. 23⁊se hælend wæs on ylde swilce þrittige wintre. þæt men wenden þæt he wære Iosepes sune. Se wæs heliges sune. 24-38se wæs nazareth. swa of cneornysse on cneornysse oððe adam. Se wæs godes sunu oð fif ⁊hundseofentig cneornisse.
Currently Selected:
Luke 3: ASxG
Highlight
Share
Copy
Want to have your highlights saved across all your devices? Sign up or sign in
The Four Gospels in AngloSaxon (Old English) were translated from Latin by Abbot Ælfric of Eynsham, probably some time within the period 990 – 1010.
Luke 3
3
Anno quinto decimo tyberij cesaris
1Soðlice þam fiftendan geare þas caiseres anwealdes tyberij. beginnenden þam pontiscen pilate iudea þeode. foerðan dæles rice galilee herode. philippe hys broder. feorðan dæles rice iturie ⁊þas riche traconitidis ⁊lisania abiline feorðan dæles rica. 2under þare sacerde ealdres anna ⁊chaifa. godes word wæs geworðan ofer zacharias sune on westene. 3⁊he com into eall Iordanes riche bodiende. deadbote fulluht ⁊synne forgyfenesse 4swa hit awriten ys on ysaias bech þas witegan. Clepiende stefn on westene. gegarewiað drihtenes weig dod his siðas rihte. 5Ælch dane beoð gefeld ⁊ælch munt ⁊beorh beoð geniðered ⁊þwuru beoð on gerihte ⁊ungerydu on smeðe weges. 6⁊ælc flæsc gesihð godes hæle. 7Soðlice he cwæð to þam mægen þe ferden þæt hyo wæren fullode fram hym. Eale næddrene kyn hwa atewedo (sic) eow þæt ge fleon fram þam towearde eorre. 8Doð eornestlice deadbote wæstmes ⁊ne onginnen ge cweðen. we hæbbed us to fader abraham. Ich segge eow þæt god is swa mihtig þæt he maig of þisen stanen abrahames bearn aweccan. 9Nu ys syo æx asett. to þas treowas wirtrumen. Witodlice ælch treow þe ne brincd godne wæstme beoð forcorfan ⁊on fyr aworpen. 10Ða axoden hine þa manige ⁊cwæðen; hwæt do we. 11Þa cwæð he to heom. se þe hafð twege tunekan. sylle þam þe næfð ⁊þam gelice do se þe metes hæfð 12Ða comen þa manfulle þæt hy aþwegene wæren ⁊cwæðen to hym lareow hwæt do we. 13Þa cwæð he ne do ge naht mare þanne þæt eow gesett ys. 14Ða axoseden (sic) hine þa cempan ⁊cwæðen ⁊hwæt do we. Þa sæde he heom. ne sla ge nanne man. Ne tale ne doð ⁊beoð eðhealde on eowren andlyfenum. 15Soðlice þam folce wenenden ⁊eallen on heore heorten þencenden be Iohanne hwæder he crist wære. 16Ða andswerede Iohannes heom eallen seggenden. Witodlice ic eow an watere fullige. Soðlice kymð strengre þanne ich; þas ich nem wurðe þæt ich hys scoþwang uncnytte. Heo eow fulled on halgen gaste ⁊on fyre. 17⁊his fann is on his handa ⁊he fermed hys bernes flore ⁊gadered hys hwæte into hys berne. þæt chæf he forbernð on unacwenctelice fyre. 18Manega oðre þing bodiende. He þæt folc lærde. 19Herodes se feorðan dæles rica þa he wæs fram him geþread. be þare herodiscan his broder wife ⁊be eallen yfelen þe herodes dyde. 20⁊ofer eall þæt geicte þæt he beclysde Iohanne on cwarterne. 21Soðlice wæs geworðan þa eall þæt folc wæs gefullod ⁊þam hælende gefulloden ⁊gebiddenden. heofene wæs geopened 22⁊se halga gast astah lichamlicere ansyna on hine swa an culfre ⁊stefne wæs of heofene geworðan ⁊þus cwæð. Ðu ert min gecorena sune on þe me gelikeð. 23⁊se hælend wæs on ylde swilce þrittige wintre. þæt men wenden þæt he wære Iosepes sune. Se wæs heliges sune. 24-38se wæs nazareth. swa of cneornysse on cneornysse oððe adam. Se wæs godes sunu oð fif ⁊hundseofentig cneornisse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Four Gospels in AngloSaxon (Old English) were translated from Latin by Abbot Ælfric of Eynsham, probably some time within the period 990 – 1010.