مَتَّى 11

يَسُوع و يُوحَنَّا المَعمَدان

1و لَمّا يَسُوع خِلِص تَعليمو لِتَلاميذو الإتناشَر، مَرَق مِن هِناك عَشان يَعَلِّم و يَبَشِّر في بِلادُم.

2و يُوحَنَّا كان في السِّجِن. و لَمّا سِمِع بِأعمال المَسيح رَسَّل ليهو تَلاميذو 3يَقولو ليهو: ”إنتَ هو الجّاي، ولّا نَنتَظِر واحِد تاني؟“ 4و رَدَّ يَسُوع و قال ليهُم: ”أمشو و خَبِّرو يُوحَنَّا بِالحاجات البِتَسمَعوها و بِتشوفوها: 5العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس #11‏:5 أطرَش، طُرُش: زول ما يَقدَر يَسمَع حاجَه. طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس. 6و مُبارَك الما يَقَع عَشانّي.“

7و وَكِت ما كانو ماشين، يَسُوع بِقى يَكَلِّم النّاس الكَتير عَن يُوحَنَّا: ”مَرَقتو في الخَلا تَشوفو شِنو؟ قَش بِتهَزّو الهَبوب؟ 8لَكِن مَرَقتو تَشوفو شِنو؟ زول لابِس هِدوم سَمِح؟ شوفو! اللابسين هِدوم سَمِح، هُم في بُيوت المُلوك. 9و لَكِن لِشِنو مَرَقتو؟ عَشان تَشوفو نَبي؟ أيوَه، أقول ليكُم، و أحسَن مِن نَبي. 10دا هو المَكتوب عَنّو:

شوف! أنا بَرَسِّل مُرسالي قِدَّامَك،

البِحَضِّر ليك طَريقَك قِدَّامَك.

11الحَق أقول ليكُم، ما في بين المَولودين مِن النِّسوان زول أكبَر مِن يُوحَنَّا المَعمَدان. و لَكِن الأصغَر في مَلَكوت السَّما أكبَر مِنّو. 12و مِن أيام يُوحَنَّا المَعمَدان لِغايَة هَسَّع، مَلَكوت السَّما بِتقَدَّم بِقُوَّه. و النّاس الشُّداد يَمسِكوهو بِقُوَّه. 13عَشان كُل الأنبياء و كُتُب القانون #11‏:13 إتنَبّأ، يِتنَبّا: يَقول الحاجَه البِتَحصَل قُبّال ما تَحصَل.إتنَبّو لِغايَة يُوحَنَّا. 14و إذا عاوزين تَقبَلوهو، دا هو إِيلِيَّا الماشي يَجي. 15العِندو إضنين، خَليهو يَسمَع.

16و لَكِن ناس الزَّمَن دا، هُم زي شِنو؟ هُم زي أولاد قاعِدين في السّوق، و بِنادو الأولاد التّانيين، و بِقولو:

17ضَرَبنا ليكُم و ما رَقَصتو.

و بَكينا ليكُم و ما بَكيتو.

18عَشان يُوحَنَّا جا ما ياكُل و لا يَشرَب، و هُم بِقولو: عِندو شيطان. 19و إبن الإنسان جا ياكُل و يَشرَب، و هُم بِقولو: دا راجِل طَمّاع و مَرّاسي، و بِحِب البِلِمّو الضَّريبَه و الخاطيين. و العِندو فَهم، أعمالو بِوَرّيهو.“

20بَعدين بِقى يَوَبِّخ المُدُن الهو عَمَل فيهُم أكتَر قُوّاتو، عَشانُم ما تابو. 21”حُزن ليكي، يا كُورَزِين، حُزن ليكي، يا بيت صَيدا. عَشان إذا كان القُوّات العَمَلوها فيكُم، عَمَلوها في صُور و صَيدا، كانو تابو مِن زَمان و لَبَسو الشَّوال، و خَتّو الرَّماد فوق راسُم. 22و لَكِن أقول ليكُم، في يوم الحُكم، حالَة صُور و صَيدا بِتكون أحسَن مِن الحالَه البِتكون ليكُم. 23و إنتي، يا كَفْرَنَاحُوم، بِرفَعوكي لِلسَّما؟ بِنَزِّلوكي تِحِت #11‏:23 هاويَه: المَحَل القِبِل أرواح المَيِّتين.لِلهاويَه. عَشان إذا كان الأعمال القَوّيَّه الكانو عَمَلوها فيكي، عَمَلوها في سَدوم، سَدوم كانَت قَعَدت لِغايَة اليوم دا.

24و لَكِن أقول ليكُم، في يوم الحُكم حالَة أرض سَدوم بِتكون أحسَن مِن الحالَه البِتكون ليكي.“

راحَه لِلتَّعبانين

25في الوَكِت داك يَسُوع قال: ”أشكُرَك، يا أبو، رَب السَّما و الأرض، عَشانَ إنتَ دَسيت الحاجات دي مِن الفاهمين و المِتعَلِّمين، و وَرّيتا لِلاطفال. 26أيوَه، يا أبو، عَشان دا طَيب قِدَّامَك. 27كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو. 28تَعالو لَي، يا كُل التَّعبانين و البِشيلو حاجات تَقيلَه، و أنا بَدّيكُم راحَه. 29شيلو #11‏:29 نير: الخَشَب اليَمسِك تيران عَشان يَشتَغِلو سَوا.نيرِي عَليكُم، و إتعَلَّمو مِنّي، عَشان انا لَيِّن، و قَلبي مِتواضَع، و بِتَلقو راحَه لِنُفوسكُم. 30عَشان نيرِي ما صَعب، و حِملي خَفيف.“

Currently Selected:

مَتَّى 11: APD2024

Highlight

Copy