YA-SFADOCI JRNE 19

1Hina waciganvhi utvhpanrli Jesiseli, chena u lihfewvn-whrli. 2Macimi nihki svmrkvnvki grwihi uci vpganrnrwv ugimr-wi patvghowa, chena welagi inv u tah bonvmvwrwrli ini, macimi sahgipvgi-msqrgi betanikv u talvsagwhrwrli; 3chena nihki u bialutvwrwrli nili, macimi, Hai, Ugimrmwrli nihki Josvki ! iwvki; macimi nihki u pgitawhrwrli u laciwv. 4Chena Brlvde luhfa nuhgi, macimi, Wrpvmahku, gi biaci luhfvdolapwv inv, wvhsi gel-vwv manvwvhi wrkutvmaqa yasi bur nelv mkvmv weyrgi mvcilv-wewa, u talvhi nihi. 5Jesise waciganvhi biaci luhfa ini ugimrwi patvghowa ut vwotv grwihi macimi ini sahgipvgi-msqrgi betani-kv. Chena Brlvde, Wrpvmahku, inv ilani ! u talvhi. 6Hina waci-ganvhi nihki ugimrwi mkvtaukulvyaki chena nihki wiah-simaku-fewanvki iah nawrwrci nili, wivkvhotvmoki, Hrsitafhuhku, hrsi-tafhuhku ! iwvki. Pasiqi gelvwv mvmahku inv, macimi rsitaf-huhku : xvga mvtv ni mkv nelv weyrgi mvcilvwewa, u talvhi Brlvde. 7Ud rpvftvwrwrli nihki Josvki, Ni bonrpa kutaladewa, macimi ini kutaladewa qelvhi wi huci napwv inv, xvga inv nili u Qihfvli Mvnatu u ta sdo weiv. 8Hina Brlvde iah notvgi yomv iyowa, vlvlikv ini si wesrlapwv; 9macimi nuhgi in Pladolivme si becfa, chena inv, Drniwa uci gelv? u talrli Jesiseli. Pvyaqv Jesise mvtv u melrli rpvfsawa. 10Waciganvhi Brlvde, Hv mvtv gi kvlosi gelv? hv mvtv gi wrkutv yasi bonvmv wrsikvgi wvhsi palhulv gelv, macimi bonvmv wrsikvgi wvhsi rsitafhulv? u talrli. 11Ud rpvftv-wrli Jesise, Mvtv gi pipahci bonvmvwi wrsikvgi, waciwaphi spamagi uci melofuivna ini : waciganv’ hinv gelv yasi pvgfanitv u bonv vlikv msrwi mvjesilvwewa. 12Yona uwa yomv Brlvde u nvtunahv wvhsi palwhrci nili : pvyaqv nihki Josvki wivkvhotv-moki, Qahqi gelv palwhvta yrmv ilani, mvtv Sesv wihgrnvli gelv : jrgi wiyafv pasiqi welv ugimv ya-sdotv weiv, u pipahci kvlolrli Sesvli, iwvki. 13Waciganvhi Brlvde iah notvki yolumv kvlvwe-wanv, u biaci luhfvhrli Jesiseli, macimi lamvtvpiwv ini tapuwawi vhpvbewa-nagi Ini Tapvkufanagi sidota tvsi, wakv lr Heblo, Gapvifv. 14Huwa ini pamfrsiwawa uci Nvnvhewa vhdawi : nvwitu ini nakutwvhfana yrtafvgi. Macimi, Wrpvmahku, k’ Ugimrmwv ! u talvhi nihi Josvhi. 15Nihki waciganvhi, Vlikv si walahku, vlikv si walahku, rsitafhuhku ! lvhotvmoki. Hv na hrsitafwhv k’ Ugimrmwv? u talvhi Brlvde. Nihki ugimrwi mkv-taukulvyaki rpvfsaki, Mvtv ni bonrpa ugimv Sesv pvyaqv. 16Hina uwa waciganvhi u tah pvgfanvmvwvhi nili wvhsi rsitafhofu-lici.

17Nihki waciganv’ hu mvmrwrli Jesiseli : chena inv luhfa, pasiqi ud rmwadr-weiv ini yrsitahfagi, brlu’ Hini uhkvnrtapigi sidota, Kvlgofa ya-sidodagi lr Heblo : 18tvhi nihki rsitafwhrwrci nili, chena weci nili kutvkhi neswi, hayetv wvyatvhqa nakuti, macimi Jesise ini alaghi. 19Chena Brlvde vwiga ini sinadewa nah-frpi, macimi ini yrsitahfagegi u tah bonv ini. Chena ntvlvwigrta, JESISE NRSALAFE UCI, NILI UGIMRMWRLI NIHKI JOSV-KL 20Yomv sinadewa waciganv’ hu lrbrtudrnrwv maci nihki Josvki uci, xvga ini tvsi mrlrqv’ hini udawa tv hrsitafhofuci Jesise : chena ini Heblo-wvwigrta, chena Latina, chena Qegi. 21Nihki Josvki uci nihki ugimrw mkvtaukulvyaki waciganvhi, Tagi vwigalu, Nili ugimrmwrli nihki Josvki; wakv yasi inv, Nelv Ugimrmwrli nihki Josvki, iuci, u talrwrli Brlvdeli. 22Hrpvfsa Brlvde, Mviahci Ivwigaiv, ni mahtvwiga.

23Nihki svmrkvnvki waciganvhi, iah mahci rsitafwhrwrci Jesiseli, u mvmanrwv inv u betanikvnv macimi u nyawalanv Iv-tanrnrwv, jrgi nakuti svmrkvnv mrlaghi; macimi ini goti nah-frpi : huwa ini goti mvtv vhdawi tvh tvqiqrdagi, vpgani-mutv sdota spamagi uci srpwi mafhega. 24Nihki waciganvhi, Tagi ini lalginrdrku, wakv ini gisginikvni-tvlwrtidrku, wv hu welrmitv ini, ideki : wvhsi manvwv’ hini tapilo awigrdagi uqrufagi, ya-yoyrgi, Nihki u pvhfanrnrwv ni betanikvnv alagenv nihki, Macimi ni ta Ivsawa gisginikvni-tvlwrdeki nihki.

25Nihki svmrkvnvki waciganvhi svpkvhi yolumv wiahi silvweki. Wakv ntvsi bami nepvwiwrci mrlrqv’ hini ud rsitahfagemi Jesise u gali, chena u gali u janinrwilici, Male nili wewvli Glopvse, ehena Male Magitalenv. 26Waciganv’ hina Jesise iah nawrci u gali, macimi nili kvgahgimrfvli bami grpvwilici ya-vhqalamrci, Iqawv, wrpvmi, gi qihfv ! u talrli u gali. 27Huwa nili kvgahgimrfvli, Wrpvmi, gi giv ! u talrli. Macimi ina yrtafvgi uci inv kvgahgimrfv nahvlwrkv ya-drci u ta siwalrli nili.

28Hvhkuwihi yomv Jesise, wrkutvmwv yasi jrivhki wiahi uwa macdodaki, wvhsi manvwv’ hini tapilo awigrdagi mahci ludodagi, Ni kvhkvlrmu iwv. 29Nitvsi lamvtvpiwv bonvhfo-wvkuqv uqikvmi psgibrpu : waciganvhi nihki sgibwrwigi u tah bonrwrli gicikvmiwi-vtuwvli uqikvmi ini psgibrpu, macimi u doni-wilici u tah biatvthvmvwrwrli nili. 30Hina Jesise waciganvhi iah mahci utafici ini psgibrpu, Hini macfadota, iwv inv : chena wrgi-ci-qaskv, macimi inv u pvgfanrli u cvjrlvhqvli.

31Nihki Josvki waciganvhi, xvga vhdawi ini Nvnvhewa, wvhsi bur nihi weyrnvhi vpilici ini rsitahfagegi ini tv hvlwrkvh-siwigi (xvga ini grsagigi ina vlwrkvhsiwawa sbalamaqvtwi grsa-gigi), u kucimrwrli Brlvdeli wvhsi manvwvhi pusqigrdhofulici, macimi wvhsi manvwv’ hrmwalaci. 32Nihki svmrkvnvki waciga-nvhi biaki, macimi u pusqigrdwhrwrli nili wasgi, chena nili kutv-kvli wa-weci rsitafhofo-makuci inv : 33pvyaqv ina nihki Jesiseli si biaki, macimi u namanrwv yasi inv naiahkv napagi, mvtv nihki u pusqigrdwhrwrli nili : 34wakv nakuti nihki svmrkvnvki u jepv-dwhrli cifhikv u sahgiwilici, macimi walanv ntvsi biaci luhfah-tvnwi msqi chena napi. 35Chena inv mviahci namakv naiahkv u pvh-nema dabwawa, chena dabwawanwi u dabwawa : chena inv u wrkutv dabwawanwi ya-iuci, wvhsi manvwvhi gelvwv nahfrpi dapwahsayaqa. 36Xvga yolumv wiahi biamikvtu, wvhsi ini tapilo awigrdagi manvwvhi uqrufadodagi, Ukvnami inv mvtv wah pusg-hota. 37Chena nuhgi kutvgi tapilo awigrdagi, Nihki wah wrpv-mrwrli nili ja-jepvdwhrwrci nihki, iyoiv.

38Chena vhkuwihi yolumv wiahi Jose Rlimafia uci, nvkvia u kvgahgimrfvli Jesise, pvyaqv gemi xvga nihki Josvki si kufadewa, u kucimrli Brlvdeli wvhsi manvwv’ hrmwalrci nili u weyrnvli Jesise : macimi Brlvde u melrli nili welrni-siwawa. Waciganv’ hinv biawv, macimi ud rmwalrli inv u weyrnvli. 39Chena ntvsi biawv nahfrpi Nakvdemvse, inv ina wasgi ba-bialutvwrtv nili tapahgi, u biatu wawrwiyrkvcfagi mr chena vlose, nvwitu tabawa pvuni. 40U mvmrwrli nili u weyrnvli Jesise, brsi ini udr silvwe-wa-nwv nihki Josvki wvhsi lakuniwawrci. 41Huwa ini tv hinv rsitafhofuci tvsi vhdawi mamagincikv; macimi ini mamagincikv-nagi mvivgi nabowrlvqi tvh bur Irqv gawvgi ilani saximofuci. 42Ntvsi ina uwa xvga ini u Nvnvhewanwv nihki Josvki (dawv’ hini nabowrlvqi mrlrqvhi vhdawi) nihki u saximrwrli Jesiseli.

Currently Selected:

YA-SFADOCI JRNE 19: SJW

Highlight

Copy