YA-SFADOCI MRKV 6
6
1Chena ini uci luhfa; macimi nahvlwrkv ut vsisgegi si bia-wv; chena u kvgahgimrfhi u nakvla-kuhi. 2Chena iah bia-yrgi ini vlwrkvhsi-grsagigi vlami kvgahgi-miwa betiga ini msi-kvmiqi : chena maci u notvwr-wrli cihfa-feki, Drniwa uci bonv-nrnv yrmv ilani yolumv wiahi? chena, Nahiwa si ini laburwa ma-melo-fuci yrmv ilani? macimi nahiwa iyoiv vlvini yaki mvgeci pakvtafewanv u laci-wvli uci pakvta-nrnv? 3Hv mvtv inv yrmv utqi-pakvtafewi-lani, nili u qihfvli Male, chena u janinrli Jamse, chena Josise, chena Svimvne? macimi hv mvtv ut iqamhi weci utvsi gelvwa? iwvki. Macimi u gisfaku-wrli nihki. 4Chena Jesise, Mrmosigesqatv mvtv bur vdali utvga-lamakufewa, waci-waphi nahvlwrkv ut vsisgegi, chena alagenv nahvlwa-lamrci macimi nahvlwrkv ya-drci wegiwr-pagi, u talvhi nihi. 5Chena rlwi ’n’tvsi lvwi mvgeci pakvtafewa, waciwaphi wvhsi u laci-wvli usgici si bonvmv-wrci Irkufwi ya-qilu-galici lanvwahi, macimi u gega-hvhi nihi. 6Chena u qvqahdrna-latvmv-wvhi u bur dapwahsawa-nilici.
Chena gryrukv nili udawa-nafv brmfa pami kvgahgimiwa.
7Chena utvhpi-mvhi nihi matvhfwi-gita-neswi, chena ut v-lami wrwenaskv-wvhi nihi mrsv neswi; macimi u melvhi wvhsi maku-fihtvwr-wrci nihi wivgilah-fihi; 8macimi u mvyrwi-mvhi wvhsi bur wiahi rmwa-dolici yalr-melici, waciwa’ rpvdhowa pahi; mvtv tvkuwhv, mvtv bedrkv, mvtv muni u muni-bedrkv-nwrgi; 9wakv wvhsi nhrlici pfakhuhi mafiqvh-fowanv : chena tagi neswi gode-wvli kih betani-gapwv isiwa. 10Chena, Goqa-lrqv-grci tvsi becfr-yaqa wegiwv, ’n’tvsi vpiku brlu’ hini uci wapfaku u talvhi. 11Chena goqa-grci-tvsi mvtv ga hutvhpana-gopwv, macimi mvtv nihki ga hvhkvwah-drku-wrki, yasi ini uci wapfa-yaqa, pvpvwv-tanv-muku ini paqi ya-dagi sebrci ki fidwrgi wvhsi u dabwawani-wrci nihki. 12Chena nihki luhfaki macimi nvnvhimi-waki wvhsi ilaneki mvtveni si tahawani-wrci. 13Chena u luhfa-pvgilr-wvhi maci wvninah-fihi, chena maci u lumgonr-wvhi pami ya-qilu-galici, macimi u gegahr-wvhi.
14Chena ugimv Halade nodrga ini; xvga u wefowa naiahkv wr-kudota : chena Jrne inv Fvfvhqi-ulalhiwanv uwa unskv nili na-palici uci, macimi waciganhi yolumv wrsikvki pakvtafe-yrli weyrgi, iwvpi. 15Pvyaqv kutvkvki Elvicv inv iwvki. Chena nrlatv, Mrmo-sigesqatv inv, nayola nr-nakuti nihki mrmosiges-qacki, iwvki. 16Pvyaqv Halade iah nodrgaci ini, Jrne, inv ga-gisgiqat-whvkv uwa unskv inv iwv. 17Xvga Halade mahci welv wrwenga chena u masa-nrli Jrneli, macimi u gjepi-lrli giphudewa-nagi nili Halotivseli uci, w T ewvli Filvbe welv u janinrli; xvga u mahci wewi-nrli nili. 18Xvga Jrne, Mvtv mvyrwvtwi kutaladewa-nagi wvhsi bonvci gi janinv wewvli, u talrli Haladeli. 19Macimi Halotivse u mvdala-mrli nili chena mrtvwi taha wvhsi nfrci; macimi rlwi kvtvwelafi; 20xvga Halade u kufrli Jrneli, wrkutv-mwv yasi nili mvyrwelafi-lici chena ufapi ilaneli, macimi u gcitvwv-hrli. Macimi iah notv-wrci ulrmi wvnfuna-wafi; chena u manwi notv-wrli. 21Chena iah tvwrwi gesagigi Halade u usgi-negewi grsagigi u mactv-wvhi svpv u dabalaciga-mhi, chena nihi mospi-makufewi kvpdenhi, chena nihi ugimrwi ’lanihi Galalegi uci; 22chena ina nili u drnahfvli Halotivse weci biaci becfali macimi manyaloli, u manwi-lapwvskv-wrli Heladeli inv chena nihi wa-wetvbe-makuci; macimi inv ugimv, Nvtutvmv-wiiu goqa-nahi-grci yasi taha-ivni, macimi ini gah melala u talrli nili iqafvli. 23Macimi u jegingamo-mrli, Goqanahi-grci gah nvtutv-mvwi, gah melala ini, brlu’ hini pvhfi n’ ugimrwewa. 24Chena inv luhfa macimi, Nahiwa nah nvtutv? u talrli u gali. Ca hini wesi Jrne inv Fvfvhqi-ulalhi-wanv, hiwv inv. 25Macimi walanv inv biaci becfa wawatapi nili ugimrli hawv, chena nvtuhsa, Wvhsi meli-ivni qaiahqi usgici msi saswilrkv-nagi ini wesi Jrne inv Fvfvhqi-ulalhi-wanv ni tasi taha, isiwa. 26Chena inv ugimv vnhiwawi mvci-lapwv; pvyaqv xvga nili u jeginga-mowanv, chena nihi la-mvtvpilici tvh wihfanigi uci malvwrci bur nkumrli. 27Chena walanv inv ugimv u wrwenaskv-wrli svmrkvnvli gaheitvwv-hakuci uci, macimi tapigamu wvhsi biado-dagi u wesi : chena inv nhawv macimi u gisgiqat-whrli nili ini giphudewa-nagi, 28chena u biatu u wesi-wilici usgici msi saswilrkv, macimi ini u melrli nili iqafvli; chena inv iqafv ini u melrli u gali. 29Chena inv u kvgahgimrfhi iah nodrga-wrci nihki biaki macimi u mvmr-wrli u weyr-nvli, chena ufapsimr-wrli nili nabowr-lvkugi.
30Chena nihki apvstvleki u mrwvsgrmr-wrli Jesiseli; macimi u wetvmvwr-wrli jrivhki wiahi, goqa-nahi-grci mviahci si Ivwe-wrci nihki, macimi goqa-nahi-grci mviahci kvgahgimiwa-wrci. 31Macimi, Gelvwv nrnsihkv birku lr pvpsqvhgi tvsi, chena vlwrkvh-siku mrlrqvsi, u talvhi nihi. Xvga maci mtvsi bami bir-wrci macimi bami wapfa-wrci, chena nihki mvtv u bonr-nrwv tvwrwe-nvmewa muhci wvhsi wihfani-wrci. 32Chena nihki wapfaki ini ulvga-lagi nrnsihkv lr pvpsqvhgi tvsi haki. 33Chena nihki lanvwaki u nawr-wvhi wapfahi, chena maci u wrkumr-wvhi, macimi nihki mrwv-twi inisi gcipdoki jrivhki nili udawanv uci, macimi u nvwvfwr-wvhi nihi. 34Chena biaci wapfa welv, macimi u nawvhi maci mahsa-lalici, chena u gitaminrqa-lamvhi, xvga nihki brsi magefvki buryr bonrcki gahcitvwv-haku-wrci ilafeki : macimi ut vlami kvgah-gimvhi maci Vciahi. 35Chena ini grsagigi uwa ia hulrqe-figi, u kvgahgimrfhi utfa-kuhi, chena, Cah pvpsqvhgi utvsi, chena uwa ini grsagigi ulrqefi; 36vlikv laskvwi nihki, wvhsi manvwvhi ini belasgi hr-wrci chena udawa-nafv gryrukv, macimi tapanvmu-wrci pasiqi welvwv takvwihi wvh meci-wrci, iwvki nihki. 37Pvyaqv rpvfsa macimi, Melahku gelvwv wvh meci-wrci u talvhi. Macimi, Hv ni na hrpa macimi nah tapanrpa nesana-tabawa salani ya-lalama-kugi tvkuwhv, chena hv nah melrpa nihki wvhsi meci-wrci? u takuhi. 38Gahfwi ki bonr-nrwv gelvwv wapsqada-wvli? nhrkuna chena wrpvtv-muku, u talvhi. Chena iah wrkutvmu-wrci nihki, Nyrlvnwi, chena neswi nvmah-fvki isiwaki. 39Chena u tapi-mvhi nihi jrivhki wih lamvtvpilici mrsv jatfwi svhgigi lr sgipvxkvhgi. 40Macimi nihki lamvtv-beki yade-tfwalanv-wvgifi-wrci, mrsv tabawa, chena mrsv nyrlvnwrpitvgi. 41Chena u tah mvmanv nili nyrlvnwi wapsqa-da-wvli chena nihi neswi nvmafhi, chena pami spamagi manqvtugi lrpi, gisrci-lvwi, chena u puskunrnv nili wapsqada-wvli; chena u melvhi nihi kvgahgimrfhi wvhsi ya-lvhfv-melici nihi si bonv-malici; macimi nihi neswi nvmafhi u pvhfanvmv-wvhi alagenv nihi jrivhki. 42Chena jrivhki nihki wihfaneki macimi dabho-loki. 43Chena u maginr-nrwv nihki baxkvhki mryr-laghi, matvhfwi-gita-neswi sosonv uqihfanu, macimi nahfrpi nihi nvmafhi uci. 44Chena nihki ma-mecicki nili wapsqada-wvli nyrlvna-matvhfana-tabawa ilaneki.
45Chena walanv u mvmelo-wihkv-wvhi u kvgahgimrfhi wvhsi ini ulvga-lagi lkv-malici, macimi wvhsi Pafsaita si negr-nelici ini vsuwa wvyatvhqa, ia-haiahi welv rmaskv-wrci nihi mahsa-lalici. 46Chena iah mahci nvkvla-kuci, wapfa ini maqvh-gigi hawv mvwi mvmrtuma. 47Chena ia hulrqe-figi, ini ulvgasi uwa Irutaqa ini msi-napigi biathvnwi, chena welv pahi ini pvqvtvhgi. 48Macimi u pami nawvhi qelvhsi-tahahi yasi jomalici, xvga ini mahsi-gikvgi u nvxgr-nrwv nihki, nvwitu nyawana tv gcitvwvhdo-dagi ini tapahgi Irqv utfvhi, pami pamfa usgici ini msi-napigi; macimi wih pamfr-lvhi : 49pvyaqv nihki, iah nawr-wrci pami pamfali usgici ini msi-napigi, jepv inv si tahaki, macimi wivkvhotv-moki; 50xvga jrivhki nihki u nawr-wrli, macimi patfvgi-tahaki. Pvyaqv walanv u kvlolade-mvhi, macimi Uwasi-labwrfeku : nelv inv; tagi ku-panaku, u talvhi. 51Chena spamagi hawv nihi betiga ini ulvgasi; macimi ini mahsigikvgi nvgaskv : chena nihki ulrmi qvqahdrni-ta-haki; 52xvga mvtv nili si nanuh-saki wapsqada-wvli, wakv u ta-hiwv sepfanwili.
53Chena iah mahci grmagi hrwrci ini si biaki Ginasuladewi vsisgegi, macimi ini sqrbiagi utvhpici-gaki. 54Chena ini ulvga-si ia huci biaci luhfr-wrci, walanv nihki lanvwaki u wrkumr-wrli nili, 55macimi mafhega ini gryruqi drmqa si qvqeki, chena ut v-lami brmwalr-wvhi u tfvna-mwrgi iuhumv ya-qilu-galici, yasi no-drga-wrci tv hvpilici nili. 56Macimi goqa-grci-tvsi si becfa, udawa-nafv, walr udawanv, walr belasgi, nihki u saximr-wvhi nihi ya-qilu-galici ini yrtvh we-wetgeki, macimi u nvnvhbrci-mrwrli, wvhsi manvwvhga pahsanv-mrkuci qahqiga ini tv nipaniqr-dagi u betanikv : chena ya-tfwi pahsanv-mrkuci mafafiho-foki nihki.
Currently Selected:
YA-SFADOCI MRKV 6: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
