Markos 2
2
Pinagpiyya ni Jesus u Essa a Paralitiko
(Mateo 9:1-8; Lukas 5:17-26)
1Nadid, kállipas nu sangan a aldew ay nagsole ti Jesus ti Capernaum. Sakay kimmalat u baheta a hod siya tu bilay a páppágyanan de. 2Kanya naipun hod u makpal a tolay, ngahi-ngahe a awan ti mapuwestuwan maski tu luwas nu pintuwan. 3Mentaras a magtoldu ti Jesus, ay te dimmemát a áppat a lállake,#2:3-12 Basaán tu Mateo 9:2-8; Lukas 5:18-26. te usung hide a paralitiko. 4Dipo tu kakpal nu tolay ay awan di meadene u paralitiko ni Jesus, kanya inyonek de u te saket tu atáp nu bilay sakay linákwab de u atáp tu tapat ni Jesus, sakay intonton de u paralitiko a ketidug tu ayod a kekkatdugen na. 5Nikuna ketan ni Jesus ni sakodya a kadakál u pánniwala de ay kinagi na tu paralitiko, “Anak, pinatawad dán u kasalanan mo hide.”
6Nadid te sangan a eskriba#2:6 U eskriba ay tagapagtoldu tu kautusan ni Moises tu Templo nu Judio hide, sakay awan hide maniwala ni Jesus, a siya u anak nu Diyos. a mággetnod hod a nagisip ti konna he: 7“Bakin magupos siya ti konna hod? Lapastangan ina tu Diyos! Awan beman u Diyos la u makapagpatawad ti kasalanan?”
8Tukoy ni Jesus u katoy tu isip de kanya kinagi na a agad, “Bakin magisip kam ti konna hina? 9Ánya beman u mas alisto, u kagiyán ti paralitikuwáy, ‘Napatawad dán u kasalanan mo hide,’ oni kagiyán a, ‘Tumaknág ka sakay tawidán mo dán i kekkatdugen muwe sakay maglakad ka’ 10Pero patunayan ku nikam a tehhod a kapangyariyan u Anak nu Tolay a magpatawad ti kasalanan ti lutaáy,” kinagi na tu paralitiko, 11“Tumaknág ka, tawidán mo i kákkatdugan muwe sakay soli ka dán!”
12Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!
U Pángdulaw ni Jesus ni Levi
(Mateo 9:9-13; Lukas 5:27-32)
13Ummangay a huway ti Jesus tu bihebi nu Minalno tu prubinsiya a Galilea. Tinagubet siya hod nu tuna't kakpal a tolay sakay tinolduwan na hide. 14Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.
15Nikuna kuman ti Jesus sakay tu disepulus#2:15 U disepulus ay tagasunud tu kagiyán nu amo na oni tagapagbaheta tu upos nu Diyos tu agum a tolay. na hide tu bilay ni Levi, kaguman de a kuman u mágsingeh hide ti buwes sakay u agum pa hide a makasalanan, dipo makpal a konna he a tolay a nákkuyog ni Jesus. 16Nikuna ketan iye nu sangan a tagapagtoldu nu Kautusan a kaguman tu gurupo nu Pariseo hide ay tinanung de u disepulus na hide, “Bakin mákkaguman siya a mákkan tu mágsingeh hide ti buwes sakay tu makasalanan hide?”#2:16 Basaán tu Gimet 23:9.
17Nasaneg iye ni Jesus kanya siya u tummábbeg, “Awan kailangan nu tolay a awan ti saket u mággamot, nan u tessaket la. Ummangayák he támpara dulawán u makasalanan hide, bakán a u awan hide ti kasalanan.”
U Tanung tungkul tu Págkulasyon
(Mateo 9:14-17; Lukas 5:33-39)
18Nadid ay nagkulasyon u disepulus hide ni Juan a Tagabawtismo sakay u Pariseo#2:18 U Pariseo ay relihiyoso hide a gurupo ti Israel a kumontara ni Jesus awan hide maniwala a siya u anak nu Diyos sakay mágtoldu labe hide tu kautusan, hide. Tehhod a ummadene ni Jesus sakay nagtanung, “Bakin awan nagkulasyon i disepulus muwe hide, samantala u disepulus hide ni Juan a Tagabawtismo sakay u Pariseo hide ay nagkulasyon?”
19Timmábbeg ti Jesus, “Dapat beman a magkulasyon u tolay hide tu kasalan mentaras kaguman di palla u lállake a inkasal? Awan! Mentaras kaguman di padla siya ay awan di itod gimitán. 20Pero dumemát u aldew a meadeyo nide u lállake a inkasal, kaya hod padla hide a magkulasyon.”#2:20 Basaán tu Lukas 17:22.
21“Awan ti magáppol ti bigu a risato tu date a damit dipo ni nabatak u bigu a risato, mabatak u ináppolan sakay lalo a dumakál u pisad. 22Awan be ti magasák tu bigu a alak tu date dán a pággasákkan, dipo pisadán nu alak u date a pággasákkan sakay parehas a masayang u alak sakay u pággasákkan. Dapat u bigu a alak ay iyasák tu bigu be a pággasákkan!”
U Katanungan Tungkul tu Aldew nu Káimang
(Mateo 12:1-8; Lukas 6:1-5)
23Tu essa a Aldew nu Káimang, nagtaleb ti Jesus sakay u disepulus na hide tu bihebi nu ka triguwan. Mentaras maglakad hide ay nangalap u disepulus hide tu ohay nu trigu ta págkásselan de, 24Sakay kinagi nu Pariseo hide ni Jesus, “Ilingán mo i gággimitán ni disepulus muwe hide. Mahigpit itona a ipagbawal nu Kautusan tu Aldew nu Káimang!” 25-26Tinábbeg be hide ni Jesus, “Awan moy padla beman nabasa u ginimet ni David nikuna ti Abiatar u pinakapuno a saserdote? Nikuna a nagaláp ti David sakay u kaguman na hide dipo awan ti makan, summáddáp siya tu bilay nu Diyos sakay kimman tu tinapay a alay tu Diyos. Inatádden na pa u kaguman na hide. Ayun tu Kautusan, u saserdote la u tehhod a karapatan a kuman ti itod.”
27Kinagi be ni Jesus, “Netakda u Aldew nu Kaimang para tu kapiyyaan nu tolay; bakán a nilalang u tolay para tu Aldew nu Kaimang. 28Kaya u Anak nu Tolay ay te kapangyariyan a mángkagi ni ánya u tama a gimitán tu Aldew nu Káimang.”
Currently Selected:
Markos 2: MBJC
Highlight
Share
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Markos 2
2
Pinagpiyya ni Jesus u Essa a Paralitiko
(Mateo 9:1-8; Lukas 5:17-26)
1Nadid, kállipas nu sangan a aldew ay nagsole ti Jesus ti Capernaum. Sakay kimmalat u baheta a hod siya tu bilay a páppágyanan de. 2Kanya naipun hod u makpal a tolay, ngahi-ngahe a awan ti mapuwestuwan maski tu luwas nu pintuwan. 3Mentaras a magtoldu ti Jesus, ay te dimmemát a áppat a lállake,#2:3-12 Basaán tu Mateo 9:2-8; Lukas 5:18-26. te usung hide a paralitiko. 4Dipo tu kakpal nu tolay ay awan di meadene u paralitiko ni Jesus, kanya inyonek de u te saket tu atáp nu bilay sakay linákwab de u atáp tu tapat ni Jesus, sakay intonton de u paralitiko a ketidug tu ayod a kekkatdugen na. 5Nikuna ketan ni Jesus ni sakodya a kadakál u pánniwala de ay kinagi na tu paralitiko, “Anak, pinatawad dán u kasalanan mo hide.”
6Nadid te sangan a eskriba#2:6 U eskriba ay tagapagtoldu tu kautusan ni Moises tu Templo nu Judio hide, sakay awan hide maniwala ni Jesus, a siya u anak nu Diyos. a mággetnod hod a nagisip ti konna he: 7“Bakin magupos siya ti konna hod? Lapastangan ina tu Diyos! Awan beman u Diyos la u makapagpatawad ti kasalanan?”
8Tukoy ni Jesus u katoy tu isip de kanya kinagi na a agad, “Bakin magisip kam ti konna hina? 9Ánya beman u mas alisto, u kagiyán ti paralitikuwáy, ‘Napatawad dán u kasalanan mo hide,’ oni kagiyán a, ‘Tumaknág ka sakay tawidán mo dán i kekkatdugen muwe sakay maglakad ka’ 10Pero patunayan ku nikam a tehhod a kapangyariyan u Anak nu Tolay a magpatawad ti kasalanan ti lutaáy,” kinagi na tu paralitiko, 11“Tumaknág ka, tawidán mo i kákkatdugan muwe sakay soli ka dán!”
12Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!
U Pángdulaw ni Jesus ni Levi
(Mateo 9:9-13; Lukas 5:27-32)
13Ummangay a huway ti Jesus tu bihebi nu Minalno tu prubinsiya a Galilea. Tinagubet siya hod nu tuna't kakpal a tolay sakay tinolduwan na hide. 14Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.
15Nikuna kuman ti Jesus sakay tu disepulus#2:15 U disepulus ay tagasunud tu kagiyán nu amo na oni tagapagbaheta tu upos nu Diyos tu agum a tolay. na hide tu bilay ni Levi, kaguman de a kuman u mágsingeh hide ti buwes sakay u agum pa hide a makasalanan, dipo makpal a konna he a tolay a nákkuyog ni Jesus. 16Nikuna ketan iye nu sangan a tagapagtoldu nu Kautusan a kaguman tu gurupo nu Pariseo hide ay tinanung de u disepulus na hide, “Bakin mákkaguman siya a mákkan tu mágsingeh hide ti buwes sakay tu makasalanan hide?”#2:16 Basaán tu Gimet 23:9.
17Nasaneg iye ni Jesus kanya siya u tummábbeg, “Awan kailangan nu tolay a awan ti saket u mággamot, nan u tessaket la. Ummangayák he támpara dulawán u makasalanan hide, bakán a u awan hide ti kasalanan.”
U Tanung tungkul tu Págkulasyon
(Mateo 9:14-17; Lukas 5:33-39)
18Nadid ay nagkulasyon u disepulus hide ni Juan a Tagabawtismo sakay u Pariseo#2:18 U Pariseo ay relihiyoso hide a gurupo ti Israel a kumontara ni Jesus awan hide maniwala a siya u anak nu Diyos sakay mágtoldu labe hide tu kautusan, hide. Tehhod a ummadene ni Jesus sakay nagtanung, “Bakin awan nagkulasyon i disepulus muwe hide, samantala u disepulus hide ni Juan a Tagabawtismo sakay u Pariseo hide ay nagkulasyon?”
19Timmábbeg ti Jesus, “Dapat beman a magkulasyon u tolay hide tu kasalan mentaras kaguman di palla u lállake a inkasal? Awan! Mentaras kaguman di padla siya ay awan di itod gimitán. 20Pero dumemát u aldew a meadeyo nide u lállake a inkasal, kaya hod padla hide a magkulasyon.”#2:20 Basaán tu Lukas 17:22.
21“Awan ti magáppol ti bigu a risato tu date a damit dipo ni nabatak u bigu a risato, mabatak u ináppolan sakay lalo a dumakál u pisad. 22Awan be ti magasák tu bigu a alak tu date dán a pággasákkan, dipo pisadán nu alak u date a pággasákkan sakay parehas a masayang u alak sakay u pággasákkan. Dapat u bigu a alak ay iyasák tu bigu be a pággasákkan!”
U Katanungan Tungkul tu Aldew nu Káimang
(Mateo 12:1-8; Lukas 6:1-5)
23Tu essa a Aldew nu Káimang, nagtaleb ti Jesus sakay u disepulus na hide tu bihebi nu ka triguwan. Mentaras maglakad hide ay nangalap u disepulus hide tu ohay nu trigu ta págkásselan de, 24Sakay kinagi nu Pariseo hide ni Jesus, “Ilingán mo i gággimitán ni disepulus muwe hide. Mahigpit itona a ipagbawal nu Kautusan tu Aldew nu Káimang!” 25-26Tinábbeg be hide ni Jesus, “Awan moy padla beman nabasa u ginimet ni David nikuna ti Abiatar u pinakapuno a saserdote? Nikuna a nagaláp ti David sakay u kaguman na hide dipo awan ti makan, summáddáp siya tu bilay nu Diyos sakay kimman tu tinapay a alay tu Diyos. Inatádden na pa u kaguman na hide. Ayun tu Kautusan, u saserdote la u tehhod a karapatan a kuman ti itod.”
27Kinagi be ni Jesus, “Netakda u Aldew nu Kaimang para tu kapiyyaan nu tolay; bakán a nilalang u tolay para tu Aldew nu Kaimang. 28Kaya u Anak nu Tolay ay te kapangyariyan a mángkagi ni ánya u tama a gimitán tu Aldew nu Káimang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.