انجیل لوقا 10
10
عیسی هَفتاد گِلَه شاگِرد رَونَه آرَکَرد
1چَی بَه دوملَه، خِداوَندعیسی شاگِردونکا هَفتاد نَفَردییَراِینتخاب کَردشَ و اَیِنِش دِ نَفر دِ نَفَراِشتَنکا بَ نَ هر شهرو و جگایی کن اِشتَن اَپیش بَه بِشو عَندِشَه. 2اَیِنِش واتَه: «اَکین وِرَ، ولی کاریگر کمه. پس، اَکینی صاحیبیکا خاشتو خازینَه دَرخواست بکَرَ کن اِشتَن اَکینی دورنوستِه خونه کاریگر بَینِه. 3بشَه! اَز شمَه هِنتَه وَرَاون شیوار وَرگون دِله رَونَه بَکَم. 4پولَه کِنجَه یا بوخچَه بار یا پا غَب پِمَگِرَ، و را دلَکا کَسینَه سلام عَلیک مَکَرَ. 5هر کَه ایکا کن دِلَه دَشیرون، اوَلیکا بواجَه: ”صلح و سَلامتی اِم کَرا ببو.“ 6اَگَم اَ جِگاکا کَسی صلح و سلامتی آدَم ببو، شمَه سَلامی بَرَکت چَی سَریکا بَنِشتیَه؛ وگرنه، شِمَه سلامی بَرَکت شِمَرا آرَگَردست. 7هَه کَکا بِومونه و هر چیی بَشِمَه آداشون، بَرَ و بِنجهَ، اِمی خونِه کن کاریگری مِژد چَی حَقَّه. کَه ایکا دییَرَ کَرا مَشَه. 8هَرموقِه کن شهری دِله دَشیرون و شِمَه شون قِبول کَردَ، هر چیی شمهَ ناریکا آنا شون، بَرَ. 9اَجِگا آزارییون شفا بِدَر واَوون بِواجَه: ”خدا پادیشاهی شِمَکا نِزِک آبَیَه.“ 10ولی هَر موقه کن شهری دِلَه دَرمیرون و شمَه شون قِبول نِکَردَ، اَ شهری کوچَه اون دلهَ بِشَه و بِواجَه: 11”اَمه حتی شِمَه شَهری خاکی نی کن چَمَه لِنگون سَریکا نشتَه یَه، شِمَه زِرَبَرا را ویراشونَم. ولی بِزنَه کن خدا پادیشاهی نِزِک آبَیَه.“ 12بَشِمَه باتیمَه کن دیوون کَردِ روجیکا، مجازاتی تَحمل کَردِ شهر سُدومیرا راحَت تَرَ تا اَ شهریرا.
بِرامِه اَ شَهرون حالیرا کن توبَه نینَّکرد
13«برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه. 14ولی دیوون کَردِ روجیکا، مجازاتی تَحمل کَردِ صور و صیدونی آدَمونرا راحَت تَرَ تا شِمَرا. 15شِمَه اَی کَفَرناحومی آدَمِن، بَپیرونَه تا آستامون کَفا بِشَه؟ هرگز، بَسکَم تا جَندَمی تونیرا بن بَشیرون.
16«هر‌کم بَشِمَه گوش آدَرِ، بَمن گوش آدوعَشه؛ و هر کم شمه قِبول نِکَرِ، بَمن قِبول کَردَش نیهَ؛ و هر کم بَمن قِبول نِکَرِ، چمن رَونَه آکَری قِبول کَردَش نیَه.»
اَ هَفتاد نَفَری ویگَردِستِه
17اَ هفتاد نفر خَشینهَ آگردِستین و واتِشون: «چَمه سرور، اِشتِه نومی واتِه نَه حتی پَریانِن نی اَمَکا ایطاعت بَکَن.» 18عیسی اَینِش واتَه: «اَز شَیطونی اَوینیمَه کن گِرّی شیوار آستامونیکا ویگِنِستَه. 19اَزبَشمَه زاکین آدوعَمَه تا، نَلَتیون و عقربِن وغَنیمی زِبقی گِردی، لِنگون بنیکا بِنَرَ، و هیچ چیی بَشِمَه ضَرَرنییَژِن. 20امّااِمیکا خَش مَبَ کن روحِن شمه کا ایطاعت بَکَن، بَلکَم شمهَ خشی اِمیکا ببو کن شمهَ نومی آستامونیکا نوشتشونَه.»
عیسی دَدَ ایرادَ کا خَشی بَکَی
21هَه موقه، خِداموقدَسَه روح عیساش خَش آکَردَ و عیسی واتِشَ: «دَدَ، آستامون و زَمینی صاحیب، بَته شِکر بکَم کن اِم چییون اَلمندون و اَفَهمونکا نون آکَردَرَ و اَیِنیرا کن خِردَنون شیوارین دیار آکَردِر. ها، دَدَ اِمی خونه کن اِشتِه پور لُطفَه ایرادَ اِنتَرَ بَه. 22چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»
23چَی بَه دوملَه عیسی خلوتیکا شاگِردون طَرَف آگَردِستَه و واتِشَه: «خَشی اَ چَمِنی حالیرا کن اَچیی شَمه بَویندیرون، بِوینن. 24اِمی خونه کن بَه شمَه باتیمَه خَیلی پَیغَمبَرِن و پادیشاهونکا طَمارزو دارین اَ چیی کن شِمَه بَویندیرون، بِوینِن اَمّا نِویندِشون، و اَچی کن شمَه درَستِرون، دَرَسِن اَمّا دَنِرَستِشون.»
چاکَه سامِری مَثَل
25ایی روج ایلَه شَریعَتی قاضیونکا پِبهَ و عیسی وَرداورد کَردِ خونه دَپَرسِستَه: « اِستا، پی چبکَرم تا زَیرونَه زندَگی اِرث بِبَرم؟» 26عیسی چَی جَوابیکاواتشَه: «توراتیکا چه نوشتَه آبَه یَه؟ اَیکا چه بَفَهمستیش؟» 27اَ قاضی جواب داشه: «”خداوند اِشتِه خدا، گردِ اِشتِه دلینه و گِردِ اِشتِه جانینَه و گِردِ اِشتِه زبقینه و گِردِ اِشتِه فکرینه رَی بدا“؛ ”وَ اشتهِ خَمسوعَه اِشتِه جانی شیوار رَی بدا.“» 28عیسی واتشَه: «دِرستهَ جواب آدارَ. اِمی اَنجوم بدَ کن زندَگی بَداشتیشَه.» 29ولی اَ مِرد اِمی خونِه کن اِشتَن توجیح بکَرِ، عیسی کا دَپَرسِستَه: «چمن خَمسوعَه کیه؟» 30عیسی جواب داشَه: «ایلَه مِردی شَهرِ اورشلیمیکا شَهرِ اَریحا را اَشیهَ. را دلَکا پتارچیون بال دَگِنِسته. اَیِن اَشون لوت آکَردَ، لِسشون ژَ، و نیمَه‌جان آهَشتِشونَه و شینَه. 31ازقضا ایلَه کاهین کن مَعبَدی عالیمونکا بَه هَه راکا دَیوریَه. وَقتی چَی چَم اَ مِردی گِنِستَه، اِشتَن راه شَت آکَردشَه و جَدَ دییَرَ وَرینه شَه. 32هِنتَرَکِه ایلَه لاوی کن معبَدی پاسرییونکا بَه، اَجگا کا دَیوریَه. اَ نی وَقتی اَجگارا آرَستَه و اَ مِردی ویندشه، اِشتَن راه شَت آکَردِشَه و جَدَ دییَرَ وَرینَه شَه. 33ولی ایلَه مِسافیر کن سامِرَ آدَمونکا بَه اَجِگاییرا آرَستَه کن اَ مِردِ اَ جِگاکا بَه. وقتی اَ مِردِش ویندَ، چَی دل چَیرا سیجیستَه. 34پس چَی وَر شه و چَی جَندَکی زَمون، شَراوینَه شوشتِشَه و روعَن آساشَه و دَبَستِش. چَی بَه دوملَه اَ مِردی اِشتَن خَری سَردِرِ دَنشامنیشَه و کاریوانسراییرا بَردِش و اَیکا مراقیبَت کَردِشَه. 35سَو سَه، دِ دینار کاریوانسرا صاحیبی آداشَه و واتِش: ” اِم مِردیکا موراقیبَت بِکَه و اَگَم چَی خَرج ویشتَرآبَه، اَموقه کن ویگَردِستیمه بَتِه آمَدا.“ 36ایسَه اِشتِه نَظَر کرَم گله اِم سه نَفَریکا، اَ مِردی کن پِتارچیون بال دَگِنِستَه بَه، خَمسوعَه بَه؟» 37اَ قاضی جواب داشه: «اَ کن بَی رَحم کَردِشَه.» عیسی بَی واتشَه: «بش و ته نی اِنتَرَ اَکَن.»
مریم و مارتا کَکا
38وقتی کن راکا بینَه، عیسی آوادیی دِله دَرمَه. اَجگا کا ژنی کن چَی نوم مارتا بهَ عیساش اِشتَن کَرا صَلا ژِشهَ. 39مارتا خالایی داری کن چَی نوم مریم بهَ. مریم خداوند عیسی لنگون وَر نشت بَه و چَی آموجی گوش اَدَریَه. 40ولی مارتا کن پَزیرایی کَردِرا چَتین کار دَرِ بَه، عیسی وَر آمَه و واتشَه: «سرور چمن، تِرا مُهم نیَه کن چمن خالا بَمن پذیرایی کَردِرا تاکَه آهَشتَشه؟ بَی بواج کن با و بَمن آرَسِه!» 41ولی خِداوندعیسی جواب داشه: «مارتا! مارتا! خَیلی چیی اِن بَتِه تَفشیش و تَته وَسه کا دَرَفند، 42اَمّا تاکَه ایله چی لازیمَه؛ مریم اَ چیی کن چاکه اینتخاب کَردِشه، کن اَیکا ویگَتِه نیَبن.»
Currently Selected:
انجیل لوقا 10: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 10
10
عیسی هَفتاد گِلَه شاگِرد رَونَه آرَکَرد
1چَی بَه دوملَه، خِداوَندعیسی شاگِردونکا هَفتاد نَفَردییَراِینتخاب کَردشَ و اَیِنِش دِ نَفر دِ نَفَراِشتَنکا بَ نَ هر شهرو و جگایی کن اِشتَن اَپیش بَه بِشو عَندِشَه. 2اَیِنِش واتَه: «اَکین وِرَ، ولی کاریگر کمه. پس، اَکینی صاحیبیکا خاشتو خازینَه دَرخواست بکَرَ کن اِشتَن اَکینی دورنوستِه خونه کاریگر بَینِه. 3بشَه! اَز شمَه هِنتَه وَرَاون شیوار وَرگون دِله رَونَه بَکَم. 4پولَه کِنجَه یا بوخچَه بار یا پا غَب پِمَگِرَ، و را دلَکا کَسینَه سلام عَلیک مَکَرَ. 5هر کَه ایکا کن دِلَه دَشیرون، اوَلیکا بواجَه: ”صلح و سَلامتی اِم کَرا ببو.“ 6اَگَم اَ جِگاکا کَسی صلح و سلامتی آدَم ببو، شمَه سَلامی بَرَکت چَی سَریکا بَنِشتیَه؛ وگرنه، شِمَه سلامی بَرَکت شِمَرا آرَگَردست. 7هَه کَکا بِومونه و هر چیی بَشِمَه آداشون، بَرَ و بِنجهَ، اِمی خونِه کن کاریگری مِژد چَی حَقَّه. کَه ایکا دییَرَ کَرا مَشَه. 8هَرموقِه کن شهری دِله دَشیرون و شِمَه شون قِبول کَردَ، هر چیی شمهَ ناریکا آنا شون، بَرَ. 9اَجِگا آزارییون شفا بِدَر واَوون بِواجَه: ”خدا پادیشاهی شِمَکا نِزِک آبَیَه.“ 10ولی هَر موقه کن شهری دِلَه دَرمیرون و شمَه شون قِبول نِکَردَ، اَ شهری کوچَه اون دلهَ بِشَه و بِواجَه: 11”اَمه حتی شِمَه شَهری خاکی نی کن چَمَه لِنگون سَریکا نشتَه یَه، شِمَه زِرَبَرا را ویراشونَم. ولی بِزنَه کن خدا پادیشاهی نِزِک آبَیَه.“ 12بَشِمَه باتیمَه کن دیوون کَردِ روجیکا، مجازاتی تَحمل کَردِ شهر سُدومیرا راحَت تَرَ تا اَ شهریرا.
بِرامِه اَ شَهرون حالیرا کن توبَه نینَّکرد
13«برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه. 14ولی دیوون کَردِ روجیکا، مجازاتی تَحمل کَردِ صور و صیدونی آدَمونرا راحَت تَرَ تا شِمَرا. 15شِمَه اَی کَفَرناحومی آدَمِن، بَپیرونَه تا آستامون کَفا بِشَه؟ هرگز، بَسکَم تا جَندَمی تونیرا بن بَشیرون.
16«هر‌کم بَشِمَه گوش آدَرِ، بَمن گوش آدوعَشه؛ و هر کم شمه قِبول نِکَرِ، بَمن قِبول کَردَش نیهَ؛ و هر کم بَمن قِبول نِکَرِ، چمن رَونَه آکَری قِبول کَردَش نیَه.»
اَ هَفتاد نَفَری ویگَردِستِه
17اَ هفتاد نفر خَشینهَ آگردِستین و واتِشون: «چَمه سرور، اِشتِه نومی واتِه نَه حتی پَریانِن نی اَمَکا ایطاعت بَکَن.» 18عیسی اَینِش واتَه: «اَز شَیطونی اَوینیمَه کن گِرّی شیوار آستامونیکا ویگِنِستَه. 19اَزبَشمَه زاکین آدوعَمَه تا، نَلَتیون و عقربِن وغَنیمی زِبقی گِردی، لِنگون بنیکا بِنَرَ، و هیچ چیی بَشِمَه ضَرَرنییَژِن. 20امّااِمیکا خَش مَبَ کن روحِن شمه کا ایطاعت بَکَن، بَلکَم شمهَ خشی اِمیکا ببو کن شمهَ نومی آستامونیکا نوشتشونَه.»
عیسی دَدَ ایرادَ کا خَشی بَکَی
21هَه موقه، خِداموقدَسَه روح عیساش خَش آکَردَ و عیسی واتِشَ: «دَدَ، آستامون و زَمینی صاحیب، بَته شِکر بکَم کن اِم چییون اَلمندون و اَفَهمونکا نون آکَردَرَ و اَیِنیرا کن خِردَنون شیوارین دیار آکَردِر. ها، دَدَ اِمی خونه کن اِشتِه پور لُطفَه ایرادَ اِنتَرَ بَه. 22چمن دَدَ گردِ چیون چمن اِختیاریکا آنوعَشَه. غَیراَز دَدَ کَسی زوعَه آنیَموست، و کَسی دَدَ آنیَموست، غَیر اَز زوعَه و اَ آدَمِنی کن زوعَه اینتخاب بکَرِتا دَدَ چَوونرا دیار آکَرِ.»
23چَی بَه دوملَه عیسی خلوتیکا شاگِردون طَرَف آگَردِستَه و واتِشَه: «خَشی اَ چَمِنی حالیرا کن اَچیی شَمه بَویندیرون، بِوینن. 24اِمی خونه کن بَه شمَه باتیمَه خَیلی پَیغَمبَرِن و پادیشاهونکا طَمارزو دارین اَ چیی کن شِمَه بَویندیرون، بِوینِن اَمّا نِویندِشون، و اَچی کن شمَه درَستِرون، دَرَسِن اَمّا دَنِرَستِشون.»
چاکَه سامِری مَثَل
25ایی روج ایلَه شَریعَتی قاضیونکا پِبهَ و عیسی وَرداورد کَردِ خونه دَپَرسِستَه: « اِستا، پی چبکَرم تا زَیرونَه زندَگی اِرث بِبَرم؟» 26عیسی چَی جَوابیکاواتشَه: «توراتیکا چه نوشتَه آبَه یَه؟ اَیکا چه بَفَهمستیش؟» 27اَ قاضی جواب داشه: «”خداوند اِشتِه خدا، گردِ اِشتِه دلینه و گِردِ اِشتِه جانینَه و گِردِ اِشتِه زبقینه و گِردِ اِشتِه فکرینه رَی بدا“؛ ”وَ اشتهِ خَمسوعَه اِشتِه جانی شیوار رَی بدا.“» 28عیسی واتشَه: «دِرستهَ جواب آدارَ. اِمی اَنجوم بدَ کن زندَگی بَداشتیشَه.» 29ولی اَ مِرد اِمی خونِه کن اِشتَن توجیح بکَرِ، عیسی کا دَپَرسِستَه: «چمن خَمسوعَه کیه؟» 30عیسی جواب داشَه: «ایلَه مِردی شَهرِ اورشلیمیکا شَهرِ اَریحا را اَشیهَ. را دلَکا پتارچیون بال دَگِنِسته. اَیِن اَشون لوت آکَردَ، لِسشون ژَ، و نیمَه‌جان آهَشتِشونَه و شینَه. 31ازقضا ایلَه کاهین کن مَعبَدی عالیمونکا بَه هَه راکا دَیوریَه. وَقتی چَی چَم اَ مِردی گِنِستَه، اِشتَن راه شَت آکَردشَه و جَدَ دییَرَ وَرینه شَه. 32هِنتَرَکِه ایلَه لاوی کن معبَدی پاسرییونکا بَه، اَجگا کا دَیوریَه. اَ نی وَقتی اَجگارا آرَستَه و اَ مِردی ویندشه، اِشتَن راه شَت آکَردِشَه و جَدَ دییَرَ وَرینَه شَه. 33ولی ایلَه مِسافیر کن سامِرَ آدَمونکا بَه اَجِگاییرا آرَستَه کن اَ مِردِ اَ جِگاکا بَه. وقتی اَ مِردِش ویندَ، چَی دل چَیرا سیجیستَه. 34پس چَی وَر شه و چَی جَندَکی زَمون، شَراوینَه شوشتِشَه و روعَن آساشَه و دَبَستِش. چَی بَه دوملَه اَ مِردی اِشتَن خَری سَردِرِ دَنشامنیشَه و کاریوانسراییرا بَردِش و اَیکا مراقیبَت کَردِشَه. 35سَو سَه، دِ دینار کاریوانسرا صاحیبی آداشَه و واتِش: ” اِم مِردیکا موراقیبَت بِکَه و اَگَم چَی خَرج ویشتَرآبَه، اَموقه کن ویگَردِستیمه بَتِه آمَدا.“ 36ایسَه اِشتِه نَظَر کرَم گله اِم سه نَفَریکا، اَ مِردی کن پِتارچیون بال دَگِنِستَه بَه، خَمسوعَه بَه؟» 37اَ قاضی جواب داشه: «اَ کن بَی رَحم کَردِشَه.» عیسی بَی واتشَه: «بش و ته نی اِنتَرَ اَکَن.»
مریم و مارتا کَکا
38وقتی کن راکا بینَه، عیسی آوادیی دِله دَرمَه. اَجگا کا ژنی کن چَی نوم مارتا بهَ عیساش اِشتَن کَرا صَلا ژِشهَ. 39مارتا خالایی داری کن چَی نوم مریم بهَ. مریم خداوند عیسی لنگون وَر نشت بَه و چَی آموجی گوش اَدَریَه. 40ولی مارتا کن پَزیرایی کَردِرا چَتین کار دَرِ بَه، عیسی وَر آمَه و واتشَه: «سرور چمن، تِرا مُهم نیَه کن چمن خالا بَمن پذیرایی کَردِرا تاکَه آهَشتَشه؟ بَی بواج کن با و بَمن آرَسِه!» 41ولی خِداوندعیسی جواب داشه: «مارتا! مارتا! خَیلی چیی اِن بَتِه تَفشیش و تَته وَسه کا دَرَفند، 42اَمّا تاکَه ایله چی لازیمَه؛ مریم اَ چیی کن چاکه اینتخاب کَردِشه، کن اَیکا ویگَتِه نیَبن.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company