انجیل لوقا 9
9
عیسی دانزَ گِلَه رَسولی رَونَه بَکَی
1عیسی اَ دانزَ شاگردی اِشتَن وَر خِلِه کَردِشَه و اَیِنِش خِنَر و زاکین داشَه تا گردِ پَریانون آدَمونکا بِرِن بَرکَرن و آزارون شفا بِدَرن؛ 2و اَیِنش عَندِشَه تا خدا پادیشاهی اِییلام بکَن و آزاریون شفا بِدرن. 3عیسی اَیِنِش واتَه: «سفَریرا چیی پِمَگِرَ، نِه دَسته لِس، نِه بوخچَه بار، نِه نون، نِه پول و نِه ایضافَه شَوی. 4هر کَه ایی کا دِلَه دَشیرون، تا هَنگومی کن اَ جِگاکا مَندیرون، اَ کَکا بِومونَه. 5هَر جِگا کن مردوم شِمَشون قِبول نِکَردَ، هَنگومی کن اَ شَهریکا بَشیرون، اَ شَهری خاکی کن، شَمه لنگون سَریکا نِشته ویراشونَه تا شهادتی چَون زِرَبَرا ببو، کن خدا غَضَّب چَون سَردِرِ بومَیه.» 6پس اَیِن راه دَگِنِستین و آوادیی کا دییَرَ آوادی ایرا اَشینَه و هَمَه جِگا خدا پادیشاهی خَشَه خَبَری اییلام اَکَرینَه و آزاریون شفا اَدَرین.
7گردِ اِم ایتفاقون خبَر کن دَگِنِستَه بَه هیرودیسِ حاکیمی گوش آرَستَه. هیرودیس حَیرون و سرگَردون آبَه بَه، چیرا کن بَعضیِن اَواجینَه عیسی هَه یحیی اَ کن مَردِ بَه دوملَه زِندَ آبَه یَه. 8بَعضییِن نی اَواجینَه ایلیاس پَیغَمبَر ظهور کَردَشهَ، و بَعضی نی اَواجینَه ایلَه گذَشته پیَغَمبَرونکا زِندَ آبهَ یَه. 9هیرودیس حاکیم واتِشَه: «اَز اِشتَن دستوردامَه یحیی مِلی دَبِرِن. پس اِم کیه کن اِم چییون چَی خونِه کام دَرَستِه؟» و تَقَلّا دَرِبَه عیسی بِوینِه.
عیسی پِنج هَزار نَفَری هَردَ چی بَدای
10وقتی کن رسولِن آگَردِستینَه، گِردِ کارِنی کن کَردَشون بَه عیسی را جیگیرکَردشون. عیسی اَیِنِش اِشتَنَه شهریرا کن چَی نوم بِیت صِیْدا بَه بَردشَه تا اَجِگاکا تَنخا بِبون. 11مَردوم وَقتی اِمی فَهمِستشونَه عیسی دومله رَونَه بین. عیسی نی اَیِنِش قِبول کَرد و اَوونَّه خدا پادیشاهی خونِه گَف ژِشَه و اَیِنی کن شفا نیاز دارین، شفا داشَه. 12دیَرمازی نِزِک، اَ دانزَ گِلَه شاگِرد عیسی وَرآمینَه و بَی واتِشون: «جَماعتی بَینِن تا اَطرافی آوادیون ومزرعَه اونرا بشون و مَندَ جِگا و هَرَدَ چیی پَیدا بِکَن، اِمی خاطر کن اِم جِگا دورَ و پَرتَه جِگااییَه.» 13ولی عیسی اَیِنِش واتَه: «شِمَه اِشتَن اَوون هَردَ چی بدَرَ تا بَرِن.» شاگِردِن واتِشون: «اَمه غَیراَز پِنج گِلَه نون و دِ گِلَه مای دِ دییَرَ چیی نِدارم، مَگَم اِمکن بشَم و گرد اِم آدَمونرا هَردَ چی بخرَم.» 14اَ جِگاکا حِدود پِنج هَزار مِرد مَند بین. عیسی اِشتَن شاگردون واتِشَه: «آدَمون پِنجا نَفَر پِنجا نَفَر بِنشامونَه.» 15شاگردن اِنتَرَ کَردشونَه و گردی نِشام نیشون. 16عیسی پِنج گِلَه نون و دِ مای گَتِشهَ و آستامونی دَیَشتِش و نونِن و مایون بَرَکَت آداشَه. چَی بَه دوملَه نونون پِزارنِستَه و شاگردِنِش آدوعَه تا جَماعَتی نَ کا بِنَرن. 17اَیِن گرد هَردِشونَه و سیر آبین و دانزَ گِلَه چرگَه نی نون و مایَه خِردَ اونکا کن مَندَ بَه جمع آکردشون.
پِطروس به زَبان بواَردی کن عیسی هَه وَعدَ آدوعَه مَسیحَه
18ایی روج عیسی تاکَه دِوا اَکَری و چَی شاگِردِن نی اَینه دَرِ بین. عیسی اَوونکا دَپرسِسته: «مردوم باتینَه اَز کی ایمَه؟» 19شاگِردِن جواب داشون: «بعضی باتینَه تَعمید اَدَرَ یَحیی ایشَه، بَعضی دییَر باتینَه ایلیاسِ پَیغَمبَریشَه و بعضی نی باتینَه تِه ایله گِذَشتَه پَیغمبَرونکایشَه کن زندَ آبَیَه.» 20عیسی اَوونکا دَپرسِستَه: «ولی شِمَه باتیرون اَز کی ایمَه؟» پِطروس جواب داشه: «تِه خدا وَعدَ آدوعَه مَسیح ایشَه.»
عیسی اِشتَن مَردِ پیشگووی بَکَی
21عیسی اَینش بَرک قَدغَن کَردَ و دستور داشَه کن اِمی کَسیرا نِواجن، 22و واتِش: «اینسانی زوعَه پی خَیلی عَذاب ببوینِه وایسبیه ریشن و سران کاهینِن و توراتی موعَلیمِن اَی رَد آکَرن، اَی بکِشِن و اَ سوّمَ روجی دِلَکا زندَ آبو.»
23چَی بَه دوملَه عیسی گردی واتشَه: «اَگَم کَسی بخا بَمنکا پیروی بکَرِ، پی بَشتنکا بِگذِرِ، هَر روج اِشتَن عَذاب و مرگی صلیبی پِگِرِ، و چمن دوملَه با. 24اِمی خونه کن هر کَم بخا اِشتَن جانی نیجات بدَرِ، اَی از دَست آرَدا و ولی هر کم چمن خونه اِشتَن جانی از دَست بدَرِ، اَی نیجات آرَدا. 25اینسانیرا چه فایدَ ایی دارِکن دِنیا گِردی بِدَست بوعَرِ، اَمّا اِشتَن جانی از دَست بدَرِ یا اَی ضَرَر بِژَنه. 26اِمی خونه کن هر کم بَمنکا و چمن گَفونکا عار بدارِ، اینسانی زوعَه نی وَقتی کن اِشتَن شکوه و جلالیکا و اِشتَن آستامونیَه دَدَ شکوه و جلالیکا و موقدسَه فرشتَه اونَّه با، اَیکا عار بَداشتیَه. 27ولی حَییقَتا بَشِمَه باتیمَه، چَن نَفَر اِم جِگاکا پامَندینَه کن تا خدا پادشاهی نوِینِن، نینَّمَرد.»
عیسی نمود تَغییر بَکَی
28حِدودَن هَشت روجی اِم گَفون بَه دوملَه، عیسی پِطروس و یوحنا و یعقوبی پِگَتِشَه و کورا شَه تا دوا بکَر. 29هَته کن دوا اَکَریَه چَی صَفَتی نمود آگردِسته و چَی شِندرن ایسبی آبین و شَپَق اَژَنینَه. 30ایی کَرَایی دِ مِرد کایبین عیسی نَه گَف ژِ. اَ دِ مِرد موسی پَیغَمبَرو ایلیاِس پَیغَمبَر بینَه. 31اَیِن شَکوه وجلالیکا اَیر آبین و عیسی مَردِ خونِه گَف اَژَنینَه، یعنی هَه چیی ایی کن خَیلی زو شَهر اورشَلیمیکا پی ایتفاق دَگِنه. 32پِطروس و چَی هَمراهِن خَیلی خاوَ ملال بین، ولی وَقتی کامیلاً چَوون خاو پَرَ عیسی شکوه و جَلالی و اَ دِ مردی کن بَینَه پامَند بینَه ویندِشون. 33اَموقه کن اَ دِ نفر عیسی وَریکا کایبین شِه، پِطروس عیساش واتَه: «اِستا، چَنَه چاکَه کن اَمه اِم جِگاکامون! بَرزِن سه گِلَه پَرَ سِی آکَرَم، ایلَه تِرا، ایلَه موسی را و ایلَه ایلیاسیرا.» پِطروس نِفَهمِستِشَه کن چه کا واتِه. 34اِم گَف پِطروسی زونی سَریکا به کن خِریی آمَه و چَوون سَردِرِ سا بَرَفَندشَه. وَقتی کن اَیِن کایبین خِرون دِلَه دَشِه شاگِردِن تَرسِستین، 35سَسی خِرییکا آمَه کن «اِم چمن زوعَه یَه کن بَی اینتخاب کَردَمه، چَی گَفون گوش آدَرَ!» 36و وَقتی کن اَ سَس قطع آبَه، اَیِن عیساشون تاکَه ویندَ. اَ شاگردِن اِم ایتفاقی اِشتَن وَر غَم هَردِشونَه و اَ روجون دِلَکا اَ چیی ایی که ویندَشون بَه کَسیرا نِواتِشون.
عیسی زوعَه یی که شَیطونیَه روح داری شفا دَرِ
37اَ روجی سَوسَه، وقتی کن اَیِن کوکا ویرمینهَ، وِرَ جمعیَتی عیسی ویندِرا آمین. 38ایی کَرَایی مِردی جمعیتی دِلَکا لَسّه ژِشَه: «اِستا، بَتِکا خاشتو خاز بَکَم چمن زوعَه سَردِرِ لطف بِکَری، اِمی خونه کن چمن تاکَه خردَنَه. 39ایلَه روح چمن زوعَه بَگَتیَه و اَ ایکَرَیی جِکَّلَه بَژَی. بَی تَشَنوجیکا دَرَفند اییجوری کن چَی گَوی پِت بَکَیَه. اَ روح چمن زوعَه لاش آکَرِو خَیلی چَتین بَی وَر آرَدا. 40اِشتِه شاگردونکا خاشتو خاز کردمَه تااَ روح، چمن زوعَه کا برِن برَکَرن، ولی نِشاستِشون.» 41عیسی جواب داشَه: «اَی بی‌ایمان و مونحریفَه اودوم، تا کَینی پی شمَه نَه دَرِببوم و شمَه تَحمل بِکَم؟ اِشتِه زوعَه اِم جگارا بوعَه.» 42وَقتی کن زوعَه کایبَه آمِه، اَ پَریان زوعَش زَمینی سَر ژِشَه وتَشَنوجیکا دَرَفَندِش. اَمّا عیسی اَ شَیطونیَه روحی سَر تَشَرژشَه و زوعَش شفا دوعَه و اَش چَی دَدَ آگاردِنِستَه. 43مردوم گرد خدا عَظمَتیکا تعجوب کَردِشون.
ولی هَتَه کن گردِ آدَمِن عیسی کارونکا حَیرون بینه، عیسی اِشتَن شاگردِنِش واتَه: 44«چمن اِم گَفون قَشَنگ گوش آکَرَ: اینسانی زوعَه مردومی بالیکا، تسلیم بَبیَه.» 45ولی شاگِردِن عیسی منظورییکا سَر آنِگِنینَه؛ و اَوونکا نون آبَه تا مَفَهمن؛ و اَتَرسینَه اِم گَفی خونه عیسی کا سؤال بکَن.
کیی گِردیکا یالتَرَ
46ایی روج شاگردون دِلَکا اِم بحث شروو آبَه کن کِرَم گله اَوونکا، گردیکا یال تَرَ. 47اَمّا عیسی کن چَوون فِکری اَزنیَه خردَنی وَردِشَه و اِشتَن وَر نِشامنیشَه، 48و اَیِنِش واتَه: «هَر کم اِم خِردَنی چمن نومی خونِه قِبول بکَرِ، بَمن قِبول کَردَشه؛ و هر کم بَمن قبول بکَرِ، اَ کن بَمن رَونَه آکَردَشَه قِبول کَردَشه. اِمی خونِه کن شمه دِلَکا اَ کَسی یالتَرَ کن شِمَه گِردیکا گچ تَر ببو.»
49یوحنا واتشَه: «اِستا، ایی نَفَری ویندَمونه کن اِشتِه نومی وَردِنَه پَریانون آدَمونکا بِرِن بَرکَریَه، ولی اِمی خونه کن اَمَکا نِبَه تَقلا کَردِمونه چَی نَ بیگِرم.» 50ولی عیسی بَی واتِشَه: «چَی نَ مَگِرَ اِمی خاطر کن هَر کَم شمه زِرَبَرانی، شمه نَه دَرِ.»
سامِرَ ایلَه آوادیون آدَمِن عیساشون قِبول نِکَردَ
51وَقتی اَ روجِن کن قرار بَه عیسی آستامونیرا بشو نِزِک آبَه، عیسی شهر اورشَلیمی طَرَف را دَگِنِستَه. 52اَ اِشتَنکا بَه نَه چَنگِلَه قاصید رَونَه آکَردِش. اَیِن شینَه و منطَقَه اِ سامِرِ ایلَه آواوادییون دِلَه دَشین تا جگایی عیسی مَندِ را آمادَ بکن. 53ولی اَ آوادی آدَمِن اَشون قِبول نِکَردَ، اِمی خونه کن مَلوم بَه کن عیسی شَهراورشَلیمیرا کا بَشیَه. 54وَقتی چَی شاگردن یعقوب و یوحنا، اِمی بَویندین، واتِشون: «چَمه سرور، بَپیرَ بِواجَم آستامونیکا آرا بِوارِ و گرد اَوون نیفیت آکَر، هَتَه کن ایلیاس کَردِشَه؟ 55ولی عیسی آگَردستَه و چَوون سَردِرِ تَشَر ژِشَه و واتِش: «شمه نینَّموست کرَم روح کا هِستیرون! 56اِمی خونه کن اینسانی زوعَه، آمَه نیهَ تاآدَمون جانی بیگِرِ بَلکَم آمَه یَه تا اَوون نیجات بدَرِ.» اَیِن دیَرَ آوادی ایرا شینه.
عیسی کا پِیرَوی کَردِ چَتینَه
57رادِلکا کن کایبین شِه، ایی نفر عیساش واتَه: «هر‌جگارا بِشی، اِشتِه دوملَه بومَمَه.» 58عیسی بَی واتِشَه: «روآسونرا لونَه هِستَه و آستامونی پَرَندَ اِن نی خومَه دارن، اَمّا اینسانی زوعَه جگایی کَلَّه آنوعِرا نیشَه.» 59عیسی دییَر شخصیش واتَه: «بَمِنکا پیرَویی بِکَ.» ولی اَ شَخص جواب داشَه: «چمن سَروَراوَل بَرزِن بشوم و اِشتَن دَدَ مَردِ بَه دوملَه، بَی چال بِکَم، چَی بَه دوملَه بومَمَه.» 60عیسی بَی واتشَه: «بَرزِن مَردَ اِن، اِشتَن مَردَاون چال بکرِن؛ تِه بش و خدا پادیشاهی اِییلام اَکَن.» 61دیَری واتِش: «سرور چمن اِشتِه دوملَه بومَمَه، اَمّا اوَل بَرزن تا اِشتَن کَ آدَمونَّه خدا حافیظی بکم.» 62عیسی چَی جوابیکا واتش: «کَسی کن زَمینی گیت کَردِ شِروو بکَرِ و آگَردِ و پِشتی دَیَسِه، خدا پادیشاهی لَیاقَتی نِدارِ.»
Currently Selected:
انجیل لوقا 9: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 9
9
عیسی دانزَ گِلَه رَسولی رَونَه بَکَی
1عیسی اَ دانزَ شاگردی اِشتَن وَر خِلِه کَردِشَه و اَیِنِش خِنَر و زاکین داشَه تا گردِ پَریانون آدَمونکا بِرِن بَرکَرن و آزارون شفا بِدَرن؛ 2و اَیِنش عَندِشَه تا خدا پادیشاهی اِییلام بکَن و آزاریون شفا بِدرن. 3عیسی اَیِنِش واتَه: «سفَریرا چیی پِمَگِرَ، نِه دَسته لِس، نِه بوخچَه بار، نِه نون، نِه پول و نِه ایضافَه شَوی. 4هر کَه ایی کا دِلَه دَشیرون، تا هَنگومی کن اَ جِگاکا مَندیرون، اَ کَکا بِومونَه. 5هَر جِگا کن مردوم شِمَشون قِبول نِکَردَ، هَنگومی کن اَ شَهریکا بَشیرون، اَ شَهری خاکی کن، شَمه لنگون سَریکا نِشته ویراشونَه تا شهادتی چَون زِرَبَرا ببو، کن خدا غَضَّب چَون سَردِرِ بومَیه.» 6پس اَیِن راه دَگِنِستین و آوادیی کا دییَرَ آوادی ایرا اَشینَه و هَمَه جِگا خدا پادیشاهی خَشَه خَبَری اییلام اَکَرینَه و آزاریون شفا اَدَرین.
7گردِ اِم ایتفاقون خبَر کن دَگِنِستَه بَه هیرودیسِ حاکیمی گوش آرَستَه. هیرودیس حَیرون و سرگَردون آبَه بَه، چیرا کن بَعضیِن اَواجینَه عیسی هَه یحیی اَ کن مَردِ بَه دوملَه زِندَ آبَه یَه. 8بَعضییِن نی اَواجینَه ایلیاس پَیغَمبَر ظهور کَردَشهَ، و بَعضی نی اَواجینَه ایلَه گذَشته پیَغَمبَرونکا زِندَ آبهَ یَه. 9هیرودیس حاکیم واتِشَه: «اَز اِشتَن دستوردامَه یحیی مِلی دَبِرِن. پس اِم کیه کن اِم چییون چَی خونِه کام دَرَستِه؟» و تَقَلّا دَرِبَه عیسی بِوینِه.
عیسی پِنج هَزار نَفَری هَردَ چی بَدای
10وقتی کن رسولِن آگَردِستینَه، گِردِ کارِنی کن کَردَشون بَه عیسی را جیگیرکَردشون. عیسی اَیِنِش اِشتَنَه شهریرا کن چَی نوم بِیت صِیْدا بَه بَردشَه تا اَجِگاکا تَنخا بِبون. 11مَردوم وَقتی اِمی فَهمِستشونَه عیسی دومله رَونَه بین. عیسی نی اَیِنِش قِبول کَرد و اَوونَّه خدا پادیشاهی خونِه گَف ژِشَه و اَیِنی کن شفا نیاز دارین، شفا داشَه. 12دیَرمازی نِزِک، اَ دانزَ گِلَه شاگِرد عیسی وَرآمینَه و بَی واتِشون: «جَماعتی بَینِن تا اَطرافی آوادیون ومزرعَه اونرا بشون و مَندَ جِگا و هَرَدَ چیی پَیدا بِکَن، اِمی خاطر کن اِم جِگا دورَ و پَرتَه جِگااییَه.» 13ولی عیسی اَیِنِش واتَه: «شِمَه اِشتَن اَوون هَردَ چی بدَرَ تا بَرِن.» شاگِردِن واتِشون: «اَمه غَیراَز پِنج گِلَه نون و دِ گِلَه مای دِ دییَرَ چیی نِدارم، مَگَم اِمکن بشَم و گرد اِم آدَمونرا هَردَ چی بخرَم.» 14اَ جِگاکا حِدود پِنج هَزار مِرد مَند بین. عیسی اِشتَن شاگردون واتِشَه: «آدَمون پِنجا نَفَر پِنجا نَفَر بِنشامونَه.» 15شاگردن اِنتَرَ کَردشونَه و گردی نِشام نیشون. 16عیسی پِنج گِلَه نون و دِ مای گَتِشهَ و آستامونی دَیَشتِش و نونِن و مایون بَرَکَت آداشَه. چَی بَه دوملَه نونون پِزارنِستَه و شاگردِنِش آدوعَه تا جَماعَتی نَ کا بِنَرن. 17اَیِن گرد هَردِشونَه و سیر آبین و دانزَ گِلَه چرگَه نی نون و مایَه خِردَ اونکا کن مَندَ بَه جمع آکردشون.
پِطروس به زَبان بواَردی کن عیسی هَه وَعدَ آدوعَه مَسیحَه
18ایی روج عیسی تاکَه دِوا اَکَری و چَی شاگِردِن نی اَینه دَرِ بین. عیسی اَوونکا دَپرسِسته: «مردوم باتینَه اَز کی ایمَه؟» 19شاگِردِن جواب داشون: «بعضی باتینَه تَعمید اَدَرَ یَحیی ایشَه، بَعضی دییَر باتینَه ایلیاسِ پَیغَمبَریشَه و بعضی نی باتینَه تِه ایله گِذَشتَه پَیغمبَرونکایشَه کن زندَ آبَیَه.» 20عیسی اَوونکا دَپرسِستَه: «ولی شِمَه باتیرون اَز کی ایمَه؟» پِطروس جواب داشه: «تِه خدا وَعدَ آدوعَه مَسیح ایشَه.»
عیسی اِشتَن مَردِ پیشگووی بَکَی
21عیسی اَینش بَرک قَدغَن کَردَ و دستور داشَه کن اِمی کَسیرا نِواجن، 22و واتِش: «اینسانی زوعَه پی خَیلی عَذاب ببوینِه وایسبیه ریشن و سران کاهینِن و توراتی موعَلیمِن اَی رَد آکَرن، اَی بکِشِن و اَ سوّمَ روجی دِلَکا زندَ آبو.»
23چَی بَه دوملَه عیسی گردی واتشَه: «اَگَم کَسی بخا بَمنکا پیروی بکَرِ، پی بَشتنکا بِگذِرِ، هَر روج اِشتَن عَذاب و مرگی صلیبی پِگِرِ، و چمن دوملَه با. 24اِمی خونه کن هر کَم بخا اِشتَن جانی نیجات بدَرِ، اَی از دَست آرَدا و ولی هر کم چمن خونه اِشتَن جانی از دَست بدَرِ، اَی نیجات آرَدا. 25اینسانیرا چه فایدَ ایی دارِکن دِنیا گِردی بِدَست بوعَرِ، اَمّا اِشتَن جانی از دَست بدَرِ یا اَی ضَرَر بِژَنه. 26اِمی خونه کن هر کم بَمنکا و چمن گَفونکا عار بدارِ، اینسانی زوعَه نی وَقتی کن اِشتَن شکوه و جلالیکا و اِشتَن آستامونیَه دَدَ شکوه و جلالیکا و موقدسَه فرشتَه اونَّه با، اَیکا عار بَداشتیَه. 27ولی حَییقَتا بَشِمَه باتیمَه، چَن نَفَر اِم جِگاکا پامَندینَه کن تا خدا پادشاهی نوِینِن، نینَّمَرد.»
عیسی نمود تَغییر بَکَی
28حِدودَن هَشت روجی اِم گَفون بَه دوملَه، عیسی پِطروس و یوحنا و یعقوبی پِگَتِشَه و کورا شَه تا دوا بکَر. 29هَته کن دوا اَکَریَه چَی صَفَتی نمود آگردِسته و چَی شِندرن ایسبی آبین و شَپَق اَژَنینَه. 30ایی کَرَایی دِ مِرد کایبین عیسی نَه گَف ژِ. اَ دِ مِرد موسی پَیغَمبَرو ایلیاِس پَیغَمبَر بینَه. 31اَیِن شَکوه وجلالیکا اَیر آبین و عیسی مَردِ خونِه گَف اَژَنینَه، یعنی هَه چیی ایی کن خَیلی زو شَهر اورشَلیمیکا پی ایتفاق دَگِنه. 32پِطروس و چَی هَمراهِن خَیلی خاوَ ملال بین، ولی وَقتی کامیلاً چَوون خاو پَرَ عیسی شکوه و جَلالی و اَ دِ مردی کن بَینَه پامَند بینَه ویندِشون. 33اَموقه کن اَ دِ نفر عیسی وَریکا کایبین شِه، پِطروس عیساش واتَه: «اِستا، چَنَه چاکَه کن اَمه اِم جِگاکامون! بَرزِن سه گِلَه پَرَ سِی آکَرَم، ایلَه تِرا، ایلَه موسی را و ایلَه ایلیاسیرا.» پِطروس نِفَهمِستِشَه کن چه کا واتِه. 34اِم گَف پِطروسی زونی سَریکا به کن خِریی آمَه و چَوون سَردِرِ سا بَرَفَندشَه. وَقتی کن اَیِن کایبین خِرون دِلَه دَشِه شاگِردِن تَرسِستین، 35سَسی خِرییکا آمَه کن «اِم چمن زوعَه یَه کن بَی اینتخاب کَردَمه، چَی گَفون گوش آدَرَ!» 36و وَقتی کن اَ سَس قطع آبَه، اَیِن عیساشون تاکَه ویندَ. اَ شاگردِن اِم ایتفاقی اِشتَن وَر غَم هَردِشونَه و اَ روجون دِلَکا اَ چیی ایی که ویندَشون بَه کَسیرا نِواتِشون.
عیسی زوعَه یی که شَیطونیَه روح داری شفا دَرِ
37اَ روجی سَوسَه، وقتی کن اَیِن کوکا ویرمینهَ، وِرَ جمعیَتی عیسی ویندِرا آمین. 38ایی کَرَایی مِردی جمعیتی دِلَکا لَسّه ژِشَه: «اِستا، بَتِکا خاشتو خاز بَکَم چمن زوعَه سَردِرِ لطف بِکَری، اِمی خونه کن چمن تاکَه خردَنَه. 39ایلَه روح چمن زوعَه بَگَتیَه و اَ ایکَرَیی جِکَّلَه بَژَی. بَی تَشَنوجیکا دَرَفند اییجوری کن چَی گَوی پِت بَکَیَه. اَ روح چمن زوعَه لاش آکَرِو خَیلی چَتین بَی وَر آرَدا. 40اِشتِه شاگردونکا خاشتو خاز کردمَه تااَ روح، چمن زوعَه کا برِن برَکَرن، ولی نِشاستِشون.» 41عیسی جواب داشَه: «اَی بی‌ایمان و مونحریفَه اودوم، تا کَینی پی شمَه نَه دَرِببوم و شمَه تَحمل بِکَم؟ اِشتِه زوعَه اِم جگارا بوعَه.» 42وَقتی کن زوعَه کایبَه آمِه، اَ پَریان زوعَش زَمینی سَر ژِشَه وتَشَنوجیکا دَرَفَندِش. اَمّا عیسی اَ شَیطونیَه روحی سَر تَشَرژشَه و زوعَش شفا دوعَه و اَش چَی دَدَ آگاردِنِستَه. 43مردوم گرد خدا عَظمَتیکا تعجوب کَردِشون.
ولی هَتَه کن گردِ آدَمِن عیسی کارونکا حَیرون بینه، عیسی اِشتَن شاگردِنِش واتَه: 44«چمن اِم گَفون قَشَنگ گوش آکَرَ: اینسانی زوعَه مردومی بالیکا، تسلیم بَبیَه.» 45ولی شاگِردِن عیسی منظورییکا سَر آنِگِنینَه؛ و اَوونکا نون آبَه تا مَفَهمن؛ و اَتَرسینَه اِم گَفی خونه عیسی کا سؤال بکَن.
کیی گِردیکا یالتَرَ
46ایی روج شاگردون دِلَکا اِم بحث شروو آبَه کن کِرَم گله اَوونکا، گردیکا یال تَرَ. 47اَمّا عیسی کن چَوون فِکری اَزنیَه خردَنی وَردِشَه و اِشتَن وَر نِشامنیشَه، 48و اَیِنِش واتَه: «هَر کم اِم خِردَنی چمن نومی خونِه قِبول بکَرِ، بَمن قِبول کَردَشه؛ و هر کم بَمن قبول بکَرِ، اَ کن بَمن رَونَه آکَردَشَه قِبول کَردَشه. اِمی خونِه کن شمه دِلَکا اَ کَسی یالتَرَ کن شِمَه گِردیکا گچ تَر ببو.»
49یوحنا واتشَه: «اِستا، ایی نَفَری ویندَمونه کن اِشتِه نومی وَردِنَه پَریانون آدَمونکا بِرِن بَرکَریَه، ولی اِمی خونه کن اَمَکا نِبَه تَقلا کَردِمونه چَی نَ بیگِرم.» 50ولی عیسی بَی واتِشَه: «چَی نَ مَگِرَ اِمی خاطر کن هَر کَم شمه زِرَبَرانی، شمه نَه دَرِ.»
سامِرَ ایلَه آوادیون آدَمِن عیساشون قِبول نِکَردَ
51وَقتی اَ روجِن کن قرار بَه عیسی آستامونیرا بشو نِزِک آبَه، عیسی شهر اورشَلیمی طَرَف را دَگِنِستَه. 52اَ اِشتَنکا بَه نَه چَنگِلَه قاصید رَونَه آکَردِش. اَیِن شینَه و منطَقَه اِ سامِرِ ایلَه آواوادییون دِلَه دَشین تا جگایی عیسی مَندِ را آمادَ بکن. 53ولی اَ آوادی آدَمِن اَشون قِبول نِکَردَ، اِمی خونه کن مَلوم بَه کن عیسی شَهراورشَلیمیرا کا بَشیَه. 54وَقتی چَی شاگردن یعقوب و یوحنا، اِمی بَویندین، واتِشون: «چَمه سرور، بَپیرَ بِواجَم آستامونیکا آرا بِوارِ و گرد اَوون نیفیت آکَر، هَتَه کن ایلیاس کَردِشَه؟ 55ولی عیسی آگَردستَه و چَوون سَردِرِ تَشَر ژِشَه و واتِش: «شمه نینَّموست کرَم روح کا هِستیرون! 56اِمی خونه کن اینسانی زوعَه، آمَه نیهَ تاآدَمون جانی بیگِرِ بَلکَم آمَه یَه تا اَوون نیجات بدَرِ.» اَیِن دیَرَ آوادی ایرا شینه.
عیسی کا پِیرَوی کَردِ چَتینَه
57رادِلکا کن کایبین شِه، ایی نفر عیساش واتَه: «هر‌جگارا بِشی، اِشتِه دوملَه بومَمَه.» 58عیسی بَی واتِشَه: «روآسونرا لونَه هِستَه و آستامونی پَرَندَ اِن نی خومَه دارن، اَمّا اینسانی زوعَه جگایی کَلَّه آنوعِرا نیشَه.» 59عیسی دییَر شخصیش واتَه: «بَمِنکا پیرَویی بِکَ.» ولی اَ شَخص جواب داشَه: «چمن سَروَراوَل بَرزِن بشوم و اِشتَن دَدَ مَردِ بَه دوملَه، بَی چال بِکَم، چَی بَه دوملَه بومَمَه.» 60عیسی بَی واتشَه: «بَرزِن مَردَ اِن، اِشتَن مَردَاون چال بکرِن؛ تِه بش و خدا پادیشاهی اِییلام اَکَن.» 61دیَری واتِش: «سرور چمن اِشتِه دوملَه بومَمَه، اَمّا اوَل بَرزن تا اِشتَن کَ آدَمونَّه خدا حافیظی بکم.» 62عیسی چَی جوابیکا واتش: «کَسی کن زَمینی گیت کَردِ شِروو بکَرِ و آگَردِ و پِشتی دَیَسِه، خدا پادیشاهی لَیاقَتی نِدارِ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company