انجیل لوقا 8
8
ژِنِنی کن عیسی کا پِیرَوی اَکَرینَه
1چَی بَه دوملهَ، عیسی شهر بَه شهر و آوادی بَه آوادی اَگَردیَه و خدا پادیشاهی خَشَه خَبَری اییلام اَکَریَه. اَ دانزَ گِلَه شاگِرد نی بَینه دَرِ بینَه، 2و هِنتَه چَن نَفری ژِنونکا کن شَیطونیَه روحونکا و آزاریکا شفا گَتَشون بَه عیسی نَه دَرِ بین: مریم کن بَی مَجْدَلیّهَ اَواجینَه و اَیکا هف گله پَریان بِرن بَرشَه بَه، 3یوآنّا خوزا ژِن کن خوزا هیرودیسِه حاکیمی دَستَک بَه، سوسن و خَیلی دییَرَ ژِنِن. ام ژِنِن اِشتَن ثیروَتیکا عیسی و چَی شاگردِون احتیاجی آمادَ اَکَرینَه.
دونَه پِشَندِ مَثَل
4وقتی کن مَردوم وِرَ شَهرونکا عیسی وَر آین و یالَه جَماعَتی گِرد آبَه عیسی اِم مَثَلی وَردِشَه: 5«ایی روج کَشاوَرز دونَه پِشَندِرا بِرِن شَه. اَموقه کن دونهَ پِرَشونی، بَعضی رادلَکا بَرگنِستین و پا بِن شین و آستامونی پَرَنداِن اَینِشون هَردَ. 6ایی خِردَ بِژَزَمینی سَردِرِ بَرگنینَه وهَه موقه کن پِرمَه، خشک آبَه، اِمی خونِه کن زمین رِطوبَتِش نِبَه. 7ایی خِردَ نی چِغون دِلَه بَرگنِستین و چغِن دونَ اونَّه یال آبین، و اَینِشون خفَه آکردَ. 8ایی خِردَ دونَه اونکا نی زورومَه زَمینی سربَرگنِستینَه و یال آبین و صد بَرابر اَکین وَردِشون.» عیسی، اِم گَفون ژِ بَه دوملَه، لَسَّه ژِشَه واتِش: «هر‌کم کن چَی گوش دَرَرَست، دَرَسِه!»
9وقتی عیسی شاگردِن اِم مَثَلی مَعنی اَیکا دَپرسِستین. 10عیسی واتشَه: «خدا پادیشاهی رازون فَهمِستِه بَه شِمَه عَطا بَیَه، ولی دیَیرَ کَسونَّه مَثَلینَه گَف بَژَم، تا:
«”دَیَسن، اَمّا مَوینِن؛
دَرَسن، اَمّا سَر آمَگِنِن.“»
11«اِم مَثَلی مَعنی اِمَه: دونهَ خدا کَلامَه. 12اَ دونَه اِن کن را دِلَکا بَرگنِستین، کَسِنی هِستینه کن خِداکَلامی دَنَّرَست ولی اِبلیس بومَی و کَلامی چَوون دِلیکا آبَرِ، تا مَشان ایمان بوعَرِن و نیجات بیگِن. 13اَ دون اِن کن بِژَ زَمینی سَردِرِ بَرَگنِستین کَسِنی هِستینه کن وَقتی خدا کلامی دَنَّرَست، اَی خَشینَه قِبول بَکن ولی کَلام چَوون دِلَکا ریشَه نیَژ، اِمِن تَلَکَه زمانی ایمان بَداشتینَه، اَمّا وَرداوَردی موقِه، اِشتَن ایمانی از دَست بَدان. 14اَ دونَه اِنی کن چِغون دِلَه بَرگنینَه، کَسِنی هِستینه کن کَلامی دَنَّرَست، ولی هِنتَه کن زَمان بَگِذَشتی، تَفشیشِن و مال دِنیا و زندَگی خَشییِن، خدا کَلامی چَوون دِلَکا خَفَه بَکَی و بَرَ نینَّدا. 15ولی اَ دونَه اِنی کن زورمَه زَمینی سَردِرِ بَرگنِستین کسِنی هِستینه کن خدا کلامی دَنَرَست وصافو صادِقو و چاکَه دِلینَه اَی آمبَست غَم بَردین، وصَبرینَه بَرَ بَدان.
چِرا مَثَل
16«هیچ کم چرا رشون آنییَکَرد تا اِبنَه ایی چَی سَریکا بِنرِ یا اَی تَختی بنیکا بنَرِ! بَلکَم چرا، چرا پایه سرآرَنا تا اَیِنی کن دِلَه دَران شَپَقی بوینِن. 17اِمی خونه کن هیچ پوشامنیَه چیی ایی نیَه کن دیار آمَبو و هیچ چیی نیَه کن جیگا هَردَش ببو و بَرمَلا و آشکار آمَبو. 18پس دیقّت بکَر چِنتَه کان دَرَستِه، اِمی خونه کن به اَ کن دارِ ویشتَر آدوعِه بَبیَه و اَ کَسیکا کن نیشَه، حتی هَه چیی کن گَمون بکَیَ دارِ نی بَیکا وینَّگَت.»
عیسی نَنَه و برا اِنِ
19چَی بَه دوملَه، عیسی نَنَه و برا اِن چَی وَر آمین، اَمّا جَمعیَت اَنَ وِر بَه کن نِشاستشون بَی نِزک آشِه. 20پس عیسی راخَبر وَردشونَه کن: «اِشتِه نَنَه وبرا اِن بِرنیکا پامَندینهَ و بَپیشونهَ بَته بِوینن.» 21ولی عیسی جَواب داشَه: «چمن نَنَه و برا اِن کَسِنی هِستینه کن خدا کلامی دَنَّرَست و اَی اَنجوم بَدان.»
عیسی توفانی آلاونِه
22ایی روج عیسی اِشتَن شاگردونَ لاتیکَه ایکا دَنِشته واَینِش واتَه: «بِرَ دَیراچَه اَوَریرا بِشَم.» پس اَیِن راه دَگِنستین. 23هَتَه کن کایبین شِه، عیسی خاوآشَه. ایکَرایی بَرکَه وایی دَیراچَه سَردِرِ راست آبَه، ایی جوری کن لاتیکه آویکا پور آرَبیَه و چَوون جان خَطریکا بَه. 24شاگردِن عیسی وَر شینَه و اَشون خابیکا پِکَردَ واتشون: «اِستا، اِستا، دِ کایمونَ نیفله آبِه !» عیسی پبهَ و وا و یالَه مووجون سَر تَشَر ژِشه. توفان ویکِشتِشَه وهَمه جِگا آرام آبَه. 25عیسی اَیِنِش واتَه: «شمه ایمان کیارَ؟» شاگردن تَرسو تَعَجوبینه یَندِکا دَرَ پَرسینهَ: «اِم کیه کن حتی وا و آویی سَردِرِ دستور بَدایَه واَیِن اَیکا فِرمون ببَردین.»
عیسی پَریانیَه مِردی شفا بَدای
26چَی بَه دوملَه اَیِن مَنطَقَ اِ جِراسیانیرا آرستینه کن دَیراچه اَوَریکا، وِلَت جلیلی نَ کا به. 27اَموقه کن عیسی لاتیکَکا ویرمَه، اَ شَهری ایلَه آدَمون گِنَه کن پَریانی بَه. اَ مِرد خَیلی وَقت بَه شِندِر دَکَردَش نِبَه، و کَه ایی دِلَه زندَگی نَکَریَه، بَلکَم قَوراسونیکا اَمونیَه. 28وَقتی اَمِرد عیسیاش ویندَ، جرَّ ایی ژِشَه و چَی لِنگون نَ کا بَرگنستَه وتَتَه لَسَنَه واتِش: «عیسی، خِدای موتعالی زوعَه، تِه مِنَه چه کارِرهِستَه؟ خاشتو خازِمَه بَمن عَذاب نِدَری!» 29اِمی خونه کن عیسی اَ شَیطونیَه روح دستور آدوعَش بَه اَ مِردیکا برِن با. اَ روح چَندین کَرَ اَ مِردی گَتَش بَه. و با اِم کن کایبین بَیکا نیگَبانی دوعه و اَی زِنجِلینَه و پا بِندینَه دَبَستَشون بَه، ولی اَ مِرد زِنجیلون پا بِندون پِرَسِندِنیَه و اَ پَریان بَی وَیاوونیرا اَبَریَه. 30عیسی اَیکا دَپَرسِستَه: «اِشتِه نوم چِچیه؟» اَ جواب داشَه: «لِژیون،» اِمی خاطرکن وِرَ پَریانن اَ مِردی دِلَه دَشَه بین. 31اَ پَریانِن عیساکا خاشتو خاز کَردِشونه تا دَستور مَدَ اَیِن جَندَمیرا بِشون. 32اَ نِزِکیون کا، یالَه خوعَه رَمه ایی کولَه سَریکا هَردِ مشغول بین. پَریانِن عیسی کا خاشتو خازاَکَرینَه ایجازَ بدَرِ خو اون دلهَ دَشون. پس عیسی اَیِنِش ایجازَ داشَه. 33چَی بَه دوملَه پَریانِن اَ مِردیکا بِرِن آمین و خو اون دِلَه دَشینه، خوعَه رَمَه دَرَمه و کولَه ایشبَه ویرَکا و دَیراچَه طَرَف هِژما بَردِشون وغرق آبین.
34وقتی کن خوعَه وُونِن اِم ایتفاقی ویندشون، ویریتین و شهرو آوادی دلَکا، اِم ایتفاقی خَبَری جیگیر کَردِشون. 35پس مردوم بِرِن بَرمین تا اَچی کن ایتفاق دَگنسته بَ بِوینن، وَقتی عیسی وَرآرستین و ویندِشون اَ مرد کن پَریانِن اَ یکا بِرِن آمه بینَه شندردَکَردَشَ و اَلَمَند عیسی لنگون نَ کا نشتَ، ترسِستین. 36کَسِنی کن ام ایتفاقی اِشتَن چَمینَه ویندشون بَه، مَردومیراجیگیرکَردِشونَه کن اَ پَریانیَه مِرد چِنتَه شفا گَتَشَه. 37چَی به دوملَه مَنطَقَه اِ جراسیانی گِردِ آدَمِن، عیسی کا خاشتو خازکَردِشونَه تا چَوون وَریکا بشو، اِمی خونه کن اَیِن بَرک تَرسِستَه بین. عیسی نی لاتیکه سَردِرِ دَنشتَه و ویگَردِستَه. 38مِردی کن پَریانِن اَیکا بِرِن آمه بینَه، عیسیاکا خاشتو خاز کردش بَرزِ بَینه دَرِ ببو، ولی عیسی اَی عَندِشَه و واتش: 39«اِشتَن کَرا آگَرد و اییلام بِکَ کن خدا چِه کاری تِرا کَردَشَه،» پس اَ مِرد شَه و اَ شهری گِردِ جِگا اونکا اییلام کردِشَه کن عیسی چه کاری چَیرا کَردَشَه.
عیسی ایلَه ژِن و یایروسی کِلَه شفا بَدای
40وقتی کن عیسی ویگَردِستهَ، جَماعت اَیکا ایستقبال کردِشونَه اِمی خونه کن گرد چَیرا چَم بَرا بین. 41اِم هَنگومیکا، مِردی یایروس نوم کن یَهودیون عیبادَتگا رَئیس بَه آمَه و عیسی لنگون سَر بَرگِنستهَ وخاشتو خاز کردشَه چَی کَرا بِشو. 42اِمی خونه کن چَی تاکَه کلهَ کن حِدودَن دانزَ سال داری کایبهَ مَردِ. هَنگومی کن عیسی رادِلَکا بَه، مَردوم هَروَریکا بَی دَچِکِستَه بین. 43اَ جَماعَتی دِلَکا، ژنی به کن دانزَ سال بَه، خوریزی داری و با اِمکن گردِ اِشتَن دارایی دوختورونرا آدوعَش بَه کَسی نَشایَه بَی دَرمون کردِ. 44اَ ژِن عیسی پِشتیکا بَی نِزِک آبَه وچَی رَدا لِویی دَست آسا کَردِش و جَخت چَی خون ویکردِ قطع آبه. 45عیسی دَپرسِسته: «کی بَمن دَست آسا کَردِش؟» گِرد حاشا ژِشونَه. پِطروس واتشَه: «اِستا، جَماعت هر وَریکا بَته دوور کَردَشونه بَتِه دَچِکِستَه اینَه.» 46اَمّا عیسی واتشَه: «ایی نَفر بَمن دَست آسا کَردِش! اِمی خونه کن سَر آگِنیمَه خِنَری بَمنکا بِرون شَه!» 47اَ ژِن وقتی کن ویندشَه نیَشا اِشتَن نون آکَردِ، ترس و لرزینه نَ آمَه و عیسی لنگون سَردِرِ برگنِستَه و گردِ آدَمون وَریکا ایعلام کَردِشَه کن چیرا عیساش دَست آسا کَردَ و چِنترَ جَخت شفا گَتَشَه. 48عیسی بَی واتِش: «کِلَمَه، اِشتِه ایمان بَتِه شفا آدوعَشَه. سَقَه جان بش.»
49عیسی هنوزَنی گَف اَژَنیَه کن ایی نَفَر عیبادَتگا رَئیسی کَکا آمَه و واتِش: «اِشتِه کلهَ مَردَ، دِ اِستا زَمَت دَمَفن.» 50اَمّا عیسی وَقتی اِمِش دَرستَه، یایروسی واتشَه: «مَتَرس! فقط ایمان بِدا! اِشتِه کله سِی آرَب.» 51اَموقه کن عیسی یایروسی کَرا آرستَه، نَشتِشَه کَسی جوز پِطروس و یوحنا و یعقوب و خِردَنی دَدَ و نَنَه بَینَه دِلَه دَران. 52گِرد کلَه خونِه اَبرَمینَه وعازیَه اَکَرینَه. ولی عیسی واتِشَه: «مَبرَمَه، اِمی خونه کن کِلَه مَردَ نی بَسکَم خِتَه.» 53اَیِن عیسی شون بوکَه خوروسته گَتَه، چیرا کن بَموستینَه کلَه مردیهَ. 54ولی عیسی کله بالی گَتشَه و بَی واتِش: «خردَن، پِب!» 55کِلَه روح آگَردستَه و جَخت پِبَ. عیسی اَیِنِش واتَه هَردِرا چیی ایی کِله بِدَرِن. 56کِلَه دَدَ نَنَه حَیرون آبینه، اَمّا عیسی اَیِنِش قَدغَن کَردِشَه کن اِم ایتفاقی کَسیرا جیگیر نِکَرِن.
Currently Selected:
انجیل لوقا 8: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 8
8
ژِنِنی کن عیسی کا پِیرَوی اَکَرینَه
1چَی بَه دوملهَ، عیسی شهر بَه شهر و آوادی بَه آوادی اَگَردیَه و خدا پادیشاهی خَشَه خَبَری اییلام اَکَریَه. اَ دانزَ گِلَه شاگِرد نی بَینه دَرِ بینَه، 2و هِنتَه چَن نَفری ژِنونکا کن شَیطونیَه روحونکا و آزاریکا شفا گَتَشون بَه عیسی نَه دَرِ بین: مریم کن بَی مَجْدَلیّهَ اَواجینَه و اَیکا هف گله پَریان بِرن بَرشَه بَه، 3یوآنّا خوزا ژِن کن خوزا هیرودیسِه حاکیمی دَستَک بَه، سوسن و خَیلی دییَرَ ژِنِن. ام ژِنِن اِشتَن ثیروَتیکا عیسی و چَی شاگردِون احتیاجی آمادَ اَکَرینَه.
دونَه پِشَندِ مَثَل
4وقتی کن مَردوم وِرَ شَهرونکا عیسی وَر آین و یالَه جَماعَتی گِرد آبَه عیسی اِم مَثَلی وَردِشَه: 5«ایی روج کَشاوَرز دونَه پِشَندِرا بِرِن شَه. اَموقه کن دونهَ پِرَشونی، بَعضی رادلَکا بَرگنِستین و پا بِن شین و آستامونی پَرَنداِن اَینِشون هَردَ. 6ایی خِردَ بِژَزَمینی سَردِرِ بَرگنینَه وهَه موقه کن پِرمَه، خشک آبَه، اِمی خونِه کن زمین رِطوبَتِش نِبَه. 7ایی خِردَ نی چِغون دِلَه بَرگنِستین و چغِن دونَ اونَّه یال آبین، و اَینِشون خفَه آکردَ. 8ایی خِردَ دونَه اونکا نی زورومَه زَمینی سربَرگنِستینَه و یال آبین و صد بَرابر اَکین وَردِشون.» عیسی، اِم گَفون ژِ بَه دوملَه، لَسَّه ژِشَه واتِش: «هر‌کم کن چَی گوش دَرَرَست، دَرَسِه!»
9وقتی عیسی شاگردِن اِم مَثَلی مَعنی اَیکا دَپرسِستین. 10عیسی واتشَه: «خدا پادیشاهی رازون فَهمِستِه بَه شِمَه عَطا بَیَه، ولی دیَیرَ کَسونَّه مَثَلینَه گَف بَژَم، تا:
«”دَیَسن، اَمّا مَوینِن؛
دَرَسن، اَمّا سَر آمَگِنِن.“»
11«اِم مَثَلی مَعنی اِمَه: دونهَ خدا کَلامَه. 12اَ دونَه اِن کن را دِلَکا بَرگنِستین، کَسِنی هِستینه کن خِداکَلامی دَنَّرَست ولی اِبلیس بومَی و کَلامی چَوون دِلیکا آبَرِ، تا مَشان ایمان بوعَرِن و نیجات بیگِن. 13اَ دون اِن کن بِژَ زَمینی سَردِرِ بَرَگنِستین کَسِنی هِستینه کن وَقتی خدا کلامی دَنَّرَست، اَی خَشینَه قِبول بَکن ولی کَلام چَوون دِلَکا ریشَه نیَژ، اِمِن تَلَکَه زمانی ایمان بَداشتینَه، اَمّا وَرداوَردی موقِه، اِشتَن ایمانی از دَست بَدان. 14اَ دونَه اِنی کن چِغون دِلَه بَرگنینَه، کَسِنی هِستینه کن کَلامی دَنَّرَست، ولی هِنتَه کن زَمان بَگِذَشتی، تَفشیشِن و مال دِنیا و زندَگی خَشییِن، خدا کَلامی چَوون دِلَکا خَفَه بَکَی و بَرَ نینَّدا. 15ولی اَ دونَه اِنی کن زورمَه زَمینی سَردِرِ بَرگنِستین کسِنی هِستینه کن خدا کلامی دَنَرَست وصافو صادِقو و چاکَه دِلینَه اَی آمبَست غَم بَردین، وصَبرینَه بَرَ بَدان.
چِرا مَثَل
16«هیچ کم چرا رشون آنییَکَرد تا اِبنَه ایی چَی سَریکا بِنرِ یا اَی تَختی بنیکا بنَرِ! بَلکَم چرا، چرا پایه سرآرَنا تا اَیِنی کن دِلَه دَران شَپَقی بوینِن. 17اِمی خونه کن هیچ پوشامنیَه چیی ایی نیَه کن دیار آمَبو و هیچ چیی نیَه کن جیگا هَردَش ببو و بَرمَلا و آشکار آمَبو. 18پس دیقّت بکَر چِنتَه کان دَرَستِه، اِمی خونه کن به اَ کن دارِ ویشتَر آدوعِه بَبیَه و اَ کَسیکا کن نیشَه، حتی هَه چیی کن گَمون بکَیَ دارِ نی بَیکا وینَّگَت.»
عیسی نَنَه و برا اِنِ
19چَی بَه دوملَه، عیسی نَنَه و برا اِن چَی وَر آمین، اَمّا جَمعیَت اَنَ وِر بَه کن نِشاستشون بَی نِزک آشِه. 20پس عیسی راخَبر وَردشونَه کن: «اِشتِه نَنَه وبرا اِن بِرنیکا پامَندینهَ و بَپیشونهَ بَته بِوینن.» 21ولی عیسی جَواب داشَه: «چمن نَنَه و برا اِن کَسِنی هِستینه کن خدا کلامی دَنَّرَست و اَی اَنجوم بَدان.»
عیسی توفانی آلاونِه
22ایی روج عیسی اِشتَن شاگردونَ لاتیکَه ایکا دَنِشته واَینِش واتَه: «بِرَ دَیراچَه اَوَریرا بِشَم.» پس اَیِن راه دَگِنستین. 23هَتَه کن کایبین شِه، عیسی خاوآشَه. ایکَرایی بَرکَه وایی دَیراچَه سَردِرِ راست آبَه، ایی جوری کن لاتیکه آویکا پور آرَبیَه و چَوون جان خَطریکا بَه. 24شاگردِن عیسی وَر شینَه و اَشون خابیکا پِکَردَ واتشون: «اِستا، اِستا، دِ کایمونَ نیفله آبِه !» عیسی پبهَ و وا و یالَه مووجون سَر تَشَر ژِشه. توفان ویکِشتِشَه وهَمه جِگا آرام آبَه. 25عیسی اَیِنِش واتَه: «شمه ایمان کیارَ؟» شاگردن تَرسو تَعَجوبینه یَندِکا دَرَ پَرسینهَ: «اِم کیه کن حتی وا و آویی سَردِرِ دستور بَدایَه واَیِن اَیکا فِرمون ببَردین.»
عیسی پَریانیَه مِردی شفا بَدای
26چَی بَه دوملَه اَیِن مَنطَقَ اِ جِراسیانیرا آرستینه کن دَیراچه اَوَریکا، وِلَت جلیلی نَ کا به. 27اَموقه کن عیسی لاتیکَکا ویرمَه، اَ شَهری ایلَه آدَمون گِنَه کن پَریانی بَه. اَ مِرد خَیلی وَقت بَه شِندِر دَکَردَش نِبَه، و کَه ایی دِلَه زندَگی نَکَریَه، بَلکَم قَوراسونیکا اَمونیَه. 28وَقتی اَمِرد عیسیاش ویندَ، جرَّ ایی ژِشَه و چَی لِنگون نَ کا بَرگنستَه وتَتَه لَسَنَه واتِش: «عیسی، خِدای موتعالی زوعَه، تِه مِنَه چه کارِرهِستَه؟ خاشتو خازِمَه بَمن عَذاب نِدَری!» 29اِمی خونه کن عیسی اَ شَیطونیَه روح دستور آدوعَش بَه اَ مِردیکا برِن با. اَ روح چَندین کَرَ اَ مِردی گَتَش بَه. و با اِم کن کایبین بَیکا نیگَبانی دوعه و اَی زِنجِلینَه و پا بِندینَه دَبَستَشون بَه، ولی اَ مِرد زِنجیلون پا بِندون پِرَسِندِنیَه و اَ پَریان بَی وَیاوونیرا اَبَریَه. 30عیسی اَیکا دَپَرسِستَه: «اِشتِه نوم چِچیه؟» اَ جواب داشَه: «لِژیون،» اِمی خاطرکن وِرَ پَریانن اَ مِردی دِلَه دَشَه بین. 31اَ پَریانِن عیساکا خاشتو خاز کَردِشونه تا دَستور مَدَ اَیِن جَندَمیرا بِشون. 32اَ نِزِکیون کا، یالَه خوعَه رَمه ایی کولَه سَریکا هَردِ مشغول بین. پَریانِن عیسی کا خاشتو خازاَکَرینَه ایجازَ بدَرِ خو اون دلهَ دَشون. پس عیسی اَیِنِش ایجازَ داشَه. 33چَی بَه دوملَه پَریانِن اَ مِردیکا بِرِن آمین و خو اون دِلَه دَشینه، خوعَه رَمَه دَرَمه و کولَه ایشبَه ویرَکا و دَیراچَه طَرَف هِژما بَردِشون وغرق آبین.
34وقتی کن خوعَه وُونِن اِم ایتفاقی ویندشون، ویریتین و شهرو آوادی دلَکا، اِم ایتفاقی خَبَری جیگیر کَردِشون. 35پس مردوم بِرِن بَرمین تا اَچی کن ایتفاق دَگنسته بَ بِوینن، وَقتی عیسی وَرآرستین و ویندِشون اَ مرد کن پَریانِن اَ یکا بِرِن آمه بینَه شندردَکَردَشَ و اَلَمَند عیسی لنگون نَ کا نشتَ، ترسِستین. 36کَسِنی کن ام ایتفاقی اِشتَن چَمینَه ویندشون بَه، مَردومیراجیگیرکَردِشونَه کن اَ پَریانیَه مِرد چِنتَه شفا گَتَشَه. 37چَی به دوملَه مَنطَقَه اِ جراسیانی گِردِ آدَمِن، عیسی کا خاشتو خازکَردِشونَه تا چَوون وَریکا بشو، اِمی خونه کن اَیِن بَرک تَرسِستَه بین. عیسی نی لاتیکه سَردِرِ دَنشتَه و ویگَردِستَه. 38مِردی کن پَریانِن اَیکا بِرِن آمه بینَه، عیسیاکا خاشتو خاز کردش بَرزِ بَینه دَرِ ببو، ولی عیسی اَی عَندِشَه و واتش: 39«اِشتَن کَرا آگَرد و اییلام بِکَ کن خدا چِه کاری تِرا کَردَشَه،» پس اَ مِرد شَه و اَ شهری گِردِ جِگا اونکا اییلام کردِشَه کن عیسی چه کاری چَیرا کَردَشَه.
عیسی ایلَه ژِن و یایروسی کِلَه شفا بَدای
40وقتی کن عیسی ویگَردِستهَ، جَماعت اَیکا ایستقبال کردِشونَه اِمی خونه کن گرد چَیرا چَم بَرا بین. 41اِم هَنگومیکا، مِردی یایروس نوم کن یَهودیون عیبادَتگا رَئیس بَه آمَه و عیسی لنگون سَر بَرگِنستهَ وخاشتو خاز کردشَه چَی کَرا بِشو. 42اِمی خونه کن چَی تاکَه کلهَ کن حِدودَن دانزَ سال داری کایبهَ مَردِ. هَنگومی کن عیسی رادِلَکا بَه، مَردوم هَروَریکا بَی دَچِکِستَه بین. 43اَ جَماعَتی دِلَکا، ژنی به کن دانزَ سال بَه، خوریزی داری و با اِمکن گردِ اِشتَن دارایی دوختورونرا آدوعَش بَه کَسی نَشایَه بَی دَرمون کردِ. 44اَ ژِن عیسی پِشتیکا بَی نِزِک آبَه وچَی رَدا لِویی دَست آسا کَردِش و جَخت چَی خون ویکردِ قطع آبه. 45عیسی دَپرسِسته: «کی بَمن دَست آسا کَردِش؟» گِرد حاشا ژِشونَه. پِطروس واتشَه: «اِستا، جَماعت هر وَریکا بَته دوور کَردَشونه بَتِه دَچِکِستَه اینَه.» 46اَمّا عیسی واتشَه: «ایی نَفر بَمن دَست آسا کَردِش! اِمی خونه کن سَر آگِنیمَه خِنَری بَمنکا بِرون شَه!» 47اَ ژِن وقتی کن ویندشَه نیَشا اِشتَن نون آکَردِ، ترس و لرزینه نَ آمَه و عیسی لنگون سَردِرِ برگنِستَه و گردِ آدَمون وَریکا ایعلام کَردِشَه کن چیرا عیساش دَست آسا کَردَ و چِنترَ جَخت شفا گَتَشَه. 48عیسی بَی واتِش: «کِلَمَه، اِشتِه ایمان بَتِه شفا آدوعَشَه. سَقَه جان بش.»
49عیسی هنوزَنی گَف اَژَنیَه کن ایی نَفَر عیبادَتگا رَئیسی کَکا آمَه و واتِش: «اِشتِه کلهَ مَردَ، دِ اِستا زَمَت دَمَفن.» 50اَمّا عیسی وَقتی اِمِش دَرستَه، یایروسی واتشَه: «مَتَرس! فقط ایمان بِدا! اِشتِه کله سِی آرَب.» 51اَموقه کن عیسی یایروسی کَرا آرستَه، نَشتِشَه کَسی جوز پِطروس و یوحنا و یعقوب و خِردَنی دَدَ و نَنَه بَینَه دِلَه دَران. 52گِرد کلَه خونِه اَبرَمینَه وعازیَه اَکَرینَه. ولی عیسی واتِشَه: «مَبرَمَه، اِمی خونه کن کِلَه مَردَ نی بَسکَم خِتَه.» 53اَیِن عیسی شون بوکَه خوروسته گَتَه، چیرا کن بَموستینَه کلَه مردیهَ. 54ولی عیسی کله بالی گَتشَه و بَی واتِش: «خردَن، پِب!» 55کِلَه روح آگَردستَه و جَخت پِبَ. عیسی اَیِنِش واتَه هَردِرا چیی ایی کِله بِدَرِن. 56کِلَه دَدَ نَنَه حَیرون آبینه، اَمّا عیسی اَیِنِش قَدغَن کَردِشَه کن اِم ایتفاقی کَسیرا جیگیر نِکَرِن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company