انجیل لوقا 5
5
عیسی اوَلین شاگِردِن
1ایی روج کن عیسی دَیراچۀ جِنیسارِتی وَر پامَندبَه وِرَ جَمعیَتی هَر طَرَفیکا بَی دَچِکِستَه بینَه تا خدا کلامی دَرَسِن. 2عیسی دَیراچَه وَریکا دِ گلَه لاتیکه ویندشَه کن مایَه گرِن اَوونکا بِرِن آمَه بینَه وکایبینَه اِشتَن دومون شوشتِه. 3عیسی ایله لاتیکَه اون سَردِرِ کن شَمعونی شِن بَه دَنشتهَ وبَی واتِشَه کن تیکَلیی لاتیکَه خِشکیکا دورآکَرِ. عیسی لاتیکَه دِلَکا نِشتَه و هَه جِگاکا مَردومی آموج داشَه. 4وَقتی کن چَی گَفِن تَمون آبین، شَمعونیش واتَه: «لاتیکه دولَه جِگارا ببَ و دومون مای گَتِه خونِه آویکا ویرَفَنَه.» 5شَمعون جواب داشَه: «اِستا، اَمهَ شَودِرازَ بَرکَه زَحمَتِمون کَشتَه یَه و چی ایی نِگَتمون. ولی اِشتِه گَفی خونِه، دومون ویمَفَند.» 6وقتی اِنتَرَ کردشون، اَنَ مای گَتِشون کن چی ایی منَدَ نِبَه چَوون دومِن پِرَزِرین! 7پس اِشتَن شَریکونرا کن دییَرَ لاتیکَه کا بینَه ایشا کَردِشون تا چَوون آرَستَه را بان. اَیِن آمینَه و هر دِ لاتیکه اَنَ مای کا پَتلَمَه آکَردِشون کن چیی ایی منَد نِبَه آویکا ویشون. 8وَقتی کن شَمعون پِطروس اِمی ویندشَه، عیسی لنگون سَردِرِ بَرگنستَه و واتِش: «اَی خداوند، بَمنکا رَت آب، اِمی خاطرکن اَز گِناخکارَ مِردی هِستیمَه!» 9اِمی خونه کن شَمعون و گردِ اَیِنی کن بَینَه دَرِ بین، اِم مای گَتِه ایتفاقیکا حَیرون آبین. 10یعقوب و یوحنا، زِبِدی زوعَه اِن نی کن شَمعونینَه شَریک بین، هِم حالی دارین. عیسی شَمعونیش واتَه: «مترس، میم بَد آدَمون صید بَکَشَه.» 11پس اَیِن اِشتَن لاتیکَ اون خِشکیرا رَندِشونهَ، و گردِ چییون آهَشتِشون وعیسی دومله رَونهَ بین.
عیسی ایلَه جِذانی شفا بَدایَه
12وقتی کن عیسی ایله شَهرونکا بَه، مِردی آمَه کن جذان گردِ چَی جَندَکی گَتَش بَه. وقتی کن اَ مِردعیسی بَویندیَه، اِشتَن صَفَتی خاکی سَر آناشَه و خاشتو خازینَ واتِش: « چمن سَروَر، اَگَم بِخای بَشاشَه بَمن شفا بِدَری.» 13عیسی اِشتَن بالی درازآکردش و بَی دَست آسا کَردِشَه و واتِش: «بَپیمَه؛ شفا بیگِه!» اَ مِرد جَخت جِذانیکا شفا گَتِشَه. 14عیسی بَی قَدِغَن کَردِشَه کن: «کَسیرا چیی ایی مَواجِه، اَمّا اَ مِردیش واتَه: «بش و بَشتَن کاهِنیرا کن مَعبَدی عالیمَه آمون و اَ قِربونیی کن شفا گَتِه را بَدان و موسی پَیغَمبَر حِکم کَردَشَه تقدیم اَکَن تا اَوونرا ثابیت ببو کن شفا گَترَ.» 15اَمّا گِردِ اِمونَّ عیسی کارون خَبر ویشتَر پخش آرَبیَه، اَنَ کن وِرَجماعَتِن جم آرَبینه تا عیسی گَفون دَرَسن و اِشتَن آزاریکا شفا بیگِن. 16ولی عیسی دورَ خَلوَتَه جگا اونرا اشیَه و دِوا اَکَریَه.
عیسی ایلَه شِلی شفا بَدایَه
17ایلَه اَ روجون دلَکا کن عیسی آموج اَدَریَه، فَریسیون فِرقَه عالیمِن وتوراتی مُعَلیمِن کن وِلَتِ جَلیلی گِردِ آوادیونکا و وِلَتِه یَهودیَه کا و شهر اورشَلیمیکا آمَه بین، اَ جِگاکا نِشت بینَه. خداوندی خِنَر، آزاریون شفا دوعِه را عیسی نَه بَه. 18هَه موقه چَنگِلَه مِرد، ایلَه شِلَه مِردی کن جیکَری سَر خِت بَه کایبین وَردِ. اَیِن خَیلی تَقَلّا اَکَرینَه کن اَ شِلَه مِردی کَه دِلَه ببَرن و عیسی نَ کا بنَرن. 19اَمّا یالَه جماعتی خونه نِشاستِشونَه راهی پَیدا کرِدِ تا اَ شِلی کَه دِلَه دَروَرِن. اَیِن کَه سقفی سَر پشینه َو کَه سَری سِفالون وَسطیکا، اَ شِلَه مِردی چَی جیکَرینَه بِنیرا آداشونَه و جَماعَتی وَصَطیکا، عیسی ناریکا آناشون. 20وَقتی کن عیسی چَوون ایمانی ویندِشَه، اَ شِلَه مِردی واتش: «اَی مِرد، اِشتِه گِناخِن بخشیدَ بَه!» 21توراتی مُعَلیمن و فَریسیون فِرقَه عالیمِن اِشتَنَه اَواجینه کن: «اِم کیه کن کِفر باتی؟ غَیرازخِدا کی بَشایَه گِناخون ببَخشِه؟» 22عیسی چَوون فِکری فَهمِستِشه و اَوونکا دَپَرسِستَه: «چیرا اِشتَن دِلیکا اِنتَرَ فِکر بَکَرون؟ 23کِرَم گِلَه واتِه راحَت تَرَ: ”اِشتِه گناخِن بخشیدَ بَه“ واتِه یا اِمی واتِه کن ”پِب و گَل بِژَن“؟ 24ولی اِمی خاطر کن بزنَه اینسانی زوعَه زَمینی سَردِرِ اِم زاکینی دارِ تا گِناخون بِبَخشِه» - شِلَه مِردی واتِش: «بَتِه باتیم، پِب و اِشتَن جیکَری پِگه و کَرا بش!» 25جَخت، اَ مِرد چَوون چَمی نَ کا راست آمَندَ و اَ چیی ایی کن چَی سَریکا خِت بَه پِگَتشَه وهَتهَ کن خدا شکراَکَریه کَرا شَه. 26گِردِ آدَمِنی کن اَ جِگاکا بینَه اِم ایتفاقی خونه حَیرون آبَه بین و خدا شکر اَکَرینَه وهَته کن تَرس چَوون وِجودی گَتَش به، اَواجینَه: «اومروج عَجیبَه کارونی ویندَمونَه.»
عیسی لاوی صَلا ژِشَه
27چَی بَه دوملَه عیسی اَ کَکا بِرِن بَرمَه و خراجَ ویگِری ویندشه کن چَی نوم لاوی بَه وخراجَ ویگَتِه دَکَّکا نشت بَه. عیسی بَی واتشَه: «چمن دوملهَ بِه.» 28لاوی راست آمَندَ و گردِ چییون آهَشتِشَ و عیسی دوملهَ رَونَه بَه.
29لاوی اِشتَن کَکا عیسی خونِه یالَه مِیمانی گَتِشَه، و یالَه جَماعتی خراج ویگِرونکا و دییَر آدَمونکا، اَوونَّه سِفرَ سَر نِشتینَه. 30فَریسیون فِرقَه عالیمِن و ایی کاولَه توراتی معَلیمِونکا کن چَوون فِرقَه کا بینَه ایعتراض اَکَرینَه وعیسی شاگِردون اَواجینَه کن: «چیرا شمَه خَراج ویگِرون و گناخکارونَّ بَردیرون و بِنتیرون؟» 31عیسی اَوون جواب داشه: «اَیِنی کن آزاری اینَه دوختورِشون بَپیستیَه نِه اَیِنی کن سَقینَه. 32اَزآمه نیمه تا صالِحَه آدَمون توبه کَردِ را صَلا بِژَنِم بَلکَم آمه ایمه تا گِناخکاروون توبه کَردِرا صَلا بژَنم.»
سؤال روجَه خونِه
33اَیِن عیساشون واتَه: «یَحیی شاگردِن ویشترِ وَقتِن روجَه بَگَتینَ و دوا بَکَن؛ فَریسیون شاگردِن نی هِنتَرینَ، ولی اِشتِه شاگردِن اوزون کاینَه هَردِ و هِنتِه.» 34عیسی جواب داشه: «مَگَم بَبی وَیواَوَری میمانون تا وَقتی کن بَگ اَوونَّه دَرِ روجَه گَتِه را دیم پِنَری؟ 35ولی روجِنی بومَنَه کن بَگی اَوونکا وینَّگَت. اَموقه اَیِن روجَه بَگتینَه.» 36عیسی اِم مَثَلی چَوونرا وَردِشَه و واتِش: «هیچ کس پِسَه ایی تازَشندریکا کن آو شَه نیَه دَنیَبیرد تا اَی کَنهَ شندِریکا پینیک بژَنه. اَگَم اِم کاری بکَرِ، هِم تازَ شندری پزارنستَشَه و هم تازَ پارچۀ کَنَه شندری سَریکا نامربوطَه پینیکیَه. 37هنتَرَکِ کَسی تازَ شَراوی کَنه تولوقیکا دَنیَکرد. اَگَم اِم کاری بکرِ، اِمی خونِه کن تازَشَراویرا هَنوزَنی گازِ هِستَه تولوقون پِرَزارنست و شَراو ویرَبِن و تولوقِن نی هیچ بَنَش. 38بَسکَم تازَ شراوی پی تازَتولوقونکا دَکردِ. 39هیچ کَم کَنَه شَراوی هِنتِه بَه دوملَه دِ تازَ شَراوی نَپیشَه، اِمی خونه کن باتی: ”کَنه شَراو بِیتَرَ.”»
Currently Selected:
انجیل لوقا 5: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 5
5
عیسی اوَلین شاگِردِن
1ایی روج کن عیسی دَیراچۀ جِنیسارِتی وَر پامَندبَه وِرَ جَمعیَتی هَر طَرَفیکا بَی دَچِکِستَه بینَه تا خدا کلامی دَرَسِن. 2عیسی دَیراچَه وَریکا دِ گلَه لاتیکه ویندشَه کن مایَه گرِن اَوونکا بِرِن آمَه بینَه وکایبینَه اِشتَن دومون شوشتِه. 3عیسی ایله لاتیکَه اون سَردِرِ کن شَمعونی شِن بَه دَنشتهَ وبَی واتِشَه کن تیکَلیی لاتیکَه خِشکیکا دورآکَرِ. عیسی لاتیکَه دِلَکا نِشتَه و هَه جِگاکا مَردومی آموج داشَه. 4وَقتی کن چَی گَفِن تَمون آبین، شَمعونیش واتَه: «لاتیکه دولَه جِگارا ببَ و دومون مای گَتِه خونِه آویکا ویرَفَنَه.» 5شَمعون جواب داشَه: «اِستا، اَمهَ شَودِرازَ بَرکَه زَحمَتِمون کَشتَه یَه و چی ایی نِگَتمون. ولی اِشتِه گَفی خونِه، دومون ویمَفَند.» 6وقتی اِنتَرَ کردشون، اَنَ مای گَتِشون کن چی ایی منَدَ نِبَه چَوون دومِن پِرَزِرین! 7پس اِشتَن شَریکونرا کن دییَرَ لاتیکَه کا بینَه ایشا کَردِشون تا چَوون آرَستَه را بان. اَیِن آمینَه و هر دِ لاتیکه اَنَ مای کا پَتلَمَه آکَردِشون کن چیی ایی منَد نِبَه آویکا ویشون. 8وَقتی کن شَمعون پِطروس اِمی ویندشَه، عیسی لنگون سَردِرِ بَرگنستَه و واتِش: «اَی خداوند، بَمنکا رَت آب، اِمی خاطرکن اَز گِناخکارَ مِردی هِستیمَه!» 9اِمی خونه کن شَمعون و گردِ اَیِنی کن بَینَه دَرِ بین، اِم مای گَتِه ایتفاقیکا حَیرون آبین. 10یعقوب و یوحنا، زِبِدی زوعَه اِن نی کن شَمعونینَه شَریک بین، هِم حالی دارین. عیسی شَمعونیش واتَه: «مترس، میم بَد آدَمون صید بَکَشَه.» 11پس اَیِن اِشتَن لاتیکَ اون خِشکیرا رَندِشونهَ، و گردِ چییون آهَشتِشون وعیسی دومله رَونهَ بین.
عیسی ایلَه جِذانی شفا بَدایَه
12وقتی کن عیسی ایله شَهرونکا بَه، مِردی آمَه کن جذان گردِ چَی جَندَکی گَتَش بَه. وقتی کن اَ مِردعیسی بَویندیَه، اِشتَن صَفَتی خاکی سَر آناشَه و خاشتو خازینَ واتِش: « چمن سَروَر، اَگَم بِخای بَشاشَه بَمن شفا بِدَری.» 13عیسی اِشتَن بالی درازآکردش و بَی دَست آسا کَردِشَه و واتِش: «بَپیمَه؛ شفا بیگِه!» اَ مِرد جَخت جِذانیکا شفا گَتِشَه. 14عیسی بَی قَدِغَن کَردِشَه کن: «کَسیرا چیی ایی مَواجِه، اَمّا اَ مِردیش واتَه: «بش و بَشتَن کاهِنیرا کن مَعبَدی عالیمَه آمون و اَ قِربونیی کن شفا گَتِه را بَدان و موسی پَیغَمبَر حِکم کَردَشَه تقدیم اَکَن تا اَوونرا ثابیت ببو کن شفا گَترَ.» 15اَمّا گِردِ اِمونَّ عیسی کارون خَبر ویشتَر پخش آرَبیَه، اَنَ کن وِرَجماعَتِن جم آرَبینه تا عیسی گَفون دَرَسن و اِشتَن آزاریکا شفا بیگِن. 16ولی عیسی دورَ خَلوَتَه جگا اونرا اشیَه و دِوا اَکَریَه.
عیسی ایلَه شِلی شفا بَدایَه
17ایلَه اَ روجون دلَکا کن عیسی آموج اَدَریَه، فَریسیون فِرقَه عالیمِن وتوراتی مُعَلیمِن کن وِلَتِ جَلیلی گِردِ آوادیونکا و وِلَتِه یَهودیَه کا و شهر اورشَلیمیکا آمَه بین، اَ جِگاکا نِشت بینَه. خداوندی خِنَر، آزاریون شفا دوعِه را عیسی نَه بَه. 18هَه موقه چَنگِلَه مِرد، ایلَه شِلَه مِردی کن جیکَری سَر خِت بَه کایبین وَردِ. اَیِن خَیلی تَقَلّا اَکَرینَه کن اَ شِلَه مِردی کَه دِلَه ببَرن و عیسی نَ کا بنَرن. 19اَمّا یالَه جماعتی خونه نِشاستِشونَه راهی پَیدا کرِدِ تا اَ شِلی کَه دِلَه دَروَرِن. اَیِن کَه سقفی سَر پشینه َو کَه سَری سِفالون وَسطیکا، اَ شِلَه مِردی چَی جیکَرینَه بِنیرا آداشونَه و جَماعَتی وَصَطیکا، عیسی ناریکا آناشون. 20وَقتی کن عیسی چَوون ایمانی ویندِشَه، اَ شِلَه مِردی واتش: «اَی مِرد، اِشتِه گِناخِن بخشیدَ بَه!» 21توراتی مُعَلیمن و فَریسیون فِرقَه عالیمِن اِشتَنَه اَواجینه کن: «اِم کیه کن کِفر باتی؟ غَیرازخِدا کی بَشایَه گِناخون ببَخشِه؟» 22عیسی چَوون فِکری فَهمِستِشه و اَوونکا دَپَرسِستَه: «چیرا اِشتَن دِلیکا اِنتَرَ فِکر بَکَرون؟ 23کِرَم گِلَه واتِه راحَت تَرَ: ”اِشتِه گناخِن بخشیدَ بَه“ واتِه یا اِمی واتِه کن ”پِب و گَل بِژَن“؟ 24ولی اِمی خاطر کن بزنَه اینسانی زوعَه زَمینی سَردِرِ اِم زاکینی دارِ تا گِناخون بِبَخشِه» - شِلَه مِردی واتِش: «بَتِه باتیم، پِب و اِشتَن جیکَری پِگه و کَرا بش!» 25جَخت، اَ مِرد چَوون چَمی نَ کا راست آمَندَ و اَ چیی ایی کن چَی سَریکا خِت بَه پِگَتشَه وهَتهَ کن خدا شکراَکَریه کَرا شَه. 26گِردِ آدَمِنی کن اَ جِگاکا بینَه اِم ایتفاقی خونه حَیرون آبَه بین و خدا شکر اَکَرینَه وهَته کن تَرس چَوون وِجودی گَتَش به، اَواجینَه: «اومروج عَجیبَه کارونی ویندَمونَه.»
عیسی لاوی صَلا ژِشَه
27چَی بَه دوملَه عیسی اَ کَکا بِرِن بَرمَه و خراجَ ویگِری ویندشه کن چَی نوم لاوی بَه وخراجَ ویگَتِه دَکَّکا نشت بَه. عیسی بَی واتشَه: «چمن دوملهَ بِه.» 28لاوی راست آمَندَ و گردِ چییون آهَشتِشَ و عیسی دوملهَ رَونَه بَه.
29لاوی اِشتَن کَکا عیسی خونِه یالَه مِیمانی گَتِشَه، و یالَه جَماعتی خراج ویگِرونکا و دییَر آدَمونکا، اَوونَّه سِفرَ سَر نِشتینَه. 30فَریسیون فِرقَه عالیمِن و ایی کاولَه توراتی معَلیمِونکا کن چَوون فِرقَه کا بینَه ایعتراض اَکَرینَه وعیسی شاگِردون اَواجینَه کن: «چیرا شمَه خَراج ویگِرون و گناخکارونَّ بَردیرون و بِنتیرون؟» 31عیسی اَوون جواب داشه: «اَیِنی کن آزاری اینَه دوختورِشون بَپیستیَه نِه اَیِنی کن سَقینَه. 32اَزآمه نیمه تا صالِحَه آدَمون توبه کَردِ را صَلا بِژَنِم بَلکَم آمه ایمه تا گِناخکاروون توبه کَردِرا صَلا بژَنم.»
سؤال روجَه خونِه
33اَیِن عیساشون واتَه: «یَحیی شاگردِن ویشترِ وَقتِن روجَه بَگَتینَ و دوا بَکَن؛ فَریسیون شاگردِن نی هِنتَرینَ، ولی اِشتِه شاگردِن اوزون کاینَه هَردِ و هِنتِه.» 34عیسی جواب داشه: «مَگَم بَبی وَیواَوَری میمانون تا وَقتی کن بَگ اَوونَّه دَرِ روجَه گَتِه را دیم پِنَری؟ 35ولی روجِنی بومَنَه کن بَگی اَوونکا وینَّگَت. اَموقه اَیِن روجَه بَگتینَه.» 36عیسی اِم مَثَلی چَوونرا وَردِشَه و واتِش: «هیچ کس پِسَه ایی تازَشندریکا کن آو شَه نیَه دَنیَبیرد تا اَی کَنهَ شندِریکا پینیک بژَنه. اَگَم اِم کاری بکَرِ، هِم تازَ شندری پزارنستَشَه و هم تازَ پارچۀ کَنَه شندری سَریکا نامربوطَه پینیکیَه. 37هنتَرَکِ کَسی تازَ شَراوی کَنه تولوقیکا دَنیَکرد. اَگَم اِم کاری بکرِ، اِمی خونِه کن تازَشَراویرا هَنوزَنی گازِ هِستَه تولوقون پِرَزارنست و شَراو ویرَبِن و تولوقِن نی هیچ بَنَش. 38بَسکَم تازَ شراوی پی تازَتولوقونکا دَکردِ. 39هیچ کَم کَنَه شَراوی هِنتِه بَه دوملَه دِ تازَ شَراوی نَپیشَه، اِمی خونه کن باتی: ”کَنه شَراو بِیتَرَ.”»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company