مَرقُس 4
4
کَشاورزی مثَل
1اییکَرَ دییَر عیسی دَیراچَه کَناریکا، دَمَندَ آموج دوعِه و یالَه جَماعَتی عیسی دووری گَتَشون بَه اَنَ کن ناچاریرا لاتیکَه ایکا دَنِشتَه کن دَیراچَکا بَه و چَی سَریکا نِشتَه، و جَماعت گرد دَیراچَه کَناریکا، خشکیکا بین. 2عیسی مَثَلونَّه، وِرَ چییون اَوون آموج اَدَریَه. اَ اِشتَن آموجیکا اَیِنِش واتَه: 3«گوش آکَرَ! ایی روج ایلَه کَشاوَرز دونَه پِشَندِرا بِرِن شَه. 4وَقتی کن دونَه پِرَشونی، بَعضی رادله بَرگنینَه و پرندَ اِن آمینَه و اَینِشون هَردَ. 5تیکَلیی دونَه اونکا بِژَزَمینی سَردِرِ بَرگِنِستینَه کن کَمَه خاکی داری. پس دونَه اِن جَخت پِرمینَه، چیرا کن اَ زَمینی خاکیرا عُمق نبَه. 6ولی وَقتی آختاو پِرمَه، گرد سیجیستین و خِشک آبین، اِمی خونه کن ریشَه نِدارین. 7تیکَلیی دونَه اونکا چِغون دِلَکا بَرگِنِستینَه. چِغِن دونَه اونَّه یال آبینَه، اَیِنِشون خفَه کَردَ و اَیِن اَکین نِداشون. 8اَمّا بقیَه اِ دونَه اِن زورومَه زَمینی سَردِرِ بَرگِنستین وتیشک کَردِشون و پِرمین و اَکین وَردِشونَ و وِر آبین، بَعضییِن سی و بعضی شِصت و بعضی صد بَرابر.» 9چَی بَه دوملَه عیسی واتِش: «هر کم کن چَی گوش دَرَرَست، دَرَسِه.»
10هَنگومی کن عیسی تنخا بَه، اَ دانزَ گِلَه شاگرد و اَیِنی کن چَی دووریکا بینَه، مَثَلون خونِه عیسی کا سوال دَپَرسِستین. 11عیسی اَیِنِش واتَه: «خدا پادیشاهی راز بَه شِمَه عَطا آبَه یَه، ولی بِرنی آدَمونرا، گِردِ چییِون میثالونَّه واتِه بَبی؛ 12تا:
«واقییَن دَیَسِن، اَمّا سَر آمَگِنِن،
واقییَن دَرَسِن، اَمّا مَفَمِن،
نِکَرِ آگردِن و بخشیدَ آبون!“
13اَموقه عیسی اَیِنِش واتَه: «اِم مَثَلی سَر آنینَگِنِست؟ پس چِنتَه بپیرون دییَرَ مَثَلونکا سَر آگِنَه؟ 14کَشاوَرزخِدا کَلامی بَکَشتی. 15بعضی آدَمِن دونَه اونی شیوارین کن راه دِلکا برگنِستین، اَجگا ایی کن خدا کَلامی بَکَشتینَه؛ وقتی کن کلامی دنَّرَست، جخت شَیطون بومَیَ و کلامی کن چَوون دِلَکا کَشتَشونَه آبَرِدیَه. 16بعضییِن نی، هِنتَه دونَه اونی شیوارین کن بِژَ زَمینی سَردِرِ بَرگِنِستینَه؛ اَیِن وقتی خدا کَلامی دَنَّرَست، جَخت اَی خَشینَه قِبول بَکَن، 17ولی اِمی خونه کن اِشتَن دِلَکا ریشَشون نیَه، تاکَه کَمه زمانی دَوام بوعَردین. چَی به دوملَه هَنگومی کن خدا کلامی خونِه، سختی بَویندین یا اَیذَت و آزاربَبین، جَخت اِشتَن ایمانی از دست بَدان. 18بَعضی آدَمونکا نی، هِنتَه دونَه اِنینَه کن چغون دَلَکا برگِنِستینَه؛ اَیِن خدا کَلامی دَنَّرَست، 19ولی اِم دِنیا تَفشیش و دنیادمالی وس وَسَه و دییَرَ چییون هَوَس چَوون دِلیکا دَرَش و خداکلامی خَفَه آرَکَرد و نییَشت بَرَ بِدرن. 20ولی بَقیَه، هِنتَه دونَه اونی شیوارین کن زورومَه زَمینی سَردِرِ برگِنِستینَه؛ اَیِن خداکلامی دنَّرست، اَی قِبول بَکَن و سی، شِصت و صد برابر بَرَ بدان.»
چِرا مَثَل
21عیسی اَیِنِش واتهَ: «شِمَه چرا بوعَردیرون تا چَی سَریکا قَدرَ پنَرَ یا تَختی بنیکا بنَر؟ مَگَم، چرا، چرا پایه سَر نِنَرَ؟ 22اِمی خونه کن هیچ پوشامنیَه چیی ایی نییَه کن دیار آمَبو، و هیچ چیی ایی نیَه کن جیگا هَردَش ببو و آشکار آمَبو. 23هر کَم کن چَی گوش دَرَرَست، دَرَسِه.» 24چَی بَه دوملَه عیسی اَیِنش واتَه: «اَچیی سَر کن کان دَرَستِه، دیقّت بَکَرَ. هَه پَیمونَه اینَه کن بدَرَ، هَه پَیمونَه نَه بَشِمَه آدوعَه بَبی، و حتی اَیکا نی ویشتَر بَشِمَه آدوعِه بَبی. 25اِمی خونه بِه اَ کن دارِ، ویشتَر آدوعِه بَبی و اَیکا کن نیشَه، حتی هَه کن دارِ نی بَیکا ویگَتِه ببیَه.»
دونَه ای کن پِرَرا مَثَل
26عیسی واتِش: «خدا پادیشاهی مِردی شیوارَ کن زَمینی سَردِرِ دونَه پِرَشَند. 27شَو و روج، چِه اَ مِرد خاویکا ببو چِه بیدارببو، دونه کَو آرَب و پِرَرا. چِنتَه؟ اَ نیَموست. 28زمین خودبَه خود اَکین دَرِ: اَولیکا ساقَه پِرَرا، دوملَه کَوَ جومبورَ بَژَی و چَی به دوملَه جومبورَ دونَه نَه پَتلَمه بَبی. 29ولی وَقتی کن دونه بِرَسِه، کَشاوَرز جَخت اورَقی پِرَگَت، اِمی خونِه کن دورنوستِه وَقت آرَستَه یَه.»
خردَله دونَه مَثَل
30و عیسی اَیِنش واتَه: «خدا پادیشاهی چِه چیی ایی بَمَندیَه، یا چِنتَرَ مِثالینَه اَی شِمَرا بواجم؟ 31خدا پادیشایی هِنتَه ایلَه خَردَلَه دونَه شیوارَ. خَردَلَه دونَه، گِچتَرین دونَه اییَه کن زَمینی سَردِرِ بَکَشتینَه، 32ولی وَقتی اَی کَشتِشون، پِرَرا و باغی گِردِ کَشتَه چییونکا یالتَر آرَب، و یالَه بَشو خال بوعَردی، اَنَه کن آستامونی پَرَندَ اِن بَشان چَی ساکا لونَه سِی آکَردِ.»
33عیسی خَیلی اِنتَرَ مَثالینَه، تا اَجگا ایی کن اَیِن اَشاینَه سَر آگِنِستِه، خدا کلامی چَوونرا واتِش. 34عیسی بیدون مَثَل مَردومیرا گف نژَنیَه؛ ولی هَنگومی کن اِشتَن شاگِرونَّه خَلوَتیکا بَه، گردِ چییون چَوونرا توضیح اَدَری.
عیسی دَیرا توفانی آرام بَکَی
35اَ روج وقتی دییَرمازآبَه، عیسی اِشتَن شاگِردون واتِشَه: «بِرَ دَیراچَه اَوَریرا بِشَم.» 36اَیِن جَمعیَتی وَریکا شینَه و عیسیاشون هَه لاتیکَه اینَه کن چَی دِلَکا نشت بَه، اِشتَنَ بَردِشون. چَند گِلَه دییَرَ لاتیکَه نی کایبین اَوونَّه شِه. 37ایکَرَایی برکَه وایی راست آبَه. دَیراچه موجِن هِنتَه لاتیکَه گِنین کن نِزِک بَه لاتیکه آوینَه پور آبو. 38ولی عیسی لاتیکَه آخِریکا اِشتَن کَلّه سَینهَ ایی سَریکا آنوعَشَ بَه و خِت بَه. شاگِردِن عیساشون خاویکا پِکَردَ و واتشون: «اِستا، تِرا مهیم نیَه کن اَمه کایمون نیفله آبِه؟» 39عیسی پِبَه و وا سَردِرِ تَشَر ژِشَه و دَیراچَش واتَه: «ساکیت بِب و آلاوی!» اَموقه وا ویکِشتِشَه و هَمَه جِگا آلاویستَه. 40چَی بَه دوملَه عیسی اِشتَن شاگِردِنِش واتَه: «چیرا اِنتَه بَتَرسِستِرون؟ هَنوزَنی ایمانِرون نی؟» 41اَیِن بَرک تَرسِستَه بین و یَندِ اَواجینَه: «اِم کیه کن حتی وا و دَیراچَه نی اَیکا فِرمون بَبَردینَه.
Currently Selected:
مَرقُس 4: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 4
4
کَشاورزی مثَل
1اییکَرَ دییَر عیسی دَیراچَه کَناریکا، دَمَندَ آموج دوعِه و یالَه جَماعَتی عیسی دووری گَتَشون بَه اَنَ کن ناچاریرا لاتیکَه ایکا دَنِشتَه کن دَیراچَکا بَه و چَی سَریکا نِشتَه، و جَماعت گرد دَیراچَه کَناریکا، خشکیکا بین. 2عیسی مَثَلونَّه، وِرَ چییون اَوون آموج اَدَریَه. اَ اِشتَن آموجیکا اَیِنِش واتَه: 3«گوش آکَرَ! ایی روج ایلَه کَشاوَرز دونَه پِشَندِرا بِرِن شَه. 4وَقتی کن دونَه پِرَشونی، بَعضی رادله بَرگنینَه و پرندَ اِن آمینَه و اَینِشون هَردَ. 5تیکَلیی دونَه اونکا بِژَزَمینی سَردِرِ بَرگِنِستینَه کن کَمَه خاکی داری. پس دونَه اِن جَخت پِرمینَه، چیرا کن اَ زَمینی خاکیرا عُمق نبَه. 6ولی وَقتی آختاو پِرمَه، گرد سیجیستین و خِشک آبین، اِمی خونه کن ریشَه نِدارین. 7تیکَلیی دونَه اونکا چِغون دِلَکا بَرگِنِستینَه. چِغِن دونَه اونَّه یال آبینَه، اَیِنِشون خفَه کَردَ و اَیِن اَکین نِداشون. 8اَمّا بقیَه اِ دونَه اِن زورومَه زَمینی سَردِرِ بَرگِنستین وتیشک کَردِشون و پِرمین و اَکین وَردِشونَ و وِر آبین، بَعضییِن سی و بعضی شِصت و بعضی صد بَرابر.» 9چَی بَه دوملَه عیسی واتِش: «هر کم کن چَی گوش دَرَرَست، دَرَسِه.»
10هَنگومی کن عیسی تنخا بَه، اَ دانزَ گِلَه شاگرد و اَیِنی کن چَی دووریکا بینَه، مَثَلون خونِه عیسی کا سوال دَپَرسِستین. 11عیسی اَیِنِش واتَه: «خدا پادیشاهی راز بَه شِمَه عَطا آبَه یَه، ولی بِرنی آدَمونرا، گِردِ چییِون میثالونَّه واتِه بَبی؛ 12تا:
«واقییَن دَیَسِن، اَمّا سَر آمَگِنِن،
واقییَن دَرَسِن، اَمّا مَفَمِن،
نِکَرِ آگردِن و بخشیدَ آبون!“
13اَموقه عیسی اَیِنِش واتَه: «اِم مَثَلی سَر آنینَگِنِست؟ پس چِنتَه بپیرون دییَرَ مَثَلونکا سَر آگِنَه؟ 14کَشاوَرزخِدا کَلامی بَکَشتی. 15بعضی آدَمِن دونَه اونی شیوارین کن راه دِلکا برگنِستین، اَجگا ایی کن خدا کَلامی بَکَشتینَه؛ وقتی کن کلامی دنَّرَست، جخت شَیطون بومَیَ و کلامی کن چَوون دِلَکا کَشتَشونَه آبَرِدیَه. 16بعضییِن نی، هِنتَه دونَه اونی شیوارین کن بِژَ زَمینی سَردِرِ بَرگِنِستینَه؛ اَیِن وقتی خدا کَلامی دَنَّرَست، جَخت اَی خَشینَه قِبول بَکَن، 17ولی اِمی خونه کن اِشتَن دِلَکا ریشَشون نیَه، تاکَه کَمه زمانی دَوام بوعَردین. چَی به دوملَه هَنگومی کن خدا کلامی خونِه، سختی بَویندین یا اَیذَت و آزاربَبین، جَخت اِشتَن ایمانی از دست بَدان. 18بَعضی آدَمونکا نی، هِنتَه دونَه اِنینَه کن چغون دَلَکا برگِنِستینَه؛ اَیِن خدا کَلامی دَنَّرَست، 19ولی اِم دِنیا تَفشیش و دنیادمالی وس وَسَه و دییَرَ چییون هَوَس چَوون دِلیکا دَرَش و خداکلامی خَفَه آرَکَرد و نییَشت بَرَ بِدرن. 20ولی بَقیَه، هِنتَه دونَه اونی شیوارین کن زورومَه زَمینی سَردِرِ برگِنِستینَه؛ اَیِن خداکلامی دنَّرست، اَی قِبول بَکَن و سی، شِصت و صد برابر بَرَ بدان.»
چِرا مَثَل
21عیسی اَیِنِش واتهَ: «شِمَه چرا بوعَردیرون تا چَی سَریکا قَدرَ پنَرَ یا تَختی بنیکا بنَر؟ مَگَم، چرا، چرا پایه سَر نِنَرَ؟ 22اِمی خونه کن هیچ پوشامنیَه چیی ایی نییَه کن دیار آمَبو، و هیچ چیی ایی نیَه کن جیگا هَردَش ببو و آشکار آمَبو. 23هر کَم کن چَی گوش دَرَرَست، دَرَسِه.» 24چَی بَه دوملَه عیسی اَیِنش واتَه: «اَچیی سَر کن کان دَرَستِه، دیقّت بَکَرَ. هَه پَیمونَه اینَه کن بدَرَ، هَه پَیمونَه نَه بَشِمَه آدوعَه بَبی، و حتی اَیکا نی ویشتَر بَشِمَه آدوعِه بَبی. 25اِمی خونه بِه اَ کن دارِ، ویشتَر آدوعِه بَبی و اَیکا کن نیشَه، حتی هَه کن دارِ نی بَیکا ویگَتِه ببیَه.»
دونَه ای کن پِرَرا مَثَل
26عیسی واتِش: «خدا پادیشاهی مِردی شیوارَ کن زَمینی سَردِرِ دونَه پِرَشَند. 27شَو و روج، چِه اَ مِرد خاویکا ببو چِه بیدارببو، دونه کَو آرَب و پِرَرا. چِنتَه؟ اَ نیَموست. 28زمین خودبَه خود اَکین دَرِ: اَولیکا ساقَه پِرَرا، دوملَه کَوَ جومبورَ بَژَی و چَی به دوملَه جومبورَ دونَه نَه پَتلَمه بَبی. 29ولی وَقتی کن دونه بِرَسِه، کَشاوَرز جَخت اورَقی پِرَگَت، اِمی خونِه کن دورنوستِه وَقت آرَستَه یَه.»
خردَله دونَه مَثَل
30و عیسی اَیِنش واتَه: «خدا پادیشاهی چِه چیی ایی بَمَندیَه، یا چِنتَرَ مِثالینَه اَی شِمَرا بواجم؟ 31خدا پادیشایی هِنتَه ایلَه خَردَلَه دونَه شیوارَ. خَردَلَه دونَه، گِچتَرین دونَه اییَه کن زَمینی سَردِرِ بَکَشتینَه، 32ولی وَقتی اَی کَشتِشون، پِرَرا و باغی گِردِ کَشتَه چییونکا یالتَر آرَب، و یالَه بَشو خال بوعَردی، اَنَه کن آستامونی پَرَندَ اِن بَشان چَی ساکا لونَه سِی آکَردِ.»
33عیسی خَیلی اِنتَرَ مَثالینَه، تا اَجگا ایی کن اَیِن اَشاینَه سَر آگِنِستِه، خدا کلامی چَوونرا واتِش. 34عیسی بیدون مَثَل مَردومیرا گف نژَنیَه؛ ولی هَنگومی کن اِشتَن شاگِرونَّه خَلوَتیکا بَه، گردِ چییون چَوونرا توضیح اَدَری.
عیسی دَیرا توفانی آرام بَکَی
35اَ روج وقتی دییَرمازآبَه، عیسی اِشتَن شاگِردون واتِشَه: «بِرَ دَیراچَه اَوَریرا بِشَم.» 36اَیِن جَمعیَتی وَریکا شینَه و عیسیاشون هَه لاتیکَه اینَه کن چَی دِلَکا نشت بَه، اِشتَنَ بَردِشون. چَند گِلَه دییَرَ لاتیکَه نی کایبین اَوونَّه شِه. 37ایکَرَایی برکَه وایی راست آبَه. دَیراچه موجِن هِنتَه لاتیکَه گِنین کن نِزِک بَه لاتیکه آوینَه پور آبو. 38ولی عیسی لاتیکَه آخِریکا اِشتَن کَلّه سَینهَ ایی سَریکا آنوعَشَ بَه و خِت بَه. شاگِردِن عیساشون خاویکا پِکَردَ و واتشون: «اِستا، تِرا مهیم نیَه کن اَمه کایمون نیفله آبِه؟» 39عیسی پِبَه و وا سَردِرِ تَشَر ژِشَه و دَیراچَش واتَه: «ساکیت بِب و آلاوی!» اَموقه وا ویکِشتِشَه و هَمَه جِگا آلاویستَه. 40چَی بَه دوملَه عیسی اِشتَن شاگِردِنِش واتَه: «چیرا اِنتَه بَتَرسِستِرون؟ هَنوزَنی ایمانِرون نی؟» 41اَیِن بَرک تَرسِستَه بین و یَندِ اَواجینَه: «اِم کیه کن حتی وا و دَیراچَه نی اَیکا فِرمون بَبَردینَه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company