مَرقُس 5
5
عیسی پَریانیَه مِردی شفا داشَه
1چَی بَه دوملَه اَیِن دَیرا چَه اَوَریرا، منطَقَه اِ جِراسیانیرا شین. 2هِنتَه کن عیسی لاتیکَکا ویرمَه، ایلَه مِردی کن شَیطونیَه روحی بَی ویلاخِنیَش بَه، قَوراسونیکا بِرِن بَرمَه و عیسی نَه سَراسَر بَه. 3اَ مِرد قَوراسونیکا زندَگی اَکَریَه و دِ کَسی نَشایَه بَی حتی زِنجیلینَه آبَستِه. 4اِمی خونه کن چَنکَرَ اَی زِنجیلونَّه و آسونَه پا بِندونَّه آبَستَشون بَه، ولی اَ، زِنجیلِنِش اِرِشتَش بَه و آسونَه پابِندون چاکنِستَش بَه. هیچ کَمیرا اینجارِ چَی اَهل کَردِ نِبَه. 5شَو و روج قَوراسونیکا، کولهَ اون سَریکا لَسّه اَژَنیَه و سِه نَه اِشتَن جَندَکی یَرَ آکَری. 6وَقتی اَ عیساش دوریکا ویندِشَه، ویریتِه آمَه و عیسی لِنگون نَکا برگِنستَه، 7تَتَه لَسَنَه جِکَّلَه ژِشَه و واتِش: «عیسی، خِدای موتعالی زوعَه، تِه مِنَه چه کارِرهِستَه؟ بَتِه خِداکا قَسم دَرِم کن بَمن عَذاب نِدَری!» 8اِمی خونه کن عیسی بَی اَواجیَه: «اَی شَیطونیَه روح، اِم مِردیکا بِرِن بَرا!» 9عیسی اَیکا دَپَرسِستَه: «اِشتِه نوم چِچیه؟» جواب داشَه: «چمن نوم لِژیونَه؛ اِمی خونِه کن چَمه تیعداد وِرَ.» 10و عیساش بَرکَه خاشتو خاز کَردَ کن اَوون اَ مَنطقَه کا بِرِن بَنِکَرِ. 11اَ نِزِکیون کا، یالَه خوعَه رَمه ایی کولَه سَریکا هَردِ مشغول بین. 12شیطونیَه روحِن عیسی کا خاشتو خاز کَردِشونَه و واتِشون: «اَمه خواون دِلَه بَینِن؛ بَرزِن چَوون دِلَه دَشَم.» 13عیسی نی اَیِنِش ایجازَ داشَه. شَیطونیَه روحِن اَ مِردیکا بِرِن بَرمینَه و خواون دِلَه دَشین. رَمَه ایی کن حِدودِ دو هَزار سَر خو بین، کولَه ایشبَه ویرَ کا دَیراچَه طَرَفیرا هِژما بَردِشونه و آویکا غَرق آبین.
14خوعه وونِن ویریتین و اِم ایتفاقی شَهرو آوادی دِلَکا جیگیر کَردشون. مردوم نی بِرِن بَرمینَه تا اَچیی کن ایتفاق دَگِنِستَه بَه، بِوینن. 15اَیِن عیسی وَرآمین و وَقتی ویندشون اَ پَریانیَه مِرد کن چیمی بَه نَ اَ لِژیون بَی ویلاخِنیَش بَه، ایسَه شندر دَکَردَشَه و اَلمَند اَجگا کا نِشتَه، بَرک تَرسِستین. 16اَیِنی کن اِم ایتفاقی اِشتَن چَمینَه ویندَشون بَه، اَچیی کن اَ پَریانیَه مِردی سَردِرِ و خوعونرا گِذَشتَه بَه، مَردومیرا جیگیر کَردِشون. 17اَموقه مردوم عیسی کا خاشتو خاز کَردشونَه کن چَوون منطقَه کا بِشو.
18وَقتی عیسی لاتیکَکا دَرَنِشی، مِردی کن چیمی بَه نَه پَریانی بَه، عیساش خاشتو خاز کردَ کن بَینَه بِشو. 19ولی عیسی ایجازَ نِداشَه و واتِش: «کَرا و اِشتَن رَفِقون وَر بش و اَوون بواج کن خداوند چِه کاری تِراش کَردَیه و چِنتَرَ بَتِه رَحم کَردَشَه.» 20پس اَ مِرد شَه و دِکاپولیسی منطَقه کا، اییلام کَردِشَه کن عیسی چه کاری چَیرا کَردَشَه، و مَردوم گِرد حَیرون آبین.
عیسی ایلَه ژِن و یایروسی کِلَه شفا دَرِ
21عیسی هَنی لاتیکَه نَه دَیراچَه اَوَریرا شَه. دَیراچَه کَناریکا، وِرَ جَمعیَتی عیسی دوور جَم آبینَه. 22چَی بَه دوملَه عیبادَتگا ایلَه رَئیسونکا کن یایروس نوم داری نی اَ جِگارا آمَه و وَقتی عیساش ویندَ چَی لِنگون سَردِرِ بَرگِنِستَه 23و خاشتو خازینَه واتِش: «چمن گِچَه کِلَه کا مَردِ. بِه و اِشتِه بالی چَی سَریکا بنَه تا سی آبو و زِندَ بِومونِه.» 24پس عیسی بَینَه شَه.
یالَه جَماعتی نی عیسی دوملَه را دَگِنِستین. اَیِن بَرک عیساکا دَچِکِستَه بینَه. 25اَ جَماعتی دَلَکا، ژِنی بَه کن دانزَ سال بَه، خونریزی داری. 26اَ وِرَ دوختورون وَر شَه بَه و چَوون دَستی بنیکا وِرَ عَذاب کَشتَش بَه و گردِ اِشتَن دارایی خَرج کَردَش بَه؛ ولی درمون بِه عَوَض بَدتَر آبه بَه. 27اَ ژِن عیسی خونه چییِنی دَرَستَش بَه، پس جَمعیَتی دِلَکا عیسی پِشتیکا بَی نِزِک آبَه و چَی رَدا دَست آسا کَردِشَه. 28اِمی خونه کن اَ ژِن بَشتَنَه واتَش بَه: «اَگَم حتی چَی ردا دَست آسا بکَم شفا بَگَتیم.» 29جَخت اَ ژنی خون ویکَردِ قَطع آبَه و اِشتَن جَندَکیکا حِس کَردِشَه کن اِشتَن آزاریکا شفا گَتَشَه. 30عیسی جخت سَر آگِنَه کن خنری اَیکا بِرن بَرشَیَه. پس جَمعیَتی دِلَکا اِشتَن دور وَری دَیَشتش و دَپرسستَه: «کی چمن ردا دَست آسا کَردِشَه؟» 31چَی شاگِردِن جواب آداشونَه: «بَویندیشَه کن جَماعت هَر وَریکا بَتِه دَچِکِستَه اینَه و ته هَنی دَشَپَرسِست کن؛ ”کی بَمن دَست آسا کَردِشه؟“» 32عیسی اِشتَن دووری دَرَدِسی تا بِوینِه کن کی اِم کاری کَردَشَه. 33پس اَ ژِن کن اَزنیَه چه ایتفاقی چَیرا دَگِنِستَه یَه، تَرسِو لرزینه نار آمَه، عیسی لِنگون سَر برگِنِستَه و گِردِ حَییقَتی چَیرا واتِشَه. 34عیسی بَی واتِشَه: «کِلَمَه، اِشتِه ایمان بَتِه شفا آدوعَشَه. سَقَه جان بش و اِم آزاریکا آزاد بِب!»
35عیسی هنوزَنی گَف اَژَنیَه کن کاولَه ایی عیبادَتگا رَئیسی کَکا، آمینَه و واتِشون: «اِشتِه کِلَه مَردَ! دِ چیرا اِستا زَمَت دَشَفَند؟» 36ولی عیسی وَقتی چَوون گَفی دَرَستِشَه، عیبادَتگا رَئیسیش واتَه: «مَتَرس! فقط ایمان بِدا.» 37و ایجازَ آنِداشَه جُز پِطروس و یعقوب و یعقوبی برا یوحنی، دییَرَ کَسی چَی دوملَه بِشو. 38وَقتی اَیِن عیبادتگا رَئیسی کَرا آرَستین، عیسی ویندِشَه کن کَکا قَیامَتَه و مردوم برک بَبِرمِستینَه و عازیَه بَکَن. 39پس عیسی دِلَه دَرمَه و اَیِنِش واتَه: «اِم بِرَمِستِه و خَرا خِلِه چِه خونِه یَه؟ خردَن مَردَ نی، بَسکَم خِتَه.» 40اَیِن عیسی گَفیرا خوروستِشون. اَمّا عیسی گِردِ اَیِنِش بِرِن بَرکَردَ، خردَنی دَدَ و نَه نَه شاگِردِنی کن بَینَه دَرِ بین پِگَتِشَه و جِگا ایرا شه کن خِردَن اَ جِگاکا بَه. 41عیسی اَ کِلَه بالی گَتِشَه و بَی واتِش: «تالیتا، کوم!» یعنی: «گِچَه کِلَه، بَتِه باتیمَه پِب!» 42اَ کله جَخت راست آمَندَ ودمندَ گل ژِ. اَ کِلَه دانزَ سالَه بَه. اَیِن اِم ایتفاقی خونِه بَرک حَیرون بینَه. 43عیسی اَیِنِش بَرک قَدغَن کردشَه کن نَرزِن کَسی اِم ایتفاقیکا سَر آگِنِه، و واتشَه کن چیی اَ کِلَه بِدَرِن تا بَرِ.
Currently Selected:
مَرقُس 5: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 5
5
عیسی پَریانیَه مِردی شفا داشَه
1چَی بَه دوملَه اَیِن دَیرا چَه اَوَریرا، منطَقَه اِ جِراسیانیرا شین. 2هِنتَه کن عیسی لاتیکَکا ویرمَه، ایلَه مِردی کن شَیطونیَه روحی بَی ویلاخِنیَش بَه، قَوراسونیکا بِرِن بَرمَه و عیسی نَه سَراسَر بَه. 3اَ مِرد قَوراسونیکا زندَگی اَکَریَه و دِ کَسی نَشایَه بَی حتی زِنجیلینَه آبَستِه. 4اِمی خونه کن چَنکَرَ اَی زِنجیلونَّه و آسونَه پا بِندونَّه آبَستَشون بَه، ولی اَ، زِنجیلِنِش اِرِشتَش بَه و آسونَه پابِندون چاکنِستَش بَه. هیچ کَمیرا اینجارِ چَی اَهل کَردِ نِبَه. 5شَو و روج قَوراسونیکا، کولهَ اون سَریکا لَسّه اَژَنیَه و سِه نَه اِشتَن جَندَکی یَرَ آکَری. 6وَقتی اَ عیساش دوریکا ویندِشَه، ویریتِه آمَه و عیسی لِنگون نَکا برگِنستَه، 7تَتَه لَسَنَه جِکَّلَه ژِشَه و واتِش: «عیسی، خِدای موتعالی زوعَه، تِه مِنَه چه کارِرهِستَه؟ بَتِه خِداکا قَسم دَرِم کن بَمن عَذاب نِدَری!» 8اِمی خونه کن عیسی بَی اَواجیَه: «اَی شَیطونیَه روح، اِم مِردیکا بِرِن بَرا!» 9عیسی اَیکا دَپَرسِستَه: «اِشتِه نوم چِچیه؟» جواب داشَه: «چمن نوم لِژیونَه؛ اِمی خونِه کن چَمه تیعداد وِرَ.» 10و عیساش بَرکَه خاشتو خاز کَردَ کن اَوون اَ مَنطقَه کا بِرِن بَنِکَرِ. 11اَ نِزِکیون کا، یالَه خوعَه رَمه ایی کولَه سَریکا هَردِ مشغول بین. 12شیطونیَه روحِن عیسی کا خاشتو خاز کَردِشونَه و واتِشون: «اَمه خواون دِلَه بَینِن؛ بَرزِن چَوون دِلَه دَشَم.» 13عیسی نی اَیِنِش ایجازَ داشَه. شَیطونیَه روحِن اَ مِردیکا بِرِن بَرمینَه و خواون دِلَه دَشین. رَمَه ایی کن حِدودِ دو هَزار سَر خو بین، کولَه ایشبَه ویرَ کا دَیراچَه طَرَفیرا هِژما بَردِشونه و آویکا غَرق آبین.
14خوعه وونِن ویریتین و اِم ایتفاقی شَهرو آوادی دِلَکا جیگیر کَردشون. مردوم نی بِرِن بَرمینَه تا اَچیی کن ایتفاق دَگِنِستَه بَه، بِوینن. 15اَیِن عیسی وَرآمین و وَقتی ویندشون اَ پَریانیَه مِرد کن چیمی بَه نَ اَ لِژیون بَی ویلاخِنیَش بَه، ایسَه شندر دَکَردَشَه و اَلمَند اَجگا کا نِشتَه، بَرک تَرسِستین. 16اَیِنی کن اِم ایتفاقی اِشتَن چَمینَه ویندَشون بَه، اَچیی کن اَ پَریانیَه مِردی سَردِرِ و خوعونرا گِذَشتَه بَه، مَردومیرا جیگیر کَردِشون. 17اَموقه مردوم عیسی کا خاشتو خاز کَردشونَه کن چَوون منطقَه کا بِشو.
18وَقتی عیسی لاتیکَکا دَرَنِشی، مِردی کن چیمی بَه نَه پَریانی بَه، عیساش خاشتو خاز کردَ کن بَینَه بِشو. 19ولی عیسی ایجازَ نِداشَه و واتِش: «کَرا و اِشتَن رَفِقون وَر بش و اَوون بواج کن خداوند چِه کاری تِراش کَردَیه و چِنتَرَ بَتِه رَحم کَردَشَه.» 20پس اَ مِرد شَه و دِکاپولیسی منطَقه کا، اییلام کَردِشَه کن عیسی چه کاری چَیرا کَردَشَه، و مَردوم گِرد حَیرون آبین.
عیسی ایلَه ژِن و یایروسی کِلَه شفا دَرِ
21عیسی هَنی لاتیکَه نَه دَیراچَه اَوَریرا شَه. دَیراچَه کَناریکا، وِرَ جَمعیَتی عیسی دوور جَم آبینَه. 22چَی بَه دوملَه عیبادَتگا ایلَه رَئیسونکا کن یایروس نوم داری نی اَ جِگارا آمَه و وَقتی عیساش ویندَ چَی لِنگون سَردِرِ بَرگِنِستَه 23و خاشتو خازینَه واتِش: «چمن گِچَه کِلَه کا مَردِ. بِه و اِشتِه بالی چَی سَریکا بنَه تا سی آبو و زِندَ بِومونِه.» 24پس عیسی بَینَه شَه.
یالَه جَماعتی نی عیسی دوملَه را دَگِنِستین. اَیِن بَرک عیساکا دَچِکِستَه بینَه. 25اَ جَماعتی دَلَکا، ژِنی بَه کن دانزَ سال بَه، خونریزی داری. 26اَ وِرَ دوختورون وَر شَه بَه و چَوون دَستی بنیکا وِرَ عَذاب کَشتَش بَه و گردِ اِشتَن دارایی خَرج کَردَش بَه؛ ولی درمون بِه عَوَض بَدتَر آبه بَه. 27اَ ژِن عیسی خونه چییِنی دَرَستَش بَه، پس جَمعیَتی دِلَکا عیسی پِشتیکا بَی نِزِک آبَه و چَی رَدا دَست آسا کَردِشَه. 28اِمی خونه کن اَ ژِن بَشتَنَه واتَش بَه: «اَگَم حتی چَی ردا دَست آسا بکَم شفا بَگَتیم.» 29جَخت اَ ژنی خون ویکَردِ قَطع آبَه و اِشتَن جَندَکیکا حِس کَردِشَه کن اِشتَن آزاریکا شفا گَتَشَه. 30عیسی جخت سَر آگِنَه کن خنری اَیکا بِرن بَرشَیَه. پس جَمعیَتی دِلَکا اِشتَن دور وَری دَیَشتش و دَپرسستَه: «کی چمن ردا دَست آسا کَردِشَه؟» 31چَی شاگِردِن جواب آداشونَه: «بَویندیشَه کن جَماعت هَر وَریکا بَتِه دَچِکِستَه اینَه و ته هَنی دَشَپَرسِست کن؛ ”کی بَمن دَست آسا کَردِشه؟“» 32عیسی اِشتَن دووری دَرَدِسی تا بِوینِه کن کی اِم کاری کَردَشَه. 33پس اَ ژِن کن اَزنیَه چه ایتفاقی چَیرا دَگِنِستَه یَه، تَرسِو لرزینه نار آمَه، عیسی لِنگون سَر برگِنِستَه و گِردِ حَییقَتی چَیرا واتِشَه. 34عیسی بَی واتِشَه: «کِلَمَه، اِشتِه ایمان بَتِه شفا آدوعَشَه. سَقَه جان بش و اِم آزاریکا آزاد بِب!»
35عیسی هنوزَنی گَف اَژَنیَه کن کاولَه ایی عیبادَتگا رَئیسی کَکا، آمینَه و واتِشون: «اِشتِه کِلَه مَردَ! دِ چیرا اِستا زَمَت دَشَفَند؟» 36ولی عیسی وَقتی چَوون گَفی دَرَستِشَه، عیبادَتگا رَئیسیش واتَه: «مَتَرس! فقط ایمان بِدا.» 37و ایجازَ آنِداشَه جُز پِطروس و یعقوب و یعقوبی برا یوحنی، دییَرَ کَسی چَی دوملَه بِشو. 38وَقتی اَیِن عیبادتگا رَئیسی کَرا آرَستین، عیسی ویندِشَه کن کَکا قَیامَتَه و مردوم برک بَبِرمِستینَه و عازیَه بَکَن. 39پس عیسی دِلَه دَرمَه و اَیِنِش واتَه: «اِم بِرَمِستِه و خَرا خِلِه چِه خونِه یَه؟ خردَن مَردَ نی، بَسکَم خِتَه.» 40اَیِن عیسی گَفیرا خوروستِشون. اَمّا عیسی گِردِ اَیِنِش بِرِن بَرکَردَ، خردَنی دَدَ و نَه نَه شاگِردِنی کن بَینَه دَرِ بین پِگَتِشَه و جِگا ایرا شه کن خِردَن اَ جِگاکا بَه. 41عیسی اَ کِلَه بالی گَتِشَه و بَی واتِش: «تالیتا، کوم!» یعنی: «گِچَه کِلَه، بَتِه باتیمَه پِب!» 42اَ کله جَخت راست آمَندَ ودمندَ گل ژِ. اَ کِلَه دانزَ سالَه بَه. اَیِن اِم ایتفاقی خونِه بَرک حَیرون بینَه. 43عیسی اَیِنِش بَرک قَدغَن کردشَه کن نَرزِن کَسی اِم ایتفاقیکا سَر آگِنِه، و واتشَه کن چیی اَ کِلَه بِدَرِن تا بَرِ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company