บราเกะ ลารี 12
12
ลาฆู บรามัย มากัด ลือปัซ ปี
(กีรา 9.1-14; ปือมือเลา ฮูโกบ 16.1-8; เอเซเคียน 45.21-25)
1ตูฮัด บือซัยํ เดะ อาตัซ มือเลา กะ มูซา ฌางัน อาโรน_ เดะ นังฆรี อียิบ จะ_ 2“บรี บูลัด อีนี ฌาดี บูลัด ฮืนตะ_ บีดา ลูมอฮ กาเญา_ บรี ฌาดี บูลัด ลามูลา_ เดะ ตาโฮด บารู_ บีดา ลูมอฮ กาเญา. 3กือนา ปือซัด บรี กะ โกะ ลูมอฮ อิซราเอน ซือมูฮา จะ_ เดะ อารี ซือปูโลฮ บูลัด อีนี_ บรี ราตา ซือมียา ซียะ อานะ กาเมก_ เฆอ จะ_ อานะ แบะ_ ซือรูมัฮ ซา อีโกยํ_ ตูโรจ กะ บือแนฮ นะ กูญา. 4ดัฮ รูมัฮ ดีฮา_ อาดา ซือมียา กิดีกิ_ มากัด อานะ กาเมก ซา อีโกยํ เตด ฮาบิฮ โปด_ บรี กูญา บือมุน ซือกาลี_ ฌางัน โกะ กาวัด รูมัฮ_ นู ดูโดะ ดาปิก_ ซียะ อานะ กาเมก ซา อีโกยํ. บรี กูญา ปาฮาฆิ โกะ ลูลู_ ตูโรจ บือกะ ซือมียา นู นะ มากัด_ อาดา บาญะ ตารา ดีฮา. 5อานะ กาเมก นะ กาเญา เตอ_ ฆาโดฮ ฮอย ปะออย_ ฌาดี กาเมก บาปา_ อูมอยํ บือเลฮ ซา ตาโฮด. กาเญา กือนา อาเมด มาแรฮ_ ดาตัก เดะ กาวัด กาเมก_ เฆอ จะ กาวัด แบะ. 6กือนา ตาโรฮ บรี บาฌิ_ บรี รอจ กะ อารี ปัจ บือลัซ_ บูลัด อีนี. เดะ วะตู ปะฮือญา อีตู_ บรี กะ ลูมอฮ อิซราเอน ซือมูฮา บือมุน บือซามา_ บูนอฮ อานะ กาเมก นะ กูญา. 7กะฆีเตอ_ อาเมด ดารัฮ ซาปัก เดะ บีดิก ปีตู_ ดูวา บือลัฮ_ ฌางัน โซะ อาตัซ ปีตู นะ รูมัฮ_ นู กูญา นะ มากัด บรามัย อีตู ฌูฆา. 8เดะ มาลับ อีตู_ บรี กูญา มากัด ลูลู ซาลัย_ ฌางัน ตือโปก โรตี ฮอย ราฆี_ ฌางัน โกะ ตาโระ นู ปาเฮะ. 9ลูลู นู มาตัฮ_ เฆอ จะ_ ลูลู รือบุซ_ ฌางัน มากัด เลอ_ ตาปี กือนา ซาลัย_ ซือกาลี ฌางัน ปาลา_ กากี_ ฌางัน โกะ กลือกะ ดาลับ ฌูฆา. 10กือนา มากัด บรี ฮาบิฮ_ ฌางัน บรี อาดา กรือดะ ลือเบฮ_ ฌู รอจ กะ มัฮปาฆี. กรือดะ นู ลือเบฮ รอจ กะ วะตู ปาฆี เตอ_ กือนา ตูนู เดะ อาปี บูวัก เลอ. 11กาเญา กือนา มากัด บรามัย กะฆีนี_ ฌาดี จะ_ บอฮ ตาลี ปีงัก_ ปากัย ปะตาปะ_ ปือฆัก ตูกัจ ตาโรฮ_ มากัด งัจบางัจ. ลาฆู บรามัย อีนี_ ฌาดี ลาฆู บรามัย ลือปัซ ปี_ นะ ตูฮัด บือซัยํ เดะ อาตัซ. 12ซาเบะ เดะ มาลับ อีตู_ กู นะ ลาลู ปี เดะ นังฆรี อียิบ_ นะ บูนอฮ นานะ ซูโลก ซือมูฮา เดะ นังฆรี อียิบ_ เตด จะ_ นะ โกะ อูมัจ ซือมียา_ เฆอ จะ_ บือนาตัก. กู นะ กรัจ ฮูโกบ โกะ บราลา ซือมูฮา นะ ลูมอฮ อียิบ. กู นี เลอ_ ฌาดี ตูฮัด บือซัยํ เดะ อาตัซ. 13ตาปี ดารัฮ นู ซาปัก_ เดะ โกะ รูมัฮ นู กาเญา ดูโดะ ซือมูฮา เตอ_ นะ ฌาดี ปือนานา บีดา กาเญา. กาลา กู ลีฮัจ ดารัฮ อีตู_ กู นะ ลือปัซ ปี_ นะ ฮอย ลาฆู ฌาฮานัม_ เดะ รูมัฮ นะ กาเญา_ กาลา นู กู ตืองัฮ บูนอฮ ลูมอฮ อียิบ.
14“อารี อีนี นะ ฌาดี อารี บรีงัจ บีดา กาเญา. กือนา บูวัจ ลาฆู บรามัย กะฆีนี_ บีดา ตูฮัด บือซัยํ เดะ อาตัซ_ ปี ฌู ตือดะ ฮาบิฮ บือแนฮ บักซา นะ กาเญา_ กือนา บรามัย มากัด ลาฆู ลือปัซ ปี อีนี_ ฌาดี ลาฆู ฮาดัจ ปี ซือมาญัก รอจ เลอ. 15กาเญา ซือมูฮา กือนา มากัด ตือโปก โรตี นู ฮอย ราฆี_ บรี ฆือนะ ตูโฌฮ อารี. อารี ลามูลา_ กือนา ปือตรือเบะ โกะ ราฆี บูวัก_ เดะ รูมัฮ นะ กาเญา. ดัฮ ซาปา ปรือกัด มากัด ตือโปก โรตี นู อาดา ราฆี_ ตะเดะ อารี ลามูลา_ ปี ฌู รอจ กะ อารี ตูโฌฮ_ นะ ฆาโดฮ กือนา โปรฮ ซือมียา อีตู ปี_ บรี ตรือเบะ เดะ ลูมอฮ อิซราเอน. 16เดะ อารี ลามูลา อีตู เตอ_ บรี อาดา ลาฆู บือมุน นู จรัฮ บาฌิ. เดะ อารี ตูโฌฮ โปด_ บรี อาดา ลาฆู บือมุน จรัฮ บาฌิ ฌูฆา. เดะ อารี อีตู เตอ_ ฌางัน บรี ซาปา บือกรือฌา มานามา_ ลือเบฮ ซา ลาฆู ซียะ โกะ ซือบารัก มากัด. 17กาเญา กือนา ตูเฮะ กะ ลาฆู บรามัย มากัด ตือโปก โรตี นู ฮอย ราฆี_ ซาเบะ เดะ อารี อีตู เลอ_ กู นะ บาวา โกะ ลูมอฮ ตาฮัน นะ กาเญา_ ตรือเบะ เดะ นังฆรี อียิบ. ซาเบะ กะฆีเตอ_ กาเญา กือนา บรามัย อารี อีนี_ กือนา ตูเฮะ ฌาดี ฮาดัจ ปี ซือลาลู_ ฌู ตือดะ ฮาบิฮ บือแนฮ บักซา นะ กาเญา. 18เดะ วะตู ปะฮือญา_ อารี ปัจ บือลัซ_ บูลัด ลามูลา_ กาเญา ซือมูฮา กือนา มากัด ตือโปก โรตี นู ฮอย ราฆี_ ฌู รอจ กะ วะตู ปะฮือญา_ นะ อารี ดูวา ปูโลฮ ซา_ นะ บูลัด อีตู. 19เดะ ดาลับ ตูโฌฮ อารี อีตู_ ฌางัน บรี ดาปัจ ราฆี เดะ รูมัฮ นะ กาเญา เลอ. ดัฮ ซาปา มากัด ตือโปก โรตี นู อาดา ราฆี_ เตด จะ_ ฌาดี ซือมียา บักซา ลูวัยํ_ เฆอ จะ_ ซือมียา นู ดูโดะ เดะ อาปี เดะ นังฆรี โปด_ ซือมียา อีตู_ นะ กือนา โปรฮ บรี ตรือเบะ เดะ ลูมอฮ อิซราเอน 20ฌางัน มากัด โกะ ซือบารัก มานามา นู อาดา ราฆี_ เดะ ตือปัจ ดูโดะ นะ กาเญา ซือมูฮา_ กือนา มากัด ซา ตือโปก โรตี นู ฮอย ราฆี เตอ เลอ.”
21กะฆีเตอ มูซา_ ญา บลาโลก โกะ ซือมียา ซัยํบือซัยํ ซือมูฮา_ นะ ลูมอฮ อิซราเอน_ มาแรฮ บือซามา_ มือเลา ฌางัน กูญา จะ_ “กาเญา กือนา ปี_ ปีเลฮ อาเมด อานะ กาเมก_ บีดา โกะ ซือมียา ซือรูมัฮ นะ กาเญา_ มาแรฮ บูนอฮ ฌาดี อานะ กาเมก_ เดะ ลาฆู บรามัย ลือปัซ ปี. 22อาเมด ดาโวด ปูโฮด ฮูซบ_ ซา ฆืองับ_ จือลุ เดะ ดารัฮ นู อาดา เดะ แบพุน_ ซาปัก เดะ กายู ปีตู โซะ อาตัซ_ ฌางัน กายู ปีตู โซะ บีดิก ดูวา บือลัฮ_ ฌางัน ดารัฮ นู อาดา เดะ แบพุน. ฌางัน บรี ซาปา ตรือเบะ_ ปี ลือปัซ เดะ ปีตู รูมัฮ นะ กาเญา_ ฌู รอจ กะ วะตู ปาฆี. 23ซาเบะ ตูฮัด บือซัยํ เดะ อาตัซ_ นะ ตูโรด มาแรฮ_ ลาลู ปี บูนอฮ ลูมอฮ อียิบ. กาลา ญา ลีฮัจ ดารัฮ เดะ กายู ปีตู โซะ อาตัซ_ ฌางัน โซะ บีดิก ดูวา บือลัฮ_ ตูฮัด นะ ลาลู ปี ลือปัซ ปีตู อีตู_ ตีเมา บรี กะ ซือมียา นู นะ บูนอฮ_ มาโซะ ปี กะ รูมัฮ นะ กาเญา_ บีดา นะ มาโซะ ปี บูนอฮ กาเญา. 24กาเญา ซือมูฮา กือนา ตูเฮะ กะ ลาฆู อีนี บรี ฌาดี ฮาดัจ ฮูโกบ ปี ซือลาลู ฌางัน อานะ จูจู นะ เกา เลอ 25กาลา กาเญา ปี รอจ กะ นังฆรี นู ตูฮัด บือซัยํ เดะ อาตัซ อาเกะ บรี กะ กาเญา_ ตูโรจ กะ นู ญา บือเลฮ บือฌาญี ดัฮ เตอ_ กาเญา กือนา ตูเฮะ กะ ลาฆู บรามัย อีนี_ บูวัจ ปี ซือมาญัก รอจ 26กาลา โกะ จูจู นะ กาเญา ตาญา จะ ‘ลาฆู บรามัย อีนี ฌาดี กะฮามี?’ 27กาเญา กือนา ตีกัฮ จะ ‘ฌาดี ลาฆู อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ เดะ อารี บรามัย ลือปัซ ปี. ซาเบะ ตูฮัด ญา ลาลู ลือปัซ_ โกะ รูมัฮ นะ ลูมอฮ อิซราเอน เดะ นังฆรี อียิบ_ เดะ อารี อีตู นู ญา บูนอฮ ลูมอฮ อียิบ_ ตาปี ญา เตด บูนอฮ โกะ ลูมอฮ กามี ซือมูฮา.’ ” โกะ ลูมอฮ ซือมียา ซือมูฮา โปด_ ตือมะ มือญือมัฮ กะ ตูฮัด.
28กะฆีเตอ_ โกะ ลูมอฮ อิซราเอน โปด_ ปี บูวัจ ตูโรจ ราตา ฌือแนฮ_ บือกะ นู ตูฮัด บือซัยํ เดะ อาตัซ ปือซัด กะ มูซา ฌางัน อาโรน ดัฮ.
ลาฆู ฌาฮานัม นู ปือญูดัฮ: โกะ นานะ ซูโลก มาตี
(บราเกะ ลารี 11.1-10)
29เดะ วะตู ตืองัฮ มาลับ_ ตูฮัด บือซัยํ เดะ อาตัซ_ ญา บูนอฮ โกะ นานะ ซูโลก ราตา อูรัก_ เดะ นังฆรี อียิบ_ ตะเดะ นานะ ซูโลก นะ ราฌา ฟาโร_ นู อาดา เดะ ตือปัจ ดูโดะ นะ ราฌา_ ปี ฌู รอจ กะ นานะ ซูโลก นะ โกะ ซือมียา กือนา ราตัย_ นู อาดา เดะ ปือฌารา กือลับ_ เตด จะ_ โกะ อานะ ซูโลก นะ โกะ บือนาตัก_ นู กูญา ปือบือลา_ ราตา อีโกยํ ฌูฆา. 30ฟาโร_ ฌางัน โกะ ลูมอฮ ซือมียา ซัยํบือซัยํ_ ฌางัน โกะ ลูมอฮ อียิบ ซือมูฮา_ ดาฮานี บีกัซ_ เดะ วะตู ตืองัฮ มาลับ_ อาดา ซือวารา มือนาแงฮ บือปาโตด บูงี_ ราตา เดะ นังฆรี อียิบ_ ซาเบะ จะ_ ฮอย รูมัฮ ดีฮา เดะ นังฆรี อียิบ_ นู ฮอย ซือมียา มาตี เลอ. 31ราฌา ฟาโร_ ญา บลาโลก มูซา ฌางัน อาโรน_ บรี มาแรฮ ซารี ญา_ เดะ มาลับ อีตู_ มือเลา จะ “กาเญา ดูวา อูรัก_ ฌางัน โกะ บักซา อิซราเอน_ กือนา บราเกะ ตรือเบะ ปี ฌาโวฮ เดะ ลูมอฮ นะ กู เลอ_ ปี มือญือมัฮ กะ ตูฮัด บือซัยํ เดะ อาตัซ_ ตูโรจ บือกะ นู กาเญา มือเลา ดัฮ เตอ_ 32อาเมด โกะ กาวัด แบะ_ กาวัด กาเมก_ กาวัด ลือมู_ นะ กาเญา ปี ฌูฆา_ ตูโรจ บือกะ นู เกา บือเลฮ มือเลา ดัฮ. ปี ญัฮ เลอ_ ตาปี มีตา บรี ซือลามัจ กะ กู ฌูฆา.”
ลูมอฮ อิซราเอน บราเกะ ลารี ตะเดะ ราเมเซด_ รอจ กะ ซุกคด
33โซะ ลูมอฮ อียิบ โปด_ มืออารัฮ บรี ลูมอฮ อีตู ตรือเบะ เดะ นังฆรี งัจบางัจ_ ซาเบะ กูญา มือเลา จะ “ลูมอฮ กามี มาตี ฮาบิฮ ดัฮ.” 34โกะ ลูมอฮ บักซา อิซราเอน_ กือปัน กือโตน ฆาโนก มาตัฮ_ นู เตด บอฮ ราฆี_ ฌางัน แบพุน กือปิ ฆาโนก_ บูกุซ ฌางัน กาเยด_ บอฮ เดะ บาฮู_ ตาโงก ปี เลอ. 35โกะ ลูมอฮ อิซราเอน บือเลฮ บูวัจ ตูโรจ_ บือกะ นู มูซา ปือซัด ดัฮ_ ฌาดี จะ_ มีตา โกะ ซือบารัก ปีระ_ โกะ มัซ_ ฌางัน โกะ ซือบารัก ปากัย_ ดาตัก มาแรฮ เดะ ลูมอฮ อียิบ. 36ตูฮัด บือซัยํ เดะ อาตัซ_ บูวัจ บรี โกะ ลูมอฮ อิซราเอน_ กือนา เดะ ฮาตี นะ ลูมอฮ อียิบ_ กะฆีเตอ กูญา บรี โกะ ซือบารัก ซือมูฮา_ บือกะ นู กูญา มีตา. กะฆีนี เลอ_ กูญา ปาคัจ ฆางู อาเมด โกะ ซือบารัก แนฮฌือแนฮ นะ ลูมอฮ อียิบ บือปี.
37โกะ ลูมอฮ อิซราเอน_ บือฌาลัด ตรือเบะ ดาตัก เดะ ตูโปะ ราเมเซด_ ปี รอจ กะ ตูโปะ ซุกคด_ กีรา ซา โกะ กีลากี_ บือเลฮ ฆามะ 600,000 อูรัก_ บือฌาลัด ปี_ เตด กีรา โกะ นานะ เลอ. 38อาดา โกะ ลูมอฮ บักซา อาซิก_ บาญะ บักซา_ นู ตูโรจ ปี ฌูฆา_ มารือมา ฌางัน โกะ กาวัด บือนาตัก_ อาดา กาวัด แบะ_ กาวัด กาเมก_ ฌางัน กาวัด ลือมู_ บาญะ โตระ เลอ. 39กูญา อาเมด กือโตน ฆาโนก_ นู บาวา มาแรฮ ดาตัก เดะ นังฆรี อียิบ เตอ_ ซาลัย ฌาดี ตือโปก โรตี_ นู ฮอย ราฆี_ ซาเบะ กูญา กือนา มืออารัฮ บรี ตรือเบะ เดะ นังฆรี อียิบ งัจบางัจ_ เตด ดัด นะ ซียะ โกะ ซือบารัก นามา โปด.
40โกะ ลูมอฮ อิซราเอน ดูโดะ เดะ นังฆรี อียิบ_ บือเลฮ ฆามะ ปัจ ราตุซ ตีฆา ปูโลฮ (430) ตาโฮด 41กาลา ฮาบิฮ ปัจ ราตุซ ตีฆา ปูโลฮ ตาโฮด ดัฮ_ เดะ อารี อีตู เตอ_ โกะ ลูมอฮ ปาลัฮ นะ ตูฮัด บือซัยํ เดะ อาตัซ_ บราเกะ ตรือเบะ เดะ นังฆรี อียิบ. 42มาลับ อีตู ฌาดี มาลับ นู ตูฮัด บือซัยํ เดะ อาตัซ ฌาฆา ลีฮัจ_ บีดา นะ บาวา กูญา ตรือเบะ เดะ นังฆรี อียิบ. กะฆีเตอ มาลับ อีตู เตอ_ ฌาดี มาลับ นู โกะ ลูมอฮ อิซราเอน ซือมูฮา_ กือนา ฌาฆา_ ตูเฮะ บรีงัจ กะ ตูฮัด บือซัยํ เดะ อาตัซ_ ปี ซือรูโลยํ_ ฌู ตือดะ ฮาบิฮ บือแนฮ บักซา นะ กูญา.
ปือมือซัด บือตามัฮ_ ปาซัน ลาฆู บรามัย ลือปัซ ปี
(ลามูลา 17.9-14; บราเกะ ลารี 12.1-13)
43ตูฮัด บือซัยํ เดะ อาตัซ มือเลา กะ มูซา ฌางัน อาโรน จะ “ฮาดัจ นะ ลาฆู บรามัย ลือปัซ ปี_ ฌาดี กะฆีนี. ฌางัน บรี โกะ ลูมอฮ บักซา อาซิก มากัด เลอ. 44โซะ ปราโซฮ นู ตกเก บือลี มาแรฮ_ กาลา บรี ปราโซฮ อีตู ซาโมจ ลาฆู กรัจ ดัฮ_ บรี กูญา มากัด บือเลฮ. 45โซะ ซือมียา มือนูปัก_ ฌางัน โกะ อานะ กูลี เตอ_ ฌางัน บรี มากัด เลอ. 46ลาฆู บรามัย ลือปัซ ปี อีตู_ บรี มากัด ซา เดะ รูมัฮ_ ฌางัน อาเมด ลูลู ปี โซะ ลูวัยํ รูมัฮ_ ฌางัน ลือกับ ตูลัก นะ ญา เลอ. 47โกะ ลูมอฮ อิซราเอน ซือมูฮา_ กือนา ตูเฮะ บูวัจ ตูโรจ บือกะ ลาฆู ปือบูวัจ อีนี. 48กาลา อาดา ซือมียา บักซา อาซิก_ มาแรฮ มือนูปัก ดูโดะ ฌางัน กาเญา_ ดัฮ ญา นะ บรามัย ลาฆู ลือปัซ ปี_ บรี ตูเฮะ กะ ตูฮัด บือซัยํ เดะ อาตัซ_ บือซามา ฌางัน กาเญา_ บรี กะ ลูมอฮ กีลากี รูมัฮ นะ ญา_ ซาโมจ ลาฆู กรัจ ดูลู_ ราตา อูรัก. กะฆีเตอ บรี กะ ญา มาโซะ ตูเฮะ กะ ลาฆู อีตู บือเลฮ. ญา นะ ฌาดี ซือรูปา บือกะ ซือมียา นู ดูโดะ เดะ อาปี เดะ นังฆรี อีตู. ตาปี ดัฮ ซาปา เตด ซาโมจ ลาฆู กรัจ_ ฌางัน บรี มาโซะ มากัด บือซามา เดะ ลาฆู บรามัย ลือปัซ ปี เลอ. 49ฮาดัจ ฮูโกบ บีดา ซือมียา นู ดูโดะ เดะ อาปี เดะ นังฆรี_ ฌางัน ลูมอฮ ซือมียา บักซา อาซิก_ นู มือนูปัก ดูโดะ ฌูฆา ฌางัน กาเญา ซือมูฮา_ นะ ฌาดี ซือรูปา กะฆีเตอ.”
50โกะ ลูมอฮ อิซราเอน ซือมูฮา โปด บูวัจ ตูโรจ ราตา ฌือแนฮ_ บือกะ นู ตูฮัด บือซัยํ เดะ อาตัซ มือเลา กะ มูซา ฌางัน อาโรน ดัฮ. 51เดะ อารี อีตู เลอ_ ตูฮัด บือซัยํ เดะ อาตัซ_ ญา บาวา โกะ ลูมอฮ อิซราเอน_ ตรือเบะ เดะ นังฆรี อียิบ_ ฌาดี บือกาวัดกาวัด.
Currently Selected:
บราเกะ ลารี 12: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
บราเกะ ลารี 12
12
ลาฆู บรามัย มากัด ลือปัซ ปี
(กีรา 9.1-14; ปือมือเลา ฮูโกบ 16.1-8; เอเซเคียน 45.21-25)
1ตูฮัด บือซัยํ เดะ อาตัซ มือเลา กะ มูซา ฌางัน อาโรน_ เดะ นังฆรี อียิบ จะ_ 2“บรี บูลัด อีนี ฌาดี บูลัด ฮืนตะ_ บีดา ลูมอฮ กาเญา_ บรี ฌาดี บูลัด ลามูลา_ เดะ ตาโฮด บารู_ บีดา ลูมอฮ กาเญา. 3กือนา ปือซัด บรี กะ โกะ ลูมอฮ อิซราเอน ซือมูฮา จะ_ เดะ อารี ซือปูโลฮ บูลัด อีนี_ บรี ราตา ซือมียา ซียะ อานะ กาเมก_ เฆอ จะ_ อานะ แบะ_ ซือรูมัฮ ซา อีโกยํ_ ตูโรจ กะ บือแนฮ นะ กูญา. 4ดัฮ รูมัฮ ดีฮา_ อาดา ซือมียา กิดีกิ_ มากัด อานะ กาเมก ซา อีโกยํ เตด ฮาบิฮ โปด_ บรี กูญา บือมุน ซือกาลี_ ฌางัน โกะ กาวัด รูมัฮ_ นู ดูโดะ ดาปิก_ ซียะ อานะ กาเมก ซา อีโกยํ. บรี กูญา ปาฮาฆิ โกะ ลูลู_ ตูโรจ บือกะ ซือมียา นู นะ มากัด_ อาดา บาญะ ตารา ดีฮา. 5อานะ กาเมก นะ กาเญา เตอ_ ฆาโดฮ ฮอย ปะออย_ ฌาดี กาเมก บาปา_ อูมอยํ บือเลฮ ซา ตาโฮด. กาเญา กือนา อาเมด มาแรฮ_ ดาตัก เดะ กาวัด กาเมก_ เฆอ จะ กาวัด แบะ. 6กือนา ตาโรฮ บรี บาฌิ_ บรี รอจ กะ อารี ปัจ บือลัซ_ บูลัด อีนี. เดะ วะตู ปะฮือญา อีตู_ บรี กะ ลูมอฮ อิซราเอน ซือมูฮา บือมุน บือซามา_ บูนอฮ อานะ กาเมก นะ กูญา. 7กะฆีเตอ_ อาเมด ดารัฮ ซาปัก เดะ บีดิก ปีตู_ ดูวา บือลัฮ_ ฌางัน โซะ อาตัซ ปีตู นะ รูมัฮ_ นู กูญา นะ มากัด บรามัย อีตู ฌูฆา. 8เดะ มาลับ อีตู_ บรี กูญา มากัด ลูลู ซาลัย_ ฌางัน ตือโปก โรตี ฮอย ราฆี_ ฌางัน โกะ ตาโระ นู ปาเฮะ. 9ลูลู นู มาตัฮ_ เฆอ จะ_ ลูลู รือบุซ_ ฌางัน มากัด เลอ_ ตาปี กือนา ซาลัย_ ซือกาลี ฌางัน ปาลา_ กากี_ ฌางัน โกะ กลือกะ ดาลับ ฌูฆา. 10กือนา มากัด บรี ฮาบิฮ_ ฌางัน บรี อาดา กรือดะ ลือเบฮ_ ฌู รอจ กะ มัฮปาฆี. กรือดะ นู ลือเบฮ รอจ กะ วะตู ปาฆี เตอ_ กือนา ตูนู เดะ อาปี บูวัก เลอ. 11กาเญา กือนา มากัด บรามัย กะฆีนี_ ฌาดี จะ_ บอฮ ตาลี ปีงัก_ ปากัย ปะตาปะ_ ปือฆัก ตูกัจ ตาโรฮ_ มากัด งัจบางัจ. ลาฆู บรามัย อีนี_ ฌาดี ลาฆู บรามัย ลือปัซ ปี_ นะ ตูฮัด บือซัยํ เดะ อาตัซ. 12ซาเบะ เดะ มาลับ อีตู_ กู นะ ลาลู ปี เดะ นังฆรี อียิบ_ นะ บูนอฮ นานะ ซูโลก ซือมูฮา เดะ นังฆรี อียิบ_ เตด จะ_ นะ โกะ อูมัจ ซือมียา_ เฆอ จะ_ บือนาตัก. กู นะ กรัจ ฮูโกบ โกะ บราลา ซือมูฮา นะ ลูมอฮ อียิบ. กู นี เลอ_ ฌาดี ตูฮัด บือซัยํ เดะ อาตัซ. 13ตาปี ดารัฮ นู ซาปัก_ เดะ โกะ รูมัฮ นู กาเญา ดูโดะ ซือมูฮา เตอ_ นะ ฌาดี ปือนานา บีดา กาเญา. กาลา กู ลีฮัจ ดารัฮ อีตู_ กู นะ ลือปัซ ปี_ นะ ฮอย ลาฆู ฌาฮานัม_ เดะ รูมัฮ นะ กาเญา_ กาลา นู กู ตืองัฮ บูนอฮ ลูมอฮ อียิบ.
14“อารี อีนี นะ ฌาดี อารี บรีงัจ บีดา กาเญา. กือนา บูวัจ ลาฆู บรามัย กะฆีนี_ บีดา ตูฮัด บือซัยํ เดะ อาตัซ_ ปี ฌู ตือดะ ฮาบิฮ บือแนฮ บักซา นะ กาเญา_ กือนา บรามัย มากัด ลาฆู ลือปัซ ปี อีนี_ ฌาดี ลาฆู ฮาดัจ ปี ซือมาญัก รอจ เลอ. 15กาเญา ซือมูฮา กือนา มากัด ตือโปก โรตี นู ฮอย ราฆี_ บรี ฆือนะ ตูโฌฮ อารี. อารี ลามูลา_ กือนา ปือตรือเบะ โกะ ราฆี บูวัก_ เดะ รูมัฮ นะ กาเญา. ดัฮ ซาปา ปรือกัด มากัด ตือโปก โรตี นู อาดา ราฆี_ ตะเดะ อารี ลามูลา_ ปี ฌู รอจ กะ อารี ตูโฌฮ_ นะ ฆาโดฮ กือนา โปรฮ ซือมียา อีตู ปี_ บรี ตรือเบะ เดะ ลูมอฮ อิซราเอน. 16เดะ อารี ลามูลา อีตู เตอ_ บรี อาดา ลาฆู บือมุน นู จรัฮ บาฌิ. เดะ อารี ตูโฌฮ โปด_ บรี อาดา ลาฆู บือมุน จรัฮ บาฌิ ฌูฆา. เดะ อารี อีตู เตอ_ ฌางัน บรี ซาปา บือกรือฌา มานามา_ ลือเบฮ ซา ลาฆู ซียะ โกะ ซือบารัก มากัด. 17กาเญา กือนา ตูเฮะ กะ ลาฆู บรามัย มากัด ตือโปก โรตี นู ฮอย ราฆี_ ซาเบะ เดะ อารี อีตู เลอ_ กู นะ บาวา โกะ ลูมอฮ ตาฮัน นะ กาเญา_ ตรือเบะ เดะ นังฆรี อียิบ. ซาเบะ กะฆีเตอ_ กาเญา กือนา บรามัย อารี อีนี_ กือนา ตูเฮะ ฌาดี ฮาดัจ ปี ซือลาลู_ ฌู ตือดะ ฮาบิฮ บือแนฮ บักซา นะ กาเญา. 18เดะ วะตู ปะฮือญา_ อารี ปัจ บือลัซ_ บูลัด ลามูลา_ กาเญา ซือมูฮา กือนา มากัด ตือโปก โรตี นู ฮอย ราฆี_ ฌู รอจ กะ วะตู ปะฮือญา_ นะ อารี ดูวา ปูโลฮ ซา_ นะ บูลัด อีตู. 19เดะ ดาลับ ตูโฌฮ อารี อีตู_ ฌางัน บรี ดาปัจ ราฆี เดะ รูมัฮ นะ กาเญา เลอ. ดัฮ ซาปา มากัด ตือโปก โรตี นู อาดา ราฆี_ เตด จะ_ ฌาดี ซือมียา บักซา ลูวัยํ_ เฆอ จะ_ ซือมียา นู ดูโดะ เดะ อาปี เดะ นังฆรี โปด_ ซือมียา อีตู_ นะ กือนา โปรฮ บรี ตรือเบะ เดะ ลูมอฮ อิซราเอน 20ฌางัน มากัด โกะ ซือบารัก มานามา นู อาดา ราฆี_ เดะ ตือปัจ ดูโดะ นะ กาเญา ซือมูฮา_ กือนา มากัด ซา ตือโปก โรตี นู ฮอย ราฆี เตอ เลอ.”
21กะฆีเตอ มูซา_ ญา บลาโลก โกะ ซือมียา ซัยํบือซัยํ ซือมูฮา_ นะ ลูมอฮ อิซราเอน_ มาแรฮ บือซามา_ มือเลา ฌางัน กูญา จะ_ “กาเญา กือนา ปี_ ปีเลฮ อาเมด อานะ กาเมก_ บีดา โกะ ซือมียา ซือรูมัฮ นะ กาเญา_ มาแรฮ บูนอฮ ฌาดี อานะ กาเมก_ เดะ ลาฆู บรามัย ลือปัซ ปี. 22อาเมด ดาโวด ปูโฮด ฮูซบ_ ซา ฆืองับ_ จือลุ เดะ ดารัฮ นู อาดา เดะ แบพุน_ ซาปัก เดะ กายู ปีตู โซะ อาตัซ_ ฌางัน กายู ปีตู โซะ บีดิก ดูวา บือลัฮ_ ฌางัน ดารัฮ นู อาดา เดะ แบพุน. ฌางัน บรี ซาปา ตรือเบะ_ ปี ลือปัซ เดะ ปีตู รูมัฮ นะ กาเญา_ ฌู รอจ กะ วะตู ปาฆี. 23ซาเบะ ตูฮัด บือซัยํ เดะ อาตัซ_ นะ ตูโรด มาแรฮ_ ลาลู ปี บูนอฮ ลูมอฮ อียิบ. กาลา ญา ลีฮัจ ดารัฮ เดะ กายู ปีตู โซะ อาตัซ_ ฌางัน โซะ บีดิก ดูวา บือลัฮ_ ตูฮัด นะ ลาลู ปี ลือปัซ ปีตู อีตู_ ตีเมา บรี กะ ซือมียา นู นะ บูนอฮ_ มาโซะ ปี กะ รูมัฮ นะ กาเญา_ บีดา นะ มาโซะ ปี บูนอฮ กาเญา. 24กาเญา ซือมูฮา กือนา ตูเฮะ กะ ลาฆู อีนี บรี ฌาดี ฮาดัจ ฮูโกบ ปี ซือลาลู ฌางัน อานะ จูจู นะ เกา เลอ 25กาลา กาเญา ปี รอจ กะ นังฆรี นู ตูฮัด บือซัยํ เดะ อาตัซ อาเกะ บรี กะ กาเญา_ ตูโรจ กะ นู ญา บือเลฮ บือฌาญี ดัฮ เตอ_ กาเญา กือนา ตูเฮะ กะ ลาฆู บรามัย อีนี_ บูวัจ ปี ซือมาญัก รอจ 26กาลา โกะ จูจู นะ กาเญา ตาญา จะ ‘ลาฆู บรามัย อีนี ฌาดี กะฮามี?’ 27กาเญา กือนา ตีกัฮ จะ ‘ฌาดี ลาฆู อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ เดะ อารี บรามัย ลือปัซ ปี. ซาเบะ ตูฮัด ญา ลาลู ลือปัซ_ โกะ รูมัฮ นะ ลูมอฮ อิซราเอน เดะ นังฆรี อียิบ_ เดะ อารี อีตู นู ญา บูนอฮ ลูมอฮ อียิบ_ ตาปี ญา เตด บูนอฮ โกะ ลูมอฮ กามี ซือมูฮา.’ ” โกะ ลูมอฮ ซือมียา ซือมูฮา โปด_ ตือมะ มือญือมัฮ กะ ตูฮัด.
28กะฆีเตอ_ โกะ ลูมอฮ อิซราเอน โปด_ ปี บูวัจ ตูโรจ ราตา ฌือแนฮ_ บือกะ นู ตูฮัด บือซัยํ เดะ อาตัซ ปือซัด กะ มูซา ฌางัน อาโรน ดัฮ.
ลาฆู ฌาฮานัม นู ปือญูดัฮ: โกะ นานะ ซูโลก มาตี
(บราเกะ ลารี 11.1-10)
29เดะ วะตู ตืองัฮ มาลับ_ ตูฮัด บือซัยํ เดะ อาตัซ_ ญา บูนอฮ โกะ นานะ ซูโลก ราตา อูรัก_ เดะ นังฆรี อียิบ_ ตะเดะ นานะ ซูโลก นะ ราฌา ฟาโร_ นู อาดา เดะ ตือปัจ ดูโดะ นะ ราฌา_ ปี ฌู รอจ กะ นานะ ซูโลก นะ โกะ ซือมียา กือนา ราตัย_ นู อาดา เดะ ปือฌารา กือลับ_ เตด จะ_ โกะ อานะ ซูโลก นะ โกะ บือนาตัก_ นู กูญา ปือบือลา_ ราตา อีโกยํ ฌูฆา. 30ฟาโร_ ฌางัน โกะ ลูมอฮ ซือมียา ซัยํบือซัยํ_ ฌางัน โกะ ลูมอฮ อียิบ ซือมูฮา_ ดาฮานี บีกัซ_ เดะ วะตู ตืองัฮ มาลับ_ อาดา ซือวารา มือนาแงฮ บือปาโตด บูงี_ ราตา เดะ นังฆรี อียิบ_ ซาเบะ จะ_ ฮอย รูมัฮ ดีฮา เดะ นังฆรี อียิบ_ นู ฮอย ซือมียา มาตี เลอ. 31ราฌา ฟาโร_ ญา บลาโลก มูซา ฌางัน อาโรน_ บรี มาแรฮ ซารี ญา_ เดะ มาลับ อีตู_ มือเลา จะ “กาเญา ดูวา อูรัก_ ฌางัน โกะ บักซา อิซราเอน_ กือนา บราเกะ ตรือเบะ ปี ฌาโวฮ เดะ ลูมอฮ นะ กู เลอ_ ปี มือญือมัฮ กะ ตูฮัด บือซัยํ เดะ อาตัซ_ ตูโรจ บือกะ นู กาเญา มือเลา ดัฮ เตอ_ 32อาเมด โกะ กาวัด แบะ_ กาวัด กาเมก_ กาวัด ลือมู_ นะ กาเญา ปี ฌูฆา_ ตูโรจ บือกะ นู เกา บือเลฮ มือเลา ดัฮ. ปี ญัฮ เลอ_ ตาปี มีตา บรี ซือลามัจ กะ กู ฌูฆา.”
ลูมอฮ อิซราเอน บราเกะ ลารี ตะเดะ ราเมเซด_ รอจ กะ ซุกคด
33โซะ ลูมอฮ อียิบ โปด_ มืออารัฮ บรี ลูมอฮ อีตู ตรือเบะ เดะ นังฆรี งัจบางัจ_ ซาเบะ กูญา มือเลา จะ “ลูมอฮ กามี มาตี ฮาบิฮ ดัฮ.” 34โกะ ลูมอฮ บักซา อิซราเอน_ กือปัน กือโตน ฆาโนก มาตัฮ_ นู เตด บอฮ ราฆี_ ฌางัน แบพุน กือปิ ฆาโนก_ บูกุซ ฌางัน กาเยด_ บอฮ เดะ บาฮู_ ตาโงก ปี เลอ. 35โกะ ลูมอฮ อิซราเอน บือเลฮ บูวัจ ตูโรจ_ บือกะ นู มูซา ปือซัด ดัฮ_ ฌาดี จะ_ มีตา โกะ ซือบารัก ปีระ_ โกะ มัซ_ ฌางัน โกะ ซือบารัก ปากัย_ ดาตัก มาแรฮ เดะ ลูมอฮ อียิบ. 36ตูฮัด บือซัยํ เดะ อาตัซ_ บูวัจ บรี โกะ ลูมอฮ อิซราเอน_ กือนา เดะ ฮาตี นะ ลูมอฮ อียิบ_ กะฆีเตอ กูญา บรี โกะ ซือบารัก ซือมูฮา_ บือกะ นู กูญา มีตา. กะฆีนี เลอ_ กูญา ปาคัจ ฆางู อาเมด โกะ ซือบารัก แนฮฌือแนฮ นะ ลูมอฮ อียิบ บือปี.
37โกะ ลูมอฮ อิซราเอน_ บือฌาลัด ตรือเบะ ดาตัก เดะ ตูโปะ ราเมเซด_ ปี รอจ กะ ตูโปะ ซุกคด_ กีรา ซา โกะ กีลากี_ บือเลฮ ฆามะ 600,000 อูรัก_ บือฌาลัด ปี_ เตด กีรา โกะ นานะ เลอ. 38อาดา โกะ ลูมอฮ บักซา อาซิก_ บาญะ บักซา_ นู ตูโรจ ปี ฌูฆา_ มารือมา ฌางัน โกะ กาวัด บือนาตัก_ อาดา กาวัด แบะ_ กาวัด กาเมก_ ฌางัน กาวัด ลือมู_ บาญะ โตระ เลอ. 39กูญา อาเมด กือโตน ฆาโนก_ นู บาวา มาแรฮ ดาตัก เดะ นังฆรี อียิบ เตอ_ ซาลัย ฌาดี ตือโปก โรตี_ นู ฮอย ราฆี_ ซาเบะ กูญา กือนา มืออารัฮ บรี ตรือเบะ เดะ นังฆรี อียิบ งัจบางัจ_ เตด ดัด นะ ซียะ โกะ ซือบารัก นามา โปด.
40โกะ ลูมอฮ อิซราเอน ดูโดะ เดะ นังฆรี อียิบ_ บือเลฮ ฆามะ ปัจ ราตุซ ตีฆา ปูโลฮ (430) ตาโฮด 41กาลา ฮาบิฮ ปัจ ราตุซ ตีฆา ปูโลฮ ตาโฮด ดัฮ_ เดะ อารี อีตู เตอ_ โกะ ลูมอฮ ปาลัฮ นะ ตูฮัด บือซัยํ เดะ อาตัซ_ บราเกะ ตรือเบะ เดะ นังฆรี อียิบ. 42มาลับ อีตู ฌาดี มาลับ นู ตูฮัด บือซัยํ เดะ อาตัซ ฌาฆา ลีฮัจ_ บีดา นะ บาวา กูญา ตรือเบะ เดะ นังฆรี อียิบ. กะฆีเตอ มาลับ อีตู เตอ_ ฌาดี มาลับ นู โกะ ลูมอฮ อิซราเอน ซือมูฮา_ กือนา ฌาฆา_ ตูเฮะ บรีงัจ กะ ตูฮัด บือซัยํ เดะ อาตัซ_ ปี ซือรูโลยํ_ ฌู ตือดะ ฮาบิฮ บือแนฮ บักซา นะ กูญา.
ปือมือซัด บือตามัฮ_ ปาซัน ลาฆู บรามัย ลือปัซ ปี
(ลามูลา 17.9-14; บราเกะ ลารี 12.1-13)
43ตูฮัด บือซัยํ เดะ อาตัซ มือเลา กะ มูซา ฌางัน อาโรน จะ “ฮาดัจ นะ ลาฆู บรามัย ลือปัซ ปี_ ฌาดี กะฆีนี. ฌางัน บรี โกะ ลูมอฮ บักซา อาซิก มากัด เลอ. 44โซะ ปราโซฮ นู ตกเก บือลี มาแรฮ_ กาลา บรี ปราโซฮ อีตู ซาโมจ ลาฆู กรัจ ดัฮ_ บรี กูญา มากัด บือเลฮ. 45โซะ ซือมียา มือนูปัก_ ฌางัน โกะ อานะ กูลี เตอ_ ฌางัน บรี มากัด เลอ. 46ลาฆู บรามัย ลือปัซ ปี อีตู_ บรี มากัด ซา เดะ รูมัฮ_ ฌางัน อาเมด ลูลู ปี โซะ ลูวัยํ รูมัฮ_ ฌางัน ลือกับ ตูลัก นะ ญา เลอ. 47โกะ ลูมอฮ อิซราเอน ซือมูฮา_ กือนา ตูเฮะ บูวัจ ตูโรจ บือกะ ลาฆู ปือบูวัจ อีนี. 48กาลา อาดา ซือมียา บักซา อาซิก_ มาแรฮ มือนูปัก ดูโดะ ฌางัน กาเญา_ ดัฮ ญา นะ บรามัย ลาฆู ลือปัซ ปี_ บรี ตูเฮะ กะ ตูฮัด บือซัยํ เดะ อาตัซ_ บือซามา ฌางัน กาเญา_ บรี กะ ลูมอฮ กีลากี รูมัฮ นะ ญา_ ซาโมจ ลาฆู กรัจ ดูลู_ ราตา อูรัก. กะฆีเตอ บรี กะ ญา มาโซะ ตูเฮะ กะ ลาฆู อีตู บือเลฮ. ญา นะ ฌาดี ซือรูปา บือกะ ซือมียา นู ดูโดะ เดะ อาปี เดะ นังฆรี อีตู. ตาปี ดัฮ ซาปา เตด ซาโมจ ลาฆู กรัจ_ ฌางัน บรี มาโซะ มากัด บือซามา เดะ ลาฆู บรามัย ลือปัซ ปี เลอ. 49ฮาดัจ ฮูโกบ บีดา ซือมียา นู ดูโดะ เดะ อาปี เดะ นังฆรี_ ฌางัน ลูมอฮ ซือมียา บักซา อาซิก_ นู มือนูปัก ดูโดะ ฌูฆา ฌางัน กาเญา ซือมูฮา_ นะ ฌาดี ซือรูปา กะฆีเตอ.”
50โกะ ลูมอฮ อิซราเอน ซือมูฮา โปด บูวัจ ตูโรจ ราตา ฌือแนฮ_ บือกะ นู ตูฮัด บือซัยํ เดะ อาตัซ มือเลา กะ มูซา ฌางัน อาโรน ดัฮ. 51เดะ อารี อีตู เลอ_ ตูฮัด บือซัยํ เดะ อาตัซ_ ญา บาวา โกะ ลูมอฮ อิซราเอน_ ตรือเบะ เดะ นังฆรี อียิบ_ ฌาดี บือกาวัดกาวัด.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in