บราเกะ ลารี 13
13
1ตูฮัด บือซัยํ เดะ อาตัซ_ ญา มือเลา ฌางัน มูซา จะ. 2“กือนา อาเกะ มือญือมัฮ นานะ ซูโลก บรี กะ กู_ ฌาดี จะ_ ราตา ฌือแนฮ นะ ลูมอฮ อิซราเอน_ นู ตรือเบะ เดะ โปรจ ลามูลา_ เตด จะ_ นะ ฌาดี อูมัจ ซือมียา_ เฆอ จะ_ ฌาดี บือนาตัก_ บือนา อีตู ซือมูฮา ฌาดี นะ กู เลอ.”
ลาฆู บรามัย มากัด โรตี ฮอย ราฆี
(บราเกะ ลารี 12.14-20)
3กะฆีเตอ_ มูซา ญา มือเลา ฌางัน ลูมอฮ ซือมียา จะ_ “กือนา บรีงัจ รอจ กะ อารี อีนี_ นู กาเญา ตรือเบะ เดะ นังฆรี อียิบ_ ตรือเบะ เดะ ลาฆู ฌาดี ปราโซฮ_ กรานา ตูฮัด บือซัยํ เดะ อาตัซ ญา บาวา กาเญา ตรือเบะ เดะ ตือปัจ อีตู_ ฌางัน ตางัน นู มือฆัฮ นะ ญา. ตาปี ฌางัน นะ มากัด ตือโปก นู อาดา ราฆี เลอ. 4กาเญา ซือมูฮา นะ ตรือเบะ ปี_ เดะ อารี อีนี_ เดะ บูลัด อาบีบ#13.4 บูลัด อาบีบฌาดี บูลัด ลามูลา นะ ลูมอฮ ฮีบรู_ ฌาดี จะ_ ตะเดะ ตืองัฮ บูลัด ตีฆา รอจ กะ ตืองัฮ บูลัด นัม ฮาดัจ อีนี. เตอ. 5กาลา ตูฮัด บือซัยํ เดะ อาตัซ_ ญา บาวา กาเญา_ มาแรฮ รอจ กะ นังฆรี นะ ลูมอฮ คานาอัน_ ลูมอฮ เฮด_ ลูมอฮ อาโมรี_ ลูมอฮ ฮีวี_ ลูมอฮ เยบูซี_ นู ตูฮัด บือเลฮ อาเกะ มือเลา บือฌาญี ดัฮ_ ฌางัน โกะ ญังมูญัง จะ_ นะ อาเกะ นังฆรี อีนี บรี กะ กาเญา_ ฌาดี นังฆรี นู ปือนอฮ ฌางัน ซือบารัก มากัด_ นู บาฌิ_ นังฆรี นู อาดา โกะ อาเย ดาดา ลือมู_ ฌางัน โกะ มีซัด มาทู_ มือนีแลฮ บาญะ. กาเญา เตอ_ กือนา บูวัจ ตูโรจ กะ ลาฆู บรามัย อีนี_ เดะ บูลัด อีนี เลอ. 6กือนา มากัด ตือโปก ฮอย ราฆี_ รอจ กะ ตูโฌฮ อารี. มาโซะ กะ อารี ตูโฌฮ เตอ_ กือนา อาดา ลาฆู บือรามัย มือญือมัฮ กะ ตูฮัด บือซัยํ เดะ อาตัซ. 7กือนา มากัด ตือโปก ฮอย ราฆี_ บรี ฆือนะ ตูโฌฮ อารี. ฌางัน บรี บือฆารี ตือโปก นู อาดา ราฆี_ เฆอ จะ_ บือฆารี ราฆี_ ราตา เดะ ตือปัจ ตานัฮ นะ กาเญา. 8เดะ อารี อีตู_ กือนา มือญาเระ โกะ นานะ นะ กาเญา จะ_ ‘นู กู บูวัจ กะฆีนี_ กรานา จะ_ ตูฮัด บือซัยํ เดะ อาตัซ_ บือเลฮ บูวัจ ลาฆู นามา บีดา กู_ กาลา กู ตรือเบะ เดะ นังฆรี อียิบ เตอ.’ 9โซะ กาเญา เตอ_ ลาฆู อีนี นะ ฌาดี บือกะ ปือนานา_ เดะ ตางัน นะ กาเญา_ บือกะ ลาฆู บรีงัจ บรี บือฆารี_ เดะ กือนิง นะ กาเญา_ บีดา ปือมือเลา อาฌัยํ นะ ตูฮัด บือซัยํ เดะ อาตัซ_ นะ อาดา ลือกัจ เดะ มูโลจ นะ กาเญา_ กรานา จะ_ ตูฮัด บือซัยํ เดะ อาตัซ_ ญา เลอ_ นู บาวา กาเญา บรี ตรือเบะ เดะ นังฆรี อียิบ_ ฌางัน ตางัน นู มือฆัฮ นะ ญา. 10ซาเบะ กะฆีเตอ_ ลูมอฮ กาเญา ฆาโดฮ บูวัจ ตูโรจ กะ ฮาดัจ ลาฆู อีนี_ บีลัก ตาโฮด_ ปี ซือรูโลยํ เลอ.
ลาฆู มือญือมัฮ นานะ ซูโลก
11“ตานา ตูฮัด บือซัยํ เดะ อาตัซ_ ญา บาวา กาเญา บือปี กะ นังฆรี คานาอัน_ บือกะ นู ญา บือเลฮ มือเลา บือฌาญี ฌางัน กาเญา_ ฌางัน โกะ ญังมูญัง นะ กาเญา จะ_ นะ อาเกะ นังฆรี อีตู บรี กะ กาเญา_ 12กาลา อีตู เตอ_ ราตา ฌือแนฮ นู ตรือเบะ เดะ โปรจ ลามูลา มาแรฮ เตอ_ กาเญา กือนา บือปือจัฮ อาเกะ มือญือมัฮ กะ ตูฮัด_ โกะ อานะ บือนาตัก ซูโลก บาปา_ นะ โกะ บือนาตัก นู กาเญา ซูโรฮ โปด_ ฌาดี นะ ตูฮัด บือซัยํ เดะ อาตัซ. 13กือนา อาเมด อานะ กาเมก ซืออีโกยํ_ บีดา ตือบุซ อานะ กูดา บาซา ดือมิ นู ฌาดี อานะ ซูโลก. ดัฮ ฮอย เตด ตือบุซ_ กือนา ลือกับ ลีเฮ นะ ญา บูวัก. กือนา ตือบุซ นานะ กีลากี นู ซูโลก_ นะ อูมัจ ซือมียา_ ราตา อูรัก เลอ. 14นาตี อารี โซะ ฮือลด_ โกะ นานะ นะ เกา ญา ตาญา จะ_ ‘บูวัจ นามา บูวัจ ลาฆู กะฆีนี?’_ กือนา จรือตา บรี กะ ญา ตาฮู จะ_ ‘ตูฮัด บือซัยํ เดะ อาตัซ เตอ เลอ_ นู บาวา กีตา_ ตรือเบะ เดะ นังฆรี อียิบ_ ตรือเบะ เดะ ลาฆู ฌาดี ปราโซฮ_ ฌางัน ตางัน นู มือฆัฮ นะ ญา. 15กาลา ราฌา ฟาโร ญา กรัซ ฮาตี_ ตีเมา นะ ปลือปัซ ลูมอฮ กามี ปี_ กะฆีเตอ ตูฮัด บือซัยํ เดะ อาตัซ_ ญา บือเลฮ บูนอฮ นานะ ซูโลก ซือมูฮา_ เตด จะ_ นานะ ซือมียา เฆอ จะ_ อานะ บือนาตัก ซือมูฮา เดะ นังฆรี อียิบ_ ซาเบะ กะฆีนี_ กู อาเกะ มือญือมัฮ บือนาตัก นู ซูโลก กะ ตูฮัด. ตาปี นานะ ซูโลก กีลากี นะ กู เตอ_ กู ตือบุซ เลอ.’ 16ลาฆู ปือบูวัจ อีนี_ นะ ฌาดี บือกะ ปือนานา เดะ ตางัน นะ กาเญา_ บือกะ ลาฆู บรีงัจ บรี บือฆารี_ เดะ กือนิง นะ กาเญา_ กรานา ตูฮัด บือซัยํ เดะ อาตัซ บือเลฮ บาวา กีตา_ ตรือเบะ เดะ นังฆรี อียิบ_ ฌางัน ตางัน นู มือฆัฮ นะ ญา.”
ตีฮัก กือมูวัง ฌางัน ตีฮัก อาปี
(บราเกะ ลารี 40.34-38; กีรา 9.15-23; 1 ราฌา 8.10-11)
17ตานา ราฌา ฟาโร ญา ปลือปัซ โกะ ลูมอฮ ซือมียา ปี ดัฮ_ ตูฮัด ญา เตด บาวา กูญา ตูโรจ ปี โซะ นังฆรี นะ ลูมอฮ ฟีลิซะเตีย_ มีเซ จะ_ ฌาดี ฌาลัด นู ดาปิก โปด_ ซาเบะ ตูฮัด มือเลา จะ_ “ตาโกจ โกะ ซือมียา นะ ปี_ บือดาปัจ ฌางัน ลาฆู บือปรัก เตอ_ กูญา นะ บราเลฮ ฮาตี_ บาลิ ปี กะ นังฆรี อียิบ ปาเระ.” 18กะฆีเตอ ตูฮัด บาวา กูญา_ บือฌาลัด มือนือโละ ปี_ โซะ ตานัฮ ตูโฮยํ นู ลือฆา_ รอจ กะ ลาโวจ มีรัฮ. กะฆีเตอ_ ลูมอฮ อิซราเอน_ ตรือเบะ ปี เดะ นังฆรี อียิบ_ อาดา ฆือนะ ฌางัน โกะ ซือนาตา_ ซียะ นู นะ บือปรัก เลอ. 19มูซา เตอ_ ญา บาวา โกะ ตูลัก นะ โยเซบ บือปี ฌูฆา_ ซาเบะ โยเซบ บรี ลูมอฮ อิซราเอน อาเกะ มือเลา บือซูปัฮ ดัฮ_ มือเลา จะ_ “ตูฮัด ญา นะ มาแรฮ ตูงู ลีฮัจ กาเญา ซูโงฮ เลอ. กาลา อารี อีตู_ กือนา บาวา โกะ ตูลัก นะ กู บือปี ซามา.” 20ลูมอฮ อิซราเอน_ กูญา ตรือเบะ ปี เดะ นังฆรี ซุกคด_ ปี ตืองะ โกะ รูมัฮ กาฌัก กาเยด นะ กูญา_ เดะ ตูโปะ เอทาม_ ดิกบีดิก ตือปัจ ตานัฮ ตูโฮยํ นู ลือฆา. 21ตูฮัด บือซัยํ เดะ อาตัซ_ บือฌาลัด ปี โซะ ฮือลด กูญา_ เดะ วะตู ซียัก_ อาดา เดะ ตีฮัก กือมูวัง_ บีดา บาวา กูญา เดะ ฌาลัด อีตู. วะตู มาลับ โปด_ อาดา เดะ ตีฮัก อาปี_ บรี กูญา อาดา ซายา จรัฮ_ บีดา กูญา นะ บือฌาลัด วะตู ซียัก เฆอ จะ_ มาลับ. 22ตีฮัก กือมูวัง เดะ วะตู ซียัก_ ฌางัน ตีฮัก อาปี เดะ วะตู มาลับ_ เตด บือเลฮ รืองัก เดะ ฮือลด มูคา นะ ลูมอฮ ซือมียา เลอ.
Currently Selected:
บราเกะ ลารี 13: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
บราเกะ ลารี 13
13
1ตูฮัด บือซัยํ เดะ อาตัซ_ ญา มือเลา ฌางัน มูซา จะ. 2“กือนา อาเกะ มือญือมัฮ นานะ ซูโลก บรี กะ กู_ ฌาดี จะ_ ราตา ฌือแนฮ นะ ลูมอฮ อิซราเอน_ นู ตรือเบะ เดะ โปรจ ลามูลา_ เตด จะ_ นะ ฌาดี อูมัจ ซือมียา_ เฆอ จะ_ ฌาดี บือนาตัก_ บือนา อีตู ซือมูฮา ฌาดี นะ กู เลอ.”
ลาฆู บรามัย มากัด โรตี ฮอย ราฆี
(บราเกะ ลารี 12.14-20)
3กะฆีเตอ_ มูซา ญา มือเลา ฌางัน ลูมอฮ ซือมียา จะ_ “กือนา บรีงัจ รอจ กะ อารี อีนี_ นู กาเญา ตรือเบะ เดะ นังฆรี อียิบ_ ตรือเบะ เดะ ลาฆู ฌาดี ปราโซฮ_ กรานา ตูฮัด บือซัยํ เดะ อาตัซ ญา บาวา กาเญา ตรือเบะ เดะ ตือปัจ อีตู_ ฌางัน ตางัน นู มือฆัฮ นะ ญา. ตาปี ฌางัน นะ มากัด ตือโปก นู อาดา ราฆี เลอ. 4กาเญา ซือมูฮา นะ ตรือเบะ ปี_ เดะ อารี อีนี_ เดะ บูลัด อาบีบ#13.4 บูลัด อาบีบฌาดี บูลัด ลามูลา นะ ลูมอฮ ฮีบรู_ ฌาดี จะ_ ตะเดะ ตืองัฮ บูลัด ตีฆา รอจ กะ ตืองัฮ บูลัด นัม ฮาดัจ อีนี. เตอ. 5กาลา ตูฮัด บือซัยํ เดะ อาตัซ_ ญา บาวา กาเญา_ มาแรฮ รอจ กะ นังฆรี นะ ลูมอฮ คานาอัน_ ลูมอฮ เฮด_ ลูมอฮ อาโมรี_ ลูมอฮ ฮีวี_ ลูมอฮ เยบูซี_ นู ตูฮัด บือเลฮ อาเกะ มือเลา บือฌาญี ดัฮ_ ฌางัน โกะ ญังมูญัง จะ_ นะ อาเกะ นังฆรี อีนี บรี กะ กาเญา_ ฌาดี นังฆรี นู ปือนอฮ ฌางัน ซือบารัก มากัด_ นู บาฌิ_ นังฆรี นู อาดา โกะ อาเย ดาดา ลือมู_ ฌางัน โกะ มีซัด มาทู_ มือนีแลฮ บาญะ. กาเญา เตอ_ กือนา บูวัจ ตูโรจ กะ ลาฆู บรามัย อีนี_ เดะ บูลัด อีนี เลอ. 6กือนา มากัด ตือโปก ฮอย ราฆี_ รอจ กะ ตูโฌฮ อารี. มาโซะ กะ อารี ตูโฌฮ เตอ_ กือนา อาดา ลาฆู บือรามัย มือญือมัฮ กะ ตูฮัด บือซัยํ เดะ อาตัซ. 7กือนา มากัด ตือโปก ฮอย ราฆี_ บรี ฆือนะ ตูโฌฮ อารี. ฌางัน บรี บือฆารี ตือโปก นู อาดา ราฆี_ เฆอ จะ_ บือฆารี ราฆี_ ราตา เดะ ตือปัจ ตานัฮ นะ กาเญา. 8เดะ อารี อีตู_ กือนา มือญาเระ โกะ นานะ นะ กาเญา จะ_ ‘นู กู บูวัจ กะฆีนี_ กรานา จะ_ ตูฮัด บือซัยํ เดะ อาตัซ_ บือเลฮ บูวัจ ลาฆู นามา บีดา กู_ กาลา กู ตรือเบะ เดะ นังฆรี อียิบ เตอ.’ 9โซะ กาเญา เตอ_ ลาฆู อีนี นะ ฌาดี บือกะ ปือนานา_ เดะ ตางัน นะ กาเญา_ บือกะ ลาฆู บรีงัจ บรี บือฆารี_ เดะ กือนิง นะ กาเญา_ บีดา ปือมือเลา อาฌัยํ นะ ตูฮัด บือซัยํ เดะ อาตัซ_ นะ อาดา ลือกัจ เดะ มูโลจ นะ กาเญา_ กรานา จะ_ ตูฮัด บือซัยํ เดะ อาตัซ_ ญา เลอ_ นู บาวา กาเญา บรี ตรือเบะ เดะ นังฆรี อียิบ_ ฌางัน ตางัน นู มือฆัฮ นะ ญา. 10ซาเบะ กะฆีเตอ_ ลูมอฮ กาเญา ฆาโดฮ บูวัจ ตูโรจ กะ ฮาดัจ ลาฆู อีนี_ บีลัก ตาโฮด_ ปี ซือรูโลยํ เลอ.
ลาฆู มือญือมัฮ นานะ ซูโลก
11“ตานา ตูฮัด บือซัยํ เดะ อาตัซ_ ญา บาวา กาเญา บือปี กะ นังฆรี คานาอัน_ บือกะ นู ญา บือเลฮ มือเลา บือฌาญี ฌางัน กาเญา_ ฌางัน โกะ ญังมูญัง นะ กาเญา จะ_ นะ อาเกะ นังฆรี อีตู บรี กะ กาเญา_ 12กาลา อีตู เตอ_ ราตา ฌือแนฮ นู ตรือเบะ เดะ โปรจ ลามูลา มาแรฮ เตอ_ กาเญา กือนา บือปือจัฮ อาเกะ มือญือมัฮ กะ ตูฮัด_ โกะ อานะ บือนาตัก ซูโลก บาปา_ นะ โกะ บือนาตัก นู กาเญา ซูโรฮ โปด_ ฌาดี นะ ตูฮัด บือซัยํ เดะ อาตัซ. 13กือนา อาเมด อานะ กาเมก ซืออีโกยํ_ บีดา ตือบุซ อานะ กูดา บาซา ดือมิ นู ฌาดี อานะ ซูโลก. ดัฮ ฮอย เตด ตือบุซ_ กือนา ลือกับ ลีเฮ นะ ญา บูวัก. กือนา ตือบุซ นานะ กีลากี นู ซูโลก_ นะ อูมัจ ซือมียา_ ราตา อูรัก เลอ. 14นาตี อารี โซะ ฮือลด_ โกะ นานะ นะ เกา ญา ตาญา จะ_ ‘บูวัจ นามา บูวัจ ลาฆู กะฆีนี?’_ กือนา จรือตา บรี กะ ญา ตาฮู จะ_ ‘ตูฮัด บือซัยํ เดะ อาตัซ เตอ เลอ_ นู บาวา กีตา_ ตรือเบะ เดะ นังฆรี อียิบ_ ตรือเบะ เดะ ลาฆู ฌาดี ปราโซฮ_ ฌางัน ตางัน นู มือฆัฮ นะ ญา. 15กาลา ราฌา ฟาโร ญา กรัซ ฮาตี_ ตีเมา นะ ปลือปัซ ลูมอฮ กามี ปี_ กะฆีเตอ ตูฮัด บือซัยํ เดะ อาตัซ_ ญา บือเลฮ บูนอฮ นานะ ซูโลก ซือมูฮา_ เตด จะ_ นานะ ซือมียา เฆอ จะ_ อานะ บือนาตัก ซือมูฮา เดะ นังฆรี อียิบ_ ซาเบะ กะฆีนี_ กู อาเกะ มือญือมัฮ บือนาตัก นู ซูโลก กะ ตูฮัด. ตาปี นานะ ซูโลก กีลากี นะ กู เตอ_ กู ตือบุซ เลอ.’ 16ลาฆู ปือบูวัจ อีนี_ นะ ฌาดี บือกะ ปือนานา เดะ ตางัน นะ กาเญา_ บือกะ ลาฆู บรีงัจ บรี บือฆารี_ เดะ กือนิง นะ กาเญา_ กรานา ตูฮัด บือซัยํ เดะ อาตัซ บือเลฮ บาวา กีตา_ ตรือเบะ เดะ นังฆรี อียิบ_ ฌางัน ตางัน นู มือฆัฮ นะ ญา.”
ตีฮัก กือมูวัง ฌางัน ตีฮัก อาปี
(บราเกะ ลารี 40.34-38; กีรา 9.15-23; 1 ราฌา 8.10-11)
17ตานา ราฌา ฟาโร ญา ปลือปัซ โกะ ลูมอฮ ซือมียา ปี ดัฮ_ ตูฮัด ญา เตด บาวา กูญา ตูโรจ ปี โซะ นังฆรี นะ ลูมอฮ ฟีลิซะเตีย_ มีเซ จะ_ ฌาดี ฌาลัด นู ดาปิก โปด_ ซาเบะ ตูฮัด มือเลา จะ_ “ตาโกจ โกะ ซือมียา นะ ปี_ บือดาปัจ ฌางัน ลาฆู บือปรัก เตอ_ กูญา นะ บราเลฮ ฮาตี_ บาลิ ปี กะ นังฆรี อียิบ ปาเระ.” 18กะฆีเตอ ตูฮัด บาวา กูญา_ บือฌาลัด มือนือโละ ปี_ โซะ ตานัฮ ตูโฮยํ นู ลือฆา_ รอจ กะ ลาโวจ มีรัฮ. กะฆีเตอ_ ลูมอฮ อิซราเอน_ ตรือเบะ ปี เดะ นังฆรี อียิบ_ อาดา ฆือนะ ฌางัน โกะ ซือนาตา_ ซียะ นู นะ บือปรัก เลอ. 19มูซา เตอ_ ญา บาวา โกะ ตูลัก นะ โยเซบ บือปี ฌูฆา_ ซาเบะ โยเซบ บรี ลูมอฮ อิซราเอน อาเกะ มือเลา บือซูปัฮ ดัฮ_ มือเลา จะ_ “ตูฮัด ญา นะ มาแรฮ ตูงู ลีฮัจ กาเญา ซูโงฮ เลอ. กาลา อารี อีตู_ กือนา บาวา โกะ ตูลัก นะ กู บือปี ซามา.” 20ลูมอฮ อิซราเอน_ กูญา ตรือเบะ ปี เดะ นังฆรี ซุกคด_ ปี ตืองะ โกะ รูมัฮ กาฌัก กาเยด นะ กูญา_ เดะ ตูโปะ เอทาม_ ดิกบีดิก ตือปัจ ตานัฮ ตูโฮยํ นู ลือฆา. 21ตูฮัด บือซัยํ เดะ อาตัซ_ บือฌาลัด ปี โซะ ฮือลด กูญา_ เดะ วะตู ซียัก_ อาดา เดะ ตีฮัก กือมูวัง_ บีดา บาวา กูญา เดะ ฌาลัด อีตู. วะตู มาลับ โปด_ อาดา เดะ ตีฮัก อาปี_ บรี กูญา อาดา ซายา จรัฮ_ บีดา กูญา นะ บือฌาลัด วะตู ซียัก เฆอ จะ_ มาลับ. 22ตีฮัก กือมูวัง เดะ วะตู ซียัก_ ฌางัน ตีฮัก อาปี เดะ วะตู มาลับ_ เตด บือเลฮ รืองัก เดะ ฮือลด มูคา นะ ลูมอฮ ซือมียา เลอ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in