บราเกะ ลารี 4
4
มูซา บูวัจ ลาฆู มือฆัฮ นู ปือและ
1มูซา ญา ตีกัฮ จะ “ตาปี ตูฮัด เออ_ ฮาฌา กูญา เตด ปือจายา กะ กู_ เตด มือนีงัย กะ ซือวารา นะ กู_ ซาเบะ กูญา นะ มือเลา จะ_ ‘ตูฮัด บือซัยํ เดะ อาตัซ เตด บือเลฮ ปลีฮัจ กะ เกา เลอ.’ ”
2ตูฮัด บือซัยํ เดะ อาตัซ_ มือเลา ฌางัน มูซา จะ “บารัก นามา ดูโดะ เดะ ตางัน นะ เกา?” ญา มือเลา จะ “ตูกัจ เลอ_ ตูฮัด เออ.” 3ตูฮัด มือเลา จะ_ “ตูโฮะ กะ ตานัฮ เลอ.” ตูกัจ อีตู โปด_ ฌาดี อูลัยํ ดัฮ. มูซา ญา ลารี เดะ อูลัยํ อีตู. 4ตูฮัด มือเลา ฌางัน มูซา จะ “อาเงา ตางัน รีฆะ อีโกยํ อูลัยํ เลอ.” กาลา ญา อาเงา ตางัน_ ปือฆัก อีโกยํ อูลัยํ_ อูลัยํ โปด_ ฌาดี ตูกัจ ปูลัก_ เดะ ตางัน นะ ญา. 5“บีดา กูญา นะ บือเลฮ ปือจายา จะ_ ตูฮัด บือซัยํ เดะ อาตัซ_ ตูฮัด นะ บีลาแก นะ กูญา_ จะ_ ตูฮัด นะ อับราฮัม_ ตูฮัด นะ อีซัก_ ฌางัน ตูฮัด นะ ยาโกบ_ ญา ปลีฮัจ กะ เกา ดัฮ.”
6ตูฮัด บือซัยํ เดะ อาตัซ มือเลา ฌางัน มูซา ปูลัก จะ “อาเมด ตางัน ซือโละ ดาลับ บาฌู_ เดะ ตาฮะ ดาดา นะ เกา.” ญา โปด_ ซือโละ ตางัน ตาโรฮ เดะ ตาฮะ ดาดา_ กาลา ซีตะ ตางัน ตรือเบะ_ ตางัน นะ ญา โปด_ ฌาดี ปือญาเกะ ปูรู#4.6 ปือญาเกะ ปูรู เดะ บาซา ฮีบรู_ บาซา นูตู_ ปือมือเลา อีนี ตูโญะ รอจ กะ ปือญาเกะ กูเละ อารี บาญะ ฌือแนฮ_ บูกัด ซา ปือญาเกะ ปูรู เฆอ จะ นู ซียับ จะ โรคเรื้อน._ ปูเตฮ ซือรูปา บือกะ ซึง. 7กะฆีเตอ_ ตูฮัด ญา มือเลา จะ “อาเมด ตางัน ซือโละ มาโซะ_ เดะ ตาฮะ ดาดา ซือกาลี ปูลัก.” มูซา โปด_ ซือโละ ตางัน มาโซะ เดะ ตาฮะ ดาดา ปูลัก. กาลา ญา ซีตะ ตรือเบะ มาแรฮ_ ลีฮัจ เลอ_ ตางัน อีตู ลือฆา บาฌิ_ ซือรูปา บือกะ ลูลู นู ลามา 8ตูฮัด มือเลา จะ “ดัฮ กูญา นะ เตด ปือจายา กะ เกา_ เตด ปือจายา ปือนานา ลามูลา_ กูญา ฆามะ นะ ปือจายา ปือนานา นู ดูวา. 9ดัฮ กูญา เตด ปือจายา ปือนานา นู ดูวา อีนี_ เตด มือนีงัย กะ ซือวารา นะ เกา_ กือนา จือบุ อาเย เดะ ซูงัย นัยละ_ มาแรฮ ดีกิ_ อูแร เดะ ตานัฮ ตูโฮยํ. กะฆีเตอ_ อาเย นู เกา จือบุ มาแรฮ เดะ ซูงัย อีตู_ นะ ฌาดี ดารัฮ เดะ ตานัฮ ตูโฮยํ อีตู.”
10ตาปี มูซา มือเลา ฌางัน ตูฮัด บือซัยํ เดะ อาตัซ จะ_ “โอ ตูฮัด นะ กู_ กู บูกัด ฌาดี ซือมียา ปานัย มือเลา_ เตด จะ_ เดะ กาลา ดูลู_ เฆอ จะ_ เดะ วะตู อีนี นู ตูฮัด มือเลา ฌางัน ปราโซฮ นะ ตูฮัด ดัฮ. ตาปี กู ฌาดี ซือมียา นู มือเลา เตด บราปา กือฌะ เลอ.”
11ตูฮัด มือเลา ฌางัน มูซา จะ “ซาปา เลอ_ นู บือฌาดี มูโลจ นะ อูมัจ ซือมียา? ซาปา เลอ_ บูวัจ บรี ฌาดี ซือมียา มือเลา เตด บือเลฮ_ ตือลีงา ตูลี_ มาตา บาฌิ_ เฆอ จะ_ มาตา บูตา? กู_ ตูฮัด บือซัยํ เดะ อาตัซ_ นู บูวัจ กะฆีเตอ_ บูกัด เฆอ? 12วะตู อีนี_ ปี เลอ_ กู นะ ดูโดะ บือซามา ฌางัน เกา_ ตูโลก เกา บรี ปานัย มือเลา_ นะ อาฌัยํ ปือมือเลา นู เกา บือฆูนา นะ มือเลา.” 13ตาปี มูซา มือเลา จะ “โอ ตูฮัด นะ กู_ มีตา ซูโรฮ ซือมียา อาซิก ปี เลอ_ ตูฮัด เออ.” 14โซะ ตูฮัด บือซัยํ เดะ อาตัซ_ ญา มูซัยํ กะ มูซา มือเลา จะ “เกา อาดา กากา กีลากี_ ปือนามา อาโรน_ ซือมียา ลูมอฮ เลวี_ บูกัด เฆอ? กู ตาฮู ดัฮ จะ_ ญา ฌาดี ซือมียา มือเลา ปานัย. วะตู อีนี_ ญา ตืองัฮ บือฌาลัด มาแรฮ บือดาปัจ ฌางัน เกา. กาลา ลีฮัจ เกา_ ญา นะ ซูกา ฮาตี 15เกา กือนา มือเลา ฌางัน ญา_ มือญาเระ บรี กะ ญา มือเลา. กะฆีเตอ_ กู นะ ดูโดะ บือซามา กาเญา_ นะ ตูโลก เกา ฌางัน ญา_ บรี ปานัย มือเลา_ นะ อาฌัยํ กาเญา ดูวา อูรัก_ บรี ตาฮู จะ_ นะ บูวัจ กะฮามี เลอ. 16ญา นะ ฌาดี ซือมียา มือเลา_ ฌางัน โกะ ลูมอฮ ซือมียา_ ฆาตี เกา. ญา นะ ฌาดี บือกะ มูโลจ นะ เกา_ เกา โปด_ นะ ฌาดี บือกะ ตูฮัด บีดา ญา. 17เกา กือนา ปือฆัก กายู ตูกัจ อีนี ตาโรฮ_ บีดา บูวัจ โกะ ปือนานา อีตู” ญา จะ.
มูซา บาลิ ปี กะ นังฆรี อียิบ
18กะฆีเตอ มูซา_ ญา บาลิ ปี ซารี เยโทร_ ปะ มือตูฮา นะ ญา_ มือญาเระ จะ_ “มีตา บรี กู ปี ซารี โกะ อาดี บราดี นะ กู_ เดะ นังฆรี อียิบ_ บีดา นะ บือเลฮ ลีฮัจ จะ_ กูญา อาดา ฮีโดะ ลาฆี เฆอ เตด.” โซะ เยโทร ตีกัฮ กะ มูซา จะ_ “ปี บรี ซือนัง ซือลามัจ เลอ.” 19ตูฮัด บือซัยํ เดะ อาตัซ มือเลา ฌางัน มูซา เดะ นังฆรี มีเดียน จะ_ “บาลิ ปี กะ นังฆรี อียิบ_ ซาเบะ โกะ ซือมียา ซือมูฮา ซารี จือลัฮ_ นะ บูนอฮ เกา เตอ_ มาตี ฮาบิฮ ดัฮ.” 20มูซา เตอ_ ญา บรี กะ บีนี ฌางัน นานะ นะ ญา_ ญาแญะ กูดา บาซา ดือมิ_ บาลิ ปี กะ นังฆรี อียิบ. โซะ มูซา โปด บาวา ตูกัจ นะ ตูฮัด บือปี ฌูฆา.
21ตูฮัด บือซัยํ เดะ อาตัซ มือเลา ฌางัน มูซา จะ_ “กาลา บาลิ ปี รอจ กะ นังฆรี อียิบ_ กือนา บูวัจ ลาฆู ปือและ แนฮฌือแนฮ_ นู กู ซรัฮ ลาฆู มือฆัฮ บรี กะ เกา ดัฮ เตอ_ โซะ ฮือลด มูคา นะ ราฌา ฟาโร. ตาปี กู นะ บูวัจ บรี กะ ฟาโร ตือฆัยํ ฮาตี_ ตีเมา บรี โกะ ลูมอฮ ซือมียา ปี. 22เกา กือนา มือเลา ฌางัน ฟาโร จะ_ ‘ตูฮัด บือซัยํ เดะ อาตัซ มือเลา กะฆีนี จะ_ “ลูมอฮ อิซราเอน ฌาดี นานะ ซูโลก นะ กู. 23กู มือญาเระ กะ เกา จะ_ กือนา ปลือปัซ นานะ นะ กู_ บรี ปี มือญือมัฮ กะ กู. ตาปี เกา ตีเมา บรี กะ ญา ปี_ กะฆีเตอ กู นะ บูนอฮ นานะ ซูโลก นะ เกา เลอ.” ’ ”
24เดะ ตือปัจ บราดู ตืองัฮ ฌาลัด_ ตูฮัด บือซัยํ เดะ อาตัซ มาแรฮ บือดาปัจ ฌางัน มูซา_ นะ บูนอฮ ญาวา นะ ญา. 25ตาปี ซิบโปรา_ ญา อาเมด บาตู นู ตาฌับ_ กรัจ กูเละ ลูลู โซะ ฮูโฌก ซูแลว_ นะ นานะ กีลากี นะ ญา_ อาเมด ปี ปือเตาะ เดะ กากี นะ มูซา_ มือเลา จะ_ “ซูโงฮ_ เกา ฌาดี เจาเบา โซะ ดารัฮ_ บรี กะ กู.” 26กะฆีเตอ_ ตูฮัด มืองรือละ เดะ ญา. วะตู อีตู เลอ_ นีบีนี อีตู ญา มือเลา จะ “เกา ฌาดี เจาเบา โซะ ดารัฮ” ซาเบะ มาโซะ ลาฆู กรัจ กูเละ ซูแลว เลอ.
27ตูฮัด บือซัยํ เดะ อาตัซ_ ญา บือเลฮ มือเลา ฌางัน อาโรน จะ_ “กือนา ปี บือดาปัจ ฌางัน มูซา_ เดะ ตือปัจ ตานัฮ ตูโฮยํ นู ลือฆา.” ญา โปด_ ปี บือดาปัจ ฌางัน มูซา_ เดะ บูเกะ นะ ตูฮัด_ จีโยบ ญา. 28มูซา จรือตา บรี กะ อาโรน ดืองัยํ_ ปาซัน ปือมือเลา นะ ตูฮัด บือซัยํ เดะ อาตัซ_ กาลา นู ตูฮัด บือเลฮ ซูโรฮ ญา_ ปาซัน ปือนานา ซือมูฮา_ นู ตูฮัด ปือซัด กือมัซๆ ซูโรฮ บรี บูวัจ ฌูฆา เตอ. 29กะฆีเตอ มูซา ฌางัน อาโรน_ บลาโลก โกะ ลูมอฮ ซือมียา ซัยํบือซัยํ นะ ลูมอฮ บักซา อิซราเอน_ มาแรฮ บือมุน มารือมา. 30อาโรน โปด_ มือเลา ปาซัน ปือมือเลา ซือมูฮา_ นู ตูฮัด บือซัยํ เดะ อาตัซ มือเลา ฌางัน มูซา. ญา บูวัจ ปือนานา แนฮฌือแนฮ_ โซะ ฮือลด มูคา นะ โกะ ลูมอฮ ซือมียา. 31โซะ โกะ ลูมอฮ ซือมียา_ กาลา ดืองัยํ จะ_ ตูฮัด บือซัยํ เดะ อาตัซ มาแรฮ ตูงู ลีฮัจ ลูมอฮ อิซราเอน_ บือเลฮ ลีฮัจ ลาฆู ซูซัฮ ปายัฮ โตระ นะ กูญา เตอ_ กูญา โปด_ ปือจายา_ ตือมะ มือญือมัฮ เลอ.
Currently Selected:
บราเกะ ลารี 4: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
บราเกะ ลารี 4
4
มูซา บูวัจ ลาฆู มือฆัฮ นู ปือและ
1มูซา ญา ตีกัฮ จะ “ตาปี ตูฮัด เออ_ ฮาฌา กูญา เตด ปือจายา กะ กู_ เตด มือนีงัย กะ ซือวารา นะ กู_ ซาเบะ กูญา นะ มือเลา จะ_ ‘ตูฮัด บือซัยํ เดะ อาตัซ เตด บือเลฮ ปลีฮัจ กะ เกา เลอ.’ ”
2ตูฮัด บือซัยํ เดะ อาตัซ_ มือเลา ฌางัน มูซา จะ “บารัก นามา ดูโดะ เดะ ตางัน นะ เกา?” ญา มือเลา จะ “ตูกัจ เลอ_ ตูฮัด เออ.” 3ตูฮัด มือเลา จะ_ “ตูโฮะ กะ ตานัฮ เลอ.” ตูกัจ อีตู โปด_ ฌาดี อูลัยํ ดัฮ. มูซา ญา ลารี เดะ อูลัยํ อีตู. 4ตูฮัด มือเลา ฌางัน มูซา จะ “อาเงา ตางัน รีฆะ อีโกยํ อูลัยํ เลอ.” กาลา ญา อาเงา ตางัน_ ปือฆัก อีโกยํ อูลัยํ_ อูลัยํ โปด_ ฌาดี ตูกัจ ปูลัก_ เดะ ตางัน นะ ญา. 5“บีดา กูญา นะ บือเลฮ ปือจายา จะ_ ตูฮัด บือซัยํ เดะ อาตัซ_ ตูฮัด นะ บีลาแก นะ กูญา_ จะ_ ตูฮัด นะ อับราฮัม_ ตูฮัด นะ อีซัก_ ฌางัน ตูฮัด นะ ยาโกบ_ ญา ปลีฮัจ กะ เกา ดัฮ.”
6ตูฮัด บือซัยํ เดะ อาตัซ มือเลา ฌางัน มูซา ปูลัก จะ “อาเมด ตางัน ซือโละ ดาลับ บาฌู_ เดะ ตาฮะ ดาดา นะ เกา.” ญา โปด_ ซือโละ ตางัน ตาโรฮ เดะ ตาฮะ ดาดา_ กาลา ซีตะ ตางัน ตรือเบะ_ ตางัน นะ ญา โปด_ ฌาดี ปือญาเกะ ปูรู#4.6 ปือญาเกะ ปูรู เดะ บาซา ฮีบรู_ บาซา นูตู_ ปือมือเลา อีนี ตูโญะ รอจ กะ ปือญาเกะ กูเละ อารี บาญะ ฌือแนฮ_ บูกัด ซา ปือญาเกะ ปูรู เฆอ จะ นู ซียับ จะ โรคเรื้อน._ ปูเตฮ ซือรูปา บือกะ ซึง. 7กะฆีเตอ_ ตูฮัด ญา มือเลา จะ “อาเมด ตางัน ซือโละ มาโซะ_ เดะ ตาฮะ ดาดา ซือกาลี ปูลัก.” มูซา โปด_ ซือโละ ตางัน มาโซะ เดะ ตาฮะ ดาดา ปูลัก. กาลา ญา ซีตะ ตรือเบะ มาแรฮ_ ลีฮัจ เลอ_ ตางัน อีตู ลือฆา บาฌิ_ ซือรูปา บือกะ ลูลู นู ลามา 8ตูฮัด มือเลา จะ “ดัฮ กูญา นะ เตด ปือจายา กะ เกา_ เตด ปือจายา ปือนานา ลามูลา_ กูญา ฆามะ นะ ปือจายา ปือนานา นู ดูวา. 9ดัฮ กูญา เตด ปือจายา ปือนานา นู ดูวา อีนี_ เตด มือนีงัย กะ ซือวารา นะ เกา_ กือนา จือบุ อาเย เดะ ซูงัย นัยละ_ มาแรฮ ดีกิ_ อูแร เดะ ตานัฮ ตูโฮยํ. กะฆีเตอ_ อาเย นู เกา จือบุ มาแรฮ เดะ ซูงัย อีตู_ นะ ฌาดี ดารัฮ เดะ ตานัฮ ตูโฮยํ อีตู.”
10ตาปี มูซา มือเลา ฌางัน ตูฮัด บือซัยํ เดะ อาตัซ จะ_ “โอ ตูฮัด นะ กู_ กู บูกัด ฌาดี ซือมียา ปานัย มือเลา_ เตด จะ_ เดะ กาลา ดูลู_ เฆอ จะ_ เดะ วะตู อีนี นู ตูฮัด มือเลา ฌางัน ปราโซฮ นะ ตูฮัด ดัฮ. ตาปี กู ฌาดี ซือมียา นู มือเลา เตด บราปา กือฌะ เลอ.”
11ตูฮัด มือเลา ฌางัน มูซา จะ “ซาปา เลอ_ นู บือฌาดี มูโลจ นะ อูมัจ ซือมียา? ซาปา เลอ_ บูวัจ บรี ฌาดี ซือมียา มือเลา เตด บือเลฮ_ ตือลีงา ตูลี_ มาตา บาฌิ_ เฆอ จะ_ มาตา บูตา? กู_ ตูฮัด บือซัยํ เดะ อาตัซ_ นู บูวัจ กะฆีเตอ_ บูกัด เฆอ? 12วะตู อีนี_ ปี เลอ_ กู นะ ดูโดะ บือซามา ฌางัน เกา_ ตูโลก เกา บรี ปานัย มือเลา_ นะ อาฌัยํ ปือมือเลา นู เกา บือฆูนา นะ มือเลา.” 13ตาปี มูซา มือเลา จะ “โอ ตูฮัด นะ กู_ มีตา ซูโรฮ ซือมียา อาซิก ปี เลอ_ ตูฮัด เออ.” 14โซะ ตูฮัด บือซัยํ เดะ อาตัซ_ ญา มูซัยํ กะ มูซา มือเลา จะ “เกา อาดา กากา กีลากี_ ปือนามา อาโรน_ ซือมียา ลูมอฮ เลวี_ บูกัด เฆอ? กู ตาฮู ดัฮ จะ_ ญา ฌาดี ซือมียา มือเลา ปานัย. วะตู อีนี_ ญา ตืองัฮ บือฌาลัด มาแรฮ บือดาปัจ ฌางัน เกา. กาลา ลีฮัจ เกา_ ญา นะ ซูกา ฮาตี 15เกา กือนา มือเลา ฌางัน ญา_ มือญาเระ บรี กะ ญา มือเลา. กะฆีเตอ_ กู นะ ดูโดะ บือซามา กาเญา_ นะ ตูโลก เกา ฌางัน ญา_ บรี ปานัย มือเลา_ นะ อาฌัยํ กาเญา ดูวา อูรัก_ บรี ตาฮู จะ_ นะ บูวัจ กะฮามี เลอ. 16ญา นะ ฌาดี ซือมียา มือเลา_ ฌางัน โกะ ลูมอฮ ซือมียา_ ฆาตี เกา. ญา นะ ฌาดี บือกะ มูโลจ นะ เกา_ เกา โปด_ นะ ฌาดี บือกะ ตูฮัด บีดา ญา. 17เกา กือนา ปือฆัก กายู ตูกัจ อีนี ตาโรฮ_ บีดา บูวัจ โกะ ปือนานา อีตู” ญา จะ.
มูซา บาลิ ปี กะ นังฆรี อียิบ
18กะฆีเตอ มูซา_ ญา บาลิ ปี ซารี เยโทร_ ปะ มือตูฮา นะ ญา_ มือญาเระ จะ_ “มีตา บรี กู ปี ซารี โกะ อาดี บราดี นะ กู_ เดะ นังฆรี อียิบ_ บีดา นะ บือเลฮ ลีฮัจ จะ_ กูญา อาดา ฮีโดะ ลาฆี เฆอ เตด.” โซะ เยโทร ตีกัฮ กะ มูซา จะ_ “ปี บรี ซือนัง ซือลามัจ เลอ.” 19ตูฮัด บือซัยํ เดะ อาตัซ มือเลา ฌางัน มูซา เดะ นังฆรี มีเดียน จะ_ “บาลิ ปี กะ นังฆรี อียิบ_ ซาเบะ โกะ ซือมียา ซือมูฮา ซารี จือลัฮ_ นะ บูนอฮ เกา เตอ_ มาตี ฮาบิฮ ดัฮ.” 20มูซา เตอ_ ญา บรี กะ บีนี ฌางัน นานะ นะ ญา_ ญาแญะ กูดา บาซา ดือมิ_ บาลิ ปี กะ นังฆรี อียิบ. โซะ มูซา โปด บาวา ตูกัจ นะ ตูฮัด บือปี ฌูฆา.
21ตูฮัด บือซัยํ เดะ อาตัซ มือเลา ฌางัน มูซา จะ_ “กาลา บาลิ ปี รอจ กะ นังฆรี อียิบ_ กือนา บูวัจ ลาฆู ปือและ แนฮฌือแนฮ_ นู กู ซรัฮ ลาฆู มือฆัฮ บรี กะ เกา ดัฮ เตอ_ โซะ ฮือลด มูคา นะ ราฌา ฟาโร. ตาปี กู นะ บูวัจ บรี กะ ฟาโร ตือฆัยํ ฮาตี_ ตีเมา บรี โกะ ลูมอฮ ซือมียา ปี. 22เกา กือนา มือเลา ฌางัน ฟาโร จะ_ ‘ตูฮัด บือซัยํ เดะ อาตัซ มือเลา กะฆีนี จะ_ “ลูมอฮ อิซราเอน ฌาดี นานะ ซูโลก นะ กู. 23กู มือญาเระ กะ เกา จะ_ กือนา ปลือปัซ นานะ นะ กู_ บรี ปี มือญือมัฮ กะ กู. ตาปี เกา ตีเมา บรี กะ ญา ปี_ กะฆีเตอ กู นะ บูนอฮ นานะ ซูโลก นะ เกา เลอ.” ’ ”
24เดะ ตือปัจ บราดู ตืองัฮ ฌาลัด_ ตูฮัด บือซัยํ เดะ อาตัซ มาแรฮ บือดาปัจ ฌางัน มูซา_ นะ บูนอฮ ญาวา นะ ญา. 25ตาปี ซิบโปรา_ ญา อาเมด บาตู นู ตาฌับ_ กรัจ กูเละ ลูลู โซะ ฮูโฌก ซูแลว_ นะ นานะ กีลากี นะ ญา_ อาเมด ปี ปือเตาะ เดะ กากี นะ มูซา_ มือเลา จะ_ “ซูโงฮ_ เกา ฌาดี เจาเบา โซะ ดารัฮ_ บรี กะ กู.” 26กะฆีเตอ_ ตูฮัด มืองรือละ เดะ ญา. วะตู อีตู เลอ_ นีบีนี อีตู ญา มือเลา จะ “เกา ฌาดี เจาเบา โซะ ดารัฮ” ซาเบะ มาโซะ ลาฆู กรัจ กูเละ ซูแลว เลอ.
27ตูฮัด บือซัยํ เดะ อาตัซ_ ญา บือเลฮ มือเลา ฌางัน อาโรน จะ_ “กือนา ปี บือดาปัจ ฌางัน มูซา_ เดะ ตือปัจ ตานัฮ ตูโฮยํ นู ลือฆา.” ญา โปด_ ปี บือดาปัจ ฌางัน มูซา_ เดะ บูเกะ นะ ตูฮัด_ จีโยบ ญา. 28มูซา จรือตา บรี กะ อาโรน ดืองัยํ_ ปาซัน ปือมือเลา นะ ตูฮัด บือซัยํ เดะ อาตัซ_ กาลา นู ตูฮัด บือเลฮ ซูโรฮ ญา_ ปาซัน ปือนานา ซือมูฮา_ นู ตูฮัด ปือซัด กือมัซๆ ซูโรฮ บรี บูวัจ ฌูฆา เตอ. 29กะฆีเตอ มูซา ฌางัน อาโรน_ บลาโลก โกะ ลูมอฮ ซือมียา ซัยํบือซัยํ นะ ลูมอฮ บักซา อิซราเอน_ มาแรฮ บือมุน มารือมา. 30อาโรน โปด_ มือเลา ปาซัน ปือมือเลา ซือมูฮา_ นู ตูฮัด บือซัยํ เดะ อาตัซ มือเลา ฌางัน มูซา. ญา บูวัจ ปือนานา แนฮฌือแนฮ_ โซะ ฮือลด มูคา นะ โกะ ลูมอฮ ซือมียา. 31โซะ โกะ ลูมอฮ ซือมียา_ กาลา ดืองัยํ จะ_ ตูฮัด บือซัยํ เดะ อาตัซ มาแรฮ ตูงู ลีฮัจ ลูมอฮ อิซราเอน_ บือเลฮ ลีฮัจ ลาฆู ซูซัฮ ปายัฮ โตระ นะ กูญา เตอ_ กูญา โปด_ ปือจายา_ ตือมะ มือญือมัฮ เลอ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in