บราเกะ ลารี 5
5
ฟาโร ซูโรฮ บรี บูวัจ บาตา ตาปี เตด บรี ลาลัก
1ลือปัซ อีตู มูซา ฌางัน อาโรน ปาคัจ มาโซะ ซารี ฟาโร มือเลา จะ “ตูฮัด บือซัยํ เดะ อาตัซ_ ตูฮัด นะ ลูมอฮ อิซราเอน_ มือเลา กะฆีนี จะ_ ‘กือนา ปลือปัซ ลูมอฮ ซือมียา นะ กู ปี_ บีดา กูญา นะ บือเลฮ บือรามัย มือญือมัฮ กะ กู_ เดะ ตือปัจ ตานัฮ ตูโฮยํ นู ลือฆา เลอ.’ ”
2ฟาโร มือเลา จะ “ตูฮัด บือซัยํ เดะ อาตัซ เตอ_ ฌาดี ซาปา เลอ_ นู กู ฆาโดฮ นะ ดืองัยํ ปือมือเลา นะ ญา_ นะ ปลือปัซ โกะ ลูมอฮ อิซราเอน ปี. กู เตด กราลา ตูฮัด บือซัยํ เดะ อาตัซ โบะ_ ลือเบฮ เดะ อีตู เตอ_ กู นะ เตด ยอม ปลือปัซ โกะ ลูมอฮ อิซราเอน ปี ลาลู เลอ.” 3กะฆีเตอ_ กูญา ดูวา อูรัก มือเลา จะ_ “ตูฮัด นะ ลูมอฮ ฮีบรู_ ญา ปลีฮัจ กะ กามี ดัฮ. กะฆีเตอ_ มีตา บรี กามี ซือมูฮา บือฌาลัด ปี_ กะ ตือปัจ ตานัฮ ตูโฮยํ นู ลือฆา_ ตีฆา อารี_ บีดา นะ บือเลฮ บูวัจ ลาฆู อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี. เตด กะฆีเตอ_ ตูฮัด นะ กรัจ ฮูโกบ ลูมอฮ กามี_ ฌางัน โกะ ปือญาเกะ_ เฆอ จะ_ ฌางัน ปือดัก.”
4ราฌา นะ ลูมอฮ อียิบ_ มือเลา ฌางัน กูญา จะ_ “เฮย กาเญา_ มูซา ฌางัน อาโรน_ บูวัจ นามา เลอ_ นู กาเญา นะ บรี โกะ ลูมอฮ ซือมียา ตีงัน ลาฆู บือกรือฌา นะ กูญา? กาเญา กือนา บาลิ ปาเระ ปี_ บูวัจ ลาฆู บือกรือฌา นะ กาเญา เลอ.” 5ฟาโร มือเลา ปูลัก จะ “ลีฮัจ เลอ_ วะตู อีนี ลูมอฮ ซือมียา เดะ นังฆรี อีนี อาดา บาญะ. กาเญา ดูวา อูรัก โปด_ นะ บูวัจ บรี กูญา ปาคัจ บราดู กรือฌา นะ กูญา เลอ.” 6เดะ อารี อีตู เตอ_ ฟาโร ญา ซูโรฮ โกะ กือปาลา ปราโซฮ_ ฌางัน โกะ กือปาลา กรือฌา นะ ลูมอฮ ซือมียา_ มือเลา จะ_ 7“ตะเดะ อารี อีนี ปี_ ฌางัน บรี กูเละ ปูโฮด ปาดี_ กะ ลูมอฮ ซือมียา_ บรี บูวัจ บาตา ซือรูปา บือกะ กาลา ดูลู. ตาปี บรี กูญา ปี ซารี กูเละ ปูโฮด ปาดี ตะอาซิก. 8โซะ บาตา เตอ_ เดะ กาลา ดูลู กูญา บูวัจ ตารา ดีฮา_ บรี กูญา บูวัจ ตารา อีตู เลอ. ฌางัน บรี กูรัก ลาลู_ ซาเบะ จะ_ กูญา ซือฆัด_ กะฆีเตอ กูญา ปาคัจ บือซูระ จะ ‘มีตา บรี ลูมอฮ กามี ปี_ อาเกะ บือนาตัก มือญือมัฮ กะ ตูฮัด นะ ลูมอฮ กามี.’ 9กือนา ซารี กรือฌา บรี กูญา บือกรือฌา บรัจ_ ลือเบฮ เดะ กาลา ดูลู_ บีดา กูญา นะ ฮอย วะตู ปี มือนีงัย โกะ ปือมือเลา นู เตด ซูโงฮ.”
10โซะ กือปาลา ปราโซฮ ฌางัน กือปาลา กรือฌา นะ ลูมอฮ ซือมียา โปด_ ปี มือญาเระ จะ “ฟาโร มือเลา กะฆีนี จะ ‘กู นะ เตด ยอม บรี กูเละ ปูโฮด ปาดี_ กะ ลูมอฮ กาเญา ลาลู. 11กาเญา กือนา ปี ซารี กูเละ ปูโฮด ปาดี มาแรฮ ตะอาซิก_ บือกะ นู กาเญา นะ ซารี บือเลฮ. ตาปี บือกรือฌา นู ซูโรฮ เตอ_ เตด กูรัก กิดีกิ โปด.’ ” 12โกะ ลูมอฮ ซือมียา เตอ_ กูญา ปาคัจ จัฮบือลัฮ ปี_ ราตา เดะ นังฆรี อียิบ_ ปูงอจ ปรือดู นะ ปูโฮด ปาดี มาแรฮ_ ฆาตี กูเละ ปูโฮด ปาดี. 13โกะ กือปาลา ปราโซฮ โปด_ ปือฆางู จะ “กือนา บูวัจ ลาฆู บือกรือฌา นะ กาเญา บีลัก อารี_ บรี ซุจ ฮาบิฮ เลอ_ บือกะ นู กาลา อาดา กูเละ ปูโฮด ปาดี บรี กะ กาเญา เลอ.” 14โกะ กือปาลา กรือฌา นะ ลูมอฮ อิซราเอน_ นู โกะ กือปาลา ปราโซฮ นะ ฟาโร_ ตืองะ บรี ฌาดี กือปาลา นะ กูญา_ กูญา โปด_ กือนา รือเปะ_ กือนา ตาญา จะ “บูวัจ นามา กาเญา เตด บือเลฮ บือกรือฌา บรี ซุจ_ บูวัจ โกะ บาตา กือมารี ฌางัน อารี อีนี_ บือกะ ซือรูปา นู กาเญา บือเลฮ บูวัจ กาลา ดูลู?”
15โกะ กือปาลา กรือฌา นะ ลูมอฮ อิซราเอน_ กูญา มาแรฮ มือเลา ฌางัน ฟาโร จะ “ซาเบะ นามา ราฌา บูวัจ กะฆีนี_ ฌางัน โกะ ลูมอฮ กามี นู ฌาดี ปราโซฮ นะ ราฌา? 16กูญา เตด บือเลฮ บรี กูเละ ปูโฮด ปาดี กะ กามี เลอ_ ตาปี กูญา ปือซัด จะ ‘บูวัจ บาตา เลอ.’ ลีฮัจ เลอ_ โอ ราฌา_ กูญา รือเปะ กามี กะฮามี เลอ. ตาปี โกะ ซือมียา นะ ราฌา ตะอาซิก_ ฌาดี ซือมียา นู ซาลัฮ.”
17ฟาโร มือเลา จะ “ลูมอฮ กาเญา ซือฆัด_ ซือฆัด โงฮซูโงฮ เลอ. กะฆีเตอ ลูมอฮ กาเญา มาแรฮ มือเลา จะ ‘มีตา บรี กามี_ ปี อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.’ 18กะฆีเตอ_ ปี เลอ กาเญา_ ปี บือกรือฌา วะตู อีนี. กูเละ ปูโฮด ปาดี เตอ_ กูญา นะ เตด บรี กะ ลูมอฮ กาเญา ลาลู. ตาปี โกะ บาตา นู ซูโรฮ บูวัจ เตอ_ ลูมอฮ กาเญา นะ ฆาโดฮ บูวัจ มาแรฮ_ บรี ฆือนะ ซือรูปา กาลา ดูลู เลอ” 19โกะ กือปาลา กรือฌา นะ ลูมอฮ อิซราเอน_ ตานา กือนา ซูโรฮ จะ “ตีเมา บรี กูรัก โกะ บาตา นู ซูโรฮ บูวัจ บีลัก อารี” เตอ_ ลีฮัจ จะ_ กูญา ซูซัฮ ปายัฮ ดัฮ. 20กาลา ตรือเบะ มาแรฮ_ ดาตัก เดะ มาโซะ ซารี ราฌา ฟาโร_ กูญา ดาปัจ มูซา ฌางัน อาโรน_ ตืองัฮ บือดีรี นาตี กูญา_ 21มือเลา ฌางัน กูญา ดูวา อูรัก จะ “มีตา ตูฮัด บือซัยํ เดะ อาตัซ_ นะ บือฮีมัจ กรัจ ฮูโกบ กาเญา ดูวา อูรัก_ ซาเบะ กาเญา บูวัจ บรี ลูมอฮ กามี_ กือนา บือชี ดัฮ_ โซะ ฮือลด มาตา นะ ราฌา ฟาโร_ ฌางัน ลูมอฮ ซือมียา ซัยํบือซัยํ นะ ญา ซือมูฮา_ ซือรูปา จะ_ อาเมด ปือดัก บอฮ เดะ ตางัน นะ กูญา_ บรี บูนอฮ ลูมอฮ กามี เลอ.”
22กะฆีเตอ มูซา_ บาลิ ปี มือเลา ฌางัน ตูฮัด บือซัยํ เดะ อาตัซ จะ_ “โอ ตูฮัด บือซัยํ เดะ อาตัซ_ บูวัจ นามา ตูฮัด บูวัจ โตระๆ_ กะ ลูมอฮ บักซา อีนี? บูวัจ นามา ตูฮัด ซูโรฮ กู มาแรฮ เลอ? 23ตะเดะ กู มาโซะ ปี ซารี ราฌา ฟาโร_ นะ มือเลา เดะ ปือนามา นะ ตูฮัด ดัฮ_ ราฌา ฟาโร โปด_ บูวัจ โตระๆ กะ ลูมอฮ บักซา อีนี. โซะ ตูฮัด โปด_ เตด บือเลฮ ตูโลก โกะ ลูมอฮ ซือมียา นะ ตูฮัด_ บรี ลือปัซ เดะ ลาฆู ซูซัฮ ปายัฮ ลาลู เลอ.”
Currently Selected:
บราเกะ ลารี 5: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
บราเกะ ลารี 5
5
ฟาโร ซูโรฮ บรี บูวัจ บาตา ตาปี เตด บรี ลาลัก
1ลือปัซ อีตู มูซา ฌางัน อาโรน ปาคัจ มาโซะ ซารี ฟาโร มือเลา จะ “ตูฮัด บือซัยํ เดะ อาตัซ_ ตูฮัด นะ ลูมอฮ อิซราเอน_ มือเลา กะฆีนี จะ_ ‘กือนา ปลือปัซ ลูมอฮ ซือมียา นะ กู ปี_ บีดา กูญา นะ บือเลฮ บือรามัย มือญือมัฮ กะ กู_ เดะ ตือปัจ ตานัฮ ตูโฮยํ นู ลือฆา เลอ.’ ”
2ฟาโร มือเลา จะ “ตูฮัด บือซัยํ เดะ อาตัซ เตอ_ ฌาดี ซาปา เลอ_ นู กู ฆาโดฮ นะ ดืองัยํ ปือมือเลา นะ ญา_ นะ ปลือปัซ โกะ ลูมอฮ อิซราเอน ปี. กู เตด กราลา ตูฮัด บือซัยํ เดะ อาตัซ โบะ_ ลือเบฮ เดะ อีตู เตอ_ กู นะ เตด ยอม ปลือปัซ โกะ ลูมอฮ อิซราเอน ปี ลาลู เลอ.” 3กะฆีเตอ_ กูญา ดูวา อูรัก มือเลา จะ_ “ตูฮัด นะ ลูมอฮ ฮีบรู_ ญา ปลีฮัจ กะ กามี ดัฮ. กะฆีเตอ_ มีตา บรี กามี ซือมูฮา บือฌาลัด ปี_ กะ ตือปัจ ตานัฮ ตูโฮยํ นู ลือฆา_ ตีฆา อารี_ บีดา นะ บือเลฮ บูวัจ ลาฆู อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี. เตด กะฆีเตอ_ ตูฮัด นะ กรัจ ฮูโกบ ลูมอฮ กามี_ ฌางัน โกะ ปือญาเกะ_ เฆอ จะ_ ฌางัน ปือดัก.”
4ราฌา นะ ลูมอฮ อียิบ_ มือเลา ฌางัน กูญา จะ_ “เฮย กาเญา_ มูซา ฌางัน อาโรน_ บูวัจ นามา เลอ_ นู กาเญา นะ บรี โกะ ลูมอฮ ซือมียา ตีงัน ลาฆู บือกรือฌา นะ กูญา? กาเญา กือนา บาลิ ปาเระ ปี_ บูวัจ ลาฆู บือกรือฌา นะ กาเญา เลอ.” 5ฟาโร มือเลา ปูลัก จะ “ลีฮัจ เลอ_ วะตู อีนี ลูมอฮ ซือมียา เดะ นังฆรี อีนี อาดา บาญะ. กาเญา ดูวา อูรัก โปด_ นะ บูวัจ บรี กูญา ปาคัจ บราดู กรือฌา นะ กูญา เลอ.” 6เดะ อารี อีตู เตอ_ ฟาโร ญา ซูโรฮ โกะ กือปาลา ปราโซฮ_ ฌางัน โกะ กือปาลา กรือฌา นะ ลูมอฮ ซือมียา_ มือเลา จะ_ 7“ตะเดะ อารี อีนี ปี_ ฌางัน บรี กูเละ ปูโฮด ปาดี_ กะ ลูมอฮ ซือมียา_ บรี บูวัจ บาตา ซือรูปา บือกะ กาลา ดูลู. ตาปี บรี กูญา ปี ซารี กูเละ ปูโฮด ปาดี ตะอาซิก. 8โซะ บาตา เตอ_ เดะ กาลา ดูลู กูญา บูวัจ ตารา ดีฮา_ บรี กูญา บูวัจ ตารา อีตู เลอ. ฌางัน บรี กูรัก ลาลู_ ซาเบะ จะ_ กูญา ซือฆัด_ กะฆีเตอ กูญา ปาคัจ บือซูระ จะ ‘มีตา บรี ลูมอฮ กามี ปี_ อาเกะ บือนาตัก มือญือมัฮ กะ ตูฮัด นะ ลูมอฮ กามี.’ 9กือนา ซารี กรือฌา บรี กูญา บือกรือฌา บรัจ_ ลือเบฮ เดะ กาลา ดูลู_ บีดา กูญา นะ ฮอย วะตู ปี มือนีงัย โกะ ปือมือเลา นู เตด ซูโงฮ.”
10โซะ กือปาลา ปราโซฮ ฌางัน กือปาลา กรือฌา นะ ลูมอฮ ซือมียา โปด_ ปี มือญาเระ จะ “ฟาโร มือเลา กะฆีนี จะ ‘กู นะ เตด ยอม บรี กูเละ ปูโฮด ปาดี_ กะ ลูมอฮ กาเญา ลาลู. 11กาเญา กือนา ปี ซารี กูเละ ปูโฮด ปาดี มาแรฮ ตะอาซิก_ บือกะ นู กาเญา นะ ซารี บือเลฮ. ตาปี บือกรือฌา นู ซูโรฮ เตอ_ เตด กูรัก กิดีกิ โปด.’ ” 12โกะ ลูมอฮ ซือมียา เตอ_ กูญา ปาคัจ จัฮบือลัฮ ปี_ ราตา เดะ นังฆรี อียิบ_ ปูงอจ ปรือดู นะ ปูโฮด ปาดี มาแรฮ_ ฆาตี กูเละ ปูโฮด ปาดี. 13โกะ กือปาลา ปราโซฮ โปด_ ปือฆางู จะ “กือนา บูวัจ ลาฆู บือกรือฌา นะ กาเญา บีลัก อารี_ บรี ซุจ ฮาบิฮ เลอ_ บือกะ นู กาลา อาดา กูเละ ปูโฮด ปาดี บรี กะ กาเญา เลอ.” 14โกะ กือปาลา กรือฌา นะ ลูมอฮ อิซราเอน_ นู โกะ กือปาลา ปราโซฮ นะ ฟาโร_ ตืองะ บรี ฌาดี กือปาลา นะ กูญา_ กูญา โปด_ กือนา รือเปะ_ กือนา ตาญา จะ “บูวัจ นามา กาเญา เตด บือเลฮ บือกรือฌา บรี ซุจ_ บูวัจ โกะ บาตา กือมารี ฌางัน อารี อีนี_ บือกะ ซือรูปา นู กาเญา บือเลฮ บูวัจ กาลา ดูลู?”
15โกะ กือปาลา กรือฌา นะ ลูมอฮ อิซราเอน_ กูญา มาแรฮ มือเลา ฌางัน ฟาโร จะ “ซาเบะ นามา ราฌา บูวัจ กะฆีนี_ ฌางัน โกะ ลูมอฮ กามี นู ฌาดี ปราโซฮ นะ ราฌา? 16กูญา เตด บือเลฮ บรี กูเละ ปูโฮด ปาดี กะ กามี เลอ_ ตาปี กูญา ปือซัด จะ ‘บูวัจ บาตา เลอ.’ ลีฮัจ เลอ_ โอ ราฌา_ กูญา รือเปะ กามี กะฮามี เลอ. ตาปี โกะ ซือมียา นะ ราฌา ตะอาซิก_ ฌาดี ซือมียา นู ซาลัฮ.”
17ฟาโร มือเลา จะ “ลูมอฮ กาเญา ซือฆัด_ ซือฆัด โงฮซูโงฮ เลอ. กะฆีเตอ ลูมอฮ กาเญา มาแรฮ มือเลา จะ ‘มีตา บรี กามี_ ปี อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.’ 18กะฆีเตอ_ ปี เลอ กาเญา_ ปี บือกรือฌา วะตู อีนี. กูเละ ปูโฮด ปาดี เตอ_ กูญา นะ เตด บรี กะ ลูมอฮ กาเญา ลาลู. ตาปี โกะ บาตา นู ซูโรฮ บูวัจ เตอ_ ลูมอฮ กาเญา นะ ฆาโดฮ บูวัจ มาแรฮ_ บรี ฆือนะ ซือรูปา กาลา ดูลู เลอ” 19โกะ กือปาลา กรือฌา นะ ลูมอฮ อิซราเอน_ ตานา กือนา ซูโรฮ จะ “ตีเมา บรี กูรัก โกะ บาตา นู ซูโรฮ บูวัจ บีลัก อารี” เตอ_ ลีฮัจ จะ_ กูญา ซูซัฮ ปายัฮ ดัฮ. 20กาลา ตรือเบะ มาแรฮ_ ดาตัก เดะ มาโซะ ซารี ราฌา ฟาโร_ กูญา ดาปัจ มูซา ฌางัน อาโรน_ ตืองัฮ บือดีรี นาตี กูญา_ 21มือเลา ฌางัน กูญา ดูวา อูรัก จะ “มีตา ตูฮัด บือซัยํ เดะ อาตัซ_ นะ บือฮีมัจ กรัจ ฮูโกบ กาเญา ดูวา อูรัก_ ซาเบะ กาเญา บูวัจ บรี ลูมอฮ กามี_ กือนา บือชี ดัฮ_ โซะ ฮือลด มาตา นะ ราฌา ฟาโร_ ฌางัน ลูมอฮ ซือมียา ซัยํบือซัยํ นะ ญา ซือมูฮา_ ซือรูปา จะ_ อาเมด ปือดัก บอฮ เดะ ตางัน นะ กูญา_ บรี บูนอฮ ลูมอฮ กามี เลอ.”
22กะฆีเตอ มูซา_ บาลิ ปี มือเลา ฌางัน ตูฮัด บือซัยํ เดะ อาตัซ จะ_ “โอ ตูฮัด บือซัยํ เดะ อาตัซ_ บูวัจ นามา ตูฮัด บูวัจ โตระๆ_ กะ ลูมอฮ บักซา อีนี? บูวัจ นามา ตูฮัด ซูโรฮ กู มาแรฮ เลอ? 23ตะเดะ กู มาโซะ ปี ซารี ราฌา ฟาโร_ นะ มือเลา เดะ ปือนามา นะ ตูฮัด ดัฮ_ ราฌา ฟาโร โปด_ บูวัจ โตระๆ กะ ลูมอฮ บักซา อีนี. โซะ ตูฮัด โปด_ เตด บือเลฮ ตูโลก โกะ ลูมอฮ ซือมียา นะ ตูฮัด_ บรี ลือปัซ เดะ ลาฆู ซูซัฮ ปายัฮ ลาลู เลอ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in