ลามูลา 45
45
โยเซบ บรี โกะ กากา เดะ ญา กราลา ญา
1กะฆีเตอ_ โยเซบ ตาฮัด ฮาตี ลาฆี_ เดะ โซะ ฮือลด โกะ ลูมอฮ ซือมียา_ นู บือดีรี บือซามา ฌางัน ญา เตอ_ เตด บือเลฮ ดัฮ. ญา บือซูระ ซือวารา บือซัยํ จะ_ “บรี ซือมียา ซือมูฮา_ ตรือเบะ ปี เลอ.”_ กะฆีเตอ_ ฮอย ซาปา บือดีรี บือซามา ฌางัน ญา_ กาลา โยเซบ บูวัจ บรี โกะ อาดี บราดี เดะ ญา กราลา ญา ดัฮ. 2ญา มือนาแงฮ_ ซือวารา บือซัยํ ฌู ลูมอฮ บักซา อียิบ_ ดืองัยํ ดัฮ. โกะ ลูมอฮ ปือญูโรฮ_ เดะ บาลัย นะ ราฌา ฟาโร โปด_ ดืองัยํ ราตา. 3ญา มือเลา ฌางัน โกะ อาดี บราดี เดะ ญา จะ_ “กู นี_ ฌาดี โยเซบ เลอ. ปะ เดะ กู_ อาดา ฮีโดะ ลาฆี เฆอ?”
ตาปี โกะ กากา เดะ ญา ตีกัฮ กะ โยเซบ เตด บือเลฮ_ ซาเบะ กูญา ตือกือฌุจ_ นู ดาปัจ โยเซบ ปาเระ ดัฮ. 4ตาปี โยเซบ มือเลา ฌางัน โกะ กากา เดะ ญา จะ_ “มาแรฮ เลอ_ กาเญา ญาเเปะ กะ กู.”_ กูญา โปด_ มาแรฮ ญาเเปะ ญา ดัฮ. ญา มือเลา ฌางัน กูญา จะ_ “กู ฌาดี โยเซบ_ อาดี เดะ กาเญา_ นู กาเญา ฌูวัน กู_ บรี กู มาแรฮ กะ นังฆรี อียิบ อีนี ดัฮ. 5ตาปี วะตู อีนี_ ฌางัน บรี กาเญา นะ ฆาโดฮ ฮาตี เลอ. ฌางัน มูซัยํ กะ ญาวา กาเญา ตะอาซิก_ นู กาเญา ฌูวัน กู_ บรี มาแรฮ ปัจ อีนี. กรานา ตูฮัด เดะ อาตัซ_ ซูโรฮ กู_ บรี มาแรฮ_ ดูลู เดะ กาเญา_ บรี ตูโลก ลูมอฮ ซือมียา บรี ฮีโดะ. 6ลาฆู บือตาฮัด บารัก มากัด เดะ นังฆรี_ ลือปัซ ดูวา ตาโฮด ดัฮ. อาดา ลีมา ตาโฮด ลาฆี_ นู ฮอย ซาปา ตือฆาลา บือนัก_ ฮอย ซาปา กือตับ ปาดี ฌูฆา. 7ตาปี ตูฮัด เดะ อาตัซ_ ซูโรฮ กู มาแรฮ_ ดูลู เดะ โกะ กากา_ บีดา นะ ตูโลก กาเญา_ บรี อาดา ซือมียา ลือเบฮ ดัฮ_ เดะ ดือนียา_ บีดา นะ ตูโลก โกะ กากา บรี ฮีโดะ_ ฌาดี ลาฆู ตูโลก นู บือซัยํ ซูโงฮ เลอ. 8กะฆีเตอ เลอ_ บูกัด กาเญา นู ซูโรฮ กู_ บรี มาแรฮ โซะ อีนี_ ตาปี ตูฮัด เลอ_ นู บรี กู มาแรฮ_ ปัจ อีนี ดัฮ. ตูฮัด บูวัจ บรี กู ฌาดี_ ซือรูปา อาโปก นะ ราฌา ฟาโร_ บรี ฌาดี กือปาลา เดะ บาลัย นะ ญา ซือมูฮา_ บรี ฌาดี ซือมียา ปือบือลา ราตา เดะ นังฆรี อียิบ. 9ปี งัจบางัจ เลอ_ ปี ดาปัจ ปะ เดะ กู_ บือตาฮู กะ ญา จะ_ ‘อีนี ฌาดี ปือมือเลา นะ โยเซบ_ นานะ นะ ปะ เลอ. ตูฮัด เดะ อาตัซ_ บูวัจ บรี กู ฌาดี กือปาลา ปือบือลา ราตา เดะ นังฆรี อียิบ. มาแรฮ เลอ_ กะ กู_ ฌางัน นะ ลามัจ เลอ. 10ปะ นะ บือเลฮ ดูโดะ เดะ นังฆรี โกเชน_ นู ดาปิก ฌางัน กู. ปะ_ ฌางัน โกะ นานะ_ โกะ จูจู_ โกะ กาวัด กาเมก_ กาวัด แบะ_ กาวัด ลือมู_ ฌางัน บือนา บารัก นะ ปะ_ ซือมูฮา เตอ. 11กู นะ ปือบือลา ปะ_ ปัจ อีตู_ ซาเบะ อาดา ลาฆู บือตาฮัด บารัก มากัด_ ลีมา ตาโฮด ลาฆี เลอ. ดัฮ เตด บูวัจ กะฆีเตอ_ ปะ_ ฌางัน กือมอน อานะ นะ ปะ_ ฌางัน ลูมอฮ ซือมียา นะ ปะ_ นะ ฮาฌะ โตระ’ ”_ ญา จะ.
12โยเซบ มือเลา ฌางัน โกะ กากา เดะ ญา ลาฆี จะ_ “ลีฮัจ เลอ_ มาตา นะ โกะ จา_ ลีฮัจ กะ กู ดัฮ. มาตา นะ มิ เบนยามิน โปด_ ลีฮัจ กะ กู ฌูฆา. จะ ฌาดี มูโลจ นะ กู ตะอาซิก เลอ_ นู มือเลา ฌางัน ลูมอฮ อาดี บราดี. 13โกะ จา_ กือนา มือญาเระ กะ ปะ_ จะ_ กู ฌาดี ซือมียา นู กูญา มือนูโนะ มือโอจ โตระ เดะ นังฆรี อียิบ. บือตาฮู กะ ปะ_ ปาซัน ลาฆู ซือมูฮา_ กาเญา ลีฮัจ บือฆารี ดัฮ. โกะ จา_ กือนา ปี งัจบางัจ เลอ_ บาวา ปะ มาแรฮ ปัจ อีนี”_ ญา จะ.
14โยเซบ กรด ลีเฮ นะ เบนยามิน_ อาดี เดะ ญา_ ซาแมน มือนาแงฮ. เบนยามิน ฌูฆา_ กรด ลีเฮ นะ โยเซบ_ มือนาแงฮ ฌูฆา. 15โยเซบ จีโยบ โกะ กากา ซือมูฮา_ มือนาแงฮ บือซามา. โกะ กากา โปด_ มือเลา บือซามา ฌางัน โยเซบ.
16กาลา โกะ ซือมียา เดะ บาลัย นะ ฟาโร_ กูญา ดืองัยํ ดัฮ_ นู โกะ อาดี บราดี นะ โยเซบ มาแรฮ_ ฟาโร ฌางัน ลูมอฮ ปือญูโรฮ นะ ญา โปด_ ซูกา ฮาตี. 17ฟาโร มือเลา ฌางัน โยเซบ จะ_ “กือนา มือเลา ฌางัน โกะ อาดี บราดี นะ เกา จะ_ ‘บูวัจ กะฆีนี เลอ. ปือโดะ บารัก นะ กาเญา เดะ กูดา บาซา ดือมิ_ บาลิ ปี กะ นังฆรี คานาอัน. 18บาวา ปะ เดะ กาเญา_ ฌางัน โกะ กือมอน อานะ ซือมูฮา_ บรี มาแรฮ ดาปัจ กู เลอ. กู นะ บรี กาเญา ดูโดะ_ เดะ ตือปัจ ตานัฮ นู บาฌิ เดะ กาวัด_ เดะ นังฆรี อียิบ. กาเญา นะ มากัด บารัก มากัด_ นู บาฌิ ซูโงฮ_ เดะ นังฆรี อีนี.’ 19กู ปือซัด เกา บรี มือเลา ปูลัก จะ ‘กาเญา กือนา บูวัจ กะฆีนี_ จะ_ อาเมด เลอ_ ซือตรี กูดา เดะ นังฆรี อียิบ_ บีดา โกะ นานะ ดือมิ_ ฌางัน โกะ บีนี นะ กาเญา_ อาเมด ปะ เดะ กาเญา_ บือมาแรฮ ฌูฆา เลอ. 20ฌางัน ปือดูลี โกะ บือนา บารัก นะ กาเญา_ ซาเบะ โกะ บือนา บารัก นะ นังฆรี อียิบ ซือมูฮา_ ฌาดี บือนา บารัก นะ กาเญา ดัฮ เลอ’ ” ฟาโร ญา จะ.
21โกะ นานะ นะ อิซราเอน บูวัจ ตูโรจ ดัฮ. โยเซบ บือเลฮ บรี ซือตรี กูดา กะ กูญา_ ตูโรจ บือกะ ปือมือซัด นะ ราฌา ฟาโร. ญา บรี บารัก มากัด กะ กูญา_ นู นะ มากัด_ เดะ ตืองัฮ ฌาลัด. 22ญา บรี กาเยด บาฌู นู บาฌิ_ กะ โกะ กากา ซอก ซืออูรัก. ตาปี โซะ มิ เบนยามิน_ ญา บรี กะ ญา ตีฆา ราตุซ รีเงะ ปีระ_ ฌางัน กาเยด บาฌู นู บาฌิ ลีมา กรัจ. 23โยเซบ กีเรบ บือนา บารัก กะ ปะ เดะ ญา_ ซือมูฮา กะฆีนี_ อาดา กูดา บาซา ดือมิ ซือปูโลฮ อีโกยํ_ นู ปือโดะ บือนา บารัก นู บาฌิ นะ นังฆรี อียิบ_ อาดา กูดา อายา บาซา ดือมิ ซือปูโลฮ อีโกยํ_ นู ปือโดะ บรัซ ฌางัน บารัก มากัด_ นู ปะ นะ มากัด เดะ ตืองัฮ บือฌาลัด มาแรฮ. 24กะฆีเตอ โยเซบ ซูโรฮ โกะ อาดี บราดี ปี. ตานา กูญา นะ ปี_ โยเซบ มือเลา ฌางัน กูญา จะ_ “ฌางัน บือตือฆัฮ เดะ ตืองัฮ ฌาลัด เลอ.”
25กะฆีเตอ_ โกะ อาดี บราดี ตรือเบะ ปี_ เดะ นังฆรี อียิบ ดัฮ_ ปี รอจ กะ ปะ เดะ กูญา_ เดะ นังฆรี คานาอัน. 26กูญา มือเลา ฌางัน ปะ เดะ กูญา จะ_ “โยเซบ เตอ_ อาดา ฮีโดะ ลาฆี. ญา ฌาดี กือปาลา_ ปือบือลา นังฆรี อียิบ_ ราตา.”_ ตาปี ยาโกบ ฮาตี เตด บาฌิ_ ซาเบะ ญา เตด ปือจายา กะ กูญา. 27ตาปี กาลา กูญา มือเลา ฌางัน ญา_ ปาซัน ปือมือเลา นะ โยเซบ_ นู ญา มือเลา ฌางัน กูญา_ ซือมูฮา เตอ_ กาลา ญา ลีฮัจ โกะ ซือตรี ปือโดะ บารัก_ นู โยเซบ ซูโรฮ ปี_ บรี ปือโดะ ญา เตอ_ ญา ซูกา ฮาตี ซูโงฮ เลอ. 28กะฆีเตอ_ อิซราเอน มือเลา จะ_ “บาฌิ ดัฮ. โยเซบ_ นานะ นะ กู_ อาดา ฮีโดะ ลาฆี เลอ. กู นะ ปี ลีฮัจ บรี บือฆารี ญา_ ดูลู เดะ กู นะ มาตี.”
Currently Selected:
ลามูลา 45: ULBIBLE
Highlight
Share
Copy
Want to have your highlights saved across all your devices? Sign up or sign in
ลามูลา 45
45
โยเซบ บรี โกะ กากา เดะ ญา กราลา ญา
1กะฆีเตอ_ โยเซบ ตาฮัด ฮาตี ลาฆี_ เดะ โซะ ฮือลด โกะ ลูมอฮ ซือมียา_ นู บือดีรี บือซามา ฌางัน ญา เตอ_ เตด บือเลฮ ดัฮ. ญา บือซูระ ซือวารา บือซัยํ จะ_ “บรี ซือมียา ซือมูฮา_ ตรือเบะ ปี เลอ.”_ กะฆีเตอ_ ฮอย ซาปา บือดีรี บือซามา ฌางัน ญา_ กาลา โยเซบ บูวัจ บรี โกะ อาดี บราดี เดะ ญา กราลา ญา ดัฮ. 2ญา มือนาแงฮ_ ซือวารา บือซัยํ ฌู ลูมอฮ บักซา อียิบ_ ดืองัยํ ดัฮ. โกะ ลูมอฮ ปือญูโรฮ_ เดะ บาลัย นะ ราฌา ฟาโร โปด_ ดืองัยํ ราตา. 3ญา มือเลา ฌางัน โกะ อาดี บราดี เดะ ญา จะ_ “กู นี_ ฌาดี โยเซบ เลอ. ปะ เดะ กู_ อาดา ฮีโดะ ลาฆี เฆอ?”
ตาปี โกะ กากา เดะ ญา ตีกัฮ กะ โยเซบ เตด บือเลฮ_ ซาเบะ กูญา ตือกือฌุจ_ นู ดาปัจ โยเซบ ปาเระ ดัฮ. 4ตาปี โยเซบ มือเลา ฌางัน โกะ กากา เดะ ญา จะ_ “มาแรฮ เลอ_ กาเญา ญาเเปะ กะ กู.”_ กูญา โปด_ มาแรฮ ญาเเปะ ญา ดัฮ. ญา มือเลา ฌางัน กูญา จะ_ “กู ฌาดี โยเซบ_ อาดี เดะ กาเญา_ นู กาเญา ฌูวัน กู_ บรี กู มาแรฮ กะ นังฆรี อียิบ อีนี ดัฮ. 5ตาปี วะตู อีนี_ ฌางัน บรี กาเญา นะ ฆาโดฮ ฮาตี เลอ. ฌางัน มูซัยํ กะ ญาวา กาเญา ตะอาซิก_ นู กาเญา ฌูวัน กู_ บรี มาแรฮ ปัจ อีนี. กรานา ตูฮัด เดะ อาตัซ_ ซูโรฮ กู_ บรี มาแรฮ_ ดูลู เดะ กาเญา_ บรี ตูโลก ลูมอฮ ซือมียา บรี ฮีโดะ. 6ลาฆู บือตาฮัด บารัก มากัด เดะ นังฆรี_ ลือปัซ ดูวา ตาโฮด ดัฮ. อาดา ลีมา ตาโฮด ลาฆี_ นู ฮอย ซาปา ตือฆาลา บือนัก_ ฮอย ซาปา กือตับ ปาดี ฌูฆา. 7ตาปี ตูฮัด เดะ อาตัซ_ ซูโรฮ กู มาแรฮ_ ดูลู เดะ โกะ กากา_ บีดา นะ ตูโลก กาเญา_ บรี อาดา ซือมียา ลือเบฮ ดัฮ_ เดะ ดือนียา_ บีดา นะ ตูโลก โกะ กากา บรี ฮีโดะ_ ฌาดี ลาฆู ตูโลก นู บือซัยํ ซูโงฮ เลอ. 8กะฆีเตอ เลอ_ บูกัด กาเญา นู ซูโรฮ กู_ บรี มาแรฮ โซะ อีนี_ ตาปี ตูฮัด เลอ_ นู บรี กู มาแรฮ_ ปัจ อีนี ดัฮ. ตูฮัด บูวัจ บรี กู ฌาดี_ ซือรูปา อาโปก นะ ราฌา ฟาโร_ บรี ฌาดี กือปาลา เดะ บาลัย นะ ญา ซือมูฮา_ บรี ฌาดี ซือมียา ปือบือลา ราตา เดะ นังฆรี อียิบ. 9ปี งัจบางัจ เลอ_ ปี ดาปัจ ปะ เดะ กู_ บือตาฮู กะ ญา จะ_ ‘อีนี ฌาดี ปือมือเลา นะ โยเซบ_ นานะ นะ ปะ เลอ. ตูฮัด เดะ อาตัซ_ บูวัจ บรี กู ฌาดี กือปาลา ปือบือลา ราตา เดะ นังฆรี อียิบ. มาแรฮ เลอ_ กะ กู_ ฌางัน นะ ลามัจ เลอ. 10ปะ นะ บือเลฮ ดูโดะ เดะ นังฆรี โกเชน_ นู ดาปิก ฌางัน กู. ปะ_ ฌางัน โกะ นานะ_ โกะ จูจู_ โกะ กาวัด กาเมก_ กาวัด แบะ_ กาวัด ลือมู_ ฌางัน บือนา บารัก นะ ปะ_ ซือมูฮา เตอ. 11กู นะ ปือบือลา ปะ_ ปัจ อีตู_ ซาเบะ อาดา ลาฆู บือตาฮัด บารัก มากัด_ ลีมา ตาโฮด ลาฆี เลอ. ดัฮ เตด บูวัจ กะฆีเตอ_ ปะ_ ฌางัน กือมอน อานะ นะ ปะ_ ฌางัน ลูมอฮ ซือมียา นะ ปะ_ นะ ฮาฌะ โตระ’ ”_ ญา จะ.
12โยเซบ มือเลา ฌางัน โกะ กากา เดะ ญา ลาฆี จะ_ “ลีฮัจ เลอ_ มาตา นะ โกะ จา_ ลีฮัจ กะ กู ดัฮ. มาตา นะ มิ เบนยามิน โปด_ ลีฮัจ กะ กู ฌูฆา. จะ ฌาดี มูโลจ นะ กู ตะอาซิก เลอ_ นู มือเลา ฌางัน ลูมอฮ อาดี บราดี. 13โกะ จา_ กือนา มือญาเระ กะ ปะ_ จะ_ กู ฌาดี ซือมียา นู กูญา มือนูโนะ มือโอจ โตระ เดะ นังฆรี อียิบ. บือตาฮู กะ ปะ_ ปาซัน ลาฆู ซือมูฮา_ กาเญา ลีฮัจ บือฆารี ดัฮ. โกะ จา_ กือนา ปี งัจบางัจ เลอ_ บาวา ปะ มาแรฮ ปัจ อีนี”_ ญา จะ.
14โยเซบ กรด ลีเฮ นะ เบนยามิน_ อาดี เดะ ญา_ ซาแมน มือนาแงฮ. เบนยามิน ฌูฆา_ กรด ลีเฮ นะ โยเซบ_ มือนาแงฮ ฌูฆา. 15โยเซบ จีโยบ โกะ กากา ซือมูฮา_ มือนาแงฮ บือซามา. โกะ กากา โปด_ มือเลา บือซามา ฌางัน โยเซบ.
16กาลา โกะ ซือมียา เดะ บาลัย นะ ฟาโร_ กูญา ดืองัยํ ดัฮ_ นู โกะ อาดี บราดี นะ โยเซบ มาแรฮ_ ฟาโร ฌางัน ลูมอฮ ปือญูโรฮ นะ ญา โปด_ ซูกา ฮาตี. 17ฟาโร มือเลา ฌางัน โยเซบ จะ_ “กือนา มือเลา ฌางัน โกะ อาดี บราดี นะ เกา จะ_ ‘บูวัจ กะฆีนี เลอ. ปือโดะ บารัก นะ กาเญา เดะ กูดา บาซา ดือมิ_ บาลิ ปี กะ นังฆรี คานาอัน. 18บาวา ปะ เดะ กาเญา_ ฌางัน โกะ กือมอน อานะ ซือมูฮา_ บรี มาแรฮ ดาปัจ กู เลอ. กู นะ บรี กาเญา ดูโดะ_ เดะ ตือปัจ ตานัฮ นู บาฌิ เดะ กาวัด_ เดะ นังฆรี อียิบ. กาเญา นะ มากัด บารัก มากัด_ นู บาฌิ ซูโงฮ_ เดะ นังฆรี อีนี.’ 19กู ปือซัด เกา บรี มือเลา ปูลัก จะ ‘กาเญา กือนา บูวัจ กะฆีนี_ จะ_ อาเมด เลอ_ ซือตรี กูดา เดะ นังฆรี อียิบ_ บีดา โกะ นานะ ดือมิ_ ฌางัน โกะ บีนี นะ กาเญา_ อาเมด ปะ เดะ กาเญา_ บือมาแรฮ ฌูฆา เลอ. 20ฌางัน ปือดูลี โกะ บือนา บารัก นะ กาเญา_ ซาเบะ โกะ บือนา บารัก นะ นังฆรี อียิบ ซือมูฮา_ ฌาดี บือนา บารัก นะ กาเญา ดัฮ เลอ’ ” ฟาโร ญา จะ.
21โกะ นานะ นะ อิซราเอน บูวัจ ตูโรจ ดัฮ. โยเซบ บือเลฮ บรี ซือตรี กูดา กะ กูญา_ ตูโรจ บือกะ ปือมือซัด นะ ราฌา ฟาโร. ญา บรี บารัก มากัด กะ กูญา_ นู นะ มากัด_ เดะ ตืองัฮ ฌาลัด. 22ญา บรี กาเยด บาฌู นู บาฌิ_ กะ โกะ กากา ซอก ซืออูรัก. ตาปี โซะ มิ เบนยามิน_ ญา บรี กะ ญา ตีฆา ราตุซ รีเงะ ปีระ_ ฌางัน กาเยด บาฌู นู บาฌิ ลีมา กรัจ. 23โยเซบ กีเรบ บือนา บารัก กะ ปะ เดะ ญา_ ซือมูฮา กะฆีนี_ อาดา กูดา บาซา ดือมิ ซือปูโลฮ อีโกยํ_ นู ปือโดะ บือนา บารัก นู บาฌิ นะ นังฆรี อียิบ_ อาดา กูดา อายา บาซา ดือมิ ซือปูโลฮ อีโกยํ_ นู ปือโดะ บรัซ ฌางัน บารัก มากัด_ นู ปะ นะ มากัด เดะ ตืองัฮ บือฌาลัด มาแรฮ. 24กะฆีเตอ โยเซบ ซูโรฮ โกะ อาดี บราดี ปี. ตานา กูญา นะ ปี_ โยเซบ มือเลา ฌางัน กูญา จะ_ “ฌางัน บือตือฆัฮ เดะ ตืองัฮ ฌาลัด เลอ.”
25กะฆีเตอ_ โกะ อาดี บราดี ตรือเบะ ปี_ เดะ นังฆรี อียิบ ดัฮ_ ปี รอจ กะ ปะ เดะ กูญา_ เดะ นังฆรี คานาอัน. 26กูญา มือเลา ฌางัน ปะ เดะ กูญา จะ_ “โยเซบ เตอ_ อาดา ฮีโดะ ลาฆี. ญา ฌาดี กือปาลา_ ปือบือลา นังฆรี อียิบ_ ราตา.”_ ตาปี ยาโกบ ฮาตี เตด บาฌิ_ ซาเบะ ญา เตด ปือจายา กะ กูญา. 27ตาปี กาลา กูญา มือเลา ฌางัน ญา_ ปาซัน ปือมือเลา นะ โยเซบ_ นู ญา มือเลา ฌางัน กูญา_ ซือมูฮา เตอ_ กาลา ญา ลีฮัจ โกะ ซือตรี ปือโดะ บารัก_ นู โยเซบ ซูโรฮ ปี_ บรี ปือโดะ ญา เตอ_ ญา ซูกา ฮาตี ซูโงฮ เลอ. 28กะฆีเตอ_ อิซราเอน มือเลา จะ_ “บาฌิ ดัฮ. โยเซบ_ นานะ นะ กู_ อาดา ฮีโดะ ลาฆี เลอ. กู นะ ปี ลีฮัจ บรี บือฆารี ญา_ ดูลู เดะ กู นะ มาตี.”
Currently Selected:
:
Highlight
Share
Copy
Want to have your highlights saved across all your devices? Sign up or sign in