ลามูลา 46
46
ยาโกบ บาวา โกะ นะบรานะ ซือมูฮา ปี กะ นังฆรี อียิบ
1กะฆีเตอ_ อิซราเอน ญา ตรือเบะ ปี_ ฌางัน บือนา บารัก นะ ญา ซือมูฮา. กาลา ญา รอจ กะ ตูโปะ เบเออ-เซบา_ ญา อาเมด บือนาตัก มาแรฮ มือญือมัฮ_ กะ ตูฮัด เดะ อาตัซ_ นู ฌาดี ตูฮัด นะ อีซัก_ ปะ เดะ ญา. 2โซะ มาลับ_ ตูฮัด มาแรฮ มือเลา ฌางัน ญา_ ฌาดี ลาฆู มีปี_ จะ_ “ยาโกบ_ ยาโกบ เออ.”
ยาโกบ ตีกัฮ กะ ตูฮัด จะ_ “กู อาดา เดะ ตือปัจ อีนี เลอ_ ตูฮัด เออ.”
3ตูฮัด มือเลา ฌางัน ญา จะ_ “กู นี เลอ_ ฌาดี ตูฮัด_ นู ตูฮัด นะ อาโปก เดะ เกา. เกา ฌางัน ตาโกจ เลอ_ เกา นะ ปี กะ นังฆรี อียิบ. โซะ อีตู_ กู นะ บูวัจ บรี เกา ฌาดี บักซา นู บือซัยํ. 4กู ตะอาซิก นะ ปี บือซามา ฌางัน เกา_ กะ นังฆรี อียิบ เลอ. กู นะ บาวา เกา_ บรี บาลิ มาแรฮ ฌูฆา. วะตู เกา นะ มาตี_ โยเซบ เตอ_ ญา นะ ฌาดี ซือมียา อาเมด ตางัน_ ตูโดก บรี มาตา นะ เกา ปือฌับ เลอ”_ ตูฮัด ญา จะ.
5กะฆีเตอ ยาโกบ_ ญา ตรือเบะ ปี_ เดะ ตูโปะ เบเออ-เซบา. โกะ นานะ นะ อิซราเอน_ บาวา ยาโกบ_ ปะ เดะ กูญา_ ฌางัน โกะ นานะ_ โกะ จูจู_ โกะ บีนี นะ กูญา_ ปือโดะ เดะ โกะ ซือตรี กูดา_ นู ฟาโร อาตัจ ปี. 6โกะ กาวัด บือนาตัก นะ กูญา_ ฌางัน โกะ ซือบารัก_ นู กูญา บือเลฮ ดาปัจ เดะ นังฆรี คานาอัน เตอ_ กูญา บาวา บือปี ซามา_ กะ นังฆรี อียิบ. อาดา ยาโกบ_ ฌางัน บือแนฮ นะ ญา_ ซือมูฮา. 7อาดา โกะ นานะ กีลากี นะ ญา_ โกะ จูจู นะ ญา_ โกะ นานะ นีบีนี นะ ญา_ โกะ นานะ นีบีนี นะ นานะ นะ ญา. โกะ บือแนฮ นะ ญา ซือมูฮา_ ญา บาวา บือปี_ กะ นังฆรี อียิบ ฮาบิฮ. 8ตะเดะ อีนี ฌาดี ปือนามา บือแนฮ นะ อิซราเอน_ นู มาโซะ ปี กะ นังฆรี อียิบ_ ฌาดี จะ_ ยาโกบ ฌางัน นานะ กีลากี นะ ญา. อาดา รูเบน_ นานะ ซูโลก นะ ยาโกบ_ 9อาดา โกะ นานะ นะ รูเบน_ ปือนามา จะ_ ฮาโนก_ ปาลู_ เฮซะโรน_ ฌางัน คาระมี. 10อาดา โกะ นานะ นะ ซีเมโอน_ ปือนามา จะ_ เยมูเอน_ ยามีน_ โอฮัด_ ยาคีน_ ฌางัน โซฮา_ ฌางัน ซาอูน_ นานะ นะ นีบีนี ลูมอฮ คานาอัน. 11อาดา โกะ นานะ นะ เลวี_ ปือนามา จะ_ เกอโชน_ โคฮาด_ ฌางัน เมรารี. 12อาดา โกะ นานะ นะ ยูดา_ ปือนามา จะ_ เอระ_ โอนัน_ เซลัฮ_ เปเรด_ ฌางัน เซรัฮ. ตาปี เอระ ฌางัน โอนัน_ กูญา มาตี ดัฮ_ เดะ นังฆรี คานาอัน. อาดา นานะ นะ เปเรด_ ปือนามา เฮซะโรน_ ฌางัน ฮามูน. 13อาดา โกะ นานะ นะ อีซาคา_ ปือนามา จะ_ โทลา_ ปูวา_ โยบ_ ฌางัน ชิมโรน. 14อาดา โกะ นานะ นะ เซบูลุน_ ปือนามา จะ_ เซเรด_ เอโลน_ ฌางัน ยาเลเอน. 15(กูญา อีนี ฌาดี นานะ นะ เลฮา_ นู ญา บือโปรจ ฌางัน ยาโกบ_ เดะ นังฆรี ปาดัน-อารัม_ ฌางัน นานะ นีบีนี ปือนามา_ ดีนา. กูญา เตอ_ กีรา ฌางัน นานะ กีลากี นานะ นีบีนี ซือมูฮา_ ตีฆา ปูโลฮ ตีฆา (33) อูรัก). 16อาดา โกะ นานะ นะ กาด_ ปือนามา จะ_ ซิฟีโยน_ ฮักกี_ ชูนี_ เอซะโบน_ เอรี_ อาโรดี_ ฌางัน อาเรลี. 17อาดา โกะ นานะ นะ อาเซอ_ ปือนามา จะ_ อิมนา_ อีซะวา_ อีซะวี_ ฌางัน เบรียา_ ฌางัน เซรัฮ_ อาดี นีบีนี นะ กูญา. นานะ นะ เบรียา_ ปือนามา จะ_ เฮเบอ_ ฌางัน มาละคีเอน. 18(กูญา อีนี ฌาดี โกะ อานะ จูจู นะ ซินปา_ นู ลาบัน อาเกะ บรี กะ เลฮา_ นานะ นีบีนี นะ ญา. โกะ นานะ นัม บือลัซ อูรัก อีนี_ ญา บือเลฮ บือโปรจ ฌางัน ยาโกบ.) 19อาดา โกะ นานะ นะ ราเชน_ บีนี นะ ยาโกบ_ ปือนามา จะ_ โยเซบ_ ฌางัน เบนยามิน. 20โซะ โยเซบ เตอ_ ญา บือเลฮ นานะ ดูวา อูรัก เดะ นังฆรี อียิบ_ นู อาเซนัด_ นานะ นีบีนี นะ โปทิเฟรา_ นู ฌาดี ซามี เดะ นังฆรี โอน_ บือเลฮ บรี กะ ญา. นานะ อีตู ปือนามา จะ_ มานาเซฮ ฌางัน เอฟราอิม. 21อาดา โกะ นานะ นะ เบนยามิน_ ปือนามา จะ_ เบ-ลา_ เบเคอ_ อาชะเบน_ เก-รา_ นาอามาน_ เอฮี_ โรชะ_ มับปิม_ ฮุบปิม_ ฌางัน อารัด. 22(กูญา อีนี ฌาดี อานะ จูจู นะ ราเชน_ นู ญา บือโปรจ ฌางัน ยาโกบ_ บือเลฮ ฆามะ ปัจ บือลัซ อูรัก.) 23อาดา นานะ นะ ดาน_ ปือนามา จะ_ ฮูชิม 24อาดา โกะ นานะ นะ นับทาลี_ ปือนามา จะ_ ยาเซเอน_ กูนี_ เยเซอ_ ฌางัน ชีเลม. 25(กูญา อีนี ฌาดี อานะ จูจู นะ บินฮา_ ซือมียา นู ลาบัน อาเกะ บรี กะ ราเชน_ นานะ นีบีนี นะ ญา. นานะ ตูโฌฮ อูรัก อีนี ญา บือเลฮ บรี กะ ยาโกบ) 26โกะ ซือมียา นะ ยาโกบ_ นู ฌาดี โกะ อานะ จูจู นะ ญา_ นู ตูโรด ปี กะ นังฆรี อียิบ เตอ_ เตด กีรา โกะ บีนี นะ โกะ นานะ นะ ยาโกบ_ อาดา นัม ปูโลฮ นัม (66) อูรัก เตอ. 27นานะ นะ โยเซบ_ นู บือโปรจ ฌางัน ญา เดะ นังฆรี อียิบ_ ดูวา อูรัก. กีรา โกะ ซือมียา ซือมูฮา นู ฌาดี บือแนฮ นะ ยาโกบ_ นู มาโซะ กะ นังฆรี อียิบ_ บือเลฮ ฆามะ ตูโฌฮ ปูโลฮ (70) อูรัก.
ยาโกบ ปี ดูโดะ เดะ นังฆรี โกเชน
28ยาโกบ ญา ซูโรฮ ยูดา ปี ดูลู เดะ ญา_ บรี ดาปัจ โยเซบ เดะ นังฆรี โกเชน. กะฆีเตอ_ กาลา กูญา มาแรฮ รอจ กะ นังฆรี โกเชน 29โยเซบ_ ญา ญาแญะ ซือตรี นะ ญา_ ปี ดาปัจ อิซราเอน_ ปะ เดะ ญา_ โซะ อีตู. กาลา ญา ดาปัจ ดัฮ_ ญา กรด เดะ ลีเฮ นะ ปะ เดะ ญา_ ญา มือนาแงฮ ลามา. 30อิซราเอน มือเลา ฌางัน โยเซบ จะ_ “กรานา ปะ บือเลฮ ลีฮัจ มูคา นะ เกา ดัฮ_ ตาฮู จะ_ เกา เตด มาตี ลาฆี_ กะฆีเตอ_ ปะ นะ มาตี โปด_ อาดา ลาฆู ซูกา ฮาตี เลอ.”
31โยเซบ มือญาเระ_ กะ โกะ อาดี บราดี นะ ญา_ ฌางัน โกะ ซือมียา ซือรูมัฮ นะ ปะ เดะ ญา_ ญา มือเลา จะ_ “กู นะ ปี มือเลา ฌางัน ราฌา ฟาโร_ จะ_ ‘โกะ อาดี บราดี นะ กู_ ฌางัน โกะ ซือมียา ซือรูมัฮ นะ ปะ เดะ กู_ นู ดือละ ดูโดะ เดะ นังฆรี คานาอัน เตอ_ กูญา มาแรฮ รอจ กะ กู ดัฮ. 32กูญา ฌาดี ซือมียา ปือบือลา กาวัด แบะ ฌางัน กาวัด กาเมก_ ฌาดี ซือมียา ปือบือลา กาวัด ลือมู ฌูฆา. กูญา ซูดัฮ บาวา กาวัด แบะ_ กาวัด กาเมก_ กาวัด ลือมู_ มาแรฮ ซามา_ ฌางัน โกะ ซือบารัก นะ กูญา ซือมูฮา.’ 33กาลา ฟาโร บลาโลก กาเญา_ มาโซะ ปี ดาปัจ ญา_ ญา นะ ตาญา จะ_ ‘เกา ฌาดี ซือมียา บือกรือฌา นามา?’ 34กาเญา กือนา ตีกัฮ จะ_ ‘ตะเดะ ดือมิ_ รอจ กะ ฮาดัจ อีนี_ กามี ฌาดี ซือมียา ปือบือลา กาวัด บือนาตัก_ กามี ซือมูฮา_ ฌางัน โกะ ญังมูญัง นะ กามี ฌูฆา.’ กะฆีเตอ_ กาเญา นะ บือเลฮ ดูโดะ_ เดะ นังฆรี โกเชน_ กรานา ลูมอฮ บักซา อียิบ_ บือชี ซือมียา ปือบือลา กาวัด แบะ_ กาวัด กาเมก_ ซือมูฮา” โยเซบ ญา จะ.
Currently Selected:
ลามูลา 46: ULBIBLE
Highlight
Share
Copy
Want to have your highlights saved across all your devices? Sign up or sign in
ลามูลา 46
46
ยาโกบ บาวา โกะ นะบรานะ ซือมูฮา ปี กะ นังฆรี อียิบ
1กะฆีเตอ_ อิซราเอน ญา ตรือเบะ ปี_ ฌางัน บือนา บารัก นะ ญา ซือมูฮา. กาลา ญา รอจ กะ ตูโปะ เบเออ-เซบา_ ญา อาเมด บือนาตัก มาแรฮ มือญือมัฮ_ กะ ตูฮัด เดะ อาตัซ_ นู ฌาดี ตูฮัด นะ อีซัก_ ปะ เดะ ญา. 2โซะ มาลับ_ ตูฮัด มาแรฮ มือเลา ฌางัน ญา_ ฌาดี ลาฆู มีปี_ จะ_ “ยาโกบ_ ยาโกบ เออ.”
ยาโกบ ตีกัฮ กะ ตูฮัด จะ_ “กู อาดา เดะ ตือปัจ อีนี เลอ_ ตูฮัด เออ.”
3ตูฮัด มือเลา ฌางัน ญา จะ_ “กู นี เลอ_ ฌาดี ตูฮัด_ นู ตูฮัด นะ อาโปก เดะ เกา. เกา ฌางัน ตาโกจ เลอ_ เกา นะ ปี กะ นังฆรี อียิบ. โซะ อีตู_ กู นะ บูวัจ บรี เกา ฌาดี บักซา นู บือซัยํ. 4กู ตะอาซิก นะ ปี บือซามา ฌางัน เกา_ กะ นังฆรี อียิบ เลอ. กู นะ บาวา เกา_ บรี บาลิ มาแรฮ ฌูฆา. วะตู เกา นะ มาตี_ โยเซบ เตอ_ ญา นะ ฌาดี ซือมียา อาเมด ตางัน_ ตูโดก บรี มาตา นะ เกา ปือฌับ เลอ”_ ตูฮัด ญา จะ.
5กะฆีเตอ ยาโกบ_ ญา ตรือเบะ ปี_ เดะ ตูโปะ เบเออ-เซบา. โกะ นานะ นะ อิซราเอน_ บาวา ยาโกบ_ ปะ เดะ กูญา_ ฌางัน โกะ นานะ_ โกะ จูจู_ โกะ บีนี นะ กูญา_ ปือโดะ เดะ โกะ ซือตรี กูดา_ นู ฟาโร อาตัจ ปี. 6โกะ กาวัด บือนาตัก นะ กูญา_ ฌางัน โกะ ซือบารัก_ นู กูญา บือเลฮ ดาปัจ เดะ นังฆรี คานาอัน เตอ_ กูญา บาวา บือปี ซามา_ กะ นังฆรี อียิบ. อาดา ยาโกบ_ ฌางัน บือแนฮ นะ ญา_ ซือมูฮา. 7อาดา โกะ นานะ กีลากี นะ ญา_ โกะ จูจู นะ ญา_ โกะ นานะ นีบีนี นะ ญา_ โกะ นานะ นีบีนี นะ นานะ นะ ญา. โกะ บือแนฮ นะ ญา ซือมูฮา_ ญา บาวา บือปี_ กะ นังฆรี อียิบ ฮาบิฮ. 8ตะเดะ อีนี ฌาดี ปือนามา บือแนฮ นะ อิซราเอน_ นู มาโซะ ปี กะ นังฆรี อียิบ_ ฌาดี จะ_ ยาโกบ ฌางัน นานะ กีลากี นะ ญา. อาดา รูเบน_ นานะ ซูโลก นะ ยาโกบ_ 9อาดา โกะ นานะ นะ รูเบน_ ปือนามา จะ_ ฮาโนก_ ปาลู_ เฮซะโรน_ ฌางัน คาระมี. 10อาดา โกะ นานะ นะ ซีเมโอน_ ปือนามา จะ_ เยมูเอน_ ยามีน_ โอฮัด_ ยาคีน_ ฌางัน โซฮา_ ฌางัน ซาอูน_ นานะ นะ นีบีนี ลูมอฮ คานาอัน. 11อาดา โกะ นานะ นะ เลวี_ ปือนามา จะ_ เกอโชน_ โคฮาด_ ฌางัน เมรารี. 12อาดา โกะ นานะ นะ ยูดา_ ปือนามา จะ_ เอระ_ โอนัน_ เซลัฮ_ เปเรด_ ฌางัน เซรัฮ. ตาปี เอระ ฌางัน โอนัน_ กูญา มาตี ดัฮ_ เดะ นังฆรี คานาอัน. อาดา นานะ นะ เปเรด_ ปือนามา เฮซะโรน_ ฌางัน ฮามูน. 13อาดา โกะ นานะ นะ อีซาคา_ ปือนามา จะ_ โทลา_ ปูวา_ โยบ_ ฌางัน ชิมโรน. 14อาดา โกะ นานะ นะ เซบูลุน_ ปือนามา จะ_ เซเรด_ เอโลน_ ฌางัน ยาเลเอน. 15(กูญา อีนี ฌาดี นานะ นะ เลฮา_ นู ญา บือโปรจ ฌางัน ยาโกบ_ เดะ นังฆรี ปาดัน-อารัม_ ฌางัน นานะ นีบีนี ปือนามา_ ดีนา. กูญา เตอ_ กีรา ฌางัน นานะ กีลากี นานะ นีบีนี ซือมูฮา_ ตีฆา ปูโลฮ ตีฆา (33) อูรัก). 16อาดา โกะ นานะ นะ กาด_ ปือนามา จะ_ ซิฟีโยน_ ฮักกี_ ชูนี_ เอซะโบน_ เอรี_ อาโรดี_ ฌางัน อาเรลี. 17อาดา โกะ นานะ นะ อาเซอ_ ปือนามา จะ_ อิมนา_ อีซะวา_ อีซะวี_ ฌางัน เบรียา_ ฌางัน เซรัฮ_ อาดี นีบีนี นะ กูญา. นานะ นะ เบรียา_ ปือนามา จะ_ เฮเบอ_ ฌางัน มาละคีเอน. 18(กูญา อีนี ฌาดี โกะ อานะ จูจู นะ ซินปา_ นู ลาบัน อาเกะ บรี กะ เลฮา_ นานะ นีบีนี นะ ญา. โกะ นานะ นัม บือลัซ อูรัก อีนี_ ญา บือเลฮ บือโปรจ ฌางัน ยาโกบ.) 19อาดา โกะ นานะ นะ ราเชน_ บีนี นะ ยาโกบ_ ปือนามา จะ_ โยเซบ_ ฌางัน เบนยามิน. 20โซะ โยเซบ เตอ_ ญา บือเลฮ นานะ ดูวา อูรัก เดะ นังฆรี อียิบ_ นู อาเซนัด_ นานะ นีบีนี นะ โปทิเฟรา_ นู ฌาดี ซามี เดะ นังฆรี โอน_ บือเลฮ บรี กะ ญา. นานะ อีตู ปือนามา จะ_ มานาเซฮ ฌางัน เอฟราอิม. 21อาดา โกะ นานะ นะ เบนยามิน_ ปือนามา จะ_ เบ-ลา_ เบเคอ_ อาชะเบน_ เก-รา_ นาอามาน_ เอฮี_ โรชะ_ มับปิม_ ฮุบปิม_ ฌางัน อารัด. 22(กูญา อีนี ฌาดี อานะ จูจู นะ ราเชน_ นู ญา บือโปรจ ฌางัน ยาโกบ_ บือเลฮ ฆามะ ปัจ บือลัซ อูรัก.) 23อาดา นานะ นะ ดาน_ ปือนามา จะ_ ฮูชิม 24อาดา โกะ นานะ นะ นับทาลี_ ปือนามา จะ_ ยาเซเอน_ กูนี_ เยเซอ_ ฌางัน ชีเลม. 25(กูญา อีนี ฌาดี อานะ จูจู นะ บินฮา_ ซือมียา นู ลาบัน อาเกะ บรี กะ ราเชน_ นานะ นีบีนี นะ ญา. นานะ ตูโฌฮ อูรัก อีนี ญา บือเลฮ บรี กะ ยาโกบ) 26โกะ ซือมียา นะ ยาโกบ_ นู ฌาดี โกะ อานะ จูจู นะ ญา_ นู ตูโรด ปี กะ นังฆรี อียิบ เตอ_ เตด กีรา โกะ บีนี นะ โกะ นานะ นะ ยาโกบ_ อาดา นัม ปูโลฮ นัม (66) อูรัก เตอ. 27นานะ นะ โยเซบ_ นู บือโปรจ ฌางัน ญา เดะ นังฆรี อียิบ_ ดูวา อูรัก. กีรา โกะ ซือมียา ซือมูฮา นู ฌาดี บือแนฮ นะ ยาโกบ_ นู มาโซะ กะ นังฆรี อียิบ_ บือเลฮ ฆามะ ตูโฌฮ ปูโลฮ (70) อูรัก.
ยาโกบ ปี ดูโดะ เดะ นังฆรี โกเชน
28ยาโกบ ญา ซูโรฮ ยูดา ปี ดูลู เดะ ญา_ บรี ดาปัจ โยเซบ เดะ นังฆรี โกเชน. กะฆีเตอ_ กาลา กูญา มาแรฮ รอจ กะ นังฆรี โกเชน 29โยเซบ_ ญา ญาแญะ ซือตรี นะ ญา_ ปี ดาปัจ อิซราเอน_ ปะ เดะ ญา_ โซะ อีตู. กาลา ญา ดาปัจ ดัฮ_ ญา กรด เดะ ลีเฮ นะ ปะ เดะ ญา_ ญา มือนาแงฮ ลามา. 30อิซราเอน มือเลา ฌางัน โยเซบ จะ_ “กรานา ปะ บือเลฮ ลีฮัจ มูคา นะ เกา ดัฮ_ ตาฮู จะ_ เกา เตด มาตี ลาฆี_ กะฆีเตอ_ ปะ นะ มาตี โปด_ อาดา ลาฆู ซูกา ฮาตี เลอ.”
31โยเซบ มือญาเระ_ กะ โกะ อาดี บราดี นะ ญา_ ฌางัน โกะ ซือมียา ซือรูมัฮ นะ ปะ เดะ ญา_ ญา มือเลา จะ_ “กู นะ ปี มือเลา ฌางัน ราฌา ฟาโร_ จะ_ ‘โกะ อาดี บราดี นะ กู_ ฌางัน โกะ ซือมียา ซือรูมัฮ นะ ปะ เดะ กู_ นู ดือละ ดูโดะ เดะ นังฆรี คานาอัน เตอ_ กูญา มาแรฮ รอจ กะ กู ดัฮ. 32กูญา ฌาดี ซือมียา ปือบือลา กาวัด แบะ ฌางัน กาวัด กาเมก_ ฌาดี ซือมียา ปือบือลา กาวัด ลือมู ฌูฆา. กูญา ซูดัฮ บาวา กาวัด แบะ_ กาวัด กาเมก_ กาวัด ลือมู_ มาแรฮ ซามา_ ฌางัน โกะ ซือบารัก นะ กูญา ซือมูฮา.’ 33กาลา ฟาโร บลาโลก กาเญา_ มาโซะ ปี ดาปัจ ญา_ ญา นะ ตาญา จะ_ ‘เกา ฌาดี ซือมียา บือกรือฌา นามา?’ 34กาเญา กือนา ตีกัฮ จะ_ ‘ตะเดะ ดือมิ_ รอจ กะ ฮาดัจ อีนี_ กามี ฌาดี ซือมียา ปือบือลา กาวัด บือนาตัก_ กามี ซือมูฮา_ ฌางัน โกะ ญังมูญัง นะ กามี ฌูฆา.’ กะฆีเตอ_ กาเญา นะ บือเลฮ ดูโดะ_ เดะ นังฆรี โกเชน_ กรานา ลูมอฮ บักซา อียิบ_ บือชี ซือมียา ปือบือลา กาวัด แบะ_ กาวัด กาเมก_ ซือมูฮา” โยเซบ ญา จะ.
Currently Selected:
:
Highlight
Share
Copy
Want to have your highlights saved across all your devices? Sign up or sign in