ลามูลา ปือมือเลา มือญาเระ ดูลู
ปือมือเลา มือญาเระ ดูลู
ซูรัจ ลามูลา อีนี_ มือญาเระ ปาซัน ลาฆู ตูฮัด บือฌาดี ดือนียา_ บือฌาดี อูมัจ ซือมียา ฌูฆา. ญา มือญาเระ ปาซัน ตือปัจ ฮืนตะ นะ ลาฆู บือดูซา_ ฌางัน ลาฆู ซูซัฮ เดะ ดือนียา. ลือเบฮ เดะ อีนี_ ญา มือญาเระ ปาซัน ลาฆู นู ตูฮัด_ ญา บือกรือฌา บูวัจ นามา ซือตืองัฮ_ กะ อูมัจ ซือมียา. ซูรัจ ลามูลา ปาฮาฆิ ฌาดี ลาฆู บือซัยํ_ ดูวา ลาฆู_ ฌาดี จะ
1. ปาซัน 1 รอจ กะ ปาซัน 11_ ลาฆู ตูฮัด บือฌาดี ดือนียา_ ฌางัน ฮาดัจ ลามูลา_ นะ อูมัจ ซือมียา. อาดา ลาฆู นะ อาดับ ฌางัน ฮาวา_ ลาฆู นะ คาอิน ฌางัน เฮเบน_ ลาฆู นะ โนอา ฌางัน ลาฆู อาเย อาโปฮ ดือนียา. โซะ ปือญูดัฮ อาดา ลาฆู รูมัฮ ตีงี นังฆรี บาบีโลน.
2. ปาซัน 12 รอจ กะ ปาซัน 50_ ฮาดัจ นะ โกะ บีลาแก_ นะ ลูมอฮ อิซราเอน. ซือมียา ลามูลา ฌาดี อับราฮัม_ ซือมียา นู กือนา มือโอจ_ กรานา ลาฆู นู ญา ปือจายา_ มือนีงัย บูวัจ ตูโรจ กะ ตูฮัด. ลือปัซ อีตู อาดา ลาฆู นานะ นะ ญา_ ฌาดี จะ_ อีซัก_ ฌางัน จูจู นะ ญา_ ยาโกบ (นู อาดา ปือนามา ซา ลาฆี จะ_ อิซราเอน.) อาดา ฌางัน ลาฆู นะ โกะ นานะ กีลากี_ ดูวา บือลัซ อูรัก_ นะ ยาโกบ_ นู ฌาดี กือปาลา ปาลัฮ_ ดูวา บือลัซ ปาลัฮ_ นะ ลูมอฮ อิซราเอน. ลือปัซ อีตู_ ซูรัจ ญา มือญาเระ บาญะ_ เดะ ลาฆู นานะ ซืออูรัก นะ ยาโกบ_ ฌาดี จะ_ โยเซบ. อาดา ฌูฆา_ ลาฆู แนฮฌือแนฮ นู บือฌาดี ดัฮ_ นู บือเลฮ บาวา ยาโกบ ฌางัน โกะ นานะ ซิกอาซิก_ ฆือนะ ฌางัน ซือมียา ซือรูมัฮ_ ปี ดูโดะ เดะ นังฆรี อียิบ.
มีเซ จะ_ ซูรัจ อีนี มือเลา ปาซัน โกะ ซือมียา แนฮฌือแนฮ_ ตาปี ลาฆู ซัยํบือซัยํ เดะ กาวัด_ ฌาดี จะ_ ลาฆู บือกรือฌา นะ ตูฮัด. ลามูลา เตอ_ ซูรัจ อีนี มือญาเระ บรี ตือตู จะ_ ตูฮัด บือเลฮ บือฌาดี ดือนียา ซือมูฮา. โซะ ปือญูดัฮ_ อาดา ลาฆู บือฌาญี จะ_ ตูฮัด บรีงัจ ฮัจลีฮัจ_ โกะ ลูมอฮ ซือมียา นะ ญา. ซือมียา นู ซัยํบือซัยํ เดะ ซูรัจ อีนี_ ฌาดี ตูฮัด บือซัยํ เดะ อาตัซ_ ตูฮัด นู กรัจ ฮูโกบ_ นู ฮูโกบ ซือมียา บูวัจ ซาลัฮ. ตูฮัด ญา บาวา_ ญา ตูโลก_ โกะ ลูมอฮ ซือมียา นะ ญา. ลือเบฮ เดะ อีตู_ ญา ปือตัด ฮาดัจ ลามูลา นะ ลูมอฮ กูญา. ซูรัจ กาลา นูตู อีนี_ ฆาแรฮ ดัฮ_ บีดา มือญาเระ ปาซัน ลาฆู ปือจายา นะ โกะ ซือมียา_ บีดา ฌาฆา ลาฆู ปือจายา_ บรี อาดา ปี ซือลาลู.
เดะ ดาลับ ซูรัจ ลามูลา อีนี_ นะ ดาปัจ ลาฆู กะฆีนี
1. ลาฆู บือฌาดี ดือนียา ฌางัน โกะ อูมัจ ซือมียา (1.1—2.25)
2. ตือปัจ ฮืนตะ นะ ลาฆู ดูซา ฌางัน ลาฆู ซูซัฮ (3.1-24)
3. ตะเดะ อาดับ ปี รอจ กะ โนอา (4.1—5.32)
4. โนอา ฌางัน ลาฆู อาเย อาโปฮ ดือนียา (6.1—10.32)
5. รูมัฮ ตีงี นังฆรี บาบีโลน (11.1-9)
6. ตะเดะ เชม ปี รอจ กะ อับราม (11.10-32)
7. ลาฆู นะ อับราฮัม อีซัก ฌางัน ยาโกบ (12.1—35.29)
8. บือแนฮ นะ เอซาว (36.1-43)
9. โยเซบ ฌางัน โกะ นะบรานะ (37.1—45.28)
10. ลูมอฮ อิซราเอน_ เดะ นังฆรี อียิบ_ เดะ ฮาดัจ นะ โยเซบ (46.1—50.26)
บาจา เลอ_ เดะ ซูรัจ ปือมือเลา นะ ตูฮัด
Currently Selected:
ลามูลา ปือมือเลา มือญาเระ ดูลู: ULBIBLE
Highlight
Share
Copy
Want to have your highlights saved across all your devices? Sign up or sign in