GENESIS 14
14
1Kepuggummeahyahmahgud dush uhpe wagemahwid Amraphel emuh Chinaring, kuhya Arioch emuh Ellasaring, Chederlaomer wagemahkundung Elam, kuhya Tidal wagemahkunduhwaud pukkaun azheweenzoonejin ahnishenahban.
2Oogoo keche‐oogemaug oogemegahnahwaun Beraün Sodoming duhzhe keche‐oogemaun, kuhya Birshaün Gomorrahing duhzhe keche‐oogemaun, Shinabun Admahing duhzhe keche‐oogemaun, Shemeberun Zeboiming duhzhe keche‐oogemaun, kubya Belaing duhzhe keche‐oogemaun, me suh ewh Zoar azhenekahdag.
3Kuhkenuh oogoo kewedookoodahdewug emuh pahsudenaug Siddim, me suh ewh shewetahgune‐kechegumme.
4Metausoo‐pepoon ahshe neezh oogebuhmeetahwahwaun Chedarlaomerun, uhpe dush matausoo pepoonahguk ahshe neswe oogekuhgaunzetahwahwaun.
5Uhpe dush matausoo pepoonahguk ahshe newin, Chederlaomer kuhya enewh keche‐oogemaun wahdookahgoojin kepeündoobunewug, kuhya oogenesahwaun enewh Rephaimun emuh Ashteroth Karnaiming kuhya enewh Zuzimun emuh Haming, kuhya enewh Emimun emuh Shaveh Kiriathaiming.
6Kuhya enewh Horitun emuh Seir wahjewing, peenish El‐Paraning puhgwuhduhkummig ayaug.
7Kepiskahbewug dush, kuhya oogepeöodittahnahwah En‐Mssuh Mishpat, Kadesh azhenekahdag kuhya oogepukketaähnahwah kuhkenuh ooduhkeemewaun egewh Amalekitug, kuhya egewh Amoritug, anduhnuhkeepuneeg emuh Hazezon‐tamaring.
8Kesahguhuhmoog dush Sodoming duhzhe keche‐oogemah kuhya Gomorrahing duhzhe keche‐oogemah, kuhya Admahing duhzhe keche‐oogemah, kuhya Zeboiming duhzhe keche‐oogemah, kuhya Belaïng duhzhe keche‐oogemah (mesuh Zoar;) kuhya oogemegahnahwaun emuh pahsuddenaug Siddim aduhming;
9Oogemegahnahwaun Chederlaomerun Elaming duhzhe keche‐oogemaun, kuhya Tidalun wagemahkunduhwahnejin pukkaun azheweenzoonejin ahnishenahban, kuhya Amraphelun Shinaring duhzhe keche oogemaun, kuhya Ariochun Ellasaring duhzhe keche oogemaun; newin oogemaug oogemegahnahwaun nahnun.
10Kewahnekaunekah dush emuh pahsuddenaug Siddim; keöozhemoowug dush Sodoming kuhya Gomorrahing duhzhe keche‐oogemaug, kuhya kepeenjesawug emuh; egewh dush kahishkoonindjig keëzhenezhemoowug emuh wahjewing.
11Oogemahmoonahwaun dush kuhkenuh ooduhyeëemene enewh ayahnejin emuh Sodoming kuhya Gomorrahing, kuhya kuhkenuh oomeejimemene keühnemahjahwug edush.
12Kuhya oogeöodahpenahwaun Lotun, Abram oodozhemun, wahdatoonejin emuh Sodoming, kuhya ooduhyeemene keühnemahjahwug dush.
13¶ Abram dush owh Hebrew oogepeweendahmahgoon pazhig kahoozhemoonejin; kekuhbashe mah emuh ahnaume metikoomeezheeng ooduhkeeming owh Mamre Amorite wekahnesun owh Eschcol kuhya wekahnesun owh Aner: oogoo suh oogewedookahwahwaun Abramun
14Uhpe dush Abram kahnoondung ooshemayun kemahjewenemind, oogeüshweäun tebenuhwa oobuhmeetahgunun, kahkekenooahmahwahpuneen, kahnegenejin emuh oowegewauming, neswauk ahshe metahswe ahshe ishswahswe, oogenoosoonawaun edush peenish Daning.
15Ahyeduhwuhyeëe dush oogekwaushkoonoodahwahwaun, ween kuhya oobuhmeetahgunun, tabekudenig, kuhya oogemahmauzheähwaun, oogenoosoonawahwaun dush peenish Hobahing, emuh Damascusing nuhmuhjenikaung enuhkuhkayah anduhgoog.
16Oogekewawetoon dush kuhkenuh ewh tebenuhwawezewin, nayaub edush oogepekewawenaun ooshemayun Lotun, kuhya ooduhyeemene, kuhya enewh equawun, kuhya enewh ahnishenahban.
17¶ Owh dush Sodoming duhzhe keche‐oogemah oogeähwenuhquashkahwaun enewh kahkewanid oonje kenesahnid Chederlaomerun, kuhya enewh waujewegoopuneen keche‐oogemaun ewede pahsuddenaug Shaveh, me suh oo‐oomushkoodam owh Keche‐oogemah.
18Kuhya Melchizedec Saleming duhzhe keche‐oogemah oogepeetoon buhquazhegun kuhya shooweminahboo: Kache‐ishpandahgoozid Kesha‐Muhnedoo ookeche‐sahsahgewejega‐wenenemun keähwe.
19Kuhya oogeshahwandahgoozeäun oo‐oo keëkedood, Shahwandahgooze Abram bameetahwaud kache‐ishpandahgoozenejin Kesha‐Muhnedoon, dabanduhmenejin gezhig kuhya uhkee.
20Shahwandahgooze kuhya owh mahyahmahwe ishpandahgoozid Kesha‐Muhnedoo, kahpuggedenuhmauk egewh mahgahnikig emuh keneenjeeng. Abram dush oogemeenaun titheün oonje kuhkenuh ooduhyeemun.
21Owh dush Sodoming duhzhe keche‐oogemah oo‐oo oogeënaun Abramun, Meezheshin egewh anishenahbag, keen dush mahmoon ewh tebenuhwawezewin.
22Abram dush oo‐oo oogeënaun enewh Sodoming duhzhe keche‐oogemaun, Ningeöombeninjetuhwah owh Jehovah, mahyahmahwe‐ishpandahgoozid Kesha‐Muhnedoo, dabandung gezhig kuhya uhkee.
23Cheweöodahpenuhmoosenoowaun kuhnuhga uhsahbaubeens gamuh muhkesinayaub enewh keduhyeemun, Koonemah oo‐oo kedahekid, ningetebenuhwawezeäh Abram.
24Menik atuh kahmejewaud nindooshkenegemug, kuhya menik kameenindwah egewh enenewug kaweejewejig, Aner, Eschol, kuhya Mamre; mahnoo oogahoodahpenahnahwah ewh menik kameenindwahbun.
Currently Selected:
GENESIS 14: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
