GENESIS 16
16
1Sarai dush Abram oowedegamahgunun kahween oogenegetuhmahwahseen Abramun enewh ahbenoojeün: oogeähyahwaun dush buhmeetahgunequan, Egypting duhzhe equan, Hagar azhenekahzoonejin.
2Sarai dush oo‐oo oogeënaun Abramun, Benuh suh, kahween ningepuggedenuhmahgoose Jehovah cheöodahbenoojeëmeyaun; kepahgoosanemin chepeendegahwud nebuhmeetahgunequam; koonemah weyowing nindahoondenaug ahbenooejeüg: Abram dush oogebezindahwaun enewh Saraiun.
3Sarai dush Abram wewun oogeöodahpenaun Hagarun oobuhmeetahgunequamun Egypting duhzhe equan, uhpe Abram ahzhe medahsoo‐pepoon kahduhnuhkeed emah Canaan duhzhe uhkeeng, kemeenaud dush Abramun chewewenid.
4¶ Kuhya oogepeendegahwaun Hagarun, mesuh keünjegoonid: uhpe dush kakanindezood owh equa ahyahwaud ahbenoojeün, oogedahbussanemaun enewh tabanemegoojin equan.
5Sarai dush oo‐oo oogeënaun Abramun, keen suh wanje-mujje‐doodahgooyaun: kegemeenin suh nebuhmeetahgunequam cheähyahwud emuh kepeendoomooning; uhpe dush kahkekanindezood ahyahwaud ahbenoojeün, ningedahbussanemig: Jehovah kegahtebahkoonegoonaun neen kuhya keen.
6Abram dush oo‐oo oogeënaun Saraiun, Benuh keen kedahyahwah kebuhmeetahgunequam emuh keninjeeng, ananduhmun doodow. Uhpe dush Sarai kahkooduggeäud oogeöozhemegoon.
7¶ Oogemekahgoon dush enewh oodangenemun owh Jehovah cheguhyeëe anduhgoog tuhkib ewede buhgwuhduhkummig, ewh tuhkib muhyahwekunah ahneëzhaung ewede Shuring.
8Oo‐oo dush oogeëgoon, Hagar, wabuhmetahgunequamik Sarai, ahneende wanjebahyun? ahneende dush ananduhmun cheëzhahyun? Oo‐oo dush oogeënaun, Nindoozhemah suh owh equa tabanemid Sarai azhenekahzood.
9Oo‐oo dush oogeëgoon Jehovah oodangenemun, Nayaub ezhaun owh equa tabanemik, kuhya puhgedenedezoon emuh ooninjeeng,
10Kuhya oo‐oo oogeëgoon Jehovah oodangenemun, Ningahkeche‐meshenooäug kenejahnesug, kah dush tahtaühgemahsewug kaëshenoowaud.
11Oo‐oo kuhya oogeëgoon Jehovah oodangenemun; Benuh kekekishkahwah ahbenooje, kuhya kegahnegeäh quewezans, Ishmael kegahezhenekahnah; oonje Jehovah kebezindung kenuhneenuhwanemoowin.
12Tahbuhgwuj‐enenewe; oogahmegahnaun kuhkenuh enenewun, kuhya oogahmegahnegoon kuhkenuh enenewun; tahduhnuhkee dush anahsuhmenid kuhkenuh enewh wekahnesun.
13Oogeëzhenekahnaun Jehovahun kahkuhnoonegoojin, Keen Kesha‐Muhnedoo kewahbum: oo‐oo mah keëkedoo, Ningenooswahbuhmah nuh oomah owh wahyahbuhmid?
14Mesuh Beer‐Lahairai keëzhenekahdag ewh oondahebaun: Benuh, nahwuhyeëe duhgoomahgud anduhgoog Kadesh kuhya Bered.
15¶ Hagar dush oogenegetuhmahwaun Abramun quewezansun: Ishmael dush oogeëzhenekahnaun owh Abram enewh oogwissun, Hagar kahnegeähjin.
16Abram dush keïshwahsemeduhnuh duhsoo‐pepoon‐uhgeze ahshe ningoodwahswe, uhpe Hagar nahgetuhmuhwaud Abramun enewh oogwissun Ishmaëlun.
Currently Selected:
GENESIS 16: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
