GENESIS 23
23
1Sarah dush keningoodwauk duhsoo‐pepoon‐uhgeze ahshe neezhtuhnuh ahshe neezhwahswe; me suh oo‐oo menik kahbemahdezid Sarah.
2Sarah dush keduhpena emuh Kirjath‐Arbaing; mesuh ewh Hebron ahyahwung emuh Canaan uhkeeng: Abraham dush keëzhah chenuhneenuhwandung oonje Sarah, kuhya chemuhwemaud.
3¶ Abraham dush kepuhsegwe oonje ahyahnid naboonejin oowedegamahgunebuneen, oogeguhnoonaun dush oogwissun owh Heth, oo‐oo keëkedood.
4Nemuhyuggiz kuhya nepahbahduhniz emuh keduhkeemewaung: meezheshin chebagummiggoo‐uhkeens anduhzhe‐ahyahyag, chepuggedanemug kahnebood newedegamahgun chewahbuhmahsewug dush.
5Oonejahnesun dush owh Heth oogenuhquatuhwahwaun enewh Abrahamun, oo‐oo keënahwaud.
6Bezinduhweshenaum, nindoogemaum: kekeche‐oogemow suh emuh ninduhkeemenaung: ewh kawuhwanahbunduhmun chebaguhmig andussing nechebaguhmigoonahnin me emuh kapuggedanemud owh kewedegamahgunebun; kah ween ahweyah menik anduhcheyaung kegahsahgetuhmahgoose oochebaguhmig, chepuggedanemud kahnebood kewedegamahgunebun.
7Abraham dush kepuhsegwe, keshahgushketuhwaud dush enewh ewede uhkeeng duhzhe ahnishenahban, oonejahnesun owh Heth.
8Oogeguhnoonaun dush, oo‐oo keëkedood, Kishpin ananduhmoowagwan chepuggedanemug newedegamahgunebun chewahbuhmahsewug dush; bezinduhweshig, kuhya kuhnooduhmahweshig owh Ephron oogwissun owh Zoar.
9Chemeezhid ewh waumbahbikaug emuh Machpelahing, ewh dabandung, emuh wahyaquahahyahnig ooketegaun; menik shooneyah apeetandahgwudoogwan me menik kameenug kishpin meezhid chedebanduhmaun cheöochebagummigooyaun emuh anduhnuhkeeyag.
10Ephron dush oogeweejduhnuhkeemaun enewh oonejahnesun owh Heth: Ephron dush owh Hittite oogenuhquatuhwaun Abrahamun emuh kenoondahgood oonejahnesun owh Heth, kuhkenuh paundeganejin emuh ishquaundamewung oodanah, oo‐oo keëkedood.
11Kahween, nindoogemaum, bezinduhweshin: Kemeenin ewh ketegaun, kuhya waumbahbekaug emuh kemeenin; anahsuhmuhbewaud nindahnishenahbamug kemeenin: puggedanim kewedegamahgunebun.
12Abraham dush oogeshahgushketuhwaun enewh ewede uhkeeng duhzhe ahnishenahban.
13Oogeguhnoonaun dush Ephronun kenoondahgood enewh ewede uhkeeng duhzhe ahnishenahban, Kishpin suh wahmeezhewunan, bezinduhweshin kepahgoosanemin: Shooneyah kegahtebahahmoon ewh ketegaun; oodahpenuhmahweshin, ningahpuggedanemah dush newedegamahgunebun emuh.
14Ephron dush oogenuhquatuhwaun Abrahamun, oo‐oo keënaud.
15Nindoogemaum bezinduhweshin; newauk duswahbik shooneyah ahpetandahgwud ewh uhkee; wagoonan suh ewh menik kaöonjepahbahmanduhmung keen kuhya neen? puggedanim suh kewedegamahgunebun.
16Abraham dush oogebezinduhwaun enewh Ephronun; Abraham dush oogetebahbishkooduhmoowaun Ephronun enewh shooneyaun, kahweënahpuneen kenoonduhmenid oonejahnesun owh Heth, newauk duswahbik shooneyaun, ewh tabahahmahganid ahtahwa‐wenenewun.
17¶ Ooketegaun dush owh Ephron emuh Macpelahing anduhgoog, debishkoo Mamreïng, ewh ketegaun, kuhya ewh waumbahbikaug emuh, kuhya kuhkenuh metigoog emuh padukkezoojig, kuhya kuhkenuh uhkee kewetuhyeëe anduhgoog, keähpeche puggedenuhmahwah,
18Abraham chedebandung emuh anahsuhmeähyahnid oonejahnesun owh Heth, kuhya anahsuhmenid kuhkenuh paundeganejin emuh ishquandamewunenig oodoodanowh.
19Kahishquah‐ahyahnig dush oonoo uhyeëen, Abraham oogepuggedanemaun Sarahun wahdegamahpuneen emuh waumbahbekahnig emuh Machpelahing duhzhe ketegauning debishkoo Mamreïng anduhgoog: me suh ewh Hebron emuh Canaan duhzhe uhkeeng anduhgoog.
20Ewh dush ketegaun, kuhya ewh waumbahbekaug emuh oogeähpeche puggedenuhmahgoon Abraham chedebandung ewh chebaguhmigoo‐uhkee enewh oonejahnesun owh Heth.
Currently Selected:
GENESIS 23: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
