GENESIS 28
28
1Isaac dush oogenundoomaun Jacobun, kuhya oogeshahwanemaun, kuhya oogeäungwahmemaun, oo‐oo keënaud, Kahween kegahweedegamahse pazhig egewh wadahnesemindjig emuh Canaaning.
2Puhsegween, ezhaun dush emuh Padan‐Araming, emuh oowegewauming owh Bethuel keguh oosun; oodahpin dush ewede kaöowedegamahguneyun pazhig enewh oodaunun owh Laban keguh oosuhyayun.
3Kegahshahwanemig dush owh Mahyahmahwe‐mushkahwezid Kesha‐Muhnedoo, kuhya kegahmeshenooïg, kuhya kegahbahtuhenooïg, cheöoyoosemikwah dush nebewah pukkaun azheweenzoojig ahnishenahbag;
4Kuhya kegahmeenig ooshahwandahgoozewin owh Abraham, keen kuhya kenejahnesug; chedebanduhmun ewh uhkee emuh anduhzhe‐muhyuggezeyun, ewh Kesha‐Muhnedoo kahmeenaud Abrahamun.
5Isaac dush oogemahjenahzhahwaun Jacobun: me dush keëzhahnid ewede Padan‐araming anduhnuhkeed Laban, oogwissun owh Bethuel Syriaing duhzhe enene, oodahwamaun owh Rebekah, oogeewaun Jacob kuhya Esau.
6¶ Uhpe dush Esau kahwahbundung Isaacun keshahwanemahnid Jacobun, keëzhenahzhahwahnid dush ewede Padan‐araming, cheöondenahnid equawun emuh; uhpe dush shahwanemahnid, keäungwahmemahnid oo‐oo keënahnid, Kahween kegahweedegamahse pazhig egewh wadahnesemindjig emuh Canaaning;
7Kuhya Jacobun kebezindahwahnid enewn oosun, kuhya oogeen, ahzhe dush kemahjahnid keëzhahnid ewede Padan‐araming.
8Esau uhpe wuhyahbundung egewh wadahnesemindjig emuh Canaaning minwanemegoosigwah enewh oosun Isaacun;
9Oogeëzhahnun Esau enewh Ishmaelun, kuhya oogeöodahpenaun enewh Mahalathun oodahnïssun owh Ishmael oogwissun owh Abraham, oodahwamaun owh Nebajoth cheweedegamaud, ahnuhwe uhyahwahpun enewh equawun netum kahoodahpenahpuneen.
10¶ Jacob dush keöonjemahjah Beershebaïng, keëzhah dush Haraning enuhkuhkayah.
11Ningooche dush ketuhgwishin, kuhya kekuhbashe emuh, oonje ahzhe kepungeshemoonig; oogeöodahpenaun dush ahsineen ewede abenejin, keähsaud dush cheähpequashemood, kekuhweshemoo dush emuh chenebaud.
12Kewazhebahbundum dush, benuh dush ahquaundahwamoojegun emuh uhkeeng kepuhdukkeda, ishpeming dush kedabuhquahquuhmoo; benuh dush Kesha‐Muhnedoo oodangenemun keähquaunduhwawun kuhya kenesaundahwawun emuh.
13Benuh dush, Jehovah kenebahwe emuh oogejuhyeëe, oo‐oo dush keëkedood, Neen nindow Jehovah oo‐Kesha‐Muhnedoomun Abraham koosebun, kuhya oo‐Kesha‐Muhnedoomun owh Isaac: kegahmeenin ewh uhkee emuh anduhzhe nebahyun, kuhya kenejahnesug ningahmeenaug;
14Kenejahnesug dush taheshenoowug debishkoo ashenuk uhkeeng duhzhe pingwe, kuhya kegahduhnuhkee ewede apungeshemoog enuhkuhkayah, kuhya wahbunoong, kuhya kewadinoong, kuhya shahwunoong: keen dush kuhya kenejahnesug tahoonjeshahwandahgoozewug kuhkenuh bamahdezejig uhkeeng ayahjig ahnooj azheweenzoojig.
15Benuh dush keweejewin, kuhya kegahguhnuhwanemin tebe azhahwunan, kuhya nayaub kegahpeëzhewenin oomah uhkeeng; kah mah kegahnuhguhnissenoon, peenish kedoodoonaun ewh kahwahweenduhmoonaun.
16¶ Jacob dush kekooshkooze, oo‐oo dush keëkedoo, Kagate Jehovah ayah oomah; kah dush ningekekanduhse.
17Kesageze dush, oo oo keëkedood, Kootahmegwud suh oomah! kagate Kesha‐Muhnedoo oowegewaum ahwun maunduh, ishpeming duhzhe ishquaundam kuhya ahwun.
18Jacob dush keöonishkah kekezhab kuhya oogeöodahpenaun enewh ahsineen kahahpequashemood, oogepuddukkeshemaun dush, kuhya oogeseegenaun pemeda oogejuhyeëe emuh.
19Bethel dush oogeëzhenekahdaun ewh emuh; Luz dush ween netum ezhenekahdabun.
20Jacob dush kekeche‐mushkahwe‐wahweendahmahga, oo‐oo keëkedood, Kishpin wahweejewegwan Kesha‐Muhnedoo, kuhya wahguhnuhwanemegwan emah meekunaung aneëzhahyaun, kuhya wahmeezhegwan meejim kameejeyaun, kuhya ahgwewin kaähgweyaun.
21Nayaub dush tuhgwishenaun noos oowegewauming emuh pezaunezewining; mesuh uhpe kaöoKesha‐Muhnedoowemug Jehovah.
22Kuhya mahbuh ahsin kahpuddukkeshemug, Kesha‐Muhnedoo oowegewaum tahahwun; kuhkenuh dush menik kameezheyun ahbedakummig kegahmeenin enewh titheün.
Currently Selected:
GENESIS 28: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
