ST. JOHN 17
17
1Oonoo suh kahekedood owh Jesus, keöombishkinzhegwane dush kezhegoong enuhkayah, oo‐oo keëkedood, Noosa, ketuhgwishenoomahgud ewh kezhik: peshegandahgoo owh kegwis, kuhya dush owh kegwis kegahpeshegandahgooïk kuhya keen.
2Debishkoo kahezhepuhgedenuhmahwud cheöogemahkundung kuhkenuh weyahsemah, kuhkenuh dush kahmeenudjin chemeenaud ewh kahgega‐bemahdezewin.
3Mesuh oo‐oo kahgega‐bemahdezewin, chekekanemikwah keen atuh kagate Kesha‐Muhnedooweyun, kuhya enewh Jesus Christun kahezhenahzhahwud.
4Kegepeshegandahgooïn oomah uhkeeng: ningekezhetoon ewh ahnookewin kahmeezheyun cheöozhetooyaun.
5Noongoom dush, Noosa, pezhegandahgooëshin ewh nahsaub kepeshegandahgoozewin, kahahyahmaunbaun chepwah uhkeewung magwah weejewenaunbaun.
6Ningewahbunduhaug ewh kedoonoozoowin egewh kahmeezheyun emuh uhkeeng keëkoonudwah: kegedebanemaug suh, kegemeezh dush egewh, oogeguhnuhwandahnahwah dush ewh kedekedoowin.
7Noongoom dush oogekekandahnahwah ewh ahnooj gagoo kahmeezheyunin keen ahyahyun chepeöonjebah-mahguk.
8Ningemeenaug muh enewh ekedoowinun kahmeezheyunin; oogeöodahpenahnahwah dush, kuhya oogekekekandahnahwah kagate keen kepeöonjebahyaun, kuhya oogedabwayandahnahwah ewh kepeëzhenahzhahooyun.
9Ninguhnooduhmahwaug suh oogoo, kahween neguhnooduhmahwahseeg egewh akeewejig, egewh atuh kahmeezheyun, keen muh ketebanemaug.
10Kuhkenuh ahnooj gagoo dabanduhmaunin, kuhya keen kedebandahnun, kuhya dush enewh dabanduhmunin kuhya neen nedebandaunun: mesuh enewh wanjepeshegandahgooëgooyaun.
11Kahween dush kayahbe nindahyahse oomah uhkeeng, oogoo atuh ahyahwug oomah uhkeeng, kuhya neen kepenaunzekoon. Pahnezeyun Wayoosemegooyun, guhnuhwanim emuh kedezhenekahzoowining egewh kahmeezheyun, chepazhegoowaud, debishkoo kuhya kenuhwind azhepazhegooyung.
12Magwah ween keweejewugwah emuh uhkeeng, ningeguhnuhwanemaug emuh kedezhenekahzoowining; ewewh dush kahmeezheyun (ningekezhahnaug,) kah dush ahweyah kewuhneähse, owh suh atuh nishwahnahdezewine Wagwissemind, cheöonjedebishkoosag ewh kechetwah‐oozhebëegun.
13Noongoom dush kebenaunzekoon; oonoo dush nekekedoonun oomah uhkeeng, cheöonjemooshkenashkahwindwah ewh nindoonahnegoozewin.
14Ningemeenaug suh ewh kedekedoowin, oogesheenganemegoowaun dush enewh akeewenejin, kah muh debandahgoozesewug oomah uhkeeng, debishkoo kuhya neen azhedebandahgoozesewaun oomah uhkeeng.
15Kahween kedezhenundooduhmoosenoon cheëkoonudwah oomah uhkeeng, ewh suh ween goo chemeetahgwanemoowudwah mujje‐uhyeweesh.
16Kahween debandahgoozesewug oomah uhkeeng, debishkoo kuhya neen azhedebandahgoozesewaun oomah uhkeeng.
17Peeneh suh oonje kedabwawining: tabwawinewun ewh kedekedoowin.
18Debishkoo kahpeëzhenahzhahooyun oomah uhkeeng, mesuh ewh kuhya neen kahezhenahzhahwugwah oogoo emuh uhkeeng.
19Mesuh egewh wanjepeneëdezooyaun, kuhya wenuhwah chepeeneëgoowaud ewh dabwawin.
20Kahween oogoo atuh neguhnooduhmahwahseeg, neguhnooduhmoowaug kuhya egewh kadabwayanemejig wenuhwah oodekedoowinewah oonje:
21Kuhkenuh chepazhegoowaud; debishkoo keen Noosa azhekekishkoonaun, kuhya azhekekishkahweyun, kuhya wenuhwah cheähyahwaud emuh kenuhwind: chedabwayanduhmoowaud egewh akeewejig ewh kepeëzhenahzhahooyun.
22Ningemeenaug dush ewh peshegandahgoozewin kahmeezheyunbun, cheöonjepazhegoowaud debishkoo kenuhwind azhepazhegooyung.
23Neen suh chekekishkuhwugwah, kuhya keen chekekishkoonaun, quuhyuk suh chepazhegooïndwah, cheöonje‐kekanduhmoowaud egewh akeewejig ewh kepeëzhenahzhahooyun, kuhya dush kesahgeüdwah, debishkoo kahezhesahgeëyun.
24Noosa, nindenandum suh egewh kahmeezheyun cheweejewewaud anduhzhe‐ahyahyaun; cheöonjewahbunduhmoowaud ewh nepeshegandahgoozewin, kahmeezheyun; kegesahgeh muh chepwah mahje‐uhkeewung.
25Oh quuhyuk‐azhewabezeyun Wayoosemegooyun, kahween kegekekanemegooseeg egewh akeewejig: neen dush ween kegekekanemin, oogoo dush oogekekandahnahwah ewh keëzhenahzhahooyun.
26Ningewahweenduhmoowaug dush ewh kedoonoozoowin, kuhya dush ningahwahweenduhmahwaug: cheöonje-kekishkuhmoowaud ewh sahgeëdewin kahezhesahgeëyun, kuhya dush chekekishkahwewaud.
Currently Selected:
ST. JOHN 17: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
