ST. JOHN 20
20
1Keekezhab kahishquah‐aunwabe‐kezheguk chepwah wahbung, kepeëzhah owh Mary Magdalene emuh chebaguhmigoong, oowahbundaun dush ewh ahsin akoonegahdag emuh chebaguhmigoong.
2Me dush kepemebuhtood, keëzhaud dush enewh Simon Peterun, kuhya enewh pakahnezenejin kekenooähmahgunun, kahsahgeähjin owh Jesus, oo‐oo dush oodenaun, Oogemahjewenahwaun enewh Tabaninganejin oonje chebaguhmigoong, kah dush nekekanduhsemin debe kahahsahwahgwan.
3Me dush kemahjaud owh Peter, kuhya owh pakahnezid kekenooähmahgun, keëzhahwaud dush emuh chebaguhmigoong.
4Nuhyazh edush keënepemebuhtoowug ewh weejindewaud: owh dush pakahnezid kekenooahmahgun oogeänemishkahwaun enewh Peterun, netum edush ketuhgwishin emuh chebaguhmigoong.
5Kenahwataud dush, oowahbundaunun enewh puhpuhgewuhyauneginoon ahyahtanig, kah dush kepeendegase.
6Simon Peter dush petuhgwishin penoopenuhnegood, kepeendegad dush emuh chebaguhmigoong, oowahbundaunun dush enewh puhpuhgewahyauneginoon ahyahtanig.
7Ewh dush wahbishkegin kahwewuhqua‐debabezoopun, kahween mahmahwe keähtasenoon emuh ahyahtanig enewh puhpuhgewuhyauneginoon, puhkaun goo ningooche keähta tatebuhbetag.
8Me dush kepeendegad owh bakahnezid kekenooähmahgun, owh netum kahtuhgwishing emuh chebaguhmigoong, oogewahbundaun dush, kuhya kedabwayandum.
9Kah muh muhshe oogekekanduhsenahwah ewh oozhebeëgun, ewh cheënandahgoozenid Jesusun cheähbejebahnid.
10Nayaub dush kekewawug egewh kekenooähmahgunug.
11Mary dush kenebahwe cheguhyeëe emuh chebaguhmigoong, ahgwahjuhyeëe kemahwid: magwah mahwid, kenuhwatah, keënahbid emuh chebaguhmigoong.
12Medush wahbuhmaud neezh enewh angenun wahbishkekoonuhyanid nuhmuhduhbenid, pazhik anequasing, kuhya pazhik emuh azhesittasing kahduhzhe‐shingeshing-oomahgukebun ooweyow owh Jesus.
13Oo‐oo dush oodenahwaun, Equa, ahneeshwin mahweyun? Oo‐oo dush oodenaun, Oogemahjewenahwaun enewh Nindoogemaumun, kah dush ninkekanduhse tebe keähsahwahgwan.
14Uhpe dush oo‐oo kahekedood, kequakekahbahwe, oowahbuhmaun dush enewh Jesusun nebahwenid, kah dush oogekekanemahseen Jesusun ahwenid.
15Jesus dush oo‐oo oodenaun, Equa, ahneeshwin mahweyun? Ahwanan nanduhwahbuhmud? Ween dush, Ketega‐wenenewedoog mahbuh, keënandum, oo‐oo dush oodenaun, Nindoogemaum, kishpin kemahjewenud, weenduhmoowishin debe keähsahwudan, ningahmahjewenah dush.
16Jesus dush oo‐oo oodenaun, Mary! Kequakekahbahwe dush, oo‐oo oodenaun, Rabboni! mesuh oo‐oo ekedoong kakenooähmahgayun.
17Jesus dush oo‐oo oodenaun, Kagoo taungenishekan, kah muh muhshe ningeëzheöombishkahse ewede anduhzhe‐ahyaud owh Noos, ezhaun suh goo egewh nejekewaüg oo‐oo dush ezheh, Nindezheöombishkahnun owh Noos kuhya kenuhwah Koosewah, Nekezha‐Muhnedoom kuhya kenuhwah ke‐Kesha‐Muhnedoomewah.
18Mary Magdalene oogepeweenduhmoowaun enewh kekenooähmahgunun ewh kewahbuhmaud enewh Tabaninganejin, kuhya oonoo keëgood.
19Uhpe dush kahoonahgooshenig kahishquah‐aunwabe‐kezhegudenig, uhpe kekebahquahegahdag enewh ishquaundamun emuh kahduhzhe‐mahoonjeëdewaud egewh kekenooähmahgunug, oonje koosahwaud enewh Jewyun, kepeëzhah owh Jesus, kenebahwe emuh nahwuhyeëe ahyahwaud, oo‐oo dush oodenaun, Pezaunewawin ahyahmook.
20Uhpe dush oo‐oo kahekedood, oogewahbundahaun enewh ooneenjeen, kuhya ewh oopemaweyow, kemoojegezewug dush egewh kekenooähmahgunug uhpe wuhyahbuhmahwaud enewh Tabaninganejin.
21Menuhwah dush oo‐oo oogeënaun owh Jesus, Ahyahmook ewh pezaunewawin, Kahezheëzhenahzhahood owh Wayoosemind mesuh kuhya neen azheëzhenahzhahoonenuhgoog.
22Uhpe dush oo‐oo kahekedood, oogepootahnaun, oo‐oo dush oodenaun, Oodahpenik owh Pahnezid Oojechaug.
23Ahwagwanug wuhyabenuhmahwahwagwan enewh oomujjeëzhewabezewinewaun wabenuhmahwahwug suh, Ahwagwanug dush manjemenahmahwahwagwan enewh oomujje‐ezhewabezewinewaun, minjemenahmahwahwug suh.
24Thomas dush pazhik egewh metauswe‐ahshe‐neezh kekenooähmahgunug, owh Didymus kahezhenekahzood, kahween ahyahsebun uhpe Jesus kepeëzhaud.
25Egewh dush bakahnezejig kekenooähmahgunug oo‐oo oogeënahwaun, Ningewahbuhmahnaun owh Tabaningad. Oo‐oo dush ween oogeënaun, Kishpin pwah‐wahbunduhmahwug emuh ooneenjeeng ewh kahenishkahgood enewh suhguhegunun, kuhya pwah‐ezheneenjeneyaun emuh kepahgoonashkahgood enewh suhguhegunun, kuhya pwah‐ezheneenjeneyaun emuh oopemaweyowing, kahween ningahdabwatunse.
26Kahswahsoongoonahguk menuhwah peendig kemahoonjeëdewun enewh ookekenooähmahgunun, kuhya ween Thomas keduhneze: ketuhgwishin dush owh Jesus magwah kebahquahegahdag enewh ishquandamun, kenebahwe dush nahwuhyeëe ahyahwaud, oo‐oo dush keëkedoo, Ahyahmook ewh pezaunewawin.
27Me dush oo‐oo keënaud Thomasun, Peëzheneenjenin, wahbundun dush enewh neneenjeen: peëzhenekanin dush kuhya ezheneenjeenin emuh noopemaweyowing: kagoo dush ween ahgoonwatunkan, dabwayandun suh goo.
28Thomas dush oogenuhquatuhwaun, oo‐oo keënaud, Nindoogemaum kuhya ne‐Kesha‐Muhnedoom.
29Jesus dush oo‐oo oodenaun, Thomas, kewahbuhmeyun, kedoonjedabwayandum: shahwandahgoozewug egewh kahwahbunjegasigoog, dabwayanduhmoowaud dush ween goo.
30Kagate dush nebewah pakaunukin mahmaundahwejegunun oogeähnookeenun owh Jesus emuh anahsuhmenid ookekenooahmahgunun oomah muzzeneëguning wazhebeëgahdasenoogin.
31Oonoo dush oozhebeëgahdanoon chedabwayanduhmag Jesus cheähwid owh Christ, Oogwissun owh Kesha‐Muhnedoo; ewh dush dabwayanduhmag cheähyahmag ewh bemahdezewin emuh oodezhenekahzoowining.
Currently Selected:
ST. JOHN 20: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
