ST. JOHN 7
7
1Kahishquah‐ahyaug dush oonoo uhyeëen Jesus kepahbahmoosa emuh Galileeïng; kah dush keënanduhse chepemoosad emuh Judeaïng, oogeündoonawahwaun muh egewh Jewyug wenesahwaud.
2Gagah kedebishkoosane ookuhbashewine‐wekoondewinewah egewh Jewyug.
3Enewh dush wejekewaün oo‐oo oogeëgoon, Oomah oonjemahjaun, ezhaun dush emuh Judeä duhzhe uhkeeng, egewh kekekenooähmahgunug cheöonjewahbunduhmoowaud enewh ahnookewinun anuhnookeyun.
4Kahween ahweyah gagoo keemooj ezhechegase, kishpin nunduhwandung mezheshuh chekekandahgoozid. Kishpin ezhechegayun oonoo, wahbunduhowh ewh keyow egewh akeewejig.
5Kah muh oogedabwayanemegooseen enewh wejekewaun.
6Jesus dush oo‐oo keënaud, Kahween muhshe debishkoosasenoon nekezhegudoom, ahpena suh debishkoosamahgud kekezhegudoomewah.
7Kahween ookushketoosenahwah egewh akeewejig chesheenganemenagwah; nesheenganemegoog suh, nindebahjemaug muh, mujje‐ezhewabudenig enewh oodahnookeewinewah.
8Kenuhwah ezhaug emuh oo‐oo wekoondewining: kahween muhshe nindezhahse neen emuh oo‐oo wekoondewining; kah muh muhshe tadebishkoosasenoon ewh nekezhegudoom.
9Uhpe dush oo‐oo kahenaud, kayahbe keduhneze emuh Galileeïng.
10Uhpe dush kahmahjahnid enewh wejekewaün, me dush kuhya ween keëzhaud emuh wekoondewining; kahween mezheshuh, keemooj suh goo.
11Egewh dush Jewyug oogenundahwahbuhmahwaun emuh wekoondewining, oo‐oo dush keëkedoowaud, Ahneende ahyaud?
12Kekeche‐mahmaunwawatuhmoog egewh ahnishenahbag keduhzhemahwaud Jesusun; ahnind muh oo‐oo keëkedoowug, Menoo‐ezhewabeze suh; ahnind dush keëkedoowug, Kahween; oowuhyazhemaun suh enewh ahnishenahban.
13Kahween ahweyah mezheshuh oogeduhzhemahseen, kekoosahwaud enewh Jewyun.
14Uhpe dush ahyahbetah‐wekoonding, Jesus keëzhah emuh keche‐ahnuhmeä‐weguhmigoong, kekekenooähmahga dush.
15Kemahmahkahkanduhmoog dush egewh Jewyug, oo‐oo keëkedoowaud, Ahneen mahbuh azhekekandung ewh muzzeneëgun wekah kekenooähmahgoozesig?
16Jesus dush oogenuhquatuhwaun oo‐oo keënaud, Nekekenooähmahgawin kahween neen nedebanduhseen, owh suh goo kahezhenahzhahood.
17Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.
18Owh suh ween tebenuhwa ahyenandung azhekekedood nundahwandahmahdezoo tebenuhwa oopeshegandahgoozewin; owh dush nanduhwandung ewh oopeshegandahgoozewinene enewh kahezhenahzhahoogoojin, mesuh owh duhyabwad, kah dush ookekishkunseen ewh mujjeëzhewabezewin.
19Kah nuh ween owh Moses kegemeenegoosewah ewh tebahkoonegawin, kah dush ahweyah menik anduhcheyag ooguhnuhwanduhseen ewh tebahkoonegawin? Wagoonan wanjenunduhwanduhmag chenesheyag?
20Egewh dush ahnishenahbag oogenuhquatuhwahwaun oo‐oo keënahwaud, Kekekishkahwah suh mujje‐muhnedoo: ahwanan nunduhwandung chenesik?
21Jesus dush oogenuhquatuhwaun oo‐oo keënaud, Pazhik suh ahnookewin ningeëzhechega, kuhkenuh dush kenuhwah kemahmahkahdandahnahwah.
22Owh suh Moses kegemeenegoowah ewh kekenoowahje‐kishkezhegahzoowin; (kahween dush Mosesun oonjebahmahgussenoon, egewh suh goo katezejig:) aunwabe‐kezheguk dush kekekenoowahje‐mahdezhwahwah enene.
23Kishpin dush kekenoowahje‐mahdezhoond enene aunwabe‐kezheguk, cheöonjebahnahdussenook Moses ootebahkoonegawin, kedoosittah‐wanemim nuh dush, quuhyuk kenoojemooüg owh enene aunwabe‐kezheguk?
24Kagoo ezhetebahkoonegakagoon ewh azhenuhmag, quuhyuk suh tebahkoonegawin ezhetebahkoonegayook.
25Ahnind dush egewh Jerusaleming duhzhe wenenewug oo‐oo keëkedoowug, Kah nuh ween wah‐owh ahwese enewh nandahnesahwahjin?
26Benuh dush mezheshuh kekedoo, kah dush ningood oodenahsewaun, Kagate nuh kekanduhmoog egewh oogemaug, wah owh ahyahwegwan owh Christ?
27Nekekanemahnaun suh mahbuh wandahdezid, uhpe dush tagwishing owh Christ, kahween ahweyah ookekanemahseen tebe wandahdezegwan,
28Jesus dush kepepahge emuh keche‐ahnuhmeä‐weguhmigoong magwah kekenooahmahgad, oo‐oo keëkedood, Kekekanemim suh, kuhya wandahdezeyaun kekekandahnahwah; Kahween neen uhyenanduhmaun ningeöonjetuhgwishinse, netuh‐tabwa suh owh pahahnoozhid owh kakanemahsewag kenuhwah.
29Nekekanemah dush neen, me mahween wandahdezeyaun, me dush wah‐owh kahpeëzhenahzhahood.
30Oogenundah‐tuhkoonahwaun dush, kah dush ahweyah oogetaungenahseen, kah muh muhshe kedebishkoosa-senenegoobun ewh ookezhegudoom.
31Nebewah dush egewh ahnishenahbag oogedabwayanemahwaun, oo‐oo dush keëkedoowaud, Uhpe tagwishing owh Christ, nuhwuj nuh nebewah mahmaundahwejegunun tahezhechega, azhechegad dush ween wah‐owh?
32Egewh dush Phariseeg kenoonduhmoog, oo‐oo keëkedoonid enewh ahnishenahban, keduhzhemahnid; egewh Phariseeg kuhya egewh keche‐suhsahgewejega‐wenenewug oogeëzhenahzhahwahwaun enewh tuhkoonewa‐wenenewun chetuhkoonahnid.
33Jesus dush oo‐oo keënaud, Kayahbe wanebik kegahweejahyahwenenim, me uhpe kaëzhahyaun owh kahpeëzhenahzhahood.
34Kegahnunduhwahbuhmim, kah dush kegahmekahwesim: anduhzhe‐ahyahyaun dush kahween kekushketoosenahwah chepeëzhahyag.
35Egewh dush Jewyug, oo‐oo keëzheguhnoonedewug, Ahneende wahezhaud, ewh chemekahwahsewung? tahezhah nuh anduhzhe ahyahwaud egewh saswashkahjig anduhnuhkeejig emuh mayug‐ahnishenahbakaug, chekekenooahmahwaud edush enewh mahyug‐ahnishenahban?
36Wagoonanedoog maunduh ekedoowin kahekedood, Kegahnunduhwahbuhmim, kah dush kegahmekahwesim: kuhya anduhzhe‐ahyahyaun, kahween kekushketoosenahwah chepeëzhahyag?
37Uhpe dush ashquah‐kezheguk uhpe kache‐wekoondewine‐kezheguk, kenebahwe owh Jesus, kuhya kekeche‐pepahge, oo‐oo keëkedood, Kishpin ahweyah kashkahbahgwad mahnoo ningahpenaunzekaug, chemenequad.
38Owh duhyabwayanemid, debishkoo akedoomahguk ewh kechetwah‐oozhebeëgun, Emuh oomesudaung tahoonjejewunenewun enewh bemahdezewine‐seebeen.
39Oo‐oo dush kekeëdoo kedebahjemaud enewh Oojechaugwun, enewh kaöodahpenahwahjin enewh duhyabwayanemegoojin: kah muh muhshe kemeegewaseem owh Keche‐Oojechaug, kah muh muhshe kepeshegandahgooähse owh Jesus.
40Nebewah dush egewh ahnishenahbag, uhpe kahnoondahmoowaud ewh ekedoowin keëkedoowug, Kagate suh owh aunwahjega‐wenene ahwe wah‐owh.
41Ahnind dush keëkedoowug, Me suh mahbuh owh Christ? Ahnind dush keëkedoowug, Emuh nuh Galileeïng tahoonjebah owh Christ?
42Kah nuh ween ekedoomahgussenoon ewh kechetwah‐muhzeneëgun, cheoondahdezid owh Christ oonje David oomenewining, kuhya emuh Bethlehem azhenekahdag oodanaung, emuh kahduhzhe‐ahyahgoobunan owh David?
43Papuhkaun keühyenanduhmoog egewh ahnishenahbag duhzhemahwaud enewh Jesusun.
44Ahnind dush keënanduhmoog chetuhkoonahwaud; kah dush ahweyah oogetaungenahseen enewh.
45Egewh dush tuhkoonewa‐wenenewug oogepenaunzekahwahwaun enewh keche‐sahsahgewejega‐wenenewun kuhya enewh Phariseen; oo‐oo dush keëgoowaud, Ahneeshwin kepenahsewag?
46Egewh dush tuhkoonewa‐wenenewug oogenuhquatuhwahwaun, Kahween wekah ahweyah enene keëzhekekedoose azhekekedood wah‐owh enene.
47Egewh dush Phariseeg oo‐oo oogeënahwaun, Kuhya kenuhwah nuh kewuhyazhemegoom?
48Ahweyah nuh oogemah gamuh Pharisee oogedabwayanemaun?
49Oogoo suh ahnishenahbag kakanduhsigoog ewh tebahkoonegawin kuhgwahnesuggandahgoozewug.
50Nicodemus dush oo‐oo oodenaun (Mesuh owh kahpenaunzekahwaud Jesusun magwah tebekudenig, kePhariseewe kuhya ween),
51Enahkoonegamahgud nuh ketebahkoonegawinenaun chenahneboomind ahweyah enene, chepwah noonduhwind kuhya kekanemind wagoodoogwan azhechegagwan?
52Oogenuhquatuhwahwaun dush oo‐oo keënahwaud, Kuhya keen nuh emuh Galileeïng kedoonjebah? nunduhkekandun, wahbundun dush, kahween ahweyah aunwahjega‐wenene emuh Galileeïng oonjebahse.
53Kuhkenuh dush keëzhekewawug emuh tebenuhwa andahwaud.
Currently Selected:
ST. JOHN 7: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. JOHN 7
7
1Kahishquah‐ahyaug dush oonoo uhyeëen Jesus kepahbahmoosa emuh Galileeïng; kah dush keënanduhse chepemoosad emuh Judeaïng, oogeündoonawahwaun muh egewh Jewyug wenesahwaud.
2Gagah kedebishkoosane ookuhbashewine‐wekoondewinewah egewh Jewyug.
3Enewh dush wejekewaün oo‐oo oogeëgoon, Oomah oonjemahjaun, ezhaun dush emuh Judeä duhzhe uhkeeng, egewh kekekenooähmahgunug cheöonjewahbunduhmoowaud enewh ahnookewinun anuhnookeyun.
4Kahween ahweyah gagoo keemooj ezhechegase, kishpin nunduhwandung mezheshuh chekekandahgoozid. Kishpin ezhechegayun oonoo, wahbunduhowh ewh keyow egewh akeewejig.
5Kah muh oogedabwayanemegooseen enewh wejekewaun.
6Jesus dush oo‐oo keënaud, Kahween muhshe debishkoosasenoon nekezhegudoom, ahpena suh debishkoosamahgud kekezhegudoomewah.
7Kahween ookushketoosenahwah egewh akeewejig chesheenganemenagwah; nesheenganemegoog suh, nindebahjemaug muh, mujje‐ezhewabudenig enewh oodahnookeewinewah.
8Kenuhwah ezhaug emuh oo‐oo wekoondewining: kahween muhshe nindezhahse neen emuh oo‐oo wekoondewining; kah muh muhshe tadebishkoosasenoon ewh nekezhegudoom.
9Uhpe dush oo‐oo kahenaud, kayahbe keduhneze emuh Galileeïng.
10Uhpe dush kahmahjahnid enewh wejekewaün, me dush kuhya ween keëzhaud emuh wekoondewining; kahween mezheshuh, keemooj suh goo.
11Egewh dush Jewyug oogenundahwahbuhmahwaun emuh wekoondewining, oo‐oo dush keëkedoowaud, Ahneende ahyaud?
12Kekeche‐mahmaunwawatuhmoog egewh ahnishenahbag keduhzhemahwaud Jesusun; ahnind muh oo‐oo keëkedoowug, Menoo‐ezhewabeze suh; ahnind dush keëkedoowug, Kahween; oowuhyazhemaun suh enewh ahnishenahban.
13Kahween ahweyah mezheshuh oogeduhzhemahseen, kekoosahwaud enewh Jewyun.
14Uhpe dush ahyahbetah‐wekoonding, Jesus keëzhah emuh keche‐ahnuhmeä‐weguhmigoong, kekekenooähmahga dush.
15Kemahmahkahkanduhmoog dush egewh Jewyug, oo‐oo keëkedoowaud, Ahneen mahbuh azhekekandung ewh muzzeneëgun wekah kekenooähmahgoozesig?
16Jesus dush oogenuhquatuhwaun oo‐oo keënaud, Nekekenooähmahgawin kahween neen nedebanduhseen, owh suh goo kahezhenahzhahood.
17Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.
18Owh suh ween tebenuhwa ahyenandung azhekekedood nundahwandahmahdezoo tebenuhwa oopeshegandahgoozewin; owh dush nanduhwandung ewh oopeshegandahgoozewinene enewh kahezhenahzhahoogoojin, mesuh owh duhyabwad, kah dush ookekishkunseen ewh mujjeëzhewabezewin.
19Kah nuh ween owh Moses kegemeenegoosewah ewh tebahkoonegawin, kah dush ahweyah menik anduhcheyag ooguhnuhwanduhseen ewh tebahkoonegawin? Wagoonan wanjenunduhwanduhmag chenesheyag?
20Egewh dush ahnishenahbag oogenuhquatuhwahwaun oo‐oo keënahwaud, Kekekishkahwah suh mujje‐muhnedoo: ahwanan nunduhwandung chenesik?
21Jesus dush oogenuhquatuhwaun oo‐oo keënaud, Pazhik suh ahnookewin ningeëzhechega, kuhkenuh dush kenuhwah kemahmahkahdandahnahwah.
22Owh suh Moses kegemeenegoowah ewh kekenoowahje‐kishkezhegahzoowin; (kahween dush Mosesun oonjebahmahgussenoon, egewh suh goo katezejig:) aunwabe‐kezheguk dush kekekenoowahje‐mahdezhwahwah enene.
23Kishpin dush kekenoowahje‐mahdezhoond enene aunwabe‐kezheguk, cheöonjebahnahdussenook Moses ootebahkoonegawin, kedoosittah‐wanemim nuh dush, quuhyuk kenoojemooüg owh enene aunwabe‐kezheguk?
24Kagoo ezhetebahkoonegakagoon ewh azhenuhmag, quuhyuk suh tebahkoonegawin ezhetebahkoonegayook.
25Ahnind dush egewh Jerusaleming duhzhe wenenewug oo‐oo keëkedoowug, Kah nuh ween wah‐owh ahwese enewh nandahnesahwahjin?
26Benuh dush mezheshuh kekedoo, kah dush ningood oodenahsewaun, Kagate nuh kekanduhmoog egewh oogemaug, wah owh ahyahwegwan owh Christ?
27Nekekanemahnaun suh mahbuh wandahdezid, uhpe dush tagwishing owh Christ, kahween ahweyah ookekanemahseen tebe wandahdezegwan,
28Jesus dush kepepahge emuh keche‐ahnuhmeä‐weguhmigoong magwah kekenooahmahgad, oo‐oo keëkedood, Kekekanemim suh, kuhya wandahdezeyaun kekekandahnahwah; Kahween neen uhyenanduhmaun ningeöonjetuhgwishinse, netuh‐tabwa suh owh pahahnoozhid owh kakanemahsewag kenuhwah.
29Nekekanemah dush neen, me mahween wandahdezeyaun, me dush wah‐owh kahpeëzhenahzhahood.
30Oogenundah‐tuhkoonahwaun dush, kah dush ahweyah oogetaungenahseen, kah muh muhshe kedebishkoosa-senenegoobun ewh ookezhegudoom.
31Nebewah dush egewh ahnishenahbag oogedabwayanemahwaun, oo‐oo dush keëkedoowaud, Uhpe tagwishing owh Christ, nuhwuj nuh nebewah mahmaundahwejegunun tahezhechega, azhechegad dush ween wah‐owh?
32Egewh dush Phariseeg kenoonduhmoog, oo‐oo keëkedoonid enewh ahnishenahban, keduhzhemahnid; egewh Phariseeg kuhya egewh keche‐suhsahgewejega‐wenenewug oogeëzhenahzhahwahwaun enewh tuhkoonewa‐wenenewun chetuhkoonahnid.
33Jesus dush oo‐oo keënaud, Kayahbe wanebik kegahweejahyahwenenim, me uhpe kaëzhahyaun owh kahpeëzhenahzhahood.
34Kegahnunduhwahbuhmim, kah dush kegahmekahwesim: anduhzhe‐ahyahyaun dush kahween kekushketoosenahwah chepeëzhahyag.
35Egewh dush Jewyug, oo‐oo keëzheguhnoonedewug, Ahneende wahezhaud, ewh chemekahwahsewung? tahezhah nuh anduhzhe ahyahwaud egewh saswashkahjig anduhnuhkeejig emuh mayug‐ahnishenahbakaug, chekekenooahmahwaud edush enewh mahyug‐ahnishenahban?
36Wagoonanedoog maunduh ekedoowin kahekedood, Kegahnunduhwahbuhmim, kah dush kegahmekahwesim: kuhya anduhzhe‐ahyahyaun, kahween kekushketoosenahwah chepeëzhahyag?
37Uhpe dush ashquah‐kezheguk uhpe kache‐wekoondewine‐kezheguk, kenebahwe owh Jesus, kuhya kekeche‐pepahge, oo‐oo keëkedood, Kishpin ahweyah kashkahbahgwad mahnoo ningahpenaunzekaug, chemenequad.
38Owh duhyabwayanemid, debishkoo akedoomahguk ewh kechetwah‐oozhebeëgun, Emuh oomesudaung tahoonjejewunenewun enewh bemahdezewine‐seebeen.
39Oo‐oo dush kekeëdoo kedebahjemaud enewh Oojechaugwun, enewh kaöodahpenahwahjin enewh duhyabwayanemegoojin: kah muh muhshe kemeegewaseem owh Keche‐Oojechaug, kah muh muhshe kepeshegandahgooähse owh Jesus.
40Nebewah dush egewh ahnishenahbag, uhpe kahnoondahmoowaud ewh ekedoowin keëkedoowug, Kagate suh owh aunwahjega‐wenene ahwe wah‐owh.
41Ahnind dush keëkedoowug, Me suh mahbuh owh Christ? Ahnind dush keëkedoowug, Emuh nuh Galileeïng tahoonjebah owh Christ?
42Kah nuh ween ekedoomahgussenoon ewh kechetwah‐muhzeneëgun, cheoondahdezid owh Christ oonje David oomenewining, kuhya emuh Bethlehem azhenekahdag oodanaung, emuh kahduhzhe‐ahyahgoobunan owh David?
43Papuhkaun keühyenanduhmoog egewh ahnishenahbag duhzhemahwaud enewh Jesusun.
44Ahnind dush keënanduhmoog chetuhkoonahwaud; kah dush ahweyah oogetaungenahseen enewh.
45Egewh dush tuhkoonewa‐wenenewug oogepenaunzekahwahwaun enewh keche‐sahsahgewejega‐wenenewun kuhya enewh Phariseen; oo‐oo dush keëgoowaud, Ahneeshwin kepenahsewag?
46Egewh dush tuhkoonewa‐wenenewug oogenuhquatuhwahwaun, Kahween wekah ahweyah enene keëzhekekedoose azhekekedood wah‐owh enene.
47Egewh dush Phariseeg oo‐oo oogeënahwaun, Kuhya kenuhwah nuh kewuhyazhemegoom?
48Ahweyah nuh oogemah gamuh Pharisee oogedabwayanemaun?
49Oogoo suh ahnishenahbag kakanduhsigoog ewh tebahkoonegawin kuhgwahnesuggandahgoozewug.
50Nicodemus dush oo‐oo oodenaun (Mesuh owh kahpenaunzekahwaud Jesusun magwah tebekudenig, kePhariseewe kuhya ween),
51Enahkoonegamahgud nuh ketebahkoonegawinenaun chenahneboomind ahweyah enene, chepwah noonduhwind kuhya kekanemind wagoodoogwan azhechegagwan?
52Oogenuhquatuhwahwaun dush oo‐oo keënahwaud, Kuhya keen nuh emuh Galileeïng kedoonjebah? nunduhkekandun, wahbundun dush, kahween ahweyah aunwahjega‐wenene emuh Galileeïng oonjebahse.
53Kuhkenuh dush keëzhekewawug emuh tebenuhwa andahwaud.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.