ST. LUKE 14
14
1Kepuhgummeähyahmahgud dush egoo magwah uhnepeendegad Jesus emuh andaud pazhik nahgahnezid Pharisee‐wenene cheäumwaud puhquazhegun aunwabe‐kezhegudenig, keduhnezewun ahnind enewh kahahkahwahbuhmegoojin.
2Benuh dush, pazhik enene keähyah enahsuhmuhbid kahpeshwayahbahwegoobunan.
3Jesus dush oogenuhquatuhwaun oo‐oo keënaud enewh tebahkoonega‐wenenewun kuhya Phariseen, Oonesheshin muh chenuhnaundahweëwangebun aunwabe‐kezheguk?
4Kah dush ningoodenoo keëkedoosewug. Oogeoodahpenaun enewh ayahkoozenejin, kuhya kenoojemooäud, kuhya kepuhgedenaud;
5Oogenuhquatuhwaun, oo‐oo keënaud, Ahwanan kenuhwah menik anducheyag ayahwaud mamaungeshaün gamuh ahnooke‐pezhekewun peenjepezoonid emuh wahnekauning, kah nuh ween kazhetena oodahwekoobenahseen, ahnoo goo aunwabe‐kezhegudenig?
6Kah suh dush oogekushketoosenahwah chenuhquatuhmoowaud oonoo uhyeëen.
7Keähwajega dush, kuhya keguhnoonaud enewh kahnundoomeminjin, uhpe wahyahbuhmaud ewh kewuhwanahbunduhmenid enewh kache‐ahpeetandahgwukin ahbenahsoowinun oo‐oo keënaud,
8Uhpe nandoomikin ahweyah enene emuh anduhzhe‐wewekoodahding, kagoo nuhmuhduhbekan emuh kache‐ishpandahgwuk ahbenahsoowining; mahgeshah ahweyah nahwuj kache‐enandahgoozid keen dush ween apetandahgoozeyun tahwekoomah.
9Owh dush kahnundoomenag tahpeëzhah oo‐oo chepeënik, Meezh mahbah enene chenuhmuhduhbid: kegahahguj chemahje‐oodahpenahmun noondaush apetandahgwuk ahbenahsoowin.
10Uhpe dush ween wahkoomegooyunin, ezhaun chenuhmuhduhbeyun emuh ewh noondaush apeetandahgwuk ahbenahsoowining, uhpe dush owh kahwekoomik peëzhaud, oo‐oo cheënik, Neeje ewede nahwuj ishpeming ezhaun; kegahkechetwahwanemegoo dush emuh anahsuhmuhbewaud egewh wahdoopuhmudjig.
11Ahwagwan muh ashpandahgooëdezoogwan tahtahbussandahgoozeäh, owh dush dabussanindezood tahishpandahgooäh.
12Oo‐oo dush oogënaun enewh kahnundoomegoojin, Uhpe wahkoongayunin nuhyahwuhquag gamuh wanahgooshig, kagoo nundoomahkan egewh keejekewaüg gamuh egewh suhyahgeïkig gamuh wuhyahnuhdezejig keejduhnuhkewamahgunug; koonemah mamashquaud kegahnundoomegoog, chetebahahmookwah dush.
13Uhpe dush wahkoongayunin, nundoom egewh katemahgezejig, egewh mayahkezejig, kuhya egewh achahoosajig, kuhya egewh kakepeengwajig:
14Kegahshahwandahgooz dush ween; kah muh gagoo oodahyaunsenahwah chetebahahmookwah: kegahtebahahmahgoo suh goo uhpe ahbejebahwaud egewh manooëzhewabezejig.
15Uhpe dush pazhik enenewun wahdoopuhmegoojin kahnooduhmenid oonoo, oo‐oo oogeëgoon, Shahwandahgooze suh owh kameejid buhquazhegun emuh oodoogemahwewining owh Kesha‐Muhnedoo.
16Oo‐oo dush oogeënaun, Pazhig enene kekeche-wekoonga, kuhya nebewah oogenundoomaun;
17Oogemahjenahzhahwaun dush enewh oobuhmeetahgunun uhpe wahwesening, cheënahnid enewh kahnundoomemindjin, Umba pemahjaug, kuhkenuh muh ahzhegwah kekezhesenoon.
18Medush kuhkenuh kahezhemahje‐oonduhmetahkahzoowaud. Wah‐owh netum oogeënaun, Punge uhkee ningekishpenuhtoon, ketwa dush neweëzhah chewahbunduhmaun: kepahgoosanemin cheweenduhmahwud cheöonduhmetahyaun.
19Menuhwah pazhik keëkedoo, Ningekishpenuhnaug naunwawaun ahnooke‐pezhekewug, nindahwekuhgwajeäug: kepuggoosanemin cheweenduhmahwud cheöonduhmetahyaun.
20Menuhwah dush bakahnezid keëkedoo, ningewedegamah equa: kah dush nindahkushketoose cheëzhahyaun.
21Owh dush buhmeetahgun kepekewa, oogeweenduhmahwaun dush oodoogemahmun oonoo uhyeëen. Me dush owh tabandung ewh wegewaum kenishkahdezid oo‐oo keënaud oobuhmeetahgun, Ezhaun waweeb emuh mekunahwung kuhya emuh mekaunsewung ewh keche‐oodanah, peëzheweezh edush oomah egewh katemahgezejig, kuhya egewh mahyahkezejig, kuhya egewh achahwashkahjig, kuhya egewh kakepeengwajig.
22Owh dush buhmeetahgun oo‐oo keëkedoo Tabaningayun kahekedooyun ezhesamahgud, kayahbe dush ween tuhwuhtamahgud.
23Owh dush tabaningad oogeënaun oobuhmeetahgun, Ezhaun emuh keche‐meekunaung kuhya emuh metikoonse-wahkaheguning, ketwa pepeendeganahzhuh, ewh dush chemooshkenag newegewaum.
24Kedenenim muh, Oogoo enenewug kahnundoomindjig kah kuhnuhga ahweyah oogahtaungoondunseen ewh newekoongawin.
25Oogeweejewegoon dush nebewah enewh ahnishenahban, kequakekahbahwe dush, oo‐oo keënaud,
26Kishpin ahweyah benaunzekahwid, sheenganemahsig dush enewh oosun kuhya enewh oogeen, kuhya wewun, kuhya oonejahnesun, kuhya wejekewaün, kuhya oodahwamaun, aahe kuhya tebenuhwa oobemahdezewin, kahween nindahookekenooähmahgunesenun.
27Ahwagwan dush kaöodahpenunsegwan ewh oodahzhedayahtegoomun chenoopenuhzhid, kahween ningahookekenooahmahgunesenun.
28Ahwanan kenuhwah anduhcheyag wahoozhetood ewh ahkahwahbe‐weguhmig, netum kanuhmuhduhbesig, cheähgindung menik kaënuhgindag, kishpin ahtanegwan ewh menik katabesag chetakezhechegahdag?
29Koonemah kahahtood ewh natum‐ahchegahdag ahsin tahgepwahnuhwetoon chewekezhetoong, kuhkenuh menik wahyahbundumenejin oogahmahje‐bahpeëgoon,
30Oo‐oo ekedoonid, Mahbuh enene kemahje‐ooshega, kah dush oogekushketooseen chetakezhetood.
31Gamuh ahwanan owh keche‐oogemah, wahnundoobunid chemegahnaud bakahnezenejin keche‐oogemaun, kanuhmuhduhbesig netum, chenahnahguhdahwandung kishpin kushketoogwan ayahwaud metahching metauswauk enenewun, chenundoobunid wemegahnaud enewh pahmegahnegoojin neshtuhnuh duhswaukoozenid ooshemahgun eshemun.
32Kishpin dush kushketoosig, magwah kayahbe wahsuh ahyahnid, oodezhenahzhahahmahwaun oomeezhenahwamun, chenundooduhmenid ewh poonanindewin.
33Ahwagwan dush kenuhwah anduhcheyag kawabenunsegwan kuhkenuh enewh ooduhyeemun, kahween ningahookekenooähmahgunesenun.
34Oonesheshin suh ewh shewetahgun; kishpin dush ishquah‐shewung ewh shewetahgun wagoonash kaoonjeshewungebun?
35Kahween ningood enahbuttussenoon, kahween emuh uhkeeng, kah kuhya moong cheduhgooneming ahpetandahgussenoon; enenewug suh oosahgeje‐wabenahnahwaun. Ahwagwan watuhwuggahgwan chebezindung mahnoo tahbezindum.
Currently Selected:
ST. LUKE 14: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
