ST. LUKE 16
16
1Jesus dush oo‐oo oogeënaun ookekenooahmahgunun, Keähyah suh pazhik kachetwahwezid enene kahahyahwahgoobunan guhnuhwanjega‐wenenewun, kahmahnahdahjemootahwind kenishwuhnahjetoonid ooduhyeemun.
2Oogenundoomaun edush, oo‐oo keënaud, Ahneeshwin anetuhmaun ewh agooyun? weenduhmooweshin kahezhe guhnuhwandahsooyun, kah muh kayahbe kegahguhnuhwanjegase.
3Owh dush ganuhwandahsood oo‐oo keëzheguhnoonindezoo peenjenah, Ahneen kaëzhechegayaun? nindoogemaum muh newemuhkummik ewh guhnuhwandahsoowin; kahween nindahkushketooseen chewahnekayaunbaun, kuhya dush chepahgoosanjegayaunbaun nindahguj.
4Nekekandaun kaëzhechegayaun e‐ewh uhpe kesahgeje‐wabenegooyaun ewh kahguhnuhwanjegayaunbaun, cheöonjepeendeguhzhewaud emuh oowegewaumewaung.
5Oogenundoomaun dush kuhkenuh enewh mazenuhahmahwahnejin oodoogemahmun; oogeënaun dush enewh netum, Ahneen keen menik mahzenuhahmuhwud nindoogemaum?
6Oo‐oo dush oogeëgoon, Ningoodauk duhsoo‐tebahëgun pemeda. Oodenaun dush, Oodahpenun kemuhzeneëgun, waweeb nuhmuhduhbin, kuhya oozhebeün nahnemeduhnuh.
7Medush oo‐oo keënaud bakahnezenejin, Ahneen keen menik, mazenuhahmahgayun? oo‐oo dush oogeëgoon, Nigoodwauk duhsoo tebahegun mezemenansun; oo‐oo dush oogeënaun, Oodahpenun kemuzzeneëgun, oozhebeün dush neshwauswe‐meduhnuh.
8Owh dush oogemah oogemuhmeekwahnaun enewh maje‐guhnuhwandahsoonejin e‐ewh kahezhenebwahkahnid; egewh mahween oomah uhkeeng dabandahgoozejig nahwuj nebwahkahwug emuh tebenuhwa oodenahdezewinewaung, dush ween egewh dabandahgoozejig emuh wahsayahzewining.
9Kedenenim dush neen, Oozhetuhmahdezooyook suh egewh kaweejekewayanemagoog ewh maje‐ezhewabuk mammon; uhpe dush noondasayag cheöodahpenenagwahpun emuh kahgega‐duhnuhkewining.
10Owh kaäungwahme‐guhnuhwandung ewh kache‐noondaush ahpetandahgwuk, mesuh owh kaäungwahme‐guhnuhwandung nebewah; kuhya owh ahyaungwahme‐guhnuhwanduhsig ewh kache‐noondaush ahpeetandahgwuk, mesuh owh kaäungwahme‐guhnuhwanduhsig nebewah.
11Kishpin dush augwahme‐guhnuhwanduhsewag ewh maje‐ezhewabuk mammon, ahwanan kameenenag ewh wanjedah kache‐ahpeetandahguk.
12Kishpin dush aungwahmezesewag, guhnuhwanduhmag bakahnezejig ooduhyeemewaun, ahwanan kameenenag tebenuhwa keduhyeemewah?
13Kahween ahweyah buhmeetahgun oodahkushketooseen chebuhmetuhwaud neezh oogemaun, koonemah oogahsheenganemaun ewewh pazhik, oogahsahgeäun dush menuhwah pazhik, gamuh oogahminjemenaun enewh pazhik kuhya oogahahgahsanemaun pazhik. Kahween kekushketoosenahwah chebuhmeetuhwag Kesha‐Muhnedoo kuhya mammon.
14Egewh Phariseeg oogenoondahnahwah kuhkenuh oonoo uhyeëen, sahgeähwaud shooneyah oogekau njbah-peähwaun.
15Oo‐oo dush oogeënaun, Kenuhwah kedahwim egewh manoo‐ezhewabezekahzoojig enahsuhmuhbewaud egewh enenewug; Kesha‐Muhnedoo dush ween ookekandaunun kedaëwaun: ewh mahween kache‐ishpandahgwuk emuh ahyahwaud enenewug, kuhgwahnesuhgandahgwud enahsuhmuhbid owh Kesha‐Muhnedoo.
16Ewh tebahkoonegawin kuhya egewh aunwahjega wenenewug keähyahwug nahnauzh egoo John; me goo uhpe mahyahje‐wahweenjegahdag ewh oodoogemahwewin owh Kesha Muhnedoo, kuhkenuh dush bamahdezejig ketwa peendegawug emuh.
17Nahwuj tahwanepunud chemahjahmahgukebun ewh kezhig kuhya ewh uhkee dush ween ewh chepungesingebun kuhnuhga punge ewh tebahkoonegawin.
18Kuhkenuh egewh wuhyabenahjig oowewewaun, weedegamahwaud dush bakahnezenejin pezhegwahdezewug; owh dush kaweedegamaud enewh wuhyabeneminjin equawun pezhigwahdeze.
19Keähyah pazhik kachetwahwezid enene, kahmiskookoonuhyad kuhya wanesheshenig wahbishkegin kahahgwid, kuhya kahmenoo‐wesenid anduhsoo‐kezhegudenig:
20Pazhik dush keähyah pahgoosanjega‐wenene Lazarus kahezhenekahzood, emuh oodeshquaundaming keähsahwindebunan mezewa‐oomegeed,
21Oogenundahwandaun dush ewh cheähshummind enewh pewunjegunun kahpungesingin emuh oowesenewahguning owh kachetwahwezid: benuh dush, oogebenaun-zekahgoon uhnemooshun kahnooshquahduhmenid oodoomegeewinun.
22Kepuhguhmeähyah dush wah‐owh pahgoosanjega‐wenene keneboo, keëzhewenegood dush enewh angenun emuh Abrahmun oopeendoomoonening: kuhya owh kachetwahwezid enene keneboo, kuhya kepuggedanemah;
23Ewede dush mujje‐ishkootang keöombishkinzhegwane kekooduggetood, oogewahbuhmaun dush Abrahamun wahsuh ahyahnid, kuhya Lazarusun emuh oopeendoomoowining.
24Kepepahge dush, oo‐oo keëkedood, Noosa Abraham, shahwanemeshin, kuhya dush peëzhenahzhow owh Lazarus chetaung‐ahgweenjetood ewh ooneenj emuh nebeeng chetahkahbahwahtood nindanuhnewh, ninkooduggeëgoon gooshah maunduh ishkootan.
25Abraham dush keëkedoo, Ningwis mequandun e‐ewh magwah bemahdezeyunbun keähyahmun enewh wanesheshingin, kuhya ween dush owh Lazarus ketemahgezewin; noongoom dush, ween menoo‐ahyah, keen dush kekooduggeëgoo.
26Menuhwah dush, ewede ahyahyun kuhya oomah ahyahyaung nesuhwuhyeëe ahtuhgahmahgeshenoowin ahchegahda; egewh edush wahezhahjig ewede ahyahyun kahween tahkushkeöosewug; kuhya dush egewh oomah kawepeähzhahwahoojig ewede oonje kahween tahkushkeöosewug.
27Oo‐oo dush keëkedoo, Kepahgoosanemin suh dush noosa, chëezhenahzhahwud, ewede noos andaud:
28Nahnunewug muh nejekewaüg; ewh chedebahjemootahwaud, mahgeshah kuhya wenuhwah tahpeendegawug oomah kooduggezewining.
29Abraham dush oo‐oo oodenaun, Oodahyahwahwaun sah Mosesun kuhya aunwahjega‐wenenewun, oodahbezindahwahwaun enewh.
30Oo‐oo dush oogeënaun, Kahween, noosa Abraham; kishpin suh pazhik oodissegoowaud kahahbejebahnejin, tahgeäunwanindezoowug.
31Oo‐oo dush oogeënaun, Kishpin bezindahwahsigwah enewh Mosesun kuhya aunwahjega‐wenenewun, kahween tahkushkemahsewug mesuhwah pazhik keähbejebaud.
Currently Selected:
ST. LUKE 16: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
