ST. LUKE 18
18
1Keahwachega dush guhnoonaud chenunduhwandahgoozewaud moonzhug cheähnuhmeähwaud, kuhnuhga dush cheähnezheetunsigwah:
2Oo‐oo keëkedood, Keähyah pazhik tebahkoonega‐wenene emuh pazhik keche‐oodanaung, owh quasahsig Kesha‐Muhnedoon kuhya babahmanemahsig enenewun:
3Keähyah dush pazhik shegah ewede keche‐oodanaung; oogepenaunzekahwaun dush, oo‐oo keënaud, Tebahkoonuhmahweshin owh maje‐doodahwid.
4Kahween dush netum keënanduhse: nahgujeesh dush oo‐oo keëkedoo peenjenuh oodaïng, Mesuhwah goo koosahsewug owh Kesha‐Muhnedoo, kuhya bahbahmanemahsewug enene;
5Nemegooshkahjeïk mahbuh shegah, mesuh kaöonje-tebahkoonuhmuhwug, koonemah moonzhug peëzhaud ningahmegooshkahjeïk.
6Oo‐oo dush keëkedoo owh Tabaningad, Bezinduhmook ewh ayekedood owh quuhyuk‐azhewabezesig tebahkoonega‐wenene.
7Kah nuh ween owh Kesha‐Muhnedoo oogahtebahkoonuhmuhwahseen enewh kahwuhwanahbuhmahjin, anegook ahnuhmeätahgoojin, kezhegudenegin, kuhya tebekudenenegin, ahnuhween goo zebishkahje‐kedahzood?
8Kedenenim suh, waweeb oogahtebahkoonuhmahwaun. Uhpe dush Enene Oogwissun kapeëzhaud oogahmekaun enuh ewh tabwayanduhmoowin oomah uhkeeng?
9Oo‐oo dush ahwajegun oogeëzheguhnoonaun ahnind kahahpanindezoonejin ewh quuhyuk ezhewabezewaud, kuhya dush kenishebahpenuhduhwahwaud bakahnezenejin:
10Neezh enenewug keëzhahwug cheähnuhmeähwaud emuh keche‐ahnuhmeä‐weguhmigoong; pazhik kePhariseewenenewe, ewade dush pazhik kemahwunjechega‐wenenewe.
11Owh Pharisee‐wenene kenebahwe oo‐oo ezheähnuhmeäud emuh oodaïng, Kesha‐Muhnedoo, kemuhmooyahwahmin, ewh azhewabezesewaun debishkoo ahnind enenewug azhewabezewaud, makundwajig, quuhyuk azhewabezesegoog, pazhigwahdezejig, kuhya wah‐owh mahwunjechega‐wenene azhewabezid.
12Neezhing nekeëkwishim ningoo‐aunwabe‐kezhig, pazhik suh nemeegewa anduhsoo metahching kuhkenuh nekushkechegunug.
13Owh dush mahwunjechega‐wenene wahsuh nahbahwid kahween kuhnuhga oogeoombenunsenun enewh ooshkeenzhegoon ewede kezhegoong, kepuhkedaähkegunaëdezoo oo‐oo keëkedood, Kesha‐Muhnedoo shahwanemeshin neen majeëzhewabezeyaun.
14Kedenenim, wah‐owh enene anekewad keminwandahgooze, kah dush ween owh bakahnezid: kuhkenuh ashpanindezoojig tahtahbussandahgooähwug, owh dush katah-bussanindezood tahishpandahgooäh.
15Oogepeetahmahwahwaun dush enewh ooshke‐ahbenoojeyun chetaungenahnid: egewh dush kekenooähmahgunug uhpe wuhyahbuhmahwaud, oogekenahahmahwaun.
16Jesus dush oogenundoomaun, oo‐oo keëkedood, Puhgedenuhmow egewh ahbenoojeyug chepenaunzahkahwewaud, kagoo kuhya kenuhahmahwahkagoon, me muh oogoo denoowug debandahgoozewaud emuh oodoogemahwewining owh Kesha‐Muhnedoo.
17Kagate kedenenim, Ahwagwan ahbenoojeëeng kaëzheöodahpenunsegwan ewh oodoogemahwewin owh Kesha‐Muhnedoo kah‐bahpish tahpeendegase emuh.
18Pazhik dush oogemaun oogeguhgwajemegoon, oo‐oo keëgood, Manoo‐ezhewabezeyun Kakenooahmahgayun, ahneen kadezhechegayaun cheoonjeähyahmaun ewh kahgega‐bemahdezewin?
19Jesus dush oo‐oo oogeënaun, Ahneeshwin manoo‐ezhewabezeyun ezheyun? kahween ahweyah menoo‐ezhewabezese pazhik atuh, mesuh Kesha‐Muhnedoo.
20Kekekandaunun enewh kuhgequawinun, Kahween kegahpezhigwahdezese, Kahween kegahneshewase, Kahween kegahkeemoodese, Kahween kegahkuhkenuhwishke‐bahtahewase, Kechetwahwanim koos kuhya keguh.
21Oo‐oo dush keëkedoowun, Kuhkenuh suh oonoo ningeguhnuhwandaunun pahahkoo‐ooshkenegeyaun.
22Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.
23Uhpe dush kahnoondung oonoo, kekeche‐minjenuhwaze, kekeche‐tebenuhwaweze muh.
24Jesus dush uhpe wuhyahbuhmaud kecheminjenuh-wazenid, oo‐oo keëkedoo, Kagate ahgahwah tahpeendegawug egewh kache‐tebenuhwawezejig emuh oodoogemahwewining owh Kesha‐Muhnedoo!
25Nahwuj wanepunud owh pagwahwegung weshahbooshkung ewh puhgoona‐ahyahnig shahboonegauns, owh dush ween kache‐tebenuhwawezid enene chepeendegad emuh oodoogemahwewining owh Kesha‐Muhnedoo.
26Egewh dush kahnoondungig oo‐oo keëkedoowug, Ahwanan dush kakushketood chebemahjeïnd?
27Oo‐oo dush keëkedoo, Enewh uhyeëen kapwahnuhwetoowaud egewh enenewug, oogahnetuhwetoonun owh Kesha‐Muhnedoo.
28Peter dush oo‐oo oogeënaun, Benuh, nenuhwind ningenuhguhdahnahnin kuhkenuh, kegenoopenuhnegoo dush.
29Oo‐oo dush oogeënaun, Kagate kedenenim, Kahween ahweyah kahnuhguhdung oowegewaum gamuh ooketezemun, gamuh wejekewaün gamuh wewun gamuh oodahbenoojeëmun, oonje ewh oodoogemahwewin owh Kesha‐Muhnedoo,
30Kaöodahpenunsig nebewah ahwahshema duhching noongoom magwah bemahdezid, ketuhgwishenoomahguk dush bakaunuk uhkee kahgega‐bemahdezewin.
31Puhkayeëe dush kahezheweenaud enewh matahswe‐ahshe‐neezhenejin, oo‐oo oogeënaun, Benuh, Jerusaleming kedezhahmin, kuhkenuh dush enewh ekedoowinun kahezhebeëgawaud egewh aunwahjega‐wenenewug keduhzhe-mind enewh Enene Oogwissun tahdebishkoosamahgudoon.
32Tahpuggedenuhmahwahwug muh egewh mayug‐ahnishenahbag chebahpenoodahwind, kuhya chekooduggeïnd, kuhya chesikwahnind:
33Oogahpuhzhunzhawahwaun, kuhya oogahnesahwaun: nesoogoonuhgudenig dush tahahbejebah.
34Kah dush kuhnuhga oogenesitootunsenahwah oonoo uhyeëen: kuhya dush oo‐oo ekedoowin kekahjegahdamahgudene, kah dush oogekekanduhsenahwah, ewh kahekedoonid.
35Kepuhguhmeähyahmahgud edush, uhpe pashoo aneduhnezid emuh Jerichoïng, pazhik kakepeengwad enene kenuhmuhduhbe emuh mahyahwekuhnah pahgoosanjegad:
36Kenoonduhwaud dush ahnishenahban bemoosanid, kekuhgwadwa, wagoodoogwanedoog azhewabudenegwan.
37Oogeweenduhmahgoon enewh ahnishenahban, bemoosanid Jesusun Nazareth duhzhe‐wenenewun.
38Kepepahge dush, oo‐oo keëkedood, Jesus, keen wagwissemik owh David, shahwanemeshin.
39Egewh dush anenegahnejig oogenuhneebekemahwaun chepezaun‐ahyahnid: ahwunjeesh dush ween ashkum kekeche‐pepahge, Keen wagwissemik owh David, shahwanemeshin.
40Jesus dush kenooke‐kahbahwe, keëkedoo dush chepeetuhmuhwind: uhpe dush pashoo ahyahnid oogeguhgwajemaun,
41Oo‐oo keëkedood, Wagoonan nanduhwanduhmun chedoodoonaun? Oo‐oo dush keëkedoo, Tabaningayun, chewahbeyaun.
42Jesus dush oo‐oo oogeënaun, Howh wahbin: ketabwayanduhmoowin kegebemahjeëgoon.
43Kazhetena dush kewahbe, kuhya oogenoopenuhnaun, mahmooyahwahmaud Kesha‐Muhnedoon: kuhkenuh dush egewh ahnishenahbag, uhpe wuhyahbunduhmoowaud, oogewahwezhanemahwaun enewh Kesha‐Muhnedoon.
Currently Selected:
ST. LUKE 18: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 18
18
1Keahwachega dush guhnoonaud chenunduhwandahgoozewaud moonzhug cheähnuhmeähwaud, kuhnuhga dush cheähnezheetunsigwah:
2Oo‐oo keëkedood, Keähyah pazhik tebahkoonega‐wenene emuh pazhik keche‐oodanaung, owh quasahsig Kesha‐Muhnedoon kuhya babahmanemahsig enenewun:
3Keähyah dush pazhik shegah ewede keche‐oodanaung; oogepenaunzekahwaun dush, oo‐oo keënaud, Tebahkoonuhmahweshin owh maje‐doodahwid.
4Kahween dush netum keënanduhse: nahgujeesh dush oo‐oo keëkedoo peenjenuh oodaïng, Mesuhwah goo koosahsewug owh Kesha‐Muhnedoo, kuhya bahbahmanemahsewug enene;
5Nemegooshkahjeïk mahbuh shegah, mesuh kaöonje-tebahkoonuhmuhwug, koonemah moonzhug peëzhaud ningahmegooshkahjeïk.
6Oo‐oo dush keëkedoo owh Tabaningad, Bezinduhmook ewh ayekedood owh quuhyuk‐azhewabezesig tebahkoonega‐wenene.
7Kah nuh ween owh Kesha‐Muhnedoo oogahtebahkoonuhmuhwahseen enewh kahwuhwanahbuhmahjin, anegook ahnuhmeätahgoojin, kezhegudenegin, kuhya tebekudenenegin, ahnuhween goo zebishkahje‐kedahzood?
8Kedenenim suh, waweeb oogahtebahkoonuhmahwaun. Uhpe dush Enene Oogwissun kapeëzhaud oogahmekaun enuh ewh tabwayanduhmoowin oomah uhkeeng?
9Oo‐oo dush ahwajegun oogeëzheguhnoonaun ahnind kahahpanindezoonejin ewh quuhyuk ezhewabezewaud, kuhya dush kenishebahpenuhduhwahwaud bakahnezenejin:
10Neezh enenewug keëzhahwug cheähnuhmeähwaud emuh keche‐ahnuhmeä‐weguhmigoong; pazhik kePhariseewenenewe, ewade dush pazhik kemahwunjechega‐wenenewe.
11Owh Pharisee‐wenene kenebahwe oo‐oo ezheähnuhmeäud emuh oodaïng, Kesha‐Muhnedoo, kemuhmooyahwahmin, ewh azhewabezesewaun debishkoo ahnind enenewug azhewabezewaud, makundwajig, quuhyuk azhewabezesegoog, pazhigwahdezejig, kuhya wah‐owh mahwunjechega‐wenene azhewabezid.
12Neezhing nekeëkwishim ningoo‐aunwabe‐kezhig, pazhik suh nemeegewa anduhsoo metahching kuhkenuh nekushkechegunug.
13Owh dush mahwunjechega‐wenene wahsuh nahbahwid kahween kuhnuhga oogeoombenunsenun enewh ooshkeenzhegoon ewede kezhegoong, kepuhkedaähkegunaëdezoo oo‐oo keëkedood, Kesha‐Muhnedoo shahwanemeshin neen majeëzhewabezeyaun.
14Kedenenim, wah‐owh enene anekewad keminwandahgooze, kah dush ween owh bakahnezid: kuhkenuh ashpanindezoojig tahtahbussandahgooähwug, owh dush katah-bussanindezood tahishpandahgooäh.
15Oogepeetahmahwahwaun dush enewh ooshke‐ahbenoojeyun chetaungenahnid: egewh dush kekenooähmahgunug uhpe wuhyahbuhmahwaud, oogekenahahmahwaun.
16Jesus dush oogenundoomaun, oo‐oo keëkedood, Puhgedenuhmow egewh ahbenoojeyug chepenaunzahkahwewaud, kagoo kuhya kenuhahmahwahkagoon, me muh oogoo denoowug debandahgoozewaud emuh oodoogemahwewining owh Kesha‐Muhnedoo.
17Kagate kedenenim, Ahwagwan ahbenoojeëeng kaëzheöodahpenunsegwan ewh oodoogemahwewin owh Kesha‐Muhnedoo kah‐bahpish tahpeendegase emuh.
18Pazhik dush oogemaun oogeguhgwajemegoon, oo‐oo keëgood, Manoo‐ezhewabezeyun Kakenooahmahgayun, ahneen kadezhechegayaun cheoonjeähyahmaun ewh kahgega‐bemahdezewin?
19Jesus dush oo‐oo oogeënaun, Ahneeshwin manoo‐ezhewabezeyun ezheyun? kahween ahweyah menoo‐ezhewabezese pazhik atuh, mesuh Kesha‐Muhnedoo.
20Kekekandaunun enewh kuhgequawinun, Kahween kegahpezhigwahdezese, Kahween kegahneshewase, Kahween kegahkeemoodese, Kahween kegahkuhkenuhwishke‐bahtahewase, Kechetwahwanim koos kuhya keguh.
21Oo‐oo dush keëkedoowun, Kuhkenuh suh oonoo ningeguhnuhwandaunun pahahkoo‐ooshkenegeyaun.
22Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.
23Uhpe dush kahnoondung oonoo, kekeche‐minjenuhwaze, kekeche‐tebenuhwaweze muh.
24Jesus dush uhpe wuhyahbuhmaud kecheminjenuh-wazenid, oo‐oo keëkedoo, Kagate ahgahwah tahpeendegawug egewh kache‐tebenuhwawezejig emuh oodoogemahwewining owh Kesha‐Muhnedoo!
25Nahwuj wanepunud owh pagwahwegung weshahbooshkung ewh puhgoona‐ahyahnig shahboonegauns, owh dush ween kache‐tebenuhwawezid enene chepeendegad emuh oodoogemahwewining owh Kesha‐Muhnedoo.
26Egewh dush kahnoondungig oo‐oo keëkedoowug, Ahwanan dush kakushketood chebemahjeïnd?
27Oo‐oo dush keëkedoo, Enewh uhyeëen kapwahnuhwetoowaud egewh enenewug, oogahnetuhwetoonun owh Kesha‐Muhnedoo.
28Peter dush oo‐oo oogeënaun, Benuh, nenuhwind ningenuhguhdahnahnin kuhkenuh, kegenoopenuhnegoo dush.
29Oo‐oo dush oogeënaun, Kagate kedenenim, Kahween ahweyah kahnuhguhdung oowegewaum gamuh ooketezemun, gamuh wejekewaün gamuh wewun gamuh oodahbenoojeëmun, oonje ewh oodoogemahwewin owh Kesha‐Muhnedoo,
30Kaöodahpenunsig nebewah ahwahshema duhching noongoom magwah bemahdezid, ketuhgwishenoomahguk dush bakaunuk uhkee kahgega‐bemahdezewin.
31Puhkayeëe dush kahezheweenaud enewh matahswe‐ahshe‐neezhenejin, oo‐oo oogeënaun, Benuh, Jerusaleming kedezhahmin, kuhkenuh dush enewh ekedoowinun kahezhebeëgawaud egewh aunwahjega‐wenenewug keduhzhe-mind enewh Enene Oogwissun tahdebishkoosamahgudoon.
32Tahpuggedenuhmahwahwug muh egewh mayug‐ahnishenahbag chebahpenoodahwind, kuhya chekooduggeïnd, kuhya chesikwahnind:
33Oogahpuhzhunzhawahwaun, kuhya oogahnesahwaun: nesoogoonuhgudenig dush tahahbejebah.
34Kah dush kuhnuhga oogenesitootunsenahwah oonoo uhyeëen: kuhya dush oo‐oo ekedoowin kekahjegahdamahgudene, kah dush oogekekanduhsenahwah, ewh kahekedoonid.
35Kepuhguhmeähyahmahgud edush, uhpe pashoo aneduhnezid emuh Jerichoïng, pazhik kakepeengwad enene kenuhmuhduhbe emuh mahyahwekuhnah pahgoosanjegad:
36Kenoonduhwaud dush ahnishenahban bemoosanid, kekuhgwadwa, wagoodoogwanedoog azhewabudenegwan.
37Oogeweenduhmahgoon enewh ahnishenahban, bemoosanid Jesusun Nazareth duhzhe‐wenenewun.
38Kepepahge dush, oo‐oo keëkedood, Jesus, keen wagwissemik owh David, shahwanemeshin.
39Egewh dush anenegahnejig oogenuhneebekemahwaun chepezaun‐ahyahnid: ahwunjeesh dush ween ashkum kekeche‐pepahge, Keen wagwissemik owh David, shahwanemeshin.
40Jesus dush kenooke‐kahbahwe, keëkedoo dush chepeetuhmuhwind: uhpe dush pashoo ahyahnid oogeguhgwajemaun,
41Oo‐oo keëkedood, Wagoonan nanduhwanduhmun chedoodoonaun? Oo‐oo dush keëkedoo, Tabaningayun, chewahbeyaun.
42Jesus dush oo‐oo oogeënaun, Howh wahbin: ketabwayanduhmoowin kegebemahjeëgoon.
43Kazhetena dush kewahbe, kuhya oogenoopenuhnaun, mahmooyahwahmaud Kesha‐Muhnedoon: kuhkenuh dush egewh ahnishenahbag, uhpe wuhyahbunduhmoowaud, oogewahwezhanemahwaun enewh Kesha‐Muhnedoon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.