ST. LUKE 20
20
1Kepuhguhmeahyahmahgud dush uhpe pazhik oonoo kezhegudoon, magwah kekekenooähmahwaud enewh ahnishenahban emuh ahnuhmeä‐weguhmigoong, kuhya dush kedebahdoodung ewh minwahjemoowin, enewh dush keche‐sahsahgewejega‐wenenewun, kuhya oozhebeëga‐wenenewun, kuhya enewh katezenejin kepenaunzekahgood,
2Oogeguhnoonahwaun dush, oo‐oo keëkedoowaud, Weenduhmooweshenaum, wagoonan ewh mushkahwezewin wanjeëzhechegayun oonoo uhyeëen? ahwanan dush owh kahmeenik maunduh kushkeäwezewin?
3Oogenuhquatuhwaun dush oo‐oo keënaud, Kuhya neen suh kegahguhgwajemenim gagoo, weenduhmahweshig:
4Ewh oobaptizooëwawin owh John, keche‐kezhegoong enuh keoönjebahmahgudene, gamuh eneneeng?
5Keguhnoonindewug dush, oo‐oo keëkedoowaud, Kishpin ekedooyung keche‐kezhegoong; oo‐oo tahekedoo, Wagoonan dush kahoonjedabwatahwahsewag?
6Kishpin dush ekedooyung, Eneneeng; kuhkenuh ahnishenahbag kegahpemwuhsenuhegoonahnig, ooduhyenanemahwaun Johnun cheäunwahjega‐wenenewenid.
7Oogenuhquatuhwahwaun dush, kekanduhsigwah tebe wanjebahmahgudenegwan.
8Jesus dush oo‐oo oogeënaun, Kuhya neen, kahween kegahweenduhmoosenoonim ewh mushkahwezewin wanje-ezhechegayaun oonoo.
9Oogemahje‐guhnoonaun dush enewh ahnishenahban, oo‐oo keëzheähwajegad; Pazhik enene oogeöozhetoon ewh shoowemine‐ketegaun, keähweäud dush enewh ketega‐wenenewun, keëzhaud dush emuh wahsuhwakuhmig, kenooazh keöondande.
10Uhpe dush kahtebishkoosanig, oogeëzhenahzhahwaun enewh oobuhmeetahgun emuh andahnid enewh ketega‐wenenewun, ewh dush chemeenegood enewh shoowemine‐ketegauning duhzhe meenewinun: egewh dush ketega‐wenenewug oogepuhzhunzhawahwaun, oogemahjenahzhahwahwaun dush pezheshig.
11Menuhwah dush pazhik buhmeetahgun oogeëzhenahzhahwaun: kahpuhzhunzhawahwaud dush, kuhya kahpahpenoodahwahwaud, oogemahjenahzhahwahwaun pezheshig.
12Menuhwah dush pazhik oogeëzhenahzhahwaun; kahmahkeähwahwaud kuhya ween oogesahgeje‐wabenahwaun.
13Oo‐oo dush keëkedoo owh tabandung ewh shoowemine‐ketegaun, Ahneen kaëzhechegayaun? Ningahezhenahzhahwah ningwis owh suhyahgeüg, koonemah suh oogahkechetwahwanemahwaun uhpe kewahbuhmahwaud.
14Uhpe dush kahwahbuhmahwaud egewh ketega‐wenenewug, keguhnoonindewug, oo‐oo keëkedoowaud, Me suh wuh‐owh kadebandahsood, umba nesahdah, kenuhwind dush chedebandahsooyung.
15Oogesahgeje‐wabenahwaun dush oonje shoowemine‐ketegauning kuhya oogenesahwaun, Ahneen dush kadoodahwaud owh tabandung ewh shoowemine‐ketegaun?
16Tahpeëzhah chenesaud oonoo ketega‐wenenewun, oogahmeenaun dush bakahnezenejin ewh ketegaun. Uhpe dush kahnoonduhmoowaud, oo‐oo keëkedoowug, Kahween tahezhewabussenoon.
17Oogenuhnahguhduhwahbuhmaun dush, oo‐oo keëkedood, Ahneeshwin oo‐oo azhebeëgahdag, Ewh ahsin kahwabenuhmoowaud egewh wazhegajig, me suh ewh nahgaunandahgwuk ahsin?
18Ahwagwan dush kapungeshinoogwan emuh ahsineeng tahmahkegunahmah; ahwagwan dush katuhsoone-googwan, oogahpesekahgoon debishkoo peseboojegahzood.
19Egewh dush keche‐sahsahgewejega‐wenenewug kuhya oozhebeëga‐wenenewug oogenunduhwanemahwaun ewh uhpe chetuhkoonahwaud; oogekoosahwahwaun dush ahnishenahban: oogekekanemahwaun muh wenuhwah kahoonjeähwajegad.
20Oogeähkahwahbuhmahwaun dush, kuhya keëzhenahzhahwahwaud enewh enenewun, keemooj cheähkahwahbenid, chemenooëzhewabezekahzoonid cheoonjemekahwahnid gagoo cheëkedoonid, cheöonjepuggedenuhwaud emuh oomushkahwezewinening kuhya ookushkeäwezewinening enewh oogemaun.
21Oogeguhgwajemahwaun dush, oo‐oo keëkedoowaud, Kakenooähmahgayun, ninkekandahmin, quuhyuk kekedooyun kuhya kekenooähmahgayun, kah dush kekoosahse ahweyah, emuh suh tabwawining kedezhekekenooähmahga ewh oodezhetwahwin owh Kesha‐Muhnedoo.
22Ezhesin enuh chetebahahmungid owh Cæsar ewh oogemah‐shooneyah, gamuh kuhya kahween?
23Kekekanemaud dush azhekuhkuhyanezenid, oo‐oo keënaud, Wagoonan wanjekuhgwatebanemeyaig?
24Wahbunduheshig shooneyauns. Ahwanan mahbuh mazenejegahzood kuhya wazhebeëgahzood? Oogenuhquatuhwahwaun dush, oo‐oo keënahwaud, Cæsar suh.
25Oo‐oo dush oogeënaun, Meenik dush owh Cæsar enewh Cæsar ooduhyeemun, meenik dush owh Kesha‐Muhnedoo enewh Kesha‐Muhnedoo ooduhyeemun.
26Kahween dush oogekushketoosenahwah chemahnah-jemootoowaud enewh oodekedoowinun anahsuhmenid ahnishenahban: oogemahmahkahdandahnahwah dush ewh kahnuhquatuhmenid, kah dush ningood keëkedoosewug.
27Kepeëzhahwug dush ahnind egewh Sadduceeg, ahyahgoonwatungig ewh ahbejebahwin; oogeguhgwajemahwaun dush,
28Oo‐oo keëkedoowaud, Kakenooähmahgayun, owh Moses, kegeëzhebeähmahgoonaun, kishpin ahweyah wejekewaün neboonid ahyahwahnid equawun, pwah‐oonejahnesenid dush, mahnoo owh wawejekewaëmind oogahoodahpenaun enewh wewene, cheoozhetuhmahwaud ahbenoojeyun enewh wejekewaëbuneen.
29Keneezhwahchewug suh egewh wawejekewaïndejig; owh netum oogewedegamaun enewh equawun, keneboo dush chepwah oonejahnesid.
30Menuhwah dush pazhik oogeöodahpenaun enewh wewene, kuhya ween keneboo chepwah oonejahnesid.
31Menuhwah dush pazhik oogeöodahpenaun; me debishkoo kuhkenuh neezhwahswe kahezhechegawaud; kahween dush keöonejahnesewug, medush keneboowaud.
32Ishquauch edush keneboo owh equa.
33Emuh ahbejebahwining ahwanan kaähyahwaud enewh equawun? kuhkenuh muh egewh neezhwahswe oogewedegamahwaun.
34Jesus dush oogenuhquatuhwaun oo‐oo keënaud, Egewh tabandahgoozejig oomah uhkeeng wewewug kuhya weedegamahwug:
35Egewh dush kahahpeetandahgoozejig chebemahdezewaud ewede kuhya cheähbejebahwaud kahween tahwewesewug kah kuhya tahwedegamahsewug:
36Kah dush menuhwah tahneboosewug: angening suh nahsaub ahpetandahgoozewug; kuhya oonejahnesemegoowaud enewh Kesha‐Muhnedoon, tebandahgoozewug muh emuh ahbejebahwining.
37Cheähbejebahwaud egewh naboojig, kewahbundahewa pooch owh Moses emuh ahnebeeshekaung, uhpe keëzheweenaud enewh Jehovahun, oo‐Kesha‐Muhnetoomun owh Abraham, kuhya oo‐Kesha‐Muhnetoomun owh Isaac, kuhya oo‐Kesha‐Muhnetoomun owh Jacob.
38Kahween oo‐Kesha‐Muhnetoomegooseen enewh naboonejin, enewh suh atuh bamahdezenejin: ween kuhkenuh wanjebemahdezewaud.
39Ahnind dush egewh oozhebeëga‐wenenewug oogenuhquatuhwahwaun oo‐oo keënahwaud, Kakenooähmahgayun, wawane suh kegeëkid.
40Keshahgwanemoowug menuhwah chekuhgwajemahwaud gagoo.
41Oo‐oo dush oogeënaun, Ahneeshwin dush akedoowaud, ewh oogwissemegood owh Christ enewh Davidun?
42David dush ween ekedoo emuh nuhguhmoowine-muhzenuheguning, Owh Tabaningad oo‐oo oogeënaun enewh Tabanemejin, Nuhmuhduhbin emuh nekechenikaung,
43Nahnauzh ezheügwah egewh shaunganemikig chetuhtuhkookahnudwah.
44David suh Tabaningayun oodezhenekahnaun, ahneen dush azheoogwissid?
45Magwah dush noonduhmenid kuhkenuh ahnishenahban, oo‐oo oogeënaun enewh ookekenooähmahgunun,
46Aungwahmezeyook chemewishkahwagwah egewh oozhebeëga‐wenenewug, nanduhwandungig chebemoosawaud ahgwewaud enewh kakaunwagudenejin ahgwewinun, kuhya cheähnemekahwindwah emuh anduhzhe‐ahtaunding, kuhya chenegaun‐uhbewaud emuh ahnuhmeä‐weguhmigoong, kuhya kache‐ahpetandahgwukin ahgweduhbewinun emuh anduhzhe‐wekoonding;
47Ookedahnahwah enewh shegaun oowegewaumene, kuhya ahnuhmeäkahzoowaud keche kenooazh ahnemetahgoozewug: ahwahshema tahkuhgwahnesugge‐nahneboo-mahwug.
Currently Selected:
ST. LUKE 20: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
