ST. LUKE 22
22
1Zhuhyegwah gagah ewh wambejishkewuhsinsenook‐buhquazhegune‐wekoondewin weähyahbun, ewh kuhbekoosa‐wekoondewin azhenekahdag.
2Kuhya dush egewh keche‐sahsahguhwejega‐wenenewug kuhya egewh oozhebeëga‐wenenewug oogenundahwandahnahwah kaëzhechegawaud chenesahwaud; oogekoosahwaun muh enewh ahnishenahban.
3Me dush mujje‐muhnedoon kepeendegashkahgood owh Judas Iscariot azhenekahzood, pazhik egewh metauswe‐ahshe‐neezh kekenooähmahgunug.
4Me dush kahezhemahjaud, kuhya dush keguhnoonaud enewh keche‐sahsahguhwejega‐wenenewun kuhya menesenoo‐oogemaun, ewh kaëzhechegad chepuhgedenuhmahwaud Jesusun.
5Keöonahnegwanduhmoog dush, kuhya keëkekoowug wemeenahwaud shooneyaun.
6Kenuhquatum dush, kuhya oogenundahwahbundaun chepuggedenahmahwaud pwah‐ahyahnid mahyahmahwenoonejin enewh ahnishenahban.
7Me dush uhpe kahdebishkoosag ewh wambejishkahwuhsinsenook buhquazhegune‐kezhig uhpe kuhbekoosa‐mahnishtahnesheens nesind.
8Oogeëzhenahzhahwaun dush Peterun kuhya Johnun, oo‐oo dush keëkedood, Mahjaug ahwewahwazhetook ewh kuhbekoosa‐wekoondewin, ewh dush cheweseneyung.
9Oo‐oo dush oogeënahwaun, Ahneende ananduhmun chewahwazhetooyaung.
10Oo‐oo dush oogeënaun, Benuh, uhpe uhnepeendegayag emuh keche‐oodanaung, kegahpenahquashkahgoowah enene, pametuhkoonung ewh nemebahgun mwaushkenabeeg; noopenuhnik emuh wegewauming kaühnepeendegad.
11Oo‐oo dush kegahenahwah owh wawegewaumid, Kekenooähmahga‐wenene kedig, Ahneende ewh wekoondewine‐ahbenahsoowin kaduhzhemeejeyaun ewh kuhbekoosa‐wekoondewin neen kuhya nekekenooähmahgunug?
12Kegahwahbundahegoowah ewh manguhtag ishpemesuhgoong‐ahbenahsoowin wahwazhechegahdag, me emuh kaduhzhe‐wahwazhetooyag.
13Keëzhahwug edush, kuhya oogemekahnahwah debishkoo kahegoowaud, kuhya dush oogewahwazhetoonahwah ewh kuhbekoosa‐wekoondewin.
14Uhpe dush kahtuhgwishenoomahguk ewh tebahegun, kenuhmuhduhbe, oogeweeduhbemegoon dush metauswe‐ahshe‐neezh ookekenooähmahgunun.
15Oo‐oo dush oogeënaun, Ahpeche ningenundahwandaun cheweedoopuhmenuhgoog, chemeejeyung maunduh kuhbekoosa‐wekoondewin chepwah kooduggetooyaun.
16Kedenenim muh, kahween menuhwah ningahmeejese maunduh, bahnemah atuh kedebishkoosag emuh Kesha Munnedoo oodoogemahwewining.
17Oogeöodahpenaun dush ewh menequahjegun, kuhya kahmahmooyahwad keëkedoo, Oodahpenuhmook maunduh, mahdahoonedeyook dush:
18Kedenenim muh, Kahween menuhwah ningahmenequase ewh shooweminuhgahwunzh mahnewung, bahnemah goo atuh Kesha‐Muhnedoo oodoogemahwewin ketuhgwishenoomahguk.
19Oogeöodahpenaun dush buhquazhegun, kemahmooyahwa, kuhya oogebuhquabetoon kuhya oogemeenaun, oo‐oo dush keëkedood, Me oo‐oo neyow pagedenegahdag kenuhwah oonje: oo‐oo ezhechegayook chemequanemeyag.
20Me dush kahezheöodahpenung ewh menequahjegun kahishquah‐wesenewaud, oo‐oo keëkedood, Maunduh menequahjegun ahwun ewh ooshke‐kekindewin emuh nemisqueeming, ewh sahgwabenegahdag kenuhwah oonje.
21Benuh dush, ooneenj owh bahyahtahid neweejewegoon oomah uhdoopoowining.
22Kagate mahjah owh Enene Oogwissun debishkoo enahkoonind: tahkeche‐sunnuggeze suh dush owh enene enewh bahyahtahegoojin.
23Me dush ewh uhpe kemahje‐kuhgwajindewaud, ahwagwan ahyahwegwan oo‐oo kaëzhechegagoobunan,
24Kuhya keähgoonwatahdewug ahwagwan anduhchewaud negaunandahgoozegwan.
25Oo‐oo dush ween oogeënaun, Egewh mayug‐ahnishenahbag oodoogemahmewaun oodoogemahkundahwaun mayug‐ahnishenahban; kuhya egewh wagemahkundahgajig, manoo‐doodahgajig ezhenekahnahwug.
26Kahween kenuhwah oo‐oo kegahezhewabezeseem: owh nahgaun‐andahgoozid anducheyag, debishkoo agahsheïd tahezheähyah; owh dush wagemahwandahgoozid, debishkoo owh bameetahgad tahezheähyah.
27Ahwanan nahgaunandahgoozid? owh namuhduhbid emuh uhdoopoowining, gamuh owh bameetahgad? kah nuh ween owh namuhduhbid emuh uhdoopoowining? kedezheweejewenim dush neen debishkoo owh bameetahgad.
28Kenuhwah kahwedookahweyag emuh nekuhgwatebanemegoowining.
29Kepuggedenuhmoonenim dush ewh oogemahwewin, debishkoo owh Noos azhepuggedenuhmoowid;
30Cheweseneyag kuhya chemenequayag emuh ninduhdoopoowining ewede nindoogemahwewining, kuhya chenuhmuhduhbeyag emuh oogemah‐wuhbewining tebahkoonagwah egewh metahswe‐ahshe‐neezh puhkaun azheweenzoojig Israelitug.
31Oo‐oo dush keëkedoo owh Tabaningad, Simon, Simon, benuh, Satan kenunduhwandum chetebanemenag cheëzheshahbooshkahsenag debishkoo buhquazheguning:
32Kegeähnuhmeätuhmoon gooshuh, kedabwayanduhmoowin chenoondasasenook; bahnemah dush keäunje-ëgooyun wedookow kejekewaüg.
33Ween dush oo‐oo oogeënaun enewh, Tabaningayun, nekezheetah cheweejewenaun, kabahquahegahzooyunin, gamuh nabooyunin.
34Oo‐oo dush keëkedoo, Keweenduhmoon suh, Peter, owh nahba‐pahkahahqua kahween tahnoondahgoozese, noongoom kezheguk, bahnemah goo nesing keähgoonwatuhmun chekekanemeyun.
35Oo‐oo dush oodenaun enewh kekenooähmahgunun, Uhpe kahahnoonenuhgoog ningooche cheëzhahyag ahyahsewag ewh shooneyah‐mushkemoodans, kuhya nuhwuhpoowine mushkemood, kuhya muhkissenun, gagoo nuh kegemuhnazenahwah? Oo‐oo dush keëkedoowug, Kah gagoo.
36Me dush oo‐oo keënaud, Noongoom dush, ahwagwan washooneyah‐mushkemoodansegwan, mahnoo oogahoodahpenaun; kuhya dush nuhwuhpoowine‐mushkemood; kuhya wadahzhewashkoosegwan mahnoo oogahahtahwagan oopesekoowahgun chekishpenuhtood.
37Oo‐oo muh kedenenim, Maunduh azhebeëgahdag tahdebishkoosamahgud emuh neyowing, Ketuhgoo‐uhgemah enewh majeëzhewabezenejin: enewh muh anahjemegooyaunin debiskoosawun.
38Oo‐oo dush keëkedoowug, Tabaningayun, benuh oomah ahtanoon neezh ahzhahwashkoon. Oo‐oo dush oodenaun, Me menik.
39Kesahguhum dush, keëzhaud ewede wahjewing ewh Olives emuh moonzhug kahezhahgoobunan; oogenoopenuhnegoon dush ookekenooähmahgunun.
40Uhpe dush emuh kahahyaud oo‐oo oogeënaun, Ahnuhmeäug cheëzhahsewag emuh kuhgwatebanindewining.
41Kemahjah dush akoo tabewabenuhmahgad ahweyah ahsin, keöojecheengwasad dush, kuhya keähnuhmeäud.
42Oo‐oo keëkedood, Noosa, kishpin enanduhmun, ekoonuhmahweshin maunduh menequahjegun; ninduhwauj kahween neen uhyenanduhmaun, keen atuh uhyenanduhmun, tahezhechegam.
43Kepenahgoozewun dush keche‐kezhegoong wanjebahnejin angenun, kemushkahwezeëgood.
44Kewesuggandung ashkum anegook kenundoodahmahga; kuhya oodahbwazoowin kepungegahne debishkoo kazhegaugin misque pangesing emuh metushkuhkummig.
45Uhpe dush kahpuhsegweed kahishquah‐ahnuhmeäud, kenauuzekahwaud dush enewh ookekenooähmahgunun, oogemekahwaun ewh nebahnid apeech kekeche‐nuhneenuhwanduhmenid,
46Oo‐oo dush keënaud, Ahneeshwin nebahyag? Puhsegweeg, kuhya ahnuhmeäug, cheëzhahsewag emuh kuhgwatebanedewining.
47Magwah dush kayahbe kekedood, benuh, kache‐mahmahwenoojig, kuhya owh Judas azhenekahzood, pazhik ayahwid egewh metauswe‐ahshe‐neezh, kenegahne, kuhya kepenaunzekahwaud Jesusun weöojemaud.
48Jesus dush oo‐oo oogeënaun, Judas, kebahtahah nuh owh Enene Oogwissun ewh oojemud?
49Uhpe oogoo kahweejewahjig kahwahbunduhmoowaud wahuhneëzhewabuk, oogeëenahwaun, Tabaningayun ningahpuhkiddaëgamin nuh enewh ahzhahwashkoon.
50Pazhik dush oogepuhkiddawaun enewh keche‐sahsahgahwejega wenene oobuhmeetahgun, kuhya oogekishketahwugahgunuhmaun ookeche‐tuhwuggahne.
51Jesus dush oogenuhquatuhwaun oo‐oo dush keëkedood, Mahnoo maunduh menik tahezhewabud; oogetaungenuhmahwaun dush ewh ootuhwugahne, me dush kenoojemooäud.
52Me dush Jesus keguhnoonaud enewh keche‐sahsahgahwejega‐wenenewun, kuhya enewh ganuhwanduhmenejin ahnuhmeä‐weguhmig, kuhya katezenejin kahpenaunzekahgoojin, Kepeëzhenaunzekahwim nuh ewh kaëzhenaunzekahwagoobun owh kamoodishkid, peähyooyag ahzhahwashkoon kuhya puhgummahgunun?
53Magwah weejewenenahgoogebun emuh ahnuhmeä‐weguhmigoong anduhsoo‐kezheguk, kahween kegetuhkooneseem: mesuh noongoom ketebahegunewah, kuhya chemushkahwezemahguk ewh puhsuhgish‐tebik.
54Me dush ketuhkoonahwaud, kuhya kemahjewenah waud, keëzhewenahwaud dush emuh owh keche‐sahsahgahwejega‐wenene andaud. Peter dush wahsuh oogenoopenuhnaun.
55Uhpe dush kahpootahwawaud nahwuhyeëeng tasekauning, chegishkoota kenuhmuhduhbewug, Peter dush oogeweeduhbemaun.
56Pazhik dush ooshkenegequan oogewahbuhmegoon, chegishkoota kenuhmuhbid, oogenahnahgahdah‐wahbuhmegoon oo‐oo keëgood, Kuhya mahbuh oogeweejewaun enewh.
57Oogeähgoonwatahwaun dush, oo‐oo keëkedood, Equa, kahween nekekanemahse.
58Nahguj dush menuhwah bakahnezenejin oogewahbuhmegoon, oo‐oo oogeëgoon Kuhya keen kewedookahwaug. Peter dush keëkedoo, Enene, kahween newedookahwahseeg.
59Nahguj dush kuhnuhbuj ningoo‐tebahegunag menuhwah bakahnezid anegook kewetabwa oo‐oo keëkedood, Kagate suh kuhya mahbuh oogeweejewaun; Galilee duhzhe‐wenenewe muh.
60Peter dush keëkedoo, Enene, kahween nekekanduhse ewh akedooyun. Kazhetena dush magwah kekedood kemesittahgooze owh nahba‐pahkahahqua.
61Owh dush Tabaningad kequake‐kahbahwe, oogeguhnuhwahbuhmaun dush enewh Peterun. Peter dush oogemequandaun ewh Tabaningad oodekedoowin oo‐oo keëkedood, Chepwah messittahgoozid owh nahba‐pahkahahqua, nesing kegahahgoonwatow.
62Peter dush kesahgahum, kewesuhguhdamoo edush.
63Egewh dush enenewug kahtuhkoonahjig Jesusun oogebahpenoodahwahwaun, kuhya oogepuhkittaähwahwaun.
64Uhpe dush kahkuhkepeengwabenahwaud, oogepuhquahkooneenjetahwahwaun emuh oodangwyening, oo‐oo dush kekuhgwajemahwaud, Aunwahjegan, ahwanan kahpuhkettaöok?
65Nebewah dush bakaunukkin oogekeche‐mujje‐duhzhemahwaun.
66Uhpe dush wuhyahbunenig, egewh ahnishenahbag ooketezemewaun kuhya egewh keche‐sahsahguhwejega‐wenenewug, kuhya egewh oozhebeëga‐wenenewug kepemahoonjeëdewug kuhya oogeëzhewenahwaun emuh kahduhzhe‐kahkekedoowaud, oo‐oo dush keëkedoowaud,
67Keen nuh kedow owh Christ? weenduhmooweshenaum. Oo‐oo dush oogeënaun, Kishpin weenduhmoonuhgoogebun, kahween kedahgedabwayanduhsenahwah:
68Kishpin dush kuhgwajemenuhgoog, kahween kedahnuhquatuhweseem, kuhya kahween kedahpuhgedeneseem.
69Bahnemah suh owh Enene Oogwissun tahwuhwanuhbe emuh ookechenikaug owh kache‐mushkahwezeed Kesha‐Muhnedoo.
70Kuhkenuh dush keëkedoowug, Keen nuh kedow owh Kesha‐Muhnedoo Oogwissun? Oo‐oo dush oogeënaun, Kenuhwah suh kedekedoom ewh ahweyaun.
71Oo‐oo dush keëkedoowug, Wagoonan kayahbe wanjenundahwanduhmung ewh bahtahweenduhmoowin? kenuhwind muh kegenoondahwahnaun emuh tebenuhwa oodooning.
Currently Selected:
ST. LUKE 22: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 22
22
1Zhuhyegwah gagah ewh wambejishkewuhsinsenook‐buhquazhegune‐wekoondewin weähyahbun, ewh kuhbekoosa‐wekoondewin azhenekahdag.
2Kuhya dush egewh keche‐sahsahguhwejega‐wenenewug kuhya egewh oozhebeëga‐wenenewug oogenundahwandahnahwah kaëzhechegawaud chenesahwaud; oogekoosahwaun muh enewh ahnishenahban.
3Me dush mujje‐muhnedoon kepeendegashkahgood owh Judas Iscariot azhenekahzood, pazhik egewh metauswe‐ahshe‐neezh kekenooähmahgunug.
4Me dush kahezhemahjaud, kuhya dush keguhnoonaud enewh keche‐sahsahguhwejega‐wenenewun kuhya menesenoo‐oogemaun, ewh kaëzhechegad chepuhgedenuhmahwaud Jesusun.
5Keöonahnegwanduhmoog dush, kuhya keëkekoowug wemeenahwaud shooneyaun.
6Kenuhquatum dush, kuhya oogenundahwahbundaun chepuggedenahmahwaud pwah‐ahyahnid mahyahmahwenoonejin enewh ahnishenahban.
7Me dush uhpe kahdebishkoosag ewh wambejishkahwuhsinsenook buhquazhegune‐kezhig uhpe kuhbekoosa‐mahnishtahnesheens nesind.
8Oogeëzhenahzhahwaun dush Peterun kuhya Johnun, oo‐oo dush keëkedood, Mahjaug ahwewahwazhetook ewh kuhbekoosa‐wekoondewin, ewh dush cheweseneyung.
9Oo‐oo dush oogeënahwaun, Ahneende ananduhmun chewahwazhetooyaung.
10Oo‐oo dush oogeënaun, Benuh, uhpe uhnepeendegayag emuh keche‐oodanaung, kegahpenahquashkahgoowah enene, pametuhkoonung ewh nemebahgun mwaushkenabeeg; noopenuhnik emuh wegewauming kaühnepeendegad.
11Oo‐oo dush kegahenahwah owh wawegewaumid, Kekenooähmahga‐wenene kedig, Ahneende ewh wekoondewine‐ahbenahsoowin kaduhzhemeejeyaun ewh kuhbekoosa‐wekoondewin neen kuhya nekekenooähmahgunug?
12Kegahwahbundahegoowah ewh manguhtag ishpemesuhgoong‐ahbenahsoowin wahwazhechegahdag, me emuh kaduhzhe‐wahwazhetooyag.
13Keëzhahwug edush, kuhya oogemekahnahwah debishkoo kahegoowaud, kuhya dush oogewahwazhetoonahwah ewh kuhbekoosa‐wekoondewin.
14Uhpe dush kahtuhgwishenoomahguk ewh tebahegun, kenuhmuhduhbe, oogeweeduhbemegoon dush metauswe‐ahshe‐neezh ookekenooähmahgunun.
15Oo‐oo dush oogeënaun, Ahpeche ningenundahwandaun cheweedoopuhmenuhgoog, chemeejeyung maunduh kuhbekoosa‐wekoondewin chepwah kooduggetooyaun.
16Kedenenim muh, kahween menuhwah ningahmeejese maunduh, bahnemah atuh kedebishkoosag emuh Kesha Munnedoo oodoogemahwewining.
17Oogeöodahpenaun dush ewh menequahjegun, kuhya kahmahmooyahwad keëkedoo, Oodahpenuhmook maunduh, mahdahoonedeyook dush:
18Kedenenim muh, Kahween menuhwah ningahmenequase ewh shooweminuhgahwunzh mahnewung, bahnemah goo atuh Kesha‐Muhnedoo oodoogemahwewin ketuhgwishenoomahguk.
19Oogeöodahpenaun dush buhquazhegun, kemahmooyahwa, kuhya oogebuhquabetoon kuhya oogemeenaun, oo‐oo dush keëkedood, Me oo‐oo neyow pagedenegahdag kenuhwah oonje: oo‐oo ezhechegayook chemequanemeyag.
20Me dush kahezheöodahpenung ewh menequahjegun kahishquah‐wesenewaud, oo‐oo keëkedood, Maunduh menequahjegun ahwun ewh ooshke‐kekindewin emuh nemisqueeming, ewh sahgwabenegahdag kenuhwah oonje.
21Benuh dush, ooneenj owh bahyahtahid neweejewegoon oomah uhdoopoowining.
22Kagate mahjah owh Enene Oogwissun debishkoo enahkoonind: tahkeche‐sunnuggeze suh dush owh enene enewh bahyahtahegoojin.
23Me dush ewh uhpe kemahje‐kuhgwajindewaud, ahwagwan ahyahwegwan oo‐oo kaëzhechegagoobunan,
24Kuhya keähgoonwatahdewug ahwagwan anduhchewaud negaunandahgoozegwan.
25Oo‐oo dush ween oogeënaun, Egewh mayug‐ahnishenahbag oodoogemahmewaun oodoogemahkundahwaun mayug‐ahnishenahban; kuhya egewh wagemahkundahgajig, manoo‐doodahgajig ezhenekahnahwug.
26Kahween kenuhwah oo‐oo kegahezhewabezeseem: owh nahgaun‐andahgoozid anducheyag, debishkoo agahsheïd tahezheähyah; owh dush wagemahwandahgoozid, debishkoo owh bameetahgad tahezheähyah.
27Ahwanan nahgaunandahgoozid? owh namuhduhbid emuh uhdoopoowining, gamuh owh bameetahgad? kah nuh ween owh namuhduhbid emuh uhdoopoowining? kedezheweejewenim dush neen debishkoo owh bameetahgad.
28Kenuhwah kahwedookahweyag emuh nekuhgwatebanemegoowining.
29Kepuggedenuhmoonenim dush ewh oogemahwewin, debishkoo owh Noos azhepuggedenuhmoowid;
30Cheweseneyag kuhya chemenequayag emuh ninduhdoopoowining ewede nindoogemahwewining, kuhya chenuhmuhduhbeyag emuh oogemah‐wuhbewining tebahkoonagwah egewh metahswe‐ahshe‐neezh puhkaun azheweenzoojig Israelitug.
31Oo‐oo dush keëkedoo owh Tabaningad, Simon, Simon, benuh, Satan kenunduhwandum chetebanemenag cheëzheshahbooshkahsenag debishkoo buhquazheguning:
32Kegeähnuhmeätuhmoon gooshuh, kedabwayanduhmoowin chenoondasasenook; bahnemah dush keäunje-ëgooyun wedookow kejekewaüg.
33Ween dush oo‐oo oogeënaun enewh, Tabaningayun, nekezheetah cheweejewenaun, kabahquahegahzooyunin, gamuh nabooyunin.
34Oo‐oo dush keëkedoo, Keweenduhmoon suh, Peter, owh nahba‐pahkahahqua kahween tahnoondahgoozese, noongoom kezheguk, bahnemah goo nesing keähgoonwatuhmun chekekanemeyun.
35Oo‐oo dush oodenaun enewh kekenooähmahgunun, Uhpe kahahnoonenuhgoog ningooche cheëzhahyag ahyahsewag ewh shooneyah‐mushkemoodans, kuhya nuhwuhpoowine mushkemood, kuhya muhkissenun, gagoo nuh kegemuhnazenahwah? Oo‐oo dush keëkedoowug, Kah gagoo.
36Me dush oo‐oo keënaud, Noongoom dush, ahwagwan washooneyah‐mushkemoodansegwan, mahnoo oogahoodahpenaun; kuhya dush nuhwuhpoowine‐mushkemood; kuhya wadahzhewashkoosegwan mahnoo oogahahtahwagan oopesekoowahgun chekishpenuhtood.
37Oo‐oo muh kedenenim, Maunduh azhebeëgahdag tahdebishkoosamahgud emuh neyowing, Ketuhgoo‐uhgemah enewh majeëzhewabezenejin: enewh muh anahjemegooyaunin debiskoosawun.
38Oo‐oo dush keëkedoowug, Tabaningayun, benuh oomah ahtanoon neezh ahzhahwashkoon. Oo‐oo dush oodenaun, Me menik.
39Kesahguhum dush, keëzhaud ewede wahjewing ewh Olives emuh moonzhug kahezhahgoobunan; oogenoopenuhnegoon dush ookekenooähmahgunun.
40Uhpe dush emuh kahahyaud oo‐oo oogeënaun, Ahnuhmeäug cheëzhahsewag emuh kuhgwatebanindewining.
41Kemahjah dush akoo tabewabenuhmahgad ahweyah ahsin, keöojecheengwasad dush, kuhya keähnuhmeäud.
42Oo‐oo keëkedood, Noosa, kishpin enanduhmun, ekoonuhmahweshin maunduh menequahjegun; ninduhwauj kahween neen uhyenanduhmaun, keen atuh uhyenanduhmun, tahezhechegam.
43Kepenahgoozewun dush keche‐kezhegoong wanjebahnejin angenun, kemushkahwezeëgood.
44Kewesuggandung ashkum anegook kenundoodahmahga; kuhya oodahbwazoowin kepungegahne debishkoo kazhegaugin misque pangesing emuh metushkuhkummig.
45Uhpe dush kahpuhsegweed kahishquah‐ahnuhmeäud, kenauuzekahwaud dush enewh ookekenooähmahgunun, oogemekahwaun ewh nebahnid apeech kekeche‐nuhneenuhwanduhmenid,
46Oo‐oo dush keënaud, Ahneeshwin nebahyag? Puhsegweeg, kuhya ahnuhmeäug, cheëzhahsewag emuh kuhgwatebanedewining.
47Magwah dush kayahbe kekedood, benuh, kache‐mahmahwenoojig, kuhya owh Judas azhenekahzood, pazhik ayahwid egewh metauswe‐ahshe‐neezh, kenegahne, kuhya kepenaunzekahwaud Jesusun weöojemaud.
48Jesus dush oo‐oo oogeënaun, Judas, kebahtahah nuh owh Enene Oogwissun ewh oojemud?
49Uhpe oogoo kahweejewahjig kahwahbunduhmoowaud wahuhneëzhewabuk, oogeëenahwaun, Tabaningayun ningahpuhkiddaëgamin nuh enewh ahzhahwashkoon.
50Pazhik dush oogepuhkiddawaun enewh keche‐sahsahgahwejega wenene oobuhmeetahgun, kuhya oogekishketahwugahgunuhmaun ookeche‐tuhwuggahne.
51Jesus dush oogenuhquatuhwaun oo‐oo dush keëkedood, Mahnoo maunduh menik tahezhewabud; oogetaungenuhmahwaun dush ewh ootuhwugahne, me dush kenoojemooäud.
52Me dush Jesus keguhnoonaud enewh keche‐sahsahgahwejega‐wenenewun, kuhya enewh ganuhwanduhmenejin ahnuhmeä‐weguhmig, kuhya katezenejin kahpenaunzekahgoojin, Kepeëzhenaunzekahwim nuh ewh kaëzhenaunzekahwagoobun owh kamoodishkid, peähyooyag ahzhahwashkoon kuhya puhgummahgunun?
53Magwah weejewenenahgoogebun emuh ahnuhmeä‐weguhmigoong anduhsoo‐kezheguk, kahween kegetuhkooneseem: mesuh noongoom ketebahegunewah, kuhya chemushkahwezemahguk ewh puhsuhgish‐tebik.
54Me dush ketuhkoonahwaud, kuhya kemahjewenah waud, keëzhewenahwaud dush emuh owh keche‐sahsahgahwejega‐wenene andaud. Peter dush wahsuh oogenoopenuhnaun.
55Uhpe dush kahpootahwawaud nahwuhyeëeng tasekauning, chegishkoota kenuhmuhduhbewug, Peter dush oogeweeduhbemaun.
56Pazhik dush ooshkenegequan oogewahbuhmegoon, chegishkoota kenuhmuhbid, oogenahnahgahdah‐wahbuhmegoon oo‐oo keëgood, Kuhya mahbuh oogeweejewaun enewh.
57Oogeähgoonwatahwaun dush, oo‐oo keëkedood, Equa, kahween nekekanemahse.
58Nahguj dush menuhwah bakahnezenejin oogewahbuhmegoon, oo‐oo oogeëgoon Kuhya keen kewedookahwaug. Peter dush keëkedoo, Enene, kahween newedookahwahseeg.
59Nahguj dush kuhnuhbuj ningoo‐tebahegunag menuhwah bakahnezid anegook kewetabwa oo‐oo keëkedood, Kagate suh kuhya mahbuh oogeweejewaun; Galilee duhzhe‐wenenewe muh.
60Peter dush keëkedoo, Enene, kahween nekekanduhse ewh akedooyun. Kazhetena dush magwah kekedood kemesittahgooze owh nahba‐pahkahahqua.
61Owh dush Tabaningad kequake‐kahbahwe, oogeguhnuhwahbuhmaun dush enewh Peterun. Peter dush oogemequandaun ewh Tabaningad oodekedoowin oo‐oo keëkedood, Chepwah messittahgoozid owh nahba‐pahkahahqua, nesing kegahahgoonwatow.
62Peter dush kesahgahum, kewesuhguhdamoo edush.
63Egewh dush enenewug kahtuhkoonahjig Jesusun oogebahpenoodahwahwaun, kuhya oogepuhkittaähwahwaun.
64Uhpe dush kahkuhkepeengwabenahwaud, oogepuhquahkooneenjetahwahwaun emuh oodangwyening, oo‐oo dush kekuhgwajemahwaud, Aunwahjegan, ahwanan kahpuhkettaöok?
65Nebewah dush bakaunukkin oogekeche‐mujje‐duhzhemahwaun.
66Uhpe dush wuhyahbunenig, egewh ahnishenahbag ooketezemewaun kuhya egewh keche‐sahsahguhwejega‐wenenewug, kuhya egewh oozhebeëga‐wenenewug kepemahoonjeëdewug kuhya oogeëzhewenahwaun emuh kahduhzhe‐kahkekedoowaud, oo‐oo dush keëkedoowaud,
67Keen nuh kedow owh Christ? weenduhmooweshenaum. Oo‐oo dush oogeënaun, Kishpin weenduhmoonuhgoogebun, kahween kedahgedabwayanduhsenahwah:
68Kishpin dush kuhgwajemenuhgoog, kahween kedahnuhquatuhweseem, kuhya kahween kedahpuhgedeneseem.
69Bahnemah suh owh Enene Oogwissun tahwuhwanuhbe emuh ookechenikaug owh kache‐mushkahwezeed Kesha‐Muhnedoo.
70Kuhkenuh dush keëkedoowug, Keen nuh kedow owh Kesha‐Muhnedoo Oogwissun? Oo‐oo dush oogeënaun, Kenuhwah suh kedekedoom ewh ahweyaun.
71Oo‐oo dush keëkedoowug, Wagoonan kayahbe wanjenundahwanduhmung ewh bahtahweenduhmoowin? kenuhwind muh kegenoondahwahnaun emuh tebenuhwa oodooning.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.