ST. LUKE 7
7
1Uhpe dush kahishquah‐kekedood kuhkenuh oodekedoowinun emuh ootuhwuggahwaung egewh ahnishenahbag, kepeendega emuh Capernauming.
2Pazhig dush menesenoo‐oogemah oobuhmeetahgun, enewh kahsahgeähjin, keähkoosewun, gagah dush neboonid,
3Uhpe dush kahnoondung ewh azhewabezenid Jesusun, oogeëzhenahzhahwaun enewh ooketezemewaun egewh Jewyug, chepahgoosanemahnid, chepenoojemooähnid enewh oobuhmeetahgun.
4Uhpe dush katuhgwishenoowaud emuh ahyahnid enewh Jesusun, anegook oegepahgoosanemahwaun, oo‐oo keënahwaud, Enandahgooze suh wah‐owh oo‐oo chedoodahwudebun.
5Oosahgeäun kuhkenuh keejahnishenahbanahnin, kegeöozhetahmahgoonaun dush ewh ahnuhmeä‐weguhmig.
6Jesus dush oogeühneweejewaun: Pashoo dush ahyaud emuh wegewauming, owh menesenoo‐oogemah oogeëzhenahzhahwaun ahnind weejekewaün, oo‐oo keënaud, Tabaningayun kagoo megooshkahjeëdezookan, kah muh nindaähpeetandahgoozese chepepeendegayunbun emuh newegewauming.
7Mesuh kuhya keënanindezoosewaun cheähpeetandahgoozeyaun chenaunzekoonaun; kekedoon suh atuh, me dush chenoojemooïnd nindooshkenegeem.
8Kuhya neen muh nindebandahgooz, kuhya nindoogemahkundahwaug enewh shemahgunishug, Mahjaun nindenah owh pazhik, mesuh dush azhemahjaud; menuhwah dush, Oondahshaun nindenah pazhik, mesuh dush azhe penaunzekahwid; kuhya Oo‐oo ezhechegan, nindenah nindooshkenegeem, me suh goo azhechegad.
9Uhpe dush Jesus kahnoondung oonoo, oogemahmahkahdanenemaun, kequakekahbahwid dush oo‐oo keënaud ahnishenahban, enewh nwahpenuhnegoojin, kedenenim suh, Kah nahnauzh ningemekunse oo‐oo menik dabwayanduhmoowin, kah kuhnuhga emuh Israeling.
10Uhpe dush egewh kahezhenahzhahoondjig kahtuhgwishenoowaud emuh wegewauming, oogemekahwahwaun enewh buhmeetahgun menoo‐bemahdezenid, enewh ahyahkoozenepun.
11Kepuhgummeähyahmahgud dush kahwahbunenig, keëzhaud emuh keche oodanaung Nain aduhming; nebewah dush ookekenooähmahgunun oogeweejewegoon, kuhya nebewah enewh ahnishenahban.
12Uhpe dush pashoo ishquandamewung ewh keche‐oodanah kahtuhgwishing, benuh, pazhig kahnebood enene kepesahgeje‐wenah, nezheka wagwissepuneen oogeen, keshegahwe dush owh equa; nebewah dush emuh oodanaung andahnejin ahnishenahban oogepemeweejewegoon.
13Uhpe dush owh Tabaningad wuhyahbuhmaud enewh equawun, oogeketemahganemaun, oo‐oo dush keënaud Kagoo muhwekan.
14Oogepetaungenaun ewh cheby‐oonegunahtik; egewh dush pameweenahjig kenookekahbahwewug. Oo‐oo dush keëkedoo, Washkenuhwaweyun, Puhsegween, kedenin.
15Owh dush naboopun kenuhmuhduhbe, kuhya kemahje‐kekedoo. Oogepuhgeduhnahmahwaun enewh oogene.
16Kesagezewug dush kuhkenuh: oogewahwezhanemahwaun edush enewh Kesha‐Muhnedoon, oo‐oo keëkedoowaud, Keche‐aunwahjega‐wenene kepuhsegwe emuh anduhzhe ahyahyung; Kuhya dush, owh Kesha‐Muhnedoo oogepemoowuddissaun enewh oodahnishenahbamun.
17Oo‐oo dush oodezhewabezewin kesuhswashkahmahgudene minzee emuh Judeäïng, kuhya dush egoo minzee enewh duhnuhkeewinun emuh kewetuhyeëe atagin.
18Owh dush John oogewahweendahmahgoon enewh ookekenooähmahgunun kuhkenuh oonoo uhyeëen.
19Uhpe dush owh John kahnundoomaud neezh enewh ookekenooähmahgunun, oogeëzhenahzhahwaun emuh ahyahnid Jesusun, oo‐oo dush keënaud, Keen nuh kedow owh wahpeëzhahgoobunan? gamuh kayahbe nuh bakahnezid ningahnundahwahbuhmahnaun?
20Uhpe dush kahpenaunzekahwahwaud egewh enenewug oo‐oo oogeënahwaun, John owh Baptizooëwa‐wenene ningepeëzhenahzhahoogoomin oo‐oo cheëgooyun, Keen nuh kedowh owh wahpeëzhahgoobunan? gamuh bakahnezid nuh nindahnundahwahbuhmahnaun?
21Ewh dush goo uhpe oogenoojemooäun nebewah ayahkoosenejin kuhya mahyahnahdahpenanejin, kuhya wamujje‐muhnedoomenejin, kuhya oogewahbeäun enewh kakeepeengwanejin.
22Jesus dush oogenuhquatuhwaun, oo‐oo keënaud, Mahjaug, ahweweenduhmahwik owh John oonoo kahnoonduhmagoon, kuhya kahwahbunduhmagoon; kakeepeengwajig suh wahbeähwug, egewh mamaunjekoosejig bemoosawug, wamegeejig peeneähwug, kuhya kakebeshajig noonduhmoog, naboojig ahbejebahahwug, kuhya katemahgezejig debahjemootahwahwug ewh minwahjemoowin.
23Shahwandahgooze suh owh kaöosittahwanemesegwan.
24Kahuhnemahjahnid oodooshkenegemun owh John, oogemahje‐guhnoonaun enewh mahyahmahwenoonejin kedebahjemaud enewh Johnun, Wagoonan kahahwewahbunduhmag emuh buhgwudduhkummig? ahsahgunushk nuh mamuhtahsing?
25Wagoonan nungwahnah kahahwe‐wahbunduhmag? Enene nuh nwahkoouhnuhyad? Benuh suh, egewh manoo-koonuhyajig kuhya manoo‐wesenejig ahyahwug emuh oowegewaumening keche‐oogemaun.
26Wagoonan nungwuhnah kahahwe‐wahbunduhmag? Aunwahjega‐wenene nuh? Menungakah kedenenim, keche ahwahshema ween enandahgooze, aunwahjega‐wenene dush ween apeetandahgoozid.
27Me muh wah‐owh oo‐oo anahjemind emuh kechetwah‐oozhebeëguning, Benuh, ningahezhenahzhahwah nemeezhenahwam ewh chenegaunid kaëneëzhahyun, me owh kezhah kawahwazhesetood kedezhahwinun anahsuhmuhbeyun.
28Kedenenim suh goo, anduhchewaud egewh equang kahoonje‐neegejig, kahween ahweyah ahwahshema ahpeetandahgoozese, apeetandahgoozid owh John Baptizooëwa‐wenene; owh dush ween kache‐noondaush ahpeetandahgoozid emuh oodoogemahwewining owh Kesha‐Muhnedoo ahwahshema ahpeetandahgooze dush ween owh.
29Kuhkenuh dush ogewh ahnishenahbag, uhpe kahnoonduhmoowaud, kuhya egewh mahwunjechega‐wenewug, oogewahwezhanemahwaun enewh Kesha‐Muhnedoon, John muh oobaptizooëwawin keëzhebaptizooweähwug.
30Egewh dush Phariseeg, kuhya egewh tebahkoonega‐wenenewug oogeähgoonwatahnahwah oodenahkoonegawin owh Kesha‐Muhnedoo, wenuhwah tebenuhwa keënahkoonegoowaud, kah muh oogebabtizooweëgoosewaun enewh.
31Keëkedoo dush owh Tabaningad, Ahneen kaëzheähwaügwah egewh enenewug noongoom bamahdezejig? ahneen dush azhenahgoozewaud?
32Ezheähyahwug suh debishkoo ahbenoojeyug namuhduhbejig emuh ahtaunde‐weguhmigoong, guhnoonindewaud dush, oo‐oo ekedoowaud, Kegenuhguhmootahgoom, kah dush kegenemeseem; ahnoo kuhya kegemuhwemegoom, kah dush kegemuhweseem.
33Kepeëzhah muh owh John Baptizooëwa‐wenene kah ween oogeäumwahseen buhquazhegun, kah kuhya oogemenequaseen shooweminahboo; oo‐oo dush kedekedoom, Ookekishkahwaun enewh mujje‐muhnedoon.
34Owh dush ween Enene Oogwissun peëzhaud wesenid kuhya menequad; oo‐oo dush kedekedoom, Benuh, nabahdezid enene, kuhya natuh‐menequad ewh shooweminahboo, waujekewaëmaud enewh mahwunjechega‐wenenewun kuhya majeëzhewabezenejin!
35Ewh suh nebwahkahwin oominwanemegoon kuhkenuh enewh oonejahnesun.
36Oogenundoomegoon dush pazhik Pharisee‐wenenewun, chewedoopuhmaud. Kepeendega dush emuh oowegewaumening enewh Pharisee‐wenenewun, kenuhmuhduhbe dush chewesenid.
37Benuh dush, pazhig equa emuh oodanaung kahmujje‐ezhewabezid, uhpe kekanemaud chewesenenid emuh oowegewaumening enewh Pharisee‐wenenewun, oogepetoon ewh alabaster mukkukoons ewh manoo‐mahgwuk noomenegun,
38Nebuhwid dush oosittahning oopikwunahning anuhkukayah kemuhwe, oogemahje‐geseähbahwahtoomahwaun enewh oosittahne enewh oosebeengooün, kuhya dush kekahsesittawaud oominnesissun keähyood, oogeöojeendahnun dush oosittahne, kuhya oogeähtahwaun ewh noomenegun.
39Uhpe dush wuhyahbunduhmenid enewh Pharisee‐wenenewun kahnundoomegoojin, keguhnoonindezoowun, oo‐oo keëkedoonid, Wah‐owh enene kishpin aunwahjega‐wenenewegoobun, oodahgekekandaun ewh azhewabezenid equawun tuhyaungenegoojin: mujje‐ezhewabezewun muh.
40Jesus dush oogenuhquatuhwaun, oo‐keënaud, Simon, gagoo keweënin. Ween dush keëkedoowun, Kakenooähmahgayun, mahnoo kekedoon.
41Pazhik ahweëwa‐wenene oogemuzzenuhahmahgoon neezh enenewun: naunwauk shooneäunsun oogemuzzenuhahmahgoon; menuhwah dush pazhig oogemuzzenuhahmahgoon nahnemeduhnuh shooneäunsun.
42Oogewabenuhmahwaun suh nuhyazh oomuzzeneëgunene, kah muhgagoo oogeähyaunsenahwah katebahahahmahgawaud. Weenduhmooweshin, ahwanan oogoo neezh kakeche‐sahgeäud enewh?
43Simon dush oogenuhquatuhwaun, oo‐oo keëkedood, Nindenandum suh, owh nebewah kahwabenuhmahwind. Oo‐oo dush oogeënaun, Quuhyuk suh kedenandum.
44Kequakequanetahwaud enewh equawun, oo‐oo dush oogeënaun enewh Simonun, Kewahbuhmah nuh wah‐owh equa? Ningepeendega emuh andahyun, kah dush kegemeezhese ewh nebe chekesebegesittayun; mahbuh dush ningekesebegesittanig enewh oosebeengooün ahyood, kuhya ningekahsittanik wenesisun ahyood.
45Kahween kegeöojeemese: wah‐owh dush equa kahahkoo‐peendegayaun kah wekah kepoonetoose oojeendung enewh nesittun.
46Kahween kegeseegenuhmahwese ewh noomenegun emuh nishtequauning: wah‐owh dush equa oogeseegenaun ewh noomenegun emuh nesittaung.
47Kedenin suh dush, Oomujjeëzhewabezewinun, buhyahteenudenegin, wabenuhmahwah; kekeche‐sahgeëwa muh; owh dush punge atuh kahwabenuhmahwind, punge atuh sahgeëwa;
48Oo‐oo dush oodenaun enewh equawun, Kewabenuhmahgoo kemujjeëzhewabezewinun.
49Egewh dush kahweedoopuhmahjig kemahje‐kekedoowug emuh oodaëwaung, Ahwananedoog mahbuh wuhyabenuhmahgad kuhya mujjeëzhewabezewinun?
50Oo‐oo dush oogeënaun enewh equawun, Kedabwayanduhmoowin kegebemahjeëgoon; mahjaun emuh pezaunewawining.
Currently Selected:
ST. LUKE 7: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 7
7
1Uhpe dush kahishquah‐kekedood kuhkenuh oodekedoowinun emuh ootuhwuggahwaung egewh ahnishenahbag, kepeendega emuh Capernauming.
2Pazhig dush menesenoo‐oogemah oobuhmeetahgun, enewh kahsahgeähjin, keähkoosewun, gagah dush neboonid,
3Uhpe dush kahnoondung ewh azhewabezenid Jesusun, oogeëzhenahzhahwaun enewh ooketezemewaun egewh Jewyug, chepahgoosanemahnid, chepenoojemooähnid enewh oobuhmeetahgun.
4Uhpe dush katuhgwishenoowaud emuh ahyahnid enewh Jesusun, anegook oegepahgoosanemahwaun, oo‐oo keënahwaud, Enandahgooze suh wah‐owh oo‐oo chedoodahwudebun.
5Oosahgeäun kuhkenuh keejahnishenahbanahnin, kegeöozhetahmahgoonaun dush ewh ahnuhmeä‐weguhmig.
6Jesus dush oogeühneweejewaun: Pashoo dush ahyaud emuh wegewauming, owh menesenoo‐oogemah oogeëzhenahzhahwaun ahnind weejekewaün, oo‐oo keënaud, Tabaningayun kagoo megooshkahjeëdezookan, kah muh nindaähpeetandahgoozese chepepeendegayunbun emuh newegewauming.
7Mesuh kuhya keënanindezoosewaun cheähpeetandahgoozeyaun chenaunzekoonaun; kekedoon suh atuh, me dush chenoojemooïnd nindooshkenegeem.
8Kuhya neen muh nindebandahgooz, kuhya nindoogemahkundahwaug enewh shemahgunishug, Mahjaun nindenah owh pazhik, mesuh dush azhemahjaud; menuhwah dush, Oondahshaun nindenah pazhik, mesuh dush azhe penaunzekahwid; kuhya Oo‐oo ezhechegan, nindenah nindooshkenegeem, me suh goo azhechegad.
9Uhpe dush Jesus kahnoondung oonoo, oogemahmahkahdanenemaun, kequakekahbahwid dush oo‐oo keënaud ahnishenahban, enewh nwahpenuhnegoojin, kedenenim suh, Kah nahnauzh ningemekunse oo‐oo menik dabwayanduhmoowin, kah kuhnuhga emuh Israeling.
10Uhpe dush egewh kahezhenahzhahoondjig kahtuhgwishenoowaud emuh wegewauming, oogemekahwahwaun enewh buhmeetahgun menoo‐bemahdezenid, enewh ahyahkoozenepun.
11Kepuhgummeähyahmahgud dush kahwahbunenig, keëzhaud emuh keche oodanaung Nain aduhming; nebewah dush ookekenooähmahgunun oogeweejewegoon, kuhya nebewah enewh ahnishenahban.
12Uhpe dush pashoo ishquandamewung ewh keche‐oodanah kahtuhgwishing, benuh, pazhig kahnebood enene kepesahgeje‐wenah, nezheka wagwissepuneen oogeen, keshegahwe dush owh equa; nebewah dush emuh oodanaung andahnejin ahnishenahban oogepemeweejewegoon.
13Uhpe dush owh Tabaningad wuhyahbuhmaud enewh equawun, oogeketemahganemaun, oo‐oo dush keënaud Kagoo muhwekan.
14Oogepetaungenaun ewh cheby‐oonegunahtik; egewh dush pameweenahjig kenookekahbahwewug. Oo‐oo dush keëkedoo, Washkenuhwaweyun, Puhsegween, kedenin.
15Owh dush naboopun kenuhmuhduhbe, kuhya kemahje‐kekedoo. Oogepuhgeduhnahmahwaun enewh oogene.
16Kesagezewug dush kuhkenuh: oogewahwezhanemahwaun edush enewh Kesha‐Muhnedoon, oo‐oo keëkedoowaud, Keche‐aunwahjega‐wenene kepuhsegwe emuh anduhzhe ahyahyung; Kuhya dush, owh Kesha‐Muhnedoo oogepemoowuddissaun enewh oodahnishenahbamun.
17Oo‐oo dush oodezhewabezewin kesuhswashkahmahgudene minzee emuh Judeäïng, kuhya dush egoo minzee enewh duhnuhkeewinun emuh kewetuhyeëe atagin.
18Owh dush John oogewahweendahmahgoon enewh ookekenooähmahgunun kuhkenuh oonoo uhyeëen.
19Uhpe dush owh John kahnundoomaud neezh enewh ookekenooähmahgunun, oogeëzhenahzhahwaun emuh ahyahnid Jesusun, oo‐oo dush keënaud, Keen nuh kedow owh wahpeëzhahgoobunan? gamuh kayahbe nuh bakahnezid ningahnundahwahbuhmahnaun?
20Uhpe dush kahpenaunzekahwahwaud egewh enenewug oo‐oo oogeënahwaun, John owh Baptizooëwa‐wenene ningepeëzhenahzhahoogoomin oo‐oo cheëgooyun, Keen nuh kedowh owh wahpeëzhahgoobunan? gamuh bakahnezid nuh nindahnundahwahbuhmahnaun?
21Ewh dush goo uhpe oogenoojemooäun nebewah ayahkoosenejin kuhya mahyahnahdahpenanejin, kuhya wamujje‐muhnedoomenejin, kuhya oogewahbeäun enewh kakeepeengwanejin.
22Jesus dush oogenuhquatuhwaun, oo‐oo keënaud, Mahjaug, ahweweenduhmahwik owh John oonoo kahnoonduhmagoon, kuhya kahwahbunduhmagoon; kakeepeengwajig suh wahbeähwug, egewh mamaunjekoosejig bemoosawug, wamegeejig peeneähwug, kuhya kakebeshajig noonduhmoog, naboojig ahbejebahahwug, kuhya katemahgezejig debahjemootahwahwug ewh minwahjemoowin.
23Shahwandahgooze suh owh kaöosittahwanemesegwan.
24Kahuhnemahjahnid oodooshkenegemun owh John, oogemahje‐guhnoonaun enewh mahyahmahwenoonejin kedebahjemaud enewh Johnun, Wagoonan kahahwewahbunduhmag emuh buhgwudduhkummig? ahsahgunushk nuh mamuhtahsing?
25Wagoonan nungwahnah kahahwe‐wahbunduhmag? Enene nuh nwahkoouhnuhyad? Benuh suh, egewh manoo-koonuhyajig kuhya manoo‐wesenejig ahyahwug emuh oowegewaumening keche‐oogemaun.
26Wagoonan nungwuhnah kahahwe‐wahbunduhmag? Aunwahjega‐wenene nuh? Menungakah kedenenim, keche ahwahshema ween enandahgooze, aunwahjega‐wenene dush ween apeetandahgoozid.
27Me muh wah‐owh oo‐oo anahjemind emuh kechetwah‐oozhebeëguning, Benuh, ningahezhenahzhahwah nemeezhenahwam ewh chenegaunid kaëneëzhahyun, me owh kezhah kawahwazhesetood kedezhahwinun anahsuhmuhbeyun.
28Kedenenim suh goo, anduhchewaud egewh equang kahoonje‐neegejig, kahween ahweyah ahwahshema ahpeetandahgoozese, apeetandahgoozid owh John Baptizooëwa‐wenene; owh dush ween kache‐noondaush ahpeetandahgoozid emuh oodoogemahwewining owh Kesha‐Muhnedoo ahwahshema ahpeetandahgooze dush ween owh.
29Kuhkenuh dush ogewh ahnishenahbag, uhpe kahnoonduhmoowaud, kuhya egewh mahwunjechega‐wenewug, oogewahwezhanemahwaun enewh Kesha‐Muhnedoon, John muh oobaptizooëwawin keëzhebaptizooweähwug.
30Egewh dush Phariseeg, kuhya egewh tebahkoonega‐wenenewug oogeähgoonwatahnahwah oodenahkoonegawin owh Kesha‐Muhnedoo, wenuhwah tebenuhwa keënahkoonegoowaud, kah muh oogebabtizooweëgoosewaun enewh.
31Keëkedoo dush owh Tabaningad, Ahneen kaëzheähwaügwah egewh enenewug noongoom bamahdezejig? ahneen dush azhenahgoozewaud?
32Ezheähyahwug suh debishkoo ahbenoojeyug namuhduhbejig emuh ahtaunde‐weguhmigoong, guhnoonindewaud dush, oo‐oo ekedoowaud, Kegenuhguhmootahgoom, kah dush kegenemeseem; ahnoo kuhya kegemuhwemegoom, kah dush kegemuhweseem.
33Kepeëzhah muh owh John Baptizooëwa‐wenene kah ween oogeäumwahseen buhquazhegun, kah kuhya oogemenequaseen shooweminahboo; oo‐oo dush kedekedoom, Ookekishkahwaun enewh mujje‐muhnedoon.
34Owh dush ween Enene Oogwissun peëzhaud wesenid kuhya menequad; oo‐oo dush kedekedoom, Benuh, nabahdezid enene, kuhya natuh‐menequad ewh shooweminahboo, waujekewaëmaud enewh mahwunjechega‐wenenewun kuhya majeëzhewabezenejin!
35Ewh suh nebwahkahwin oominwanemegoon kuhkenuh enewh oonejahnesun.
36Oogenundoomegoon dush pazhik Pharisee‐wenenewun, chewedoopuhmaud. Kepeendega dush emuh oowegewaumening enewh Pharisee‐wenenewun, kenuhmuhduhbe dush chewesenid.
37Benuh dush, pazhig equa emuh oodanaung kahmujje‐ezhewabezid, uhpe kekanemaud chewesenenid emuh oowegewaumening enewh Pharisee‐wenenewun, oogepetoon ewh alabaster mukkukoons ewh manoo‐mahgwuk noomenegun,
38Nebuhwid dush oosittahning oopikwunahning anuhkukayah kemuhwe, oogemahje‐geseähbahwahtoomahwaun enewh oosittahne enewh oosebeengooün, kuhya dush kekahsesittawaud oominnesissun keähyood, oogeöojeendahnun dush oosittahne, kuhya oogeähtahwaun ewh noomenegun.
39Uhpe dush wuhyahbunduhmenid enewh Pharisee‐wenenewun kahnundoomegoojin, keguhnoonindezoowun, oo‐oo keëkedoonid, Wah‐owh enene kishpin aunwahjega‐wenenewegoobun, oodahgekekandaun ewh azhewabezenid equawun tuhyaungenegoojin: mujje‐ezhewabezewun muh.
40Jesus dush oogenuhquatuhwaun, oo‐keënaud, Simon, gagoo keweënin. Ween dush keëkedoowun, Kakenooähmahgayun, mahnoo kekedoon.
41Pazhik ahweëwa‐wenene oogemuzzenuhahmahgoon neezh enenewun: naunwauk shooneäunsun oogemuzzenuhahmahgoon; menuhwah dush pazhig oogemuzzenuhahmahgoon nahnemeduhnuh shooneäunsun.
42Oogewabenuhmahwaun suh nuhyazh oomuzzeneëgunene, kah muhgagoo oogeähyaunsenahwah katebahahahmahgawaud. Weenduhmooweshin, ahwanan oogoo neezh kakeche‐sahgeäud enewh?
43Simon dush oogenuhquatuhwaun, oo‐oo keëkedood, Nindenandum suh, owh nebewah kahwabenuhmahwind. Oo‐oo dush oogeënaun, Quuhyuk suh kedenandum.
44Kequakequanetahwaud enewh equawun, oo‐oo dush oogeënaun enewh Simonun, Kewahbuhmah nuh wah‐owh equa? Ningepeendega emuh andahyun, kah dush kegemeezhese ewh nebe chekesebegesittayun; mahbuh dush ningekesebegesittanig enewh oosebeengooün ahyood, kuhya ningekahsittanik wenesisun ahyood.
45Kahween kegeöojeemese: wah‐owh dush equa kahahkoo‐peendegayaun kah wekah kepoonetoose oojeendung enewh nesittun.
46Kahween kegeseegenuhmahwese ewh noomenegun emuh nishtequauning: wah‐owh dush equa oogeseegenaun ewh noomenegun emuh nesittaung.
47Kedenin suh dush, Oomujjeëzhewabezewinun, buhyahteenudenegin, wabenuhmahwah; kekeche‐sahgeëwa muh; owh dush punge atuh kahwabenuhmahwind, punge atuh sahgeëwa;
48Oo‐oo dush oodenaun enewh equawun, Kewabenuhmahgoo kemujjeëzhewabezewinun.
49Egewh dush kahweedoopuhmahjig kemahje‐kekedoowug emuh oodaëwaung, Ahwananedoog mahbuh wuhyabenuhmahgad kuhya mujjeëzhewabezewinun?
50Oo‐oo dush oogeënaun enewh equawun, Kedabwayanduhmoowin kegebemahjeëgoon; mahjaun emuh pezaunewawining.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.