ST. LUKE 8
8
1Kepugguhmeähyahmahgud suh nahguj, kepuhbahmoosa emuh anduhching enewh keche‐oodanahwun kuhya enewh oodanaunsun, kepuhbahkuhgequad kuhya kepuhbahdebahdoodung ewh manootahgwuk oodoogemahwewine‐minwahjemoowin owh Kesha‐Muhnedoo; oogeweejewaun dush enewh metauswe‐ahshe‐neezh ookekenooähmahgunun.
2Ahnind dush equawug, kahnoojemooïndebuneeg keoomujje‐muhnedoomewahgoobun kuhya keähkoozewahgoobun, Mary Magdalene azhenekahzood, me suh owh neezhwahswe mujje‐muhnedoon kahsahgejenootahgood.
3Kuhya Joannah, wewun owh Chusa ooguhnuhwanjega‐wenenemun owh Herod, kuhya Susanna, kuhya nebewah ahnind, kahmeenahjig enewh ootebenuhwawezewinewaun.
4Uhpe nebewah ahnishenahbag kahmahwunjeëdewaud kuhya kepenaunzekahwahwaud, anduhching oodanahwun kepeöonjebahwaud, keähwajega:
5Pazhik ketega‐wenene kesahgahum chesuhswawabenung ewh menekaun: ewh dush kesuhswa‐wabenegad, ahnind kepungesinoon emuh mahyahwekunah; me dush ketuhkookahjegahdag, kuhya egewh penaseyug kezhigoong ayahjig oogepemoozhahgoondahnahwah.
6Kuhya ahnind oogedahbik kepungesinoon; uhpe dush kahsahgukeeg, keneboodawun, kah muh kenebewuh-kummegahsenoon.
7Ahnind dush magwa‐menasuhgahwunzhekaug kepungesinoon; egewh menasuhgahwunzheeg ketuhgoo‐mahjegewug, oogeähnegeendahnahwah dush.
8Ahnind dush emuh wanesheshing uhkeeng kepungesinoon, kemahjegin, kuhya kemeenewun ningoodwauk duhching menik. Uhpe dush oonoo kahekedood, kepepahge, Ahwagwan suh watuhwugahgwan chebezindung, mahnoo tahbezindum.
9Oogeguhgwajemegoon dush enewh ookenooähmahgunun, oo‐oo dush keëgood, Ahneen azhenesittotahgwuk maunduh ahwajegun?
10Oo‐oo dush oogeënaun, Kenuhwah suh kemeenegoom chekekanduhmag enewh kahmoodukin emuh oodoogemahwewining owh Kesha‐Muhnedoo: bakahnezejig dush ween emuh ahwajeguning; ewh ahnoo wahbewaud chewahbesigwah, kuhya ahnoo noonduhmoowaud chenesittootunsigwah.
11Benuh suh, ewh ahwajegun oo‐oo ezhesin: Ewh menekaun me ewh oodekedoowin owh Kesha‐Muhnedoo.
12Oonoo dush mahyahwekunah kahpungesingin, mesuh egewh nwaundungig, petuhgwishin dush owh mujje‐muhnedoo, muhkummaud dush ewh ekedoowin oonje oodaëning, chedabwayanduhsenid kuhya chebemahdezesenid.
13Oonoo dush oogedahbik kahpungesingin me suh egewh nwaundungig, emuh moojegezewining ezheöodahpenuhmoowaud ewh ekedoowin; oogoo dush kahween oojeebekahwesewug, ahjenah dabwatuhmoog, uhpe dush enewh kuhgwajeëdewinun wadesegoowaud, me suh azheähzhasawaud.
14Ewh edush magwa menasahgahwunzhekaug kahpungesingin mesuh egewh uhpe kahnoonduhmoowaud, suhyahguhungig, oonduhmeëgoowaud enewh oonzaumanduh-duhmoowinun kuhya kechetwahwezewinun kuhya maunduh bemahdezewine‐oonahnegoozewinun, kah dush wawane tamenewesewug.
15Ewh dush kahpungesing emuh wanesheshing uhkeeng, mesuh egewh uhpe kahnoonduhmoowaud ewh ekedoowin emuh quuhyukwuk kuhya wanesheshing oodaëmaung, ewh guhnuhwanduhmoowaud, kuhya meenewewaud emuh minwahdanemoowining.
16Kahween ahweyah uhpe kahsuhkuhung wahsahkoonanjegun, ookahdunseen emuh ahnahme‐oonahguning, gamuh ahnahme‐nebahguning, emuh suh wahsuhkoonanjegun‐ahbikoong oodahtoon, kuhkenuh egewh paundegajig cheöonjewahbunduhmoowaud ewh wahsayahzewin.
17Kah muh gagoo kahjegahdasenoon, mesuh atuh kamezheshuhwechegahdag; kah kuhya gagoo emuh kemoodezining ahchegahdasenoon, me atuh emuh wahsayahzewining cheähtag.
18Nahnahguhdahwanduhmook ewh azhenoonduhmag: ahwagwah muh ayahmoogwan, tahmeenah; ahwagwan dush ayaunsegwan, tahmuhkummah ewh uhyenanemind cheähyaung.
19Kepeëzhahwun oogeen kuhya wejekewaün, kah dush kekushketoosewun chepenaunzekahgood, apeech bahtuhyeënid enewh ahnishenahban.
20Kewahweenduhmahwah dush, oo‐oo keëgood enewh ahnishenahban, Benuh, kenunduhwahbuhmegoog keguh kuhya egewh kejekewaüg ahgwahjeeng nebahwewaud.
21Ween dush oogenuhquatuhwaun oo‐oo keënaud, Egewh nwaundungig kuhya mahkindungig oodekedoowin owh Kesha‐Muhnedoo, mesuh oogoo ninguh kuhya nejekewaüg.
22Kepuhgummeähyahmahgud suh goo goomuhpe kezheguk, kepooze emuh nahbequauning kuhya ookekenooähmahgunun: oo‐oo dush oogeënaun, Umba ahgahming ezhetuhkummahoodah. Medush keühnekaundenegawaud.
23Magwah dush pemahshewaud kenebah owh Jesus; kepuhgummahnemudene dush, kekeche‐nootinenig emuh kechegummeeng; kemooshkenabewug, kekeche‐nuhneezah-nezewug dush.
24Kepenaunzekahwahwaud oogeähmuddenahwaun, oo‐oo keënahwaud, Wagemahweyun, wagemahweyun neneboomin gooshah. Ween dush keöonishkah, oogenuhneebekindaun ewh noodin kuhya ewh kechegummee kache‐maungaushkaug: kepoonahnemud edush, kuhya keäunwahtin.
25Oo‐oo dush oogeënaun, Ahneende kedabwayanduhmoowinewah? Sagezewaud dush kekeche‐mahmahkahdanduhmoog, oo‐oo dush kekeche‐guhnoonendewug, Ahwananedoog wah‐owh! ookuhgaunzoondaun muh ewh nootin kuhya ewh nebee, oobezindahgoon edush.
26Kepuhgummahshewug dush emuh ooduhkeemewaung egewh Gadareneüg emuh ahgahming Galilee duhzhe uhkee.
27Kahpekuhbaud edush, oogepenuhquaskahgoon pazhik enewh enenewun oodanaung wanjebahnejin wamujje‐muhnedoomenejin, maweshah akoo‐ezhewabezenid, kuhya pingwahshahgedenid, emuh wegewauming dahsenid, me atuh emuh chebaguhmigoong.
28Uhpe dush wuhyahbuhmaud enewh Jesusun, kekeche‐ahyahshequa, keähpuggezoo dush emuh oosittahning, keche‐anegook kekekedoo, oo‐oo keëkedood, Ahneen kadoodahdeyung Jesus wagwissemik owh Kache‐ishpandahgoozid Kesha‐Muhnedoo? Kepahgoosanemin chekooduggeësewun.
29(Oo‐oo mahween oogeënaun enewh wahnezenejin muhnedoon, Pesahgezekow owh enene, Nuhningim muh oogeöodahpenaun: ahnoo dush keminjemahpechegahzoo pewahbikoo‐minjemahpechegunun kuhya tuhkoobejegunun oonje oogepegoobetoonun enewh, keëzhewenegood dush enewh mujje‐muhnedoon emuh buhgwuhduhkummegaung.)
30Jesus dush oogeguhgwajemaun oo‐oo keëkedood, Ahneen azhenekahzooyun? oo‐oo dush keëkedoowun, Legion suh nindezhenekauz: nebewah muh mujje‐muhnedoog oogepeenjenahwashkahwahwaun enewh enenewun.
31Oogepahgoosanemahwaun dush enewh Jesusun cheëzhenahzhahoosewindwah emuh ahnaumahkummig.
32Keähyahwug dush nebewah kookooshug emuh wahjewing anduhzhe‐wesenewaud: oogepahgoosanemahwaun chepuggedenuhmahgoowaud chepeenjenahwashkah-wahwaud enewh kookooshun; oogepuggedenahmahwaun dush.
33Egewh dush mujje‐muhnedoog kahsahgezekahwahwaud enewh enenewun, oogepeenjenahwashkahwahwaun enewh kookooshun; egewh dush kookooshug kekuhkujjewabuhedewug emuh kechegummeeng, me dush kebwuhnaumahbawahwaud.
34Egewh dush ashummahwahpun uhpe wuhyahbunduhmoowaud e‐ewh kahezhewabuk, keöozhemoowug, kuhya keähwedebahjemoowug emuh keche‐oodanaung kuhya emuh duhnuhkewining.
35Kepesahgahuhmoog chewahbunduhmoowaud e‐ewh kahezhewabuk; kehpenaunzekahwahwaud enewh Jesusun, oogemekahwahwaun enewh enenewun kahsahgejenootahgood mujje‐muhnedoon, nuhmuhduhbenid emuh oosittahning enewh Jesusun, pesekoonuhyanid, kuhya nebwahkahnid: kesagezewug dush.
36Oogeweenduhmahgoowaun dush enewh kahwahbunjeganejin e‐ewh kahezhenoojemooïnd owh kakishkahwahpun enewh mujje‐muhnedoon.
37Kuhkenuh dush egewh anduhnuhkeejig emuh anegookwaug ooduhkeemewah egewh Gadareneüg, oogepahgoosanemahwaun enewh Jesusun chemahjahnid oonje anduhzhe‐ahyahwaud; kekeche‐sagezewug muh: uhpe dush kahpoozid emuh nahbequauning, kekewa.
38Owh dush enene kahpesahgejenootahgood enewh mujje‐muhnedoon oogepahgoosanemaun enewh Jesusun cheweejewaud: Jesus dush oogemahjenahzhahwaun, oo‐oo keëkedood,
39Ezhekewan emuh kewegewauming, kuhya debahdoodun enewh keche‐uhyeëen kahdoodook owh Kesha‐Muhnedoo. Kemahjah dush, emuh anegookwauk ewh oodanah kedebahdoodung enewh keehe‐uhyeëen kahdoodahgood enewh Jesusun.
40Kepuhgummeähyah dush, uhpe kahpiskahbid owh Jesus, oogemenooöodahpenegoon enewh ahnishenahban: kuhkenuh muh oogepeëgoon.
41Benuh dush kepeëzhah pazhig enene, Jairus azhenekahzood, kahoogemahkundung ahnuhmeä‐weguhmig: keähpuggezoo dush emuh oosittahning enewh Jesusun, kuhya dush kepahgoosanemaud chepeëzhahnid emuh oowegewauming.
42Kepazhikoowun muh‐atuh oodahnun, koonemah metahswe‐ahshe‐neezhoo‐pepoon‐uhgezegoobun, gagah dush keïshquah bemahdezenegoobun. Uhnemahjaud dush oogesinsekahgoon enewh ahnishenahban.
43Pazhik dush equa masqueewahpenad metahswe‐ahshe neezhoo‐kekenoonoowinun, kahbahnahjetood kuhkenuh ootebenuhwawezewinun ketebahahmahwaud enewh mushkeke‐wenenewun, kah dush kuhnuhga oogenoojemooëgooseen enewh.
44Kepeëzhaud emuh oopikwunahning enewh Jesusun ketaungenuhmahwaud dush tatebegwahdanig ewh oopesekoowahgun: kazhetena dush kepangoo‐ahyahne ewh kahoonjejewunenig oomisqueem.
45Jesus dush keëkedoo, Ahwanan owh kataungenid? Uhpe dush kuhkenuh kahahgoonwatuhmenid, oo‐oo oogeegoon enewh Peterun kuhya enewh wahjewegoojin, Nindoogemaum, kesinsekahgoog egewh waqueenoojig, kedekid dush, Ahwanan kahtaungenid?
46Jesus dush oo‐oo oogeënaun, Ahweyah suh goo ningetaungenik: nekekandaun muh mushkahwezewin emuh neyowing keöonjemahjahmahguk.
47Owh dush equa kahwahbundung chekekanemind, kepeëzhah nuhningishkaud, kuhya keöojecheengwuhnetuhwaud, kedebahjemoo dush emuh enahsuhmenid kuhkenuh enewh ahnishenahban, ewh kahoonje‐taungenaud, kuhya kazhetena kenoojemooïnd.
48Oo‐oo dush oogeënaun, Soongedaän nindahnis, kedabwayanduhmoowin kegebemahjeëgoon; emuh pezaunewawining ezhemahjaun.
49Magwah dush kayahbe kekedood, peëzhahwun pazhik kahbeöonjebahnid emuh andaud owh wagemahkundung ewh ahnuhmeä‐weguhmig, oo‐oo dush keëgood, Ahzhe keneboo kedahnis; kagoo oodummeähkan owh kakenooahmahgad.
50Uhpe dush Jesus kahnoondung oogenuhquatuhwaun, oo‐oo keëkedood, Kagoo sagezekan: dabwayandun atuh, tahnoojemooäh dush.
51Uhpe dush kahpeendegad emuh wegewauming, kahween ahweyah oogepeendeguhnahseen, me atuh Peterun kuhya Johnun kuhya Jamesun, kuhya enewh oosun kuhya enewh oogeen owh kegaungooqua.
52Kuhkenuh dush kemuhwewug kuhya kepuhkittaëdezoowug equazansun oonje, keëkedoo dush ween, Kagoo muhwekagoon; kahween neboose, nebah suh goo.
53Oogekaunjbahpeähwaun, kekekanemahwaud kagate neboonid.
54Uhpe dush kahsahgeje‐nahzha hwaud kuhkenuh, ketaungenahmahwaud ooneenjene, oogepepahgemaun dush oo‐oo keëkedood, Aquazanseweyun, oonishkaun.
55Medush kepiskahbenid enewh oojechaugwun, bahbega dush kepuhsegwewun; keëkedoo dush cheähshummemind.
56Kemahmahkahdahduhmoon dush ooketezemun owh equazans; oogeäungwahmemaun dush ahweyah enenewun cheweendnhmoowahsenid ewh kahezhechegad.
Currently Selected:
ST. LUKE 8: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 8
8
1Kepugguhmeähyahmahgud suh nahguj, kepuhbahmoosa emuh anduhching enewh keche‐oodanahwun kuhya enewh oodanaunsun, kepuhbahkuhgequad kuhya kepuhbahdebahdoodung ewh manootahgwuk oodoogemahwewine‐minwahjemoowin owh Kesha‐Muhnedoo; oogeweejewaun dush enewh metauswe‐ahshe‐neezh ookekenooähmahgunun.
2Ahnind dush equawug, kahnoojemooïndebuneeg keoomujje‐muhnedoomewahgoobun kuhya keähkoozewahgoobun, Mary Magdalene azhenekahzood, me suh owh neezhwahswe mujje‐muhnedoon kahsahgejenootahgood.
3Kuhya Joannah, wewun owh Chusa ooguhnuhwanjega‐wenenemun owh Herod, kuhya Susanna, kuhya nebewah ahnind, kahmeenahjig enewh ootebenuhwawezewinewaun.
4Uhpe nebewah ahnishenahbag kahmahwunjeëdewaud kuhya kepenaunzekahwahwaud, anduhching oodanahwun kepeöonjebahwaud, keähwajega:
5Pazhik ketega‐wenene kesahgahum chesuhswawabenung ewh menekaun: ewh dush kesuhswa‐wabenegad, ahnind kepungesinoon emuh mahyahwekunah; me dush ketuhkookahjegahdag, kuhya egewh penaseyug kezhigoong ayahjig oogepemoozhahgoondahnahwah.
6Kuhya ahnind oogedahbik kepungesinoon; uhpe dush kahsahgukeeg, keneboodawun, kah muh kenebewuh-kummegahsenoon.
7Ahnind dush magwa‐menasuhgahwunzhekaug kepungesinoon; egewh menasuhgahwunzheeg ketuhgoo‐mahjegewug, oogeähnegeendahnahwah dush.
8Ahnind dush emuh wanesheshing uhkeeng kepungesinoon, kemahjegin, kuhya kemeenewun ningoodwauk duhching menik. Uhpe dush oonoo kahekedood, kepepahge, Ahwagwan suh watuhwugahgwan chebezindung, mahnoo tahbezindum.
9Oogeguhgwajemegoon dush enewh ookenooähmahgunun, oo‐oo dush keëgood, Ahneen azhenesittotahgwuk maunduh ahwajegun?
10Oo‐oo dush oogeënaun, Kenuhwah suh kemeenegoom chekekanduhmag enewh kahmoodukin emuh oodoogemahwewining owh Kesha‐Muhnedoo: bakahnezejig dush ween emuh ahwajeguning; ewh ahnoo wahbewaud chewahbesigwah, kuhya ahnoo noonduhmoowaud chenesittootunsigwah.
11Benuh suh, ewh ahwajegun oo‐oo ezhesin: Ewh menekaun me ewh oodekedoowin owh Kesha‐Muhnedoo.
12Oonoo dush mahyahwekunah kahpungesingin, mesuh egewh nwaundungig, petuhgwishin dush owh mujje‐muhnedoo, muhkummaud dush ewh ekedoowin oonje oodaëning, chedabwayanduhsenid kuhya chebemahdezesenid.
13Oonoo dush oogedahbik kahpungesingin me suh egewh nwaundungig, emuh moojegezewining ezheöodahpenuhmoowaud ewh ekedoowin; oogoo dush kahween oojeebekahwesewug, ahjenah dabwatuhmoog, uhpe dush enewh kuhgwajeëdewinun wadesegoowaud, me suh azheähzhasawaud.
14Ewh edush magwa menasahgahwunzhekaug kahpungesingin mesuh egewh uhpe kahnoonduhmoowaud, suhyahguhungig, oonduhmeëgoowaud enewh oonzaumanduh-duhmoowinun kuhya kechetwahwezewinun kuhya maunduh bemahdezewine‐oonahnegoozewinun, kah dush wawane tamenewesewug.
15Ewh dush kahpungesing emuh wanesheshing uhkeeng, mesuh egewh uhpe kahnoonduhmoowaud ewh ekedoowin emuh quuhyukwuk kuhya wanesheshing oodaëmaung, ewh guhnuhwanduhmoowaud, kuhya meenewewaud emuh minwahdanemoowining.
16Kahween ahweyah uhpe kahsuhkuhung wahsahkoonanjegun, ookahdunseen emuh ahnahme‐oonahguning, gamuh ahnahme‐nebahguning, emuh suh wahsuhkoonanjegun‐ahbikoong oodahtoon, kuhkenuh egewh paundegajig cheöonjewahbunduhmoowaud ewh wahsayahzewin.
17Kah muh gagoo kahjegahdasenoon, mesuh atuh kamezheshuhwechegahdag; kah kuhya gagoo emuh kemoodezining ahchegahdasenoon, me atuh emuh wahsayahzewining cheähtag.
18Nahnahguhdahwanduhmook ewh azhenoonduhmag: ahwagwah muh ayahmoogwan, tahmeenah; ahwagwan dush ayaunsegwan, tahmuhkummah ewh uhyenanemind cheähyaung.
19Kepeëzhahwun oogeen kuhya wejekewaün, kah dush kekushketoosewun chepenaunzekahgood, apeech bahtuhyeënid enewh ahnishenahban.
20Kewahweenduhmahwah dush, oo‐oo keëgood enewh ahnishenahban, Benuh, kenunduhwahbuhmegoog keguh kuhya egewh kejekewaüg ahgwahjeeng nebahwewaud.
21Ween dush oogenuhquatuhwaun oo‐oo keënaud, Egewh nwaundungig kuhya mahkindungig oodekedoowin owh Kesha‐Muhnedoo, mesuh oogoo ninguh kuhya nejekewaüg.
22Kepuhgummeähyahmahgud suh goo goomuhpe kezheguk, kepooze emuh nahbequauning kuhya ookekenooähmahgunun: oo‐oo dush oogeënaun, Umba ahgahming ezhetuhkummahoodah. Medush keühnekaundenegawaud.
23Magwah dush pemahshewaud kenebah owh Jesus; kepuhgummahnemudene dush, kekeche‐nootinenig emuh kechegummeeng; kemooshkenabewug, kekeche‐nuhneezah-nezewug dush.
24Kepenaunzekahwahwaud oogeähmuddenahwaun, oo‐oo keënahwaud, Wagemahweyun, wagemahweyun neneboomin gooshah. Ween dush keöonishkah, oogenuhneebekindaun ewh noodin kuhya ewh kechegummee kache‐maungaushkaug: kepoonahnemud edush, kuhya keäunwahtin.
25Oo‐oo dush oogeënaun, Ahneende kedabwayanduhmoowinewah? Sagezewaud dush kekeche‐mahmahkahdanduhmoog, oo‐oo dush kekeche‐guhnoonendewug, Ahwananedoog wah‐owh! ookuhgaunzoondaun muh ewh nootin kuhya ewh nebee, oobezindahgoon edush.
26Kepuhgummahshewug dush emuh ooduhkeemewaung egewh Gadareneüg emuh ahgahming Galilee duhzhe uhkee.
27Kahpekuhbaud edush, oogepenuhquaskahgoon pazhik enewh enenewun oodanaung wanjebahnejin wamujje‐muhnedoomenejin, maweshah akoo‐ezhewabezenid, kuhya pingwahshahgedenid, emuh wegewauming dahsenid, me atuh emuh chebaguhmigoong.
28Uhpe dush wuhyahbuhmaud enewh Jesusun, kekeche‐ahyahshequa, keähpuggezoo dush emuh oosittahning, keche‐anegook kekekedoo, oo‐oo keëkedood, Ahneen kadoodahdeyung Jesus wagwissemik owh Kache‐ishpandahgoozid Kesha‐Muhnedoo? Kepahgoosanemin chekooduggeësewun.
29(Oo‐oo mahween oogeënaun enewh wahnezenejin muhnedoon, Pesahgezekow owh enene, Nuhningim muh oogeöodahpenaun: ahnoo dush keminjemahpechegahzoo pewahbikoo‐minjemahpechegunun kuhya tuhkoobejegunun oonje oogepegoobetoonun enewh, keëzhewenegood dush enewh mujje‐muhnedoon emuh buhgwuhduhkummegaung.)
30Jesus dush oogeguhgwajemaun oo‐oo keëkedood, Ahneen azhenekahzooyun? oo‐oo dush keëkedoowun, Legion suh nindezhenekauz: nebewah muh mujje‐muhnedoog oogepeenjenahwashkahwahwaun enewh enenewun.
31Oogepahgoosanemahwaun dush enewh Jesusun cheëzhenahzhahoosewindwah emuh ahnaumahkummig.
32Keähyahwug dush nebewah kookooshug emuh wahjewing anduhzhe‐wesenewaud: oogepahgoosanemahwaun chepuggedenuhmahgoowaud chepeenjenahwashkah-wahwaud enewh kookooshun; oogepuggedenahmahwaun dush.
33Egewh dush mujje‐muhnedoog kahsahgezekahwahwaud enewh enenewun, oogepeenjenahwashkahwahwaun enewh kookooshun; egewh dush kookooshug kekuhkujjewabuhedewug emuh kechegummeeng, me dush kebwuhnaumahbawahwaud.
34Egewh dush ashummahwahpun uhpe wuhyahbunduhmoowaud e‐ewh kahezhewabuk, keöozhemoowug, kuhya keähwedebahjemoowug emuh keche‐oodanaung kuhya emuh duhnuhkewining.
35Kepesahgahuhmoog chewahbunduhmoowaud e‐ewh kahezhewabuk; kehpenaunzekahwahwaud enewh Jesusun, oogemekahwahwaun enewh enenewun kahsahgejenootahgood mujje‐muhnedoon, nuhmuhduhbenid emuh oosittahning enewh Jesusun, pesekoonuhyanid, kuhya nebwahkahnid: kesagezewug dush.
36Oogeweenduhmahgoowaun dush enewh kahwahbunjeganejin e‐ewh kahezhenoojemooïnd owh kakishkahwahpun enewh mujje‐muhnedoon.
37Kuhkenuh dush egewh anduhnuhkeejig emuh anegookwaug ooduhkeemewah egewh Gadareneüg, oogepahgoosanemahwaun enewh Jesusun chemahjahnid oonje anduhzhe‐ahyahwaud; kekeche‐sagezewug muh: uhpe dush kahpoozid emuh nahbequauning, kekewa.
38Owh dush enene kahpesahgejenootahgood enewh mujje‐muhnedoon oogepahgoosanemaun enewh Jesusun cheweejewaud: Jesus dush oogemahjenahzhahwaun, oo‐oo keëkedood,
39Ezhekewan emuh kewegewauming, kuhya debahdoodun enewh keche‐uhyeëen kahdoodook owh Kesha‐Muhnedoo. Kemahjah dush, emuh anegookwauk ewh oodanah kedebahdoodung enewh keehe‐uhyeëen kahdoodahgood enewh Jesusun.
40Kepuhgummeähyah dush, uhpe kahpiskahbid owh Jesus, oogemenooöodahpenegoon enewh ahnishenahban: kuhkenuh muh oogepeëgoon.
41Benuh dush kepeëzhah pazhig enene, Jairus azhenekahzood, kahoogemahkundung ahnuhmeä‐weguhmig: keähpuggezoo dush emuh oosittahning enewh Jesusun, kuhya dush kepahgoosanemaud chepeëzhahnid emuh oowegewauming.
42Kepazhikoowun muh‐atuh oodahnun, koonemah metahswe‐ahshe‐neezhoo‐pepoon‐uhgezegoobun, gagah dush keïshquah bemahdezenegoobun. Uhnemahjaud dush oogesinsekahgoon enewh ahnishenahban.
43Pazhik dush equa masqueewahpenad metahswe‐ahshe neezhoo‐kekenoonoowinun, kahbahnahjetood kuhkenuh ootebenuhwawezewinun ketebahahmahwaud enewh mushkeke‐wenenewun, kah dush kuhnuhga oogenoojemooëgooseen enewh.
44Kepeëzhaud emuh oopikwunahning enewh Jesusun ketaungenuhmahwaud dush tatebegwahdanig ewh oopesekoowahgun: kazhetena dush kepangoo‐ahyahne ewh kahoonjejewunenig oomisqueem.
45Jesus dush keëkedoo, Ahwanan owh kataungenid? Uhpe dush kuhkenuh kahahgoonwatuhmenid, oo‐oo oogeegoon enewh Peterun kuhya enewh wahjewegoojin, Nindoogemaum, kesinsekahgoog egewh waqueenoojig, kedekid dush, Ahwanan kahtaungenid?
46Jesus dush oo‐oo oogeënaun, Ahweyah suh goo ningetaungenik: nekekandaun muh mushkahwezewin emuh neyowing keöonjemahjahmahguk.
47Owh dush equa kahwahbundung chekekanemind, kepeëzhah nuhningishkaud, kuhya keöojecheengwuhnetuhwaud, kedebahjemoo dush emuh enahsuhmenid kuhkenuh enewh ahnishenahban, ewh kahoonje‐taungenaud, kuhya kazhetena kenoojemooïnd.
48Oo‐oo dush oogeënaun, Soongedaän nindahnis, kedabwayanduhmoowin kegebemahjeëgoon; emuh pezaunewawining ezhemahjaun.
49Magwah dush kayahbe kekedood, peëzhahwun pazhik kahbeöonjebahnid emuh andaud owh wagemahkundung ewh ahnuhmeä‐weguhmig, oo‐oo dush keëgood, Ahzhe keneboo kedahnis; kagoo oodummeähkan owh kakenooahmahgad.
50Uhpe dush Jesus kahnoondung oogenuhquatuhwaun, oo‐oo keëkedood, Kagoo sagezekan: dabwayandun atuh, tahnoojemooäh dush.
51Uhpe dush kahpeendegad emuh wegewauming, kahween ahweyah oogepeendeguhnahseen, me atuh Peterun kuhya Johnun kuhya Jamesun, kuhya enewh oosun kuhya enewh oogeen owh kegaungooqua.
52Kuhkenuh dush kemuhwewug kuhya kepuhkittaëdezoowug equazansun oonje, keëkedoo dush ween, Kagoo muhwekagoon; kahween neboose, nebah suh goo.
53Oogekaunjbahpeähwaun, kekekanemahwaud kagate neboonid.
54Uhpe dush kahsahgeje‐nahzha hwaud kuhkenuh, ketaungenahmahwaud ooneenjene, oogepepahgemaun dush oo‐oo keëkedood, Aquazanseweyun, oonishkaun.
55Medush kepiskahbenid enewh oojechaugwun, bahbega dush kepuhsegwewun; keëkedoo dush cheähshummemind.
56Kemahmahkahdahduhmoon dush ooketezemun owh equazans; oogeäungwahmemaun dush ahweyah enenewun cheweendnhmoowahsenid ewh kahezhechegad.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.