ST. LUKE 9
9
1Uhpe dush kahmahwunzoomaud enewh metahswe‐ahshe‐neezh kekenooähmahgunun, oogemeenaun kushkeawezewin chesahgeje‐wabenahnid kuhkenuh enewh mujje‐muhnedoon, kuhya chenoojemooähnid ahnooj anahpenanejin ahyahkoosenejin.
2Oogemahjenahzhahwaun dush chedebahdooduhmenid ewh oodoogemahwewin owh Kesha‐Muhnedoo, kuhya chenoojemooähnid enewh ahyahkoosenejin.
3Oo‐oo dush oogeënaun, Kagoo ween oodahpenunkagoon gagoo kaähyooyag emuh meekunaung, kahween suhkuhoowinun, kah kuhya ewh nuhwuhpoowine‐mushkemood, kah kuhya buhquazhegun, kah kuhya shooneyah, kah kuhya kegahahyaunsenahwaun naneezh puhpeesuhkoowahgunun.
4Tebe dush kepeendegawagwan wegewauming, dahyook emuh kuhya suhsahguhuhmoog.
5Anduhchewahgwan dush egewh kaöodahpenesenoonagoog, uhpe uhnenuhguhduhmag ewh oodanah, pahpahwesittaneyook ewh weyuggussa chedebahjemindwah ewh azhewabezewaud.
6Uhpe dush kahmahjahwaud, kepahbahezhahwug emuh oodanaung, pahbahdebahdooduhmoowaud ewh minwahjemoowin kuhya minzeewa kepahbahnoojemooëwawaud.
7Owh dush Herod tetrarch oogenoondaunun kuhkenuh enewh azhecheganid; magwah dush oogenahnahgahdahwandaun e‐ewh kahegood ahnind oo‐oo keëkedoonid, Mesuh wah‐owh John ahyahbejebaud.
8Ahnind dush, Ketuhgwishin owh Elias; ahnind dush keëkedoowun, Pazhik kata aunwahjega‐wenene keöonishkah.
9Herod dush oo‐oo keëkedoo, Ningekishkegwaöomah owh John; ahwanan dush mahbuh, nwaunduhmoowug oonoo ahnookeewinun? oogenundahkekanemaun dush.
10Kahpiskahbewaud egewh ahpostleüg oogeweenduhmahwahwaun ewh kahezhechegawaud. Oogeöodahpenaun dush, kuhya puhkayeëe oogeëzheweenaun emuh buhgwuhduhkummig, chegeöodanah Bethsaida kahezehenekahdag.
11Egewh dush ahnishenahbag, uhpe kakanemahwaud, oogenoopenuhnahwaun: oogeöodahpenaun dush, kuhya oogedebahjemootahwaun ewh anandahgwuk oodoogemahwewin owh Kesha‐Muhnedoo, kuhya oogenoojemooäun enewh wahnoojemooëgoozenejin.
12Uhpe dush kahoonahgooshenig, oogepenaunzekahgoon enewh metahswe‐ahshe‐neezh oo‐oo dush keëgood, Mahjenauzhahwe egewh ahnishenahbag, cheöonjepahbahezhahwaud emuh oodanaunsing kuhya kewetuheëe duhnuhkeewining atagin chekuhbashewaud kuhya cheähyahmoowaud ewh meejim; puhgwuhduhkummegah suh oomuh anduhzhe‐ahyahyung.
13Oo‐oo oögeënaun, Kenuhwah ahshummik. Oo‐oo dush oogeëgoon enewh, Kahween gagoo nindahyaunsemin, me atuh naunun buhqnazhegunug, kuhya neezh gegooyug: kishpin atuh ahwekishpenuhtooyaungoobun meejim cheöonjewesenewaud kuhkenuh oogoo ahnishenahbag.
14Koonemah nahnun metauswauk duhchegwahpun egewh enenewug. Oo‐oo dush oogeënaun enewh ookekenooähmahgunun, Nuhmuhduhbeïk chenebenabewaud chenanahnemeduhnuhwawaud.
15Mesuh kahezhechegawaud, kahnuhmuhduhbeähwaud dush.
16Kahoodahpenaud dush enewh nahnun buhquazhegunun, kuhya neezh gegooyun, keënahbe kezhegoong enuhkuhkayah, kemahmooyahwa, kuhya dush oogebuhquabenaun, oogeënenuhmoowaun dush enewh kekenooähmahgunun chemeenahnid enewh ahnishenahban.
17Kewesenewug dush, kuhya kuhkenuh ketabesenewug: kesuggukkenegahdawan enewh ishquunjegunun, metahswe‐ahshe‐neazh kookoobenahgunun kemooshkenawun.
18Kepuhgummeähyah dush, magwah kenezheka‐ahnuhmeäud, oogeweejewegoon enewh ookenooähmahgunun, oogeguhgwajemaun dush, oo‐oo keëkedood, Ahneen ezhewaud egewh ahnishenahbag ewh neen ahweyaun?
19Oogenuhquatuhwahwaun dush oo‐oo keënahwaud, John owh Baptizooëwa‐wenene; ahnind dush, Elias; kuhya ahnind, Pazhik egewh kata aunwahjega‐wenenewug keähbejebah.
20Oo‐oo dush oogeënaun, Kenuhwah dush, Ahwanan azheyag ahyahweyaun? Peter dush kenuhquatum, oo‐oo keënaud, Oo‐Christemun owh Kesha‐Muhnedoo.
21Oogeäuugwahmemaun dush, keëkedood chedebahjemootahwahsenid ahweyah oo‐oo uhyeëe;
22Oo‐oo keëkedood, Nundahwandahgooze suh owh Enene Oogwissun nebewah chekootuggandung, cheähgoonwayanemegood dush enewh katezenejin, kuhya enewh keche‐sahsahgewejega‐wenenewun, kuhya oozhebeëga‐wenenewun, kuhya chenesind, kuhya nesoogoonuhgudenig cheähbejebaud.
23Oo‐oo dush oogeënann kuhkenuh, Kishpin ahweyah wenoopenuhzhid, mahnoo tahahgoonwayanindezoo, oogahoodahpenaun dush oodahzhedayahtikoom anduhsoo‐kezhegudenig, nigahnoopenuhnik dush.
24Ahwagwan muh kawebemahjetoogwan oobemahdezewin oogahwuhnahjetoon suh: ahwagwan dush kawuhnahjetoogwan oobemahdezewin neen oonje, mesuh owh kabemahjetood.
25Ahneen dush kaöondezid enene, ahnoo kushketood kuhkenuh anegookookummegaug ewh uhkee, kishpin nishwahnahdezid gamuh wabenegahzood?
26Ahwagwan muh kaähguddanemegwan kuhya enewh nindekedoowinun, mesuh enewh kaähguddanemahjin owh Enene Oogwissun, uhpe petuhgwishing emuh tebenuhwa oopeshegandahgoozewining kuhya oopeshegandahgoozewining owh Wayoosemind kuhya oopezhegandahgoozewinewaung egewh kachetwahwezejig angenug.
27Kagate kedenenim, Ahnind ahyahwug oomuh nahbahwejig kataungunduhsegoog ewh neboowin, bahmah atuh kewahbunduhmoowaud ewh oodoogemahwewin owh Kesha‐Muhnedoo.
28Kepuhgummeähyah dush uhpe kahishquah‐kekedood oonoo ekedoowinun kuhnuhbuj neshwausoogoonuhgudenig, oogeöodahpenaun enewh Peterun kuhya enewh Johnun kuhya enewh Jamesun, keähmujjewad emuh wahjewing cheähnuhmeäud.
29Kepuhgummeähyah dush magwah ahnuhmeäud kequakezhenahgwudene oodagwy kuhya oodahwewin kewahbishkahne kuhya kewahsashkahne.
30Benuh dush, oogepeguhnoonegoon enewh neezh enenewun, mesuh Moses kuhya Elias.
31Kepeshegandahwudene oodezhenahgoozewinewah, kuhya dush oogeduhzhindahnahwah ewh ooneboowin, ewh katebishkoosetood emuh Jerusaleming.
32Peter dush kuhya ooweejekewaëmun kepeengooshewug: magwah dush kenebahsigwah oogewahbundahnahwah Jesus oopeshegandahgoozewin kuhya neezh enewh enenewun waujekahbahwetahgoonejin.
33Kepuhgummeähyah dush, Jesus magwahnuhguhnegood enewh enenewun, oo‐oo oogeëgoon enewh Peterun, Nindoogemaum keche oonesheshin oomuh ahyahyung: ningahoozhetoonahnin neswe wegewaumun; pazhik keen chedahyun, Moses dush pazhik, kuhya Elias pazhik; kah muh oogekekanduhseen ewh kahekedood.
34Magwah dush oo‐oo ekedood kepeëzhahmahgud ewh ahnuhquud kepuhduhgwahnishkahgoowaud dush; kesagezewug dush uhpe kahpeendeganid emuh ahnuhquudoong.
35Keöonzetahgwud dush ewh inwawin oonje ahnuhquudoong, oo‐oo keekedoomahguk, Mesuh wah‐owh suhyahgeüg ningwis, me owh kabezinduhwag.
36Uhpe dush kahishquah‐muhtwawag, Jesus kemekahwah nezhekawezid. Kah dush ewh uhpe oogewahweenduhmahwahsewaun ahweyah enenewun oonoo uhyeëen kahwahbunduhmoowaud.
37Kepuhgummeähyahmahgud dush, kahwahbunenig uhpe pahnesahkewawaud, nebewah ahnishenahban oogenuhquashkahgoon.
38Benuh dush, pazhik enene emuh akoo‐ooqueen-oowaud kekeche‐pepahge, oo‐oo keëkedood, Kakenooähmahgayun kepahgoosanemin, guhnuhwahbum ningwis, pazhigoo muh nenejahnis.
39Benuh dush, oodoodahpenegoon enewh muhnedoon, kahwuhnuhpe dush ahyahshequa; oodahdoopebenegoon dush kuhya petawanuhmood; ahgahwah dush oonuhguhnegoon kahkeche‐bahnahjeëgood.
40Ningepahgoosanemaug dush egewh kekekenooähmahgunug chesahgeje‐wabenahwaud, kah dush kekushkeäwezesewug.
41Jesus dush oogenuhquatuhwaun, oo‐oo keëkedood, Oh kenuhwah noongoom bamahdezeyag ahyahgoonwayanduhmag kuhya kagaunzetuhmag! Ahneen menik kaweejewenuhgoog kuhya kaminwahdanemenenuhgoog? Peezh kegwis oomuh,
42Magwah dush peëzhaud oogeähpuhguhnegoon enewh mujje‐muhnedoon, kuhya kedahdoopebenegood: Jesus dush oogenuhneebikemaun enewh wahnezenejin muhnedoon kuhya dush oogenoojemooäun enewh quewezansun, kuhya dush kepuggedenuhmahwaud enewh oosene.
43Kuhkenuh dush oogemahmahkahdandahnahwah ookeche‐kushkeäwezewin owh Kesha‐Muhnedoo Magwah dush kuhkenuh mahmahkahdanduhmoowaud kuhkenuh kahezhechegad owh Jesus, oo‐oo oogeënaun enewh ookekenooähmahgunun,
44Ahtooyook emuh ketahwuggahwaung oonoo nindekedoowinun; owh muh Enene Oogwissun zhuhyegwah tahpuggedenegahzoo emuh ooneenjeening enewh enenewun.
45Kah dush oogenesittootunsenahwah maunduh ekedoowin, kah kuhya kepuggedenuhmahwahsewug chekekanduhmoowaud: keähgwushkewug chekuhgwajemahwahpun ewh ekedoowin azhenesittootahgwuk.
46Kekuhgwajindewug dush, ahwagwan menik anduhchewaud nahwuj kakechetwahwandahgoozegwan.
47Jesus dush kekandung azhekuhgwajindewaud emuh oodaëwaung, oogeöodahpenaun enewh ahbenoojeün, keähsaud dush pashoo ween ahyaud.
48Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.
49John dush oogenuhquatuhwaun oo‐oo keëkedood, Kakenooähmahgayun, ningewahbuhmahnaun pazhik sahgeje‐wabenaud enewh mujje‐muhnedoon emuh kedezhenekahzoowining; ningekenahahmahwahnaun dush, kah muh keweejewegoosenaun.
50Jesus dush oo‐oo oogeënaun, Kagoo kenuhahmahwahkahgoon: owh muh mahgahnesenoonung keweedookahgoonaun.
51Kepuhgummeähyahmahgud, gagah ketebishkoosanig uhpe kezhegoong cheëzheöodahpenind, moonzhug keënahbe weëzhaud ewede Jerusaleming.
52Oogeëzhenahzhahwaun enewh mezhenahwan chenegahnenid; peendegake wundush emuh oodoodanahwewaung egewh Samaritinug chewahwazhetahmahgood enewh.
53Kah dush oogeöodahpenahsewahwaun, keënahbe muh wahezhaungin ewede Jerusaleming.
54Uhpe dush ookekenooahmahgunun James kuhya John wuhyahbunduhmoowaud, oo‐oo oogeënahwaun, Tabaningayun, kedenandum nuh cheëkedooyaung ewh ishkoota kezhegoong cheoonjebahmahguk chebahnahjeëgoowaud dush debishkoo kahezhechegagoobunan owh Elias?
55Kequakekahbahwe owh Jesus, kenuhneebekemaud edush oo‐oo keëkedood, Kahween kekekanduhsenahwah ewh azhewabezeyag.
56Kahween kepeöonje‐ezhahse owh Enene Oogwissun chebahnahjetuhmoowaud enewh enenewun oobemahdezewine, chebemahjetahmoowaud atuh. Pakaunuk dush oodanaung keëzhahwug.
57Kepuhgummeähyahmahgud, uhnebemoosawaud emuh meekunaung, oo‐oo oogeëgoon pazhik enenewun, Tabaningayun kegahnoopenuhnin tebe azhahwunan.
58Jesus dush oogeënaun, Oowahzhewug egewh wahgooshug, kuhya oowussissoonewug egewh kezhegoong duhzhe penazheyug; Owh atuh Enene Oogwissun kahween oodahyaunseen ewh kaähpequashemood.
59Oo‐oo dush oogeënaun bakahnezenejin, Noopenuhzheshin; oo‐oo dush oogeëgoon, Tabaningayan puhgedenuhmahweshin netum cheähweningwuhwug owh noosebun.
60Jesus dush keëkedoo, Mahnoo egewh naboojig oogahningwuhwahwaun enewh naboonejin; keen dush mahjaun debahdoodun dush ewh oodoogemahwewin owh Kesha‐Muhnedoo.
61Menuhwah dush pazhik oogeënaun, Tabaningayun kegahnoopenuhnin, puhgedenuhmooweshin chenahkahwa-ahnahmekahwugwah egewh emuh endahyaung ayahjig.
62Jesus dush oogeënaun, Kahween ahweyah takoonung ewh pegoobejegun, kishpin ahbuhnahbid enandahgoozese chepeendegad emuh oodoogemahwewining owh Kesha‐Muhnedoo.
Currently Selected:
ST. LUKE 9: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 9
9
1Uhpe dush kahmahwunzoomaud enewh metahswe‐ahshe‐neezh kekenooähmahgunun, oogemeenaun kushkeawezewin chesahgeje‐wabenahnid kuhkenuh enewh mujje‐muhnedoon, kuhya chenoojemooähnid ahnooj anahpenanejin ahyahkoosenejin.
2Oogemahjenahzhahwaun dush chedebahdooduhmenid ewh oodoogemahwewin owh Kesha‐Muhnedoo, kuhya chenoojemooähnid enewh ahyahkoosenejin.
3Oo‐oo dush oogeënaun, Kagoo ween oodahpenunkagoon gagoo kaähyooyag emuh meekunaung, kahween suhkuhoowinun, kah kuhya ewh nuhwuhpoowine‐mushkemood, kah kuhya buhquazhegun, kah kuhya shooneyah, kah kuhya kegahahyaunsenahwaun naneezh puhpeesuhkoowahgunun.
4Tebe dush kepeendegawagwan wegewauming, dahyook emuh kuhya suhsahguhuhmoog.
5Anduhchewahgwan dush egewh kaöodahpenesenoonagoog, uhpe uhnenuhguhduhmag ewh oodanah, pahpahwesittaneyook ewh weyuggussa chedebahjemindwah ewh azhewabezewaud.
6Uhpe dush kahmahjahwaud, kepahbahezhahwug emuh oodanaung, pahbahdebahdooduhmoowaud ewh minwahjemoowin kuhya minzeewa kepahbahnoojemooëwawaud.
7Owh dush Herod tetrarch oogenoondaunun kuhkenuh enewh azhecheganid; magwah dush oogenahnahgahdahwandaun e‐ewh kahegood ahnind oo‐oo keëkedoonid, Mesuh wah‐owh John ahyahbejebaud.
8Ahnind dush, Ketuhgwishin owh Elias; ahnind dush keëkedoowun, Pazhik kata aunwahjega‐wenene keöonishkah.
9Herod dush oo‐oo keëkedoo, Ningekishkegwaöomah owh John; ahwanan dush mahbuh, nwaunduhmoowug oonoo ahnookeewinun? oogenundahkekanemaun dush.
10Kahpiskahbewaud egewh ahpostleüg oogeweenduhmahwahwaun ewh kahezhechegawaud. Oogeöodahpenaun dush, kuhya puhkayeëe oogeëzheweenaun emuh buhgwuhduhkummig, chegeöodanah Bethsaida kahezehenekahdag.
11Egewh dush ahnishenahbag, uhpe kakanemahwaud, oogenoopenuhnahwaun: oogeöodahpenaun dush, kuhya oogedebahjemootahwaun ewh anandahgwuk oodoogemahwewin owh Kesha‐Muhnedoo, kuhya oogenoojemooäun enewh wahnoojemooëgoozenejin.
12Uhpe dush kahoonahgooshenig, oogepenaunzekahgoon enewh metahswe‐ahshe‐neezh oo‐oo dush keëgood, Mahjenauzhahwe egewh ahnishenahbag, cheöonjepahbahezhahwaud emuh oodanaunsing kuhya kewetuheëe duhnuhkeewining atagin chekuhbashewaud kuhya cheähyahmoowaud ewh meejim; puhgwuhduhkummegah suh oomuh anduhzhe‐ahyahyung.
13Oo‐oo oögeënaun, Kenuhwah ahshummik. Oo‐oo dush oogeëgoon enewh, Kahween gagoo nindahyaunsemin, me atuh naunun buhqnazhegunug, kuhya neezh gegooyug: kishpin atuh ahwekishpenuhtooyaungoobun meejim cheöonjewesenewaud kuhkenuh oogoo ahnishenahbag.
14Koonemah nahnun metauswauk duhchegwahpun egewh enenewug. Oo‐oo dush oogeënaun enewh ookekenooähmahgunun, Nuhmuhduhbeïk chenebenabewaud chenanahnemeduhnuhwawaud.
15Mesuh kahezhechegawaud, kahnuhmuhduhbeähwaud dush.
16Kahoodahpenaud dush enewh nahnun buhquazhegunun, kuhya neezh gegooyun, keënahbe kezhegoong enuhkuhkayah, kemahmooyahwa, kuhya dush oogebuhquabenaun, oogeënenuhmoowaun dush enewh kekenooähmahgunun chemeenahnid enewh ahnishenahban.
17Kewesenewug dush, kuhya kuhkenuh ketabesenewug: kesuggukkenegahdawan enewh ishquunjegunun, metahswe‐ahshe‐neazh kookoobenahgunun kemooshkenawun.
18Kepuhgummeähyah dush, magwah kenezheka‐ahnuhmeäud, oogeweejewegoon enewh ookenooähmahgunun, oogeguhgwajemaun dush, oo‐oo keëkedood, Ahneen ezhewaud egewh ahnishenahbag ewh neen ahweyaun?
19Oogenuhquatuhwahwaun dush oo‐oo keënahwaud, John owh Baptizooëwa‐wenene; ahnind dush, Elias; kuhya ahnind, Pazhik egewh kata aunwahjega‐wenenewug keähbejebah.
20Oo‐oo dush oogeënaun, Kenuhwah dush, Ahwanan azheyag ahyahweyaun? Peter dush kenuhquatum, oo‐oo keënaud, Oo‐Christemun owh Kesha‐Muhnedoo.
21Oogeäuugwahmemaun dush, keëkedood chedebahjemootahwahsenid ahweyah oo‐oo uhyeëe;
22Oo‐oo keëkedood, Nundahwandahgooze suh owh Enene Oogwissun nebewah chekootuggandung, cheähgoonwayanemegood dush enewh katezenejin, kuhya enewh keche‐sahsahgewejega‐wenenewun, kuhya oozhebeëga‐wenenewun, kuhya chenesind, kuhya nesoogoonuhgudenig cheähbejebaud.
23Oo‐oo dush oogeënann kuhkenuh, Kishpin ahweyah wenoopenuhzhid, mahnoo tahahgoonwayanindezoo, oogahoodahpenaun dush oodahzhedayahtikoom anduhsoo‐kezhegudenig, nigahnoopenuhnik dush.
24Ahwagwan muh kawebemahjetoogwan oobemahdezewin oogahwuhnahjetoon suh: ahwagwan dush kawuhnahjetoogwan oobemahdezewin neen oonje, mesuh owh kabemahjetood.
25Ahneen dush kaöondezid enene, ahnoo kushketood kuhkenuh anegookookummegaug ewh uhkee, kishpin nishwahnahdezid gamuh wabenegahzood?
26Ahwagwan muh kaähguddanemegwan kuhya enewh nindekedoowinun, mesuh enewh kaähguddanemahjin owh Enene Oogwissun, uhpe petuhgwishing emuh tebenuhwa oopeshegandahgoozewining kuhya oopeshegandahgoozewining owh Wayoosemind kuhya oopezhegandahgoozewinewaung egewh kachetwahwezejig angenug.
27Kagate kedenenim, Ahnind ahyahwug oomuh nahbahwejig kataungunduhsegoog ewh neboowin, bahmah atuh kewahbunduhmoowaud ewh oodoogemahwewin owh Kesha‐Muhnedoo.
28Kepuhgummeähyah dush uhpe kahishquah‐kekedood oonoo ekedoowinun kuhnuhbuj neshwausoogoonuhgudenig, oogeöodahpenaun enewh Peterun kuhya enewh Johnun kuhya enewh Jamesun, keähmujjewad emuh wahjewing cheähnuhmeäud.
29Kepuhgummeähyah dush magwah ahnuhmeäud kequakezhenahgwudene oodagwy kuhya oodahwewin kewahbishkahne kuhya kewahsashkahne.
30Benuh dush, oogepeguhnoonegoon enewh neezh enenewun, mesuh Moses kuhya Elias.
31Kepeshegandahwudene oodezhenahgoozewinewah, kuhya dush oogeduhzhindahnahwah ewh ooneboowin, ewh katebishkoosetood emuh Jerusaleming.
32Peter dush kuhya ooweejekewaëmun kepeengooshewug: magwah dush kenebahsigwah oogewahbundahnahwah Jesus oopeshegandahgoozewin kuhya neezh enewh enenewun waujekahbahwetahgoonejin.
33Kepuhgummeähyah dush, Jesus magwahnuhguhnegood enewh enenewun, oo‐oo oogeëgoon enewh Peterun, Nindoogemaum keche oonesheshin oomuh ahyahyung: ningahoozhetoonahnin neswe wegewaumun; pazhik keen chedahyun, Moses dush pazhik, kuhya Elias pazhik; kah muh oogekekanduhseen ewh kahekedood.
34Magwah dush oo‐oo ekedood kepeëzhahmahgud ewh ahnuhquud kepuhduhgwahnishkahgoowaud dush; kesagezewug dush uhpe kahpeendeganid emuh ahnuhquudoong.
35Keöonzetahgwud dush ewh inwawin oonje ahnuhquudoong, oo‐oo keekedoomahguk, Mesuh wah‐owh suhyahgeüg ningwis, me owh kabezinduhwag.
36Uhpe dush kahishquah‐muhtwawag, Jesus kemekahwah nezhekawezid. Kah dush ewh uhpe oogewahweenduhmahwahsewaun ahweyah enenewun oonoo uhyeëen kahwahbunduhmoowaud.
37Kepuhgummeähyahmahgud dush, kahwahbunenig uhpe pahnesahkewawaud, nebewah ahnishenahban oogenuhquashkahgoon.
38Benuh dush, pazhik enene emuh akoo‐ooqueen-oowaud kekeche‐pepahge, oo‐oo keëkedood, Kakenooähmahgayun kepahgoosanemin, guhnuhwahbum ningwis, pazhigoo muh nenejahnis.
39Benuh dush, oodoodahpenegoon enewh muhnedoon, kahwuhnuhpe dush ahyahshequa; oodahdoopebenegoon dush kuhya petawanuhmood; ahgahwah dush oonuhguhnegoon kahkeche‐bahnahjeëgood.
40Ningepahgoosanemaug dush egewh kekekenooähmahgunug chesahgeje‐wabenahwaud, kah dush kekushkeäwezesewug.
41Jesus dush oogenuhquatuhwaun, oo‐oo keëkedood, Oh kenuhwah noongoom bamahdezeyag ahyahgoonwayanduhmag kuhya kagaunzetuhmag! Ahneen menik kaweejewenuhgoog kuhya kaminwahdanemenenuhgoog? Peezh kegwis oomuh,
42Magwah dush peëzhaud oogeähpuhguhnegoon enewh mujje‐muhnedoon, kuhya kedahdoopebenegood: Jesus dush oogenuhneebikemaun enewh wahnezenejin muhnedoon kuhya dush oogenoojemooäun enewh quewezansun, kuhya dush kepuggedenuhmahwaud enewh oosene.
43Kuhkenuh dush oogemahmahkahdandahnahwah ookeche‐kushkeäwezewin owh Kesha‐Muhnedoo Magwah dush kuhkenuh mahmahkahdanduhmoowaud kuhkenuh kahezhechegad owh Jesus, oo‐oo oogeënaun enewh ookekenooähmahgunun,
44Ahtooyook emuh ketahwuggahwaung oonoo nindekedoowinun; owh muh Enene Oogwissun zhuhyegwah tahpuggedenegahzoo emuh ooneenjeening enewh enenewun.
45Kah dush oogenesittootunsenahwah maunduh ekedoowin, kah kuhya kepuggedenuhmahwahsewug chekekanduhmoowaud: keähgwushkewug chekuhgwajemahwahpun ewh ekedoowin azhenesittootahgwuk.
46Kekuhgwajindewug dush, ahwagwan menik anduhchewaud nahwuj kakechetwahwandahgoozegwan.
47Jesus dush kekandung azhekuhgwajindewaud emuh oodaëwaung, oogeöodahpenaun enewh ahbenoojeün, keähsaud dush pashoo ween ahyaud.
48Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.
49John dush oogenuhquatuhwaun oo‐oo keëkedood, Kakenooähmahgayun, ningewahbuhmahnaun pazhik sahgeje‐wabenaud enewh mujje‐muhnedoon emuh kedezhenekahzoowining; ningekenahahmahwahnaun dush, kah muh keweejewegoosenaun.
50Jesus dush oo‐oo oogeënaun, Kagoo kenuhahmahwahkahgoon: owh muh mahgahnesenoonung keweedookahgoonaun.
51Kepuhgummeähyahmahgud, gagah ketebishkoosanig uhpe kezhegoong cheëzheöodahpenind, moonzhug keënahbe weëzhaud ewede Jerusaleming.
52Oogeëzhenahzhahwaun enewh mezhenahwan chenegahnenid; peendegake wundush emuh oodoodanahwewaung egewh Samaritinug chewahwazhetahmahgood enewh.
53Kah dush oogeöodahpenahsewahwaun, keënahbe muh wahezhaungin ewede Jerusaleming.
54Uhpe dush ookekenooahmahgunun James kuhya John wuhyahbunduhmoowaud, oo‐oo oogeënahwaun, Tabaningayun, kedenandum nuh cheëkedooyaung ewh ishkoota kezhegoong cheoonjebahmahguk chebahnahjeëgoowaud dush debishkoo kahezhechegagoobunan owh Elias?
55Kequakekahbahwe owh Jesus, kenuhneebekemaud edush oo‐oo keëkedood, Kahween kekekanduhsenahwah ewh azhewabezeyag.
56Kahween kepeöonje‐ezhahse owh Enene Oogwissun chebahnahjetuhmoowaud enewh enenewun oobemahdezewine, chebemahjetahmoowaud atuh. Pakaunuk dush oodanaung keëzhahwug.
57Kepuhgummeähyahmahgud, uhnebemoosawaud emuh meekunaung, oo‐oo oogeëgoon pazhik enenewun, Tabaningayun kegahnoopenuhnin tebe azhahwunan.
58Jesus dush oogeënaun, Oowahzhewug egewh wahgooshug, kuhya oowussissoonewug egewh kezhegoong duhzhe penazheyug; Owh atuh Enene Oogwissun kahween oodahyaunseen ewh kaähpequashemood.
59Oo‐oo dush oogeënaun bakahnezenejin, Noopenuhzheshin; oo‐oo dush oogeëgoon, Tabaningayan puhgedenuhmahweshin netum cheähweningwuhwug owh noosebun.
60Jesus dush keëkedoo, Mahnoo egewh naboojig oogahningwuhwahwaun enewh naboonejin; keen dush mahjaun debahdoodun dush ewh oodoogemahwewin owh Kesha‐Muhnedoo.
61Menuhwah dush pazhik oogeënaun, Tabaningayun kegahnoopenuhnin, puhgedenuhmooweshin chenahkahwa-ahnahmekahwugwah egewh emuh endahyaung ayahjig.
62Jesus dush oogeënaun, Kahween ahweyah takoonung ewh pegoobejegun, kishpin ahbuhnahbid enandahgoozese chepeendegad emuh oodoogemahwewining owh Kesha‐Muhnedoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.