Aphutna 16
16
Hagar lē Ismael
1 #
Aph 11:30; 12:16; Lk 1:7, 36; Gal 4:24 Abram a thāinū Sarai-in, ama ranga nāi neipē mak a. Hatuka Sarai-in Āigupta mī suoknū khat a dōn a, a raming chu Hagar a ni. 2Hankēng Sarai-in Abram a kōma: “Entā atun hin, Zehova'n nāi ānei ranga ei na khār a ni, lungkhama, ka suoknū anloppui ro. Ama nātā nāi ka dōn ving thei kēng do,” a tī na. Abram-in Sarai a chong chu a pom a. 3Hatuka Kanān rama Abram kum sōm a om suona, Abram a thāinū Sarai-in a suoknū Āigupta mī Hagar chu, a tangsā Abram kōma a ruoi a, a thāinū ranga a va pēk a. 4#1Sa 1:6Hatuka Hagar chu anloppui a, ama chu anrāi a. Anrāi tīna anriat le han, a pumanū chu a mitmūna ēlsēl a ruoi a. 5#Ant 5:21; 1Sa 24:12, 15Hatuka Sarai-in Abram a kōma: “Ka chunga āsā nōk kei tiar hi na takchunga chul rase, ka suoknū chu nei ākuo ranga ka na pēk a. Anrāi tīna anriat le han a mitmūna ēlsēl ka ruoi a. Zehova'n nang lē koi na kongkāra ruizēk rase,” a tī na. 6Hatuka Abram-in Sarai a kōma, “Ataktaka na suoknū chu na kuta āom kēng, nei zōt anga a chunga thō ro,” a tī na. Sarai-in achālaka a sinsak le chu, ama chu a kōm ātā arota a sē na.
Vānpalāiin Hagar a Chongpui
7 #
Ant 3:2; 15:22; Atl 22:22; Rui 2:1; Zek 1:11; Kui 5:19 Zehova Vānpalāiin mibuirama tinār kōla Hagar a mū na. Hava ha Sur panna lampuia tinār kōla a ni. 8Amā'n, “Hagar, Sarai suoknū, hova nātā hong mo nā ni? Hovan mo nei sē rang?” a tī na.
Hatuka amā'n “Ka pumanū, Sarai kōm ātā ārot kā ni,” a tī na.
9Hankēng Zehova Vānpalāiin a kōma “Na pumanū kōm kīr ro, ama thuoia vā'n betōk ro,” a tī na. 10Hatuka Zehova Vānpalāiin a kōma, “Na chī chu maphung sabak ka ting, atam raheia atelsuo sa nō ni,” a tipē na. 11#Ant 2:24; Atl 20:16; Neh 9:7; Am 3:2; Mt 1:21; Lk 1:13, 31; Kui 5:19Zehova Vānpalāiin a kōma,
“Entā, nāi avong kēng nā ni,
Nāipasal nei in na ti,
A raming chu Ismael#16:11 Ismael: “Pathianin a na riat,” tīna a ni. phuo'n na ti.
Asik chu Zehova'n nei āntakna a na riat zei.
12 #
Zōb 6:5; Sām 104:11; Zer 2:24; Hos 8:9 Ama chu miring asel nī'n tia,
A kutin mitin anduipui in ti,
Mī tinin, kut tinin ama chu dui u'n ti.
Ama chu a paruol ngāi dōra bila ommun khuor in ti,” a tipē na.
13 #
Ant 24:10; Atl 12:8; Rui 6:22; Isa 6:5 Āmūpū Pathian#16:13 Āmūpū Pathian: Hebrāi chonga, “El-Roi.” nā ni tīna, ama āchongpui Zehova raming chu a phuo na. Asik chu amā'n, “Hiva muna hin anā mūpū chu koi um kei mū mo hi?” a tī na. 14Hasikhan hava tikhur chu Beēr-Lahai-Roi#16:14 Beēr-Lahai-Roi: “Koi anā mū ādampū tikhur” tīna a ni. ei ānti. Entā, hava ha Kades lē Bered kongkāra āom a ni.
15 #
Gal 4:22
Hankēng Hagar-in Abram ranga nāipasal a nei a. Abram-in Hagar a von sūnga a nāipasal raming chu Ismael a phuo na. 16#Aph 12:4; 16:3Abram chu kum 86 a ni han Hagar-in Abram ranga Ismael ei neipē a ni.
Currently Selected:
Aphutna 16: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
