Aphutna 20
20
Abraham lē Abimelek
1 #
Aph 12:9; 18:1 Abraham chu hava nātā Negev ram tiang a pan a, Kades lē Sur kongkāra ommun a khuor a, hatuka Gerar-a a om tot a. 2#Aph 12:11-13; 20:12Abraham-in a thāinū Sara rang, “Ka sarnū kēng,” a tī na. Gerar rēng Abimelek-in mī a tīr a Sara chu a va manlāk a.
3 #
Ant 10:7; Atl 12:6; 22:9, 20; Dān 13:1; 1Kh 16:21; Zōb 33:15; Sām 105:14; Dnl 2:1 Tenchu Pathianin zāna, a ramanga Abimelek kōma a hong a, a kōma, “Ataktaka, hava nupang nei lāk sika, nang chu āthī kēng nā nī, asik chu ama hi mī thāinū kēng,” a tī na.
4Tenchu Abimelek chu ama kōla ngal la hong dēp mak a, amā'n, “Zehova, mīdik nam um nei that rang mo? 5#Sām 7:8Amā'n ka kōma, ‘Ka sarnū kēng,’ ti mak mo? Ama lenin, ‘Ka chāpā kēng,’ a tī na. Malung adika lē ka kut masialabuia hivā hi kei thō kēng,” a tī na. 6#1Sa 25:34; Sām 7:8Pathianin a ramanga, “A ni, hivā hi malung adika nei thō tī ka na riat a, hasikhan koiin um ka chunga āsia nei thō rang ātā kei na khār a ni. Hasikhan ama chu kei na mantōn nōk a ni. 7#Ant 8:8; Atl 11:2; Dān 18:18; 1Sa 7:5; 1Rē 13:6; 2Rē 3:11; 1Kh 16:22; Zōb 42:8; Sām 105:15Hasikhan atun chu, hava pasal a thāinū chu makhīr ro. Asik chu ama ha deari kēng, amā'n zār na zongpē in tia, dam in na ti. Tenchu hava nupang ha na makhīr nōk ten, nei thi ngēt rang tī anre ro, nang lē na tā dōra le han,” a tī na.
8Hankēng Abimelek chu ārkhuona anthui a, a suok ngāi dōra a kui a, amāni riata hivā rui ngāi dōra a ril a. Hatuka amāni chu a rathā a ta sabak u na. 9#Aph 12:18; 39:9Abimelek-in Abraham a kui a, a kōma, “Koini hi hong mo nei na lōt a ni zei? Na chunga hong mo kei masiala koi lē ka rēngram chunga āsia alianpā nei hong mantung? Ka chunga ānthō nōkruo nei hong thō hi,” a tī na. 10Hatuka Abimelek-in Abraham a kōma, “Hong nei mūna mo hivā om nei thō?” a tī na. 11#Neh 5:15; Zōb 31:23; Sām 36:1; Chn 16:6Abraham-in, “ ‘Hiva muna hin Pathian anchina om pial mak a, ka thāinū sika na that u'n ti,’ tīna mandon kei chōi sika a ni. 12Ataktaka ama hi ka sarnū lelē kēng. Ama chu ka pā nāinupang kēng, tenchu ka nū nāinupang ni mak. Ka thāinū a hong āchang a. 13#Dān 26:5; 1Kh 16:20Hatuka hintin hin a nī na, Pathianin ka pā in ātā chei a na manvāi lāi han, a kōma, ‘Hiva hi na lungkhamsāltī ka chunga nei manlang rang, nei sēna mun tina, “Ama hi ka chāpā kēng” na tī ro,’ a kōma kei ti,” a tī na.
14Hatuka Abimelek-in bera, sarāttang ngāi, hanūk chu a suok pasal lē nupang ngāi a lāk a, Abraham a va pēk a, a thāinū Sara a kōma a makhīr rēt a. 15#Aph 13:9; 34:10; 47:6Abimelek-in, “Entā, ka ram chu na matona a om. Nei zōtna taka ommun khuor ro,” a tī na. 16Hatuka amā'n Sara a kōma, “Entā, na chāpā kōm sumrū 1,000 ka pēk zei. Taktaka, na bila āom ngāi dōra lē mītei ngāi dōra matona nei ānthiangna chang in ti,” a tī na. Hantin han ama chu dik ei ānlō. 17#Zōb 42:9Hankēng Abraham-in Pathian kōm zār a zong a, Pathianin Abimelek, a thāinū le a suoknū ngāi a mandam a. Nāi a nei rēt u na. 18Asik chu Abraham a thāinū Sara sika Zehova'n Abimelek insūngkuo ngāi tekok dōra chu a khārpē kiar a.
Currently Selected:
Aphutna 20: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
