Aphutna 7
7
Tiliansāng
1 #
Izk 14:14; Mt 24:38; Lk 17:26; Heb 11:7 Hatuka Zehova'n Noa kōma: “Nang lē na insūngkuo ngāi dōra chu rakuongpuia hong lūt u ro. Asik chu hivā ruola mi ngāi bila ka makunga nang rong hi mīdika kei na mū a ni zei. 2#Dān 14:3-20; Izk 44:23; Kui 10:14Ran anthiang bil ātā sarī senga, atang lē anupang, ran anthianglui bil ātā rabo khat, atang lē anupang lāk ro. 3Chungvāna va ngāi um sari senga atang lē anupang, phil chung pumpuia a chī ei oma ei dam theina ranga hong ruoi ro. 4#Ant 24:18; Atl 13:25; 1Rē 13:34; Zōb 37:11-13; Zer 28:16; Mt 4:2Asik chu ni sari suole han phil chunga sūn 40 lē zān 40 ruo hong manhong ka tia, ka kutsuok nukanei dōra phil chung ātā pei zit ka ting,” a tī na. 5Noa chu Zehova'n chong ei pēk anga aloma a thō kiar a. 6Phil chunga tiliansāng a hong lāi han Noa chu kum 600 mī a ni.
7 #
Aph 6:18; 7:3; Mt 24:38-39; Lk 17:27 Tiliansāng sika Noa chu a nāipasal ngāi, a thāinū lē a nāipasal thāinū ngāi le han rakuongpuia a lūt u na. 8Ran anthiang ngāi ātā ran anthianglui ngāi ātā va ngāi ātā lē phila ālōn ngāi dōra nātā, 9Pathianin Noa kōma chong ei pēk anga, annini senga Noa kōma rakuongpuia, a lūt u na, atang lē anupang. 10Hatuka hava ni sari a theng suole han phil chunga tiliansāng a tung a. 11#2Rē 7:2; Zōb 28:11; Sām 78:23; Chn 8:24, 28; Isa 24:18; Izk 26:19; Am 9:6; Mal 3:10Noa chu kum 600 changna thā annina lē ni sōmleisari nikhuona han tī ānthūk sabaka tinār dōra chu a kik a, anvān tukver dōra anlong zit a. 12#1Sa 12:17; Zōb 28:26Hantin han, phil chunga sūn 40 lē zān 40 ruo a hong a.
13 #
1Pe 3:20; 2Pe 2:5 Hava nikhuona han Noa lē Noa nāipasal Sem, Ham lē Zafet ngāi lē amāni bila Noa thāinū lē a nāipasal thāinū anthum ngāi rakuongpuia a lūt u na. 14Amāni bila ramsa chī tin a chī ang chipa, ranvāi chi tin a chī ang chipa, phil chunga ālōn nukanei chī tin a chī ang chipa, va tin a chī ang chipa, vā zuong chī tin, 15damna phūk a dōn taksā dōra, annini senga Noa kōma rakuongpuia a lūt u na. 16Hantin han Pathianin a kōma chong ei pēk anga, taksā dōra nātā atang lē anupang a lūt u na. Hava suole han Zehova'n ama chu asūnga a khum rap a.
17Ni 40 phil chunga tiliansāng a tung a, tī chu ansōn riam a, rakuongpui chu anlāng a, phil chung vinga anlān a. 18Tī chu a hong ālian riam a, phil chunga tī ansōn sabak a. Rakuongpui chu ti chunga anlān a. 19#Sām 104:6Phil chunga tī chu ansōn sabak a, anvān thuoia muol ansāng ngāi dōra a līm zit a. 20#2Pe 3:6Muk sōmleirangā tī chu chung tiang ansōn a, hatuka muolpui ngāi dōra a līm a. 21#2Pe 3:6Taksā phil chunga sīngansa thei dōra, va ngāi, ranvāi ngāi lē ramsa ngāi, phila ālōn nukanei tin lē miring dōra chu a thi zit a. 22Tāng ahula āom, nāra phūk asān damna phūk ādōn dōra a thi kiar a. 23#Zōb 14:19; Sām 90:5; Isa 28:2; Lk 17:27; Heb 11:7; 1Pe 3:20; 2Pe 2:5Hantin han phil chunga ālēng nukanei dōra, miring ngāi lē ranvāi ngāi, phila ālōn ngāi, chunga va ngāi chu anpei zit u na. Hava ngāi chu phil chung ātā anpei zit u na. Noa lē a bila rakuongpuia āom ngāi rong a dam u na. 24#Zōb 12:15Hatuka tī chu ni 150 phil chunga angīra a om a.
Currently Selected:
Aphutna 7: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
