Aphutna 9
9
Noa Amanga Miring lē Pathian Dānkhitna
1 #
Aph 1:28
Hankēng Pathianin Noa lē a nāipasal ngāi bōr a pēk a, a kōm u na: “Marā dōna, pung u ro, phila sip ziak u ro. 2Phila ramsa tin lē anvāna va tin, phil chunga ālōn dōra lē tipuia ngā dōra chunga, nangni chunga anchina lē rathatākna dōn u'n ti. Hivā ngāi hi na kut una ānpēk a ni u. 3#Kui 10:15; Kol 2:16Nukanei ālōn tin nangni ranga nēksāk nī'n ti. Chīmū āring ngāi kei na pēk u anga, neinun dōra ka na pēk u. 4#Lev 3:17; Dān 12:16, 23-25; 1Sa 14:33; Izk 33:25; Kui 15:20, 29Tenchu mē adam chunga, ei damna thisen le han, nei sāk u rang nī mak. 5#Ant 21:28-32; 1Rē 2:32; 2Kh 24:22; Sām 9:12Ataktaka nei dam una thisen sika, phubā kei lāk khakhak rang: ramsa tin bil ātā lē miring kōm ātā um phubā kei lāk rang. Miring a paruol kōm ātā'm, miring ei damna phubā chu kei lāk rang a ni.
6 #
Aph 1:26; Rui 9:24 “Tūkareng miring thisen ansuok tak chu,
Miringin ama thisen chu ei masuokpē rang,
Asik chu miring ha Pathian ramīla ānsin a ni.
7Atun nangni chu, marā dōna, pung u ro. Phila hin hong tam sabak u tānla, hivā hin pung u ro.”
8Pathianin Noa kōma lē a nāipasal ngāi kōma, 9“En u ro, koi ngētin, nang lē na nūka na chī a la hong āom tir ngāi le han um ka dānkhitna mandet ka ting. 10Na bil una āom nukanei tin: va ngāi, ranvāi ngāi, phila ramsa tin, na bila āom ngāi le han lē rakuongpui ātā a hong āsuok dōra, phila ramsa tin le han ka dānkhit chu ka phun. 11Hantin han nangni le ka dānkhit chu phun ka ting, taksā dōra chu tiliansāng le han masiat rēt lāi nō ning. Phil pumpui ānsiat rēt ranga tiliansāng om ngal lāi nō ni,” a tī na.
Sumansāi Sinsiana
12 #
Ant 12:14; Lev 3:17; Atl 10:8 Pathianin, “Hiva hi koi lē nangni lē na bil una om nukanei tin kāra, tāituona khūk alā hong rang ngāi le han, ka dānkhit andangna kei sin chu a ni: 13#Izk 1:28; Anl 4:3Sumansāi chu ansūma ka siak, hava ha koi lē phil kongkāra ka dānkhit andangna chu nī'n ti. 14Hintin hin hong om in tia, phil chunga hin ansūm ka hong chōi le chu, ansūm bila sumansāi chu hong anlang in ti. 15#Ant 2:24; Lev 26:42, 45; Dān 7:9; Sām 89:34; Izk 16:60Hatuka koi lē nangni lē taksā dōn nukanei tin le han, ka dānkhit chu riattit ka ting. Taksā dōra ānsiat rang tiliansāng hong tung rēt lāi nō ni. 16#Sām 105:9-10; Zer 31:31-34; Izk 16:60; Heb 13:20Sumansāi chu ansūma om in ti. Pathian lē phil chunga taksā dōn nukanei tin le han, tāituon dānkhit chu kei riattitna ranga, en chachak ka ting,” a tī na. 17Pathianin Noa kōma, “Hiva hi koi lē phil chunga taksā dōra kongkāra dānkhit kei phun andangna chu a ni,” a tī na.
Noa lē a Nāipasal ngāi
18 #
Lk 3:36
Atun chu rakuongpui ātā āsuok Noa nāipasal ngāi chu Sem, Ham, Zafet a ni u na. Ham chu Kanān a pā a ni. 19#Aph 9:1, 7; 10:32; 1Kh 1:4Hivā anthum ngāi hi Noa nāipasal ngāi a ni u na, amāni nātā phil pumpui chu a sip ziak a.
20Noa chu phāi sin a phut a, theirapom rahuon a thō na. 21Hatuka theirapomningtī anēka anrī na, puon-in sūnga sāikoronga a om a. 22#Hab 2:15Kanān a pā Ham-in a pā sāikorongna chu a mū na, tuolpanga a paruol anni ngāi kōma a va ril a. 23Sem lē Zafet chu puon a lāk u na, a dāra a bāng u na, nūk tiang ankeia a pā sāikorongna chu a mankhū u na, nūksīr ei son u sika, a pā u sāikorongna chu mū u mak a. 24Hankēng Noa chu theirapomningtī ei ānrī nātā a hong āhar a, a nāipasal nāipang khītin a chunga a om thō a riat a. 25#Ant 20:5; Zos 9:23Hatuka amā'n:
“Kanān chu khomāk tung rase,
A paruol ngāi suok ngāi suok ni rase,” a tī na.
26 #
Ant 18:10
Amā'n:
“Sem a Pathian, Zehova chu anpāka om rase,
Kanān chu a suoka om rase.
27Pathianin Zafet chu manlian rase,
Ama chu Sem a puon-ina om rase,
Kanān chu a suoka om rase,”
a tī na.
28Noa chu tiliansāng suona kum 350 a lā dam a. 29Hankēng Noa a damsūng nī dōra chu kum 950 a ni, hatuka ama chu a thī na.
Currently Selected:
Aphutna 9: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
