Zohan 3

Anzirtharna Ruia Isuo'n Nikodem ei Manchūna

1 # Lk 23:13 Farisāi ngāi bila mī khat a raming Nikodem tīna a om a. Ama chu Zehudi ngāi ruoipū khat a ni. 2#Mt 23:7; Kui 2:22Hiva mī chu zāna Isuo kōma a hong a, a kōma, “Rabi, nang chu Pathian kōm ātā āhong mīnchūpū tīna koinī'n na riat. Pathian a bila a om nōk ten hiva sinsiana nei thō ngāi hi tūtē'n thō thei nō ni,” a tī na. 3#Mt 3:2Isuo'n a kōma, “Ataktaka kei na ril a ni u zei, tūkareng anzir thar nōk ten, Pathian rēngram mu thei nō ni,” a tī na. 4Nikodem-in a kōma, “Mi atar suona hontin mo ei ānzir thei rang? A nū von sūnga voi annina ei lūta mo ei ānzir rēt rang?” a tī na. 5#Kui 22:16; Tit 3:5Isuo'n a masang a, “Ataktaka kei na ril a ni zei, tūkareng tī lē Rathāna anzir nōk ten, Pathian rēngrama lūt thei nō ni. 6#1Ko 15:50Taksāna ānzir chu taksā a ni, Rathāna ānzir chu rathā a ni. 7‘Nei ānzirthar ngēt rang,’ kei na tī hi na boi mandong nō ro. 8#1Ko 2:14-16Thīnthī hi ei zōtna tiang kēng ei sēm, a rasā chu na riat, tenchu hova nātā āhong mo, hon tiang mo ei sē rang chu ti thei mak chē. Tūkareng Rathāna ānzir chu hantin dēn han a ni,” a tī na.

9Nikodem-in a kōma, “Hontin mo hiva ngāi hi ei ni thei?” a tī na. 10#Lk 2:46Isuo'n a kōma, “Nang hi Israel ngāi mīnchūpū nā nī na, hiva ngāi hi nei riat nōk?” a tī na. 11Ataktaka kei na ril a ni zei, koinī'n nei riat hi nei ril, nei mū hi nei manriat chachak a ni. Koinī'n nei riatpuina chu pom u mak chē na. 12Ramuol rui ka na ril u na, iam u mak chē na, vānram rui ka na ril u ten hontin mo nei iam u rang? 13#Chn 30:4; Mt 8:20; Kui 2:34; Efe 4:8-10; Heb 4:14Vānram ātā a hong āchum pū rong nōk chu, tūtē vānrama ākal la om mak, ama chu Miring Nāipasal, vānrama āompū chu. 14#Atl 21:8-9Mōsī'n mibuirama marūl ei tār anga, hantin dēn han Miring Nāipasal chu ei lā'n tār ngēt rang. 15#Aph 15:6; Atl 14:11; Mt 27:42; Mk 1:15; Kui 13:39; Rōm 3:22; 1Zn 5:1, 5, 10Tūkareng ama āiam tak chu peianchang nō ni, tenchu tāituon damna man in ti.

16 # Aph 22:12; Isa 9:6; Rōm 5:8; 8:32; Efe 2:4; 1Zn 4:9 “Pathianin maniapūr ādit sabak a, a Nāipasal nei selep a pēk a, tūkareng ama āiam tak chu peianchang nō ni, tenchu tāituon damna kēng ei man. 17#Isa 53:11; Mt 1:21; Lk 2:11; Rōm 1:14; 1Ti 1:15; 1Zn 2:2Maniapūr siatanlō ranga Pathianin a Nāipasal chu maniapūra ei hong tīr ni mak, tenchu maniapūr chu ama zāra sandam ei ni na rang a ni. 18#1Zn 4:9Tūkareng ama āiam tak chu siatanlō mak, tenchu ama āiam nōk tak siatanlō suo kēng a ni zei. Pathian Nāipasal nei selep raming ei iam nōk sika a ni. 19#Sām 52:3Āsia anlōna chu hiva hi a ni, raāng chu maniapūra a hong a, tenchu mī'n raāng nēka āzīng ā dit u na, asik chu a sinthō u ngāi dōra chu āsiat a ni. 20#Efe 5:11, 13Tūkareng āsia āthō tak chu raāng anmūmāk kēng. Āsia ei thō ngāi chu ei ānlang rang sika, ama chu raāng tiang hong mak. 21Tenchu a sinthō u ngāi chu Pathiana ei thō u kēng tī anthiang vanga ei ānlangna ranga, atak āthō dōra chu raānga a hong u chachak,” a tī na.

Baptispū Zohan-in Isuo Rui a Puong

22Hiva ngāi suole hin Isuo lē a zolāi ngāi chu Zudāi rama a hong ālūt u na. Hava han amāni bila a om a, baptisma a pēk a. 23#Mt 3:1Zohan um Salim kōla Ainon-a baptisma a pēk chachak a. Asik chu hava han tī tampā a om a. Amāni chu a hong u na, baptisma a lāk u na. 24#Mt 4:12Asik chu Zohan chu ankhumna-ina lā'n khum mak a.

25Hatuka Zohan a zolāi ngāi senkhat lē Zehudi ngāi kongkāra ānthiangna ruia ankhalna a suok a. 26#Mt 23:7Amāni chu Zohan a kōm a hong u na, a kōma, “Rabi, Zordan dung varāla na bila om, a ruia nei manriatpū hān, entā, amā'n baptisma a pēk a, mī dōra chu a kōma hong u,” a ti u na. 27Zohan-in a masang a, “Vānram ātā a kōma anpēk nōk ten, miringin ītē man thei mak. 28‘Koi chu Khristā ni mak ung,’ tenchu, ‘Ama matona a hong āntīr kā ni,’ kei tī ha, nangni ngāi len hi ariat nā ni u. 29#Mt 9:15; Fil 2:2; 1Zn 1:4Muinū dōnpū chu mākpā a ni. Mākpā a lōm, ei āndingpuia a hē riat chu, mākpā a rōl sika a rāi a mansān sabak a. Hasikhan hiva ka rāisānna hi a kip zei. 30Ama chu ansōn tir in tia, tenchu koi chu ankei tir ka ting.”

31 # 1Zn 4:5 Chung ātā āhongpū chu alompei chunga ānsāng khīt a ni. Maniapūr ātā chu maniapūr mī a ni, maniapūr rui kēng ei ril. Vānram ātā āhongpū chu alompei chunga ānsāng khīt a ni 32Amā'n ei mū le ei riat ngāi chu, ei riatpui a ni. Ama riatpuina chu tūtē'n pom mak. 33Ama riatpuina āpom tak chu Pathian chu ādik tīna ei pom a ni. 34#Isa 42:1; Mt 12:18; Lk 4:18; Kui 10:38Pathianin ei hong tīr chu Pathian chong kēng ei ril. Pathianin Rathā hi a māichaka ei pēk ni mak. 35#Mt 28:18Pā'n Nāipasal ā dit a, ii dōra chu ama kuta a pēk zei. 36Tūkareng Nāipasal āiam tak chu tāituon damna a man zei, Nāipasal āiam nōk tak chu damna mu nō ni. Tenchu a chunga Pathian taksitna kēng a om a ni zei.

Currently Selected:

Zohan 3: RNL

Highlight

Copy