Zohan 9
9
Anzir ātā Āchō Khat ei Damna
1Isuo chu kal achōia a sē lāi han, anzir len ātā āchō khat antongpui a. 2#Ant 20:5; Zōb 21:19; Izk 18:20; Mt 23:7; Lk 13:2; Kui 28:4A zolāi ngāiin a kōma, “Rabi, mitchōna ei ānzir hi tū āsia thōna mo ei ni rang? Hiva mī hi mo ole a nū lē a pā mo?” tīna a rakel u na. 3Isuo'n a masang a, “Hiva mī mo ole a nū lē a pā ngāi āsia ei thō sika ni mak. Tenchu amāna Pathian sinthō ei ānlang theina rang a ni. 4Sūn a ni lāi hin anā tīrpū sin kei thō ngēt rang a nāng. Zān a hong ānī rang a ni zei, hava tika tūtē'n sin thō thei ngāi mak. 5Maniapūra kā om sūnga chu maniapūr raāng kā ni,” a tī na. 6#Mk 7:33Hiva ngāi a ti suole han, phil a machil a, machil le han philpok a sin a. Hatuka philpok le han āchopū mit a khuopē na. 7#2Rē 5:10; Isa 35:5; Lk 13:4Amā'n mitchō kōma, “Sē tānla, Siloam tīndila va rasūk ro,” a tī na. Siloam chu, “Tīr,” tīna a ni. Ama chu a sē na, a va rasūk a, mitvāra a hong ākīr.
8 #
Kui 3:2, 10 Hasikhan a inkōlmi ngāi lē māna mitchōna a lei āmū ngāiin, “Hiva mī hi ansuta kut ādō babang ha ni mak mo?” a ti u na. 9Mī senkhatin chu, “Ama hi a ni zei,” a ti u na. Ateiin, “Ama ānphuopui kēng,” a ti u na. Amā'n, “Ama ha kā ni zei,” a tī na. 10Hasikhan amānī'n a kōma, “Hontin mo na mit ei vār?” a ti u na. 11Hankēng amā'n a kōm u na, “Isuo tīna mī khatin philpok a sin a, ka mita a na khuopē na, amā'n ka kōma, ‘Siloam tīndila sē tānla, va rasūk ro,’ a na tī na. Hankēng kā sē na, ka va rasūk suona, ka hong mū thei a,” a tī na. 12Hatuka amānī'n a kōma, “Ama chu hon mo ei om?” a ti u na. Amā'n, “Riat mak ung,” a tī na.
Farisāi ngāiin a Mit ei Vārna a Thūn u
13Aphāmāna mitchō alei nipū chu Farisāi ngāi kōma a ruoi u na. 14#Mt 12:1-14Isuo'n philpok ei sina a mit ei manvārpēna nikhuo ha Sabat nikhuo a ni. 15Hatuka Farisāi ngāiin ama chu hontin mo a mit ei hong vār ha a rakel rēt u na. Amā'n a kōm u na, “Ka mita philpok a khuo na, ka rasūk a, kei hong mū thei a ni zei,” a tī na. 16#Mt 12:2Hasikhan Farisāi ngāi senkhatin, “Hiva mī hi Pathian ātā ni mak. Asik chu Sabat nikhuo ser mak,” a ti u na. Atei ngāiin, “Hontin mo āsia thō miringin hiva ang sinsiana ngāi ei thō thei rang?” a ti u na. Hasikhan amāni lē amāni kāra ansenna a hong āsuok a. 17#Mt 21:11Amānī'n mitchopū kōm dēna, “Na mit ei na manvārpē sika, ama ruia imo na ti?” a ti rēt u na. Amā'n, “Ama chu deari khat a ni,” a tī na.
18Hanum ni sela, Zehudi ngāiin, ama chu a mitchō nātā a lei vārpē tī chu, a mit āvārpū a nū lē a pā a va mankui u māseng chu iam thei u mak a. 19Amānī'n a nū lē a pā kōma, “Hiva hi na nāipasal u, anzir len ātā mitchō nei ti u ha mo? Hanle hontin mo atun hin ei hong mū thei?” tīna a rakel u na. 20A nū lē a pā'n, “Ama chu koini na nāipasal a ni tī na riat. Ama chu anzir ātā mitchō a ni. 21Tenchu atun hin hontin mo ei hong mū thei hi chu riat mak mē. Tū mo a mit ānvārpē riat mak mē. Bārītung kēng a ni zei, ama rakel u ro. Amā'n a rui chu ril in ti,” tīna a masang u na. 22#Lk 6:22Asik chu a nū lē a pā'n Zehudi ngāi ei chi u sika, hava ngāi ha ei ti u a ni. Asik chu Zehudi ngāiin aphāmān ātā chong ei ānruol u chu, tūkareng Isuo chu Khristā tīna āpom tak chu, sinagog ātā ei masuok u rang tī ha a ni. 23Hasikhan a nū lē a pā'n, “Bārītung kēng a ni zei, ama rakel u ro,” ei ti u na.
24 #
Zos 7:19
Amānī'n mitchopū chu a kui rēt u na, a kōma, “Anlianna chu Pathian pēk ro! Hiva miring chu misalui tīna koinī'n na riat,” a ti u na. 25Amā'n, “Misalui ei ni lē ei ni nōk riat mak ung. Tenchu kei riat khat chu, mitchō ka lei ni ngalā'm atun chu ka mū thei zei,” tīna a masang a. 26Hatuka amānī'n a kōma, “Na chunga hong mo ei thō? Hontin mo na mit ei manvār?” a ti rēt u na. 27Amā'n a kōm u na, “Ka na ril suo u zei hale, rangāi u mak chē na. Ichang mo āriat ranga nei zōt rēt u? Nangnī'm ama zolāi āchang ranga nei zōt u mo?” tīna a masang a. 28Amānī'n ama chu māimōk a sak khap u na, “Nang kēng ama zolāi nā ni. Koini chu Mōsi zolāi kēng nā ni. 29Pathianin Mōsi kōma kēng chong ei ril nei riat. Hiva mī hi hova nātā ā hong mo riat mak mē,” a ti u na. 30Hava mī'n a kōm u na, “Hava tak ha ro boidong ei omna! Nangnī'n hova nātā mo ei hong nei riat u nōk ha. A ni na, ka mit ei na manvārpē a ni. 31#Aph 18:23-32; Sām 34:15-16; Chn 15:29; Isa 1:15; Zak 5:16-18; 1Zn 5:14-15Pathianin misalui ngāi chong ei rangāipē nōk tī na riat. Tenchu tūkareng Pathian ānmōkpū ei nī na, ama ei zōt zāt a thō ten, Pathianin ama hē chu a rangāi chachak. 32Ramuol ansiang len ātā tūtē'n anzir lena a mitchō ānvār lā'n riat ngāi mak. 33Hiva mī hi Pathian ātā āhong ni nō sela, amā'n ītē thō thei nō ni,” tīna a masang a. 34#Isa 66:5Hankēng amānī'n a kōma, “Nang hi āsia zēta ānzir kēng nā ni. Nangin koini ngāi nei na man chu rang?” a ti u na. Ama chu apanga a masuok u na.
Āchō'n Isuo a Iam
35 #
Mt 8:20
Isuo'n ama chu ei masuok u tī a riat a, Isuo'n ama chu antongpui a, amā'n a kōma, “Pathian Nāipasal na iam mo?” a tī na. 36#Rōm 10:14Amā'n a kōma, “Puma, kei iam theina ranga, ama chu tū mo?” tīna a masang a. 37Isuo'n a kōma, “Ama chu na mū suo zei, nang anā chongpui hi ama a ni zei,” a tī na. 38#Mt 28:9Hatuka amā'n, “Puma, ka iam zei!” a tī na. Hatuka ama chu a mōk a. 39#Mt 13:13; Lk 4:18Isuo'n, “Maniapūra hin ruiril ranga āhong kā ni. Mutheilui ngāiin ei mū thei una rang lē āmūthei ngāi chu ei cho thei una rang a ni,” a tī na. 40#Rōm 2:19Hatuka Farisāi ngāi senkhat ama bila om ngāiin hiva chong ngāi chu a riat u na, a kōma, “Koinī'm mitchō mo nā ni?” a ti u na. 41Isuo'n a kōm u na, “Mitchō nā ni u ten, āsia dō'n u nō ta ni. Tenchu atun hin nangnī'n, ‘Na mū thei’ nei ti u. Hasikhan nei siat una chu ei la om chian,” a tī na.
Currently Selected:
Zohan 9: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
