Zohan Chongmaruoina
Chongmaruoina
Dānkhit Athara lekhabū manli ngāi hi thangahui tīna anphuo na. Asik chu hiva lekhabū ngāiin Isuo a damsūng, ei thina lē ei ānthuirētna rui a ril a. Hiva ngāi hi thangahuia ruitāng anāng ngāi chu a ni, āiampū ngāiin hiva thangahui hi maniapūra ei puong ngēt u rang a ni. Kuitīr Zohan-in hiva thangahui hi Isuo chu Khristā, Pathian Sanāi (20:30-31) tīna ei riatthei una ranga, maniapūr pumpui ranga ei maziak a ni. Amā'n hiva lekhabū hi KS 85-90 tānga ei maziak a ni, atei thangahui anthum ngāi nūka a ni.
Zohan a pā chu Zebedai lē a nū chu Salome a ni, a vō chu kuitīr Zakob a ni. Zohan-in a ninga, “Isuo'n ei ādit zolāi” (13:23-24; 21:7, 20, 24) tīna, anril a. Peter lē Zakob a bila, ama chu Isuo a dorbōndomna ii a hong ānī ngāi āriatpuipū a ni, atei a zolāi akuo ngāiin hava ha ei mansam u a ni (Mk 5:37; 9:2; 14:33). Pumā'n hiva thangahui, lekhamathuon anthum ngāi (1, 2 lē 3 Zohan) lē Anlangna lekhabū ngāi ānziak ranga ama chu ei āthang a ni.
Thangahui Zohan chu atei thangahui anthum ngāi le āntei ving a ni. Pathianin Zohan chu thangahui atei anthum ngāiin ei maziak tamtak ānkhop nōk ranga a maruoi a, hava ngāi chu Isuo ei ānzirna lē amā'n ankhīna-chong ei ril ngāi hi a ni. Atei ngāiin ei makhop u nōk ngāi ha, amā'n tamtak ei makhop a om a. Tinratuo ngāi dōra chu thangahui Zohana aphut tianga ma rangā ngāia a om kiar a. Hiva ma ngāiin Isuo baptisma anlāk suona dorbōndom ei phutna a ril a. Isuo rui bīk ei riltheina rang, Zohan-in tichangbui sinthō sari ngāi rui a ril a, amā'n hiva tichangbui ngāi chu “sinsiana” a tī na. Hiva sinsiana ngāi chu ma 2, 4, 5, 6, 9 lē 11a anziak a. Zohan-in Isuo chongrilna sari a maziak a, hava ngāi chu ma 3, 4, 5, 6, 8, 10 lē 14-16 a ni. Amā'n Isuo, “Koi” ei tina um a ril a (6:35; 8:12, 58; 9:5; 10:11, 14; 11:25; 14:6; 15:1). Amā'n a thangahui ma 1a Khristā chu Pathian a ni tīna a phut a. Amā'n Isuo vāntāng dorbōndomna (ma 2-12), a zolāi ngāi le abingtēna ei manchūna (13-17), khrōsa hong mo ei zui (ma 18-19) lē ama ei ānthuirētna lē hava suona a dorbōndomna (ma 20-21) ngāi ruiā'm a maziak a.
Zohan-in Isuo chu Khristā, Pathian Sanāi tīna a mandang a. Koinī'n tāituon damna nei manna ranga ama chu a iam ngēt a nāng.
Asūnga Om Ngāi
I. Khristā a mizia anlangna (ma 1).
II. Khristā vāntāng dorbōndomna (ma 2-12).
III. Khristā'n a zolāi ngāi abingtēna ei manchūna (13-17).
IV. Khrōsa Khristā'n ei zuina (ma 18-19).
V. Khristā ei ānthuirētna lē a zolāi ngāi kōma ei ānlangna (20-21).
Currently Selected:
Zohan Chongmaruoina: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.