Lūk 19

Isuo lē Zakaia

1Hatuka Isuo chu Zeriko a lūt a, khopui apala a sē na. 2Entā, mī khat a raming Zakaia tīna a om a, ama chu siachōipū ulian, ānchong a ni. 3Amā'n Isuo hi tū mo tīna āmū rang a zōt a, tenchu mipui ei tam sika mu thei mak a, asik chu ama chu adung abong a ni. 4#1Rē 10:27; 1Kh 27:28; Isa 9:10Ama chu Isuo āmū ranga māna a lei tān a, razīl kunga a lei vā kal a. Asik chu hava lampuia han Isuo a hong lāitak a ni. 5Isuo chu hava mun a hong āsuok le, chung tiang a tang a, ama chu a mū na, a kōma, “Zakaia, anrapa hong chum ro, avian na ina kei tung rang a ni,” a tī na. 6Hatuka ama chu anrapa a hong āchum a, rāisān taka a mantung a. 7#Mt 9:11Hava ha ei mū u na, lōkō'n, “Misalui bila avā tung ranga a sē sole!” tīna bāi a mankham u na. 8#Ant 22:1; Lev 6:4-5; Atl 5:7; 2Sa 12:6; Izk 33:14-15Hatuka Zakaia chu anding a, Puma kōma, “Entā, Puma, ka dōngluo ānbāk chu ānriang ngāi pēk ka ting. Diklui taka tūkareng kōm ātā ka lei lāk a om ten, thep manlina thuon ka ting,” a tī na. 9Isuo'n a kōma, “Avian hiva ina hin sandamna a hong ātung zei, asik chu amā'm Abraham a nāipasal a ni. 10#Izk 34:12, 16; Zn 3:17Asik chu Miring Nāipasal chu ānpei ngāi anrok ranga lē ānzōk ranga āhong kēng,” a tī na.

Mina Sōm le han Ankhīna

11 # Mt 3:2; Kui 1:6 Amānī'n hiva chong ngāi dōra a riat u le chu, Isuo'n atei ankhīna-chong a ril a, asik chu ama chu Zerusalem a hong ānāi a, Pathian rēngram chu anrapa ei hong anlang len rang tī a mandon u na. 12Hasikhan amā'n, “Milian khat chu a ninga ranga rēngram a vā lāk a, a hong ākīr rēt ranga ram ālāpāna a sē na. 13#Mk 13:34A suok sōm ngāi chu a kui a, a kōm una sum mina sōm#19:13 mina sōm: Mina khat seng tīna a ni. Mina 1 hi sekel 60 ole gm 690 a ni na, sinmi ngāi thā anthum lō a ni. a pēk a, a kōm u na, ‘Ka hong ākīr rēt māseng chu sadāi lei thō u ro,’ a tī na. 14Tenchu a rama mi ngāiin a mūmāk u na, a nūka palāi a tīr u na, ‘Hiva mī'n koini ei na vong rang hi zōt mak mē,’ a ti u na. 15Ama chu rēngram a va lāk suona, a hong ākīr a. Sum ei pēk a suok ngāi chu a va mankui a. Miring chipin sadāi amanga itutuk mo a lei maphung u tī āriat ranga a zōt a. 16Mānsapū a hong a, ‘Ka pū, na mina chu mina sōma a lei pung a,’ a tī na. 17#Chn 27:18Amā'n a kōma, ‘Suok asā, nei thō asā. Rui āsīntēna aiamruo nei ni sika, khopui sōm chunga ningneina dōn ro,’ a tī na. 18Annipū a hong a, ‘Ka pū, na mina chu mina rangāna a lei pung a,’ a tī na. 19Hantin dēn han ama kōma, ‘Nang um khopui rangā chunga ningneina dōn ro,’ a tī na. 20Hatuka ateipū a hong a, ‘Ka pū, hile hi na mina, puontuidui le kā thuom a, ka siak. 21#Mt 25:24Lēktākabui mī nei ni sika ka nā chī na. Nei rē nōk chu nei khok chachak. Nei tū nōk chu nei āt chachak,’ a tī na. 22#2Sa 1:16; Zōb 15:6; Mt 25:26Amā'n a kōma, ‘Nang suok salui, na chongbāikī len le han na rui ril ka ting. Nangin lēktākabui kei ni hi nei na riat, kei rē nōk chu kei khok chachak, kei tū nōk chu kei āt chachak tī hi nei na riat. 23Ichang mo ka sum chu sumsiakna-in luona chu nei siak nōk? Ka hong ākīr tika abī lē azīk le ile kei hong man rang ke ba,’ a tī na. 24A kōla ānding ngāi kōma, ‘Ama nātā mina chu āpot u tānla, mina sōm ādōnpū kōma pēk u ro,’ a tī na. 25Tenchu amānī'n a kōma, ‘Ka pū, ama chu mina sōm ādōn suo kēng a ni zei,’ a ti u na. 26#Mt 25:29‘Kei na tī a ni u zei, ādōnpū kōma anpēka om in tia, tenchu dōnluipū kōm ātā, ei dōntē ngal ha anlāka om in ti. 27A chung una kei vong rang ang zōtlui, ka rāldui ngāi chu hiva hin hong ruoi u tānla, ka matona that u ro,’ a ti,” a tī na.

Isuo Zerusalem-a Rēng anga ei Lūtna

Mt 21:1-11; Mk 11:1-11; Zn 12:12-19

28 # Mk 10:32 Amā'n hiva chu a ti suona, Zerusalem apana a sē tir a. 29#Mt 21:17Hintin hin a ni na, ama chu Oliv Muol ei ti u kōla, Betfage lē Bethani khuo a hong ānāi le han a zolāi ngāi bila anni a tīr a, 30“Na matona khuona son sē u tānla, nei va lūt u le sakuorpartē khat anthunga va mu u'n na tia, a chunga han tūtē la chuong ngāi mak a. Sūt u tānla, hiva hin hong chōi u ro. 31Mī'n, ‘Ichanga mo nei sūt u?’ tīna a na rakel ten, nangnī'n a kōma, ‘Asik chu Pumā'n hiva hi a nāng,’ ti u ro,” a tī na. 32A mi tīr ngāi chu a sē u na, a kōm una ei tī ang taka a va mū u na. 33Hatuka sakuorpartē chu a sūt u lāitak han, a puma ngāiin a kōm u na, “Ichanga mo sakuorpartē chu nei sūt u?” a ti u na. 34Amānī'n, “Pumā'n hiva hi a nāng,” a ti u na. 35#Zek 9:9Hatuka hava chu Isuo kōma a hong chōi u na. Sakuorpartē chunga a puon u ngāi a phā u na, a chunga Isuo a manchuong u na. 36#2Rē 9:13Ama chu ei sē tir han mī tampā'n a puon u ngāi chu lampuia a phā u na. 37#Mt 21:1Ama chu Oliv Muol lamsuk a hong ānāi le chu, zolāi mipui pumpuiin amā'n tichangbui sin ei thō ngāi dōra ei mū u sika, a rāi a mansān u na, Pathian a manpāk u na, 38#Sām 118:26“Zehova raminga Rēng āhong chu anpāka om rase! Vānrama anngoina om rase, ansāng khīta anlianna om rase,” (Sām 118:26) a ti u na. 39#Mt 21:15-16Mipui ngāi bil ātā Farisāi senkhatin a kōma, “Mīnchūpū, na zolāi ngāi chu chūnngō thō ro,” a ti u na. 40#Hab 2:11Amā'n a masang a, a kōm u na, “Kei na tī a ni u zei, hiva ngāi hi a dāirek u ten, lung ngāi chu ankhēk len u'n ti,” a tī na.

Isuo Zerusalem ranga ei Chapna

41 # Isa 22:4 Ama chu a hong ānāi le chu, khopui chu a mū na, a chap a, 42“O nang, avian nang nikhuona hin na ranga phūkdāina āsin ngāi hi riat tānla chu! Tenchu atun hin hava ngāi chu na mitmū nātā anthup kēng a ni u zei. 43#Isa 29:3; Zer 6:6; Izk 4:2Na rāldui ngāiin a nā'n hīl vinga rakulbang ei sin nikhuo ngāi chu la hong tung in tia, nā huol u'n tia, kil tina na khār u'n ti. 44#Sām 137:9; 1Pe 2:12Nang lē na sūnga om na nāi ngāi chu phila na manruol u'n tia, nanga hin lung khat chunga lung anthuo nō ni. Asik chu ankana nei om hun#19:44 ankana nei om hun: Pathianin ole Mesia'n a lei kan hun tīna a ni. chu nangin lei riat mak chē na,” a tī na.

Isuo'n Tempul ei Rathialna

Mt 21:12-17; Mk 11:15-19; Zn 2:13-22

45Hatuka ama chu tempula a vā lūt a, asūnga neinun anchōk lē āzuor ngāi chu a razūl a. 46#Isa 56:7; Zer 7:11A kōm u na, “ ‘Ka in chu zārzongna in kēng,’ tīna anziak a. Tenchu nangnī'n hiva hi, ‘Anru ngāi khur,’ nei sin u,” (Isa 56:7; Zer 7:11) a tī na.

47 # Mt 12:14; 26:55; Mk 11:18 Amā'n tempula anikhuona a manchū chachak a. Tenchu chāizūng ulian ngāi, dānmīnchūpū ngāi lē mipui ruoipu ngāiin ama chu ānsiat ranga a val u na. 48Mī dōrā'n a chongril ngāi chu malung apēka ei rangāi u sika, ītē thō thei u mak a.

Currently Selected:

Lūk 19: RNL

Highlight

Copy