Lūk 22
22
Zuda'n Isuo ei Mansūrna
Mt 26:1-5, 14-16; Mk 14:1-2, 10-11
1 #
Zn 11:55
Cholanchellui Vāipōltāp Pāntā, Kallēn Pāntā ei ti u chu a hong ānāi a. 2#Mt 12:14Chāizūng ulian ngāi lē dānmīnchūpū ngāiin hontin mo Isuo ei that u rang tī ā rok u na. Tenchu amānī'n mipui ā chi u na. 3#Mt 4:10; 10:4Zolāi sōmleianni ngāi bila angkhat Iskariot ei ti u Zuda, asūnga Setan a lūt a. 4#Kui 4:1Ama chu a sē na, Isuo chu chāizūng ulian ngāi lē sipai ruoipu ngāi kuta ei betōk theina ranga, amāni chu a vā'n rilpui a. 5#Zek 11:12Amāni chu a rāi asān u na, sum āpēk ranga a zōt u na. 6Ama chu chong a tin a, mipui a om nōk lāia Isuo chu amāni kōma anbetōk ranga hēr a ravān a.
Kallēn Pāntā
Mt 26:17-30; Mk 14:12-26; Zn 13:1-18; 1Ko 11:23-25
7 #
Ant 12:18-20; Dān 16:5-8; Mk 14:12 Cholanchellui Vāipōltāp Nikhuo, Kallēn Pāntā beratē anthatna a hong āsuok a. 8#Kui 3:1, 11Isuo'n Peter lē Zohan a tīr a, “Kallēn Pāntā nei nēk theina ranga, sē u tānla va mansūk u ro.” 9Amānī'n a kōma, “Hovan mo nei va mansūk ranga nei na zōt?” a ti u na. 10Amā'n a kōm u na, “Entā, khopui na va lūt u le, pasal khat chu tikola tī anputin nā'n tongpui u'n ti. Ei lūtna ina ama chu zī u ro. 11Hatuka nangnī'n in puma kōma, ‘Mīnchūpū'n na kōma, “Ka zolāi ngāi le Kallēn Pāntāna kei nēkpuina rang khuol pingdan chu hon tiang mo ei om?” a tī na,’ va ti u ro. 12Hatuka amā'n chung inthārthuo pingdan alianpā khat ānzēk vang suo chu na manmu u'n ti, hava han va mansūk u ro.” 13Hatuka a sē u na, amā'n ei tī anga a va mū u na, Kallēn Pāntā chu a mansūk u na.
Puma Zāndui
14 #
Mt 26:20; Mk 6:30; 14:17-18 Ahun a hong āsuok le han, ama lē a kuitīr sōmleianni ngāi chu ansut u na. 15#Mt 16:21Hatuka amā'n a kōm u na, “Ka tiar mān hin hiva Kallēn Pāntā hi nangni le ānēk ranga kei zōt sabak a ni. 16Kei na ril a ni u zei, Pathian rēngrama hiva hi a kip māseng chu hiva hi nēk lāi nō ning,” a tī na. 17Hatuka khuri chu a lāk a, rāisānchong a ril a, a kōm u na, “Hiva hi lāk u tānla, na kār una ansem u ro. 18Kei na ril a ni u zei, Pathian rēngram a hong māseng chu hiva theirapom mara ningtī hi buong lāi nō ning,” a tī na. 19#Mt 14:19Amā'n vāipōltāp a lāk a, rāisānchong a ril a, a khiak a, a kōm una a pēk a, “Hiva hi ka taksā, nangni ranga ānpēk, nei na riattit una ranga thō u chachak ro,” a tī na. 20#Ant 24:8; Isa 42:6; Zek 9:11; 2Ko 3:6; Heb 8:6Nēksāk anzui suo u na, khuri a lāk a, a kōm u na, “Hiva khuri hi ka thisena dānkhit athar, nangni ranga āsuok chu a ni. 21#Sām 41:9Tenchu entā, anā'n betōk rang pū kut chu ka bila dōkhama om. 22#Mt 8:20; Kui 2:23Ataktaka, Miring Nāipasal chu ei ānruot dān anga a sē, tenchu anā'n betōkpū chu a vān a duoi!” a tī na. 23Hatuka tū mo amāni bila hiva hi āthō ranga, tīna amāni lē amāni chu ankel ansiat u na.
Vānrama Rēngrama Ālian Khīt Rang
24 #
Mk 9:34
A zolāi ngāi kāra tū mo ālian khīta ānbē rang tī ruia a kār una ankhalna a om a. 25Isuo'n a kōm u na, “Namtei rēng ngāi chu a mi ngāi chunga anlal u. Amāni chunga ningneina dōn ngāi chu āsā thōpū a ti u na. 26#Mk 9:35; 1Pe 5:5Tenchu na kār una chu hantin han ni mak. Hanēkten, na kār una ālian khītpū chu nāipangpū anga lē ruoipū chu dorbōndompū anga ni rase. 27#Mt 20:28Tū mo ālian bet? Dōkhama ansutpū mo ole dorbōndompū mo? Dōkhama ansutpū ha ni nō ni mo? Hanum ni sela, koi chu na kār una dorbōndompū anga kei om a ni.
28“Tenchu nangni chu antak ka tiar lāia ka bila āom chian ngāi nā ni u. 29#Mt 25:34; 2Ti 2:12Ka pā'n rēngram khat a na lei pēk anga, nangnī'm ka na pēk u. 30#Mt 19:28Nangnī'n ka rēngrama dōkhama nei nēk nei sāk thei una rang lē ka rēngchōmphānga ansuta Israel nam sōmleianni ngāi chunga rui nei ril thei una rang a ni.
Peter-in Isuo ei Maniang rang Aphāmān a Lei Ril
Mt 26:30-35; Mk 14:26-31; Zn 13:36-38
31 #
Zōb 1:6-12; Am 9:9 “Pumā'n, Simon, Simon, entā, gōm ansāp anga anā'n sāp ranga Setan-in ei na zōt kēng. 32#Zn 17:9, 15; 21:15-17; Rōm 8:34Tenchu nei iamna ei ānpei nōkna ranga, na ranga zār ka na zongpē na. Ka kōma na hong ākīr rēt tika, na paruol ngāi chu manrāt ro,” a tī na. 33#Zn 11:16Tenchu Peter-in a kōma, “Puma, ankhumna-ina ānkhum lē āthi ranga na bila āsē ranga kā'n sin,” a tī na. 34Amā'n, “Peter, kei na ril a ni zei, avian voi anthum na maniang māseng ār khuong nō ni,” a tī na.
35 #
Mt 10:9-10
Amā'n a kōm u na, “Sumkok, marsā lē kekok abuia ka na tīr u lāi han, nei ānsam u mo a om?” a tī na. Amānī'n, “Ansam mak mē,” a ti u na. 36Amā'n a kōm u na, “Atun chu sumkok ādōnin hava ha chōi rase, hantin dēn han marsā dōnin um. Khendāi dōnluiin a raliang zuora, angkhat rachōk rase. 37#Isa 53:12Kei na ril a ni u zei, ‘Ama chu ānsialpū ngāi bila antel a,’ (Isa 53:12) tīna a lei ānziak chu koia ei kip theina rang a ni. Ka ruia ānziak chu ei hong kip a ni zei,” a tī na. 38Hatuka amāni'n, “Entā, Puma, hiva hin khendāi anni chu a om,” a ti u na. Amā'n a kōm u na, “Ahun hale,” a tī na.
Oliv Muola Isuo Zārzongna
Mt 26:36-46; Mk 14:32-42
39 #
Mt 21:1
Ama chu a suok a, ei thō chachak dān anga Oliv Muola a sē na, a zolāi ngāiin um ama chu a zī u na. 40#Mt 6:13A muna a hong āsuok le, amāni kōma, “Anthēmnāna nei lūt u nōkna ranga zārzong u ro,” a tī na. 41Ama chu amāni kōm ātā lung dēng phā tuka ankhāi a, khūksabila, zār a zong a, 42#Mt 20:22; 26:39“Ka Pā, nei zōt a ni ten, hiva khuri hi ka kōm ātā na khāipē ro. Tenchu kei zōt anga ni mak, nang nei zōt anga ni rase,” a tī na. 43#Mt 4:11; Mk 1:13Hatuka a kōma vānram ātā vānpalāi khat a hong anlang a, ranak a hong pēk a. 44Lunghāng ansaka ei om sika, taksat riama zār a zong a. A rathan chu thisen tang anga phila a chul a. 45Ama chu zārzong ātā anthui a, a zolāi ngāi kōma a hong a. Lungnāna a lei in u chu a hong mū na. 46Amā'n a kōm u na, “Ichang mo na lei in u? Anthēmnāna nei chul u nōk ranga, anthui u tānla, zārzong u ro,” a tī na.
Isuo ei Ānsūrna
Mt 26:47-56; Mk 14:43-50; Zn 18:3-11
47A la chong lāi han, entā, mipui lē sōmleianni ngāi bila Zuda āntī ha amāni matona a sē na, Isuo tum ranga ama chu a va pan a. 48Tenchu Isuo'n a kōma, “Zuda, Miring Nāipasal chu atuma mo nei mansūr rang?” a tī na. 49Ama a ravēla āom ngāiin hong mo ei hong ni rang a mū u na, amānī'n a kōma, “Puma, khendāi le hin nei tuk rang mo?” a ti u na. 50Amāni bila angkhatin chāizūng ulian khīt a suok chang kuor a tukpē ving a. 51Tenchu Isuo'n, “Mong ta ro, ahun zei,” a tī na. A kuor a va tōn a, a mandampē a. 52Hatuka Isuo'n chāizūng ulian ngāi, tempul ruoipu ngāi lē pātar a kōma āhong ngāi kōma, “Mīsuom ngāi āsūr ranga anga khendāi le, sunrol le nei hong u? 53#Mt 8:12; 26:55; Zn 1:5; 12:27Anikhuona tempula na bil una kā om lāi han, anā sūr rang pūt u mak chē na. Tenchu hiva hi nangni na hun u lē āzīng ningneina a ni,” a tī na.
Peter-in Isuo amaniang
Mt 26:55-58, 69-75; Mk 14:48-54, 66-72; Zn 18:12-18, 25-27
54 #
Mt 26:57-58; Zn 18:15 Ama chu a sūr u na, chāizūng ulian khīt ina ama chu a ruoi u na. Peter-in rāl ātā a nūk a zī na. 55Tenchu kholāi moi athōna, lōkō ansut u na, Peter chu amāni bila ansut a. 56Suok nupangtē khatin ama chu moi kōla ei ānsut a mū na, ama chu a en chian a, “Hiva mi hī'm ama bila āom kēng,” a tī na. 57Tenchu Peter-in, “Nupang, ama chu riat mak ung,” tīna amaniang a. 58Asīnānī mītei rētin ama chu a mū na, “Nang um a bil una mī kēng nā ni,” a tī na. Peter-in, “Miring, koi ni mak ung,” a tī na. 59Hatuka dārkār khat dām suole, mītei khat rētin anngam laka a kōma, “Hiva mi hī'm ama bila om ngēt kēng. Asik chu ama hi Galili mī kēng,” a tī na. 60Tenchu Peter-in, “Pasal! Hong mo nei tī hi riat mak ung,” a tī na. A lā chong lāi han ār a hong ākhuong len a. 61Puma chu anhoi a, Peter a en a. Hatuka Pumā'n, “Ār a khuong mān voi anthum na maniangin na ti,” ei ti ha Peter a malunga a hong āchui a. 62Peter chu apanga a suok a, a vā chap sabak a.
Isuo Maniērō a Thō u
Mt 26:67-68; Mk 14:65; Zn 18:22-23
63Isuo āsūr ngāiin ama chu maniērō a thō u na, a zēm u na. 64Ama chu a mit a khitpē u na, a māisuo a bēn u na, a kōma, “Dēchong ril ro. Tū mo a nā'n bēn?” tīna a rakel u na. 65#Mt 16:21Ama aduia a siat ātampā a ril u na.
Isuo Sanhedrin Matona
Mt 26:59-68; Mk 14:55-65; Zn 18:19-24
66 #
Mt 5:22; Mk 15:1 Khuo ei hong vār le pātar ngāi, chāizūng ulian ngāi lē dānmīnchūpū ngāi chu anruola a hong u na, ama chu amāni ruirilnazōla a ruoi u na, 67“Nang hi hā Khristā ha nā ni ten, na ril ro,” a ti u na. Tenchu amā'n a kōm u na, “Ka na ril u nā'm, iam u nō ta ni. 68Ka na rakel u nā'm, na masang u nō ta ni, na mazōk um u nō ta ni. 69#Sām 110:1; Mk 16:19Atun ātā chu Miring Nāipasal chu Pathian ranak chang tiang ansut in ti.” 70#Mt 4:3; 27:11Amāni dōrā'n, “Hanōkten, nang hi Pathian Nāipasal mo nā ni?” a ti u na. Amā'n a kōm u na, “Kei nī hi nangni kēng āril,” a tī na. 71Amānī'n, “Riatpuina atei hong mo nei nāng? A mūr ātā koini len hi āriat nā ni zei,” a ti u na.
Currently Selected:
Lūk 22: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Lūk 22
22
Zuda'n Isuo ei Mansūrna
Mt 26:1-5, 14-16; Mk 14:1-2, 10-11
1 #
Zn 11:55
Cholanchellui Vāipōltāp Pāntā, Kallēn Pāntā ei ti u chu a hong ānāi a. 2#Mt 12:14Chāizūng ulian ngāi lē dānmīnchūpū ngāiin hontin mo Isuo ei that u rang tī ā rok u na. Tenchu amānī'n mipui ā chi u na. 3#Mt 4:10; 10:4Zolāi sōmleianni ngāi bila angkhat Iskariot ei ti u Zuda, asūnga Setan a lūt a. 4#Kui 4:1Ama chu a sē na, Isuo chu chāizūng ulian ngāi lē sipai ruoipu ngāi kuta ei betōk theina ranga, amāni chu a vā'n rilpui a. 5#Zek 11:12Amāni chu a rāi asān u na, sum āpēk ranga a zōt u na. 6Ama chu chong a tin a, mipui a om nōk lāia Isuo chu amāni kōma anbetōk ranga hēr a ravān a.
Kallēn Pāntā
Mt 26:17-30; Mk 14:12-26; Zn 13:1-18; 1Ko 11:23-25
7 #
Ant 12:18-20; Dān 16:5-8; Mk 14:12 Cholanchellui Vāipōltāp Nikhuo, Kallēn Pāntā beratē anthatna a hong āsuok a. 8#Kui 3:1, 11Isuo'n Peter lē Zohan a tīr a, “Kallēn Pāntā nei nēk theina ranga, sē u tānla va mansūk u ro.” 9Amānī'n a kōma, “Hovan mo nei va mansūk ranga nei na zōt?” a ti u na. 10Amā'n a kōm u na, “Entā, khopui na va lūt u le, pasal khat chu tikola tī anputin nā'n tongpui u'n ti. Ei lūtna ina ama chu zī u ro. 11Hatuka nangnī'n in puma kōma, ‘Mīnchūpū'n na kōma, “Ka zolāi ngāi le Kallēn Pāntāna kei nēkpuina rang khuol pingdan chu hon tiang mo ei om?” a tī na,’ va ti u ro. 12Hatuka amā'n chung inthārthuo pingdan alianpā khat ānzēk vang suo chu na manmu u'n ti, hava han va mansūk u ro.” 13Hatuka a sē u na, amā'n ei tī anga a va mū u na, Kallēn Pāntā chu a mansūk u na.
Puma Zāndui
14 #
Mt 26:20; Mk 6:30; 14:17-18 Ahun a hong āsuok le han, ama lē a kuitīr sōmleianni ngāi chu ansut u na. 15#Mt 16:21Hatuka amā'n a kōm u na, “Ka tiar mān hin hiva Kallēn Pāntā hi nangni le ānēk ranga kei zōt sabak a ni. 16Kei na ril a ni u zei, Pathian rēngrama hiva hi a kip māseng chu hiva hi nēk lāi nō ning,” a tī na. 17Hatuka khuri chu a lāk a, rāisānchong a ril a, a kōm u na, “Hiva hi lāk u tānla, na kār una ansem u ro. 18Kei na ril a ni u zei, Pathian rēngram a hong māseng chu hiva theirapom mara ningtī hi buong lāi nō ning,” a tī na. 19#Mt 14:19Amā'n vāipōltāp a lāk a, rāisānchong a ril a, a khiak a, a kōm una a pēk a, “Hiva hi ka taksā, nangni ranga ānpēk, nei na riattit una ranga thō u chachak ro,” a tī na. 20#Ant 24:8; Isa 42:6; Zek 9:11; 2Ko 3:6; Heb 8:6Nēksāk anzui suo u na, khuri a lāk a, a kōm u na, “Hiva khuri hi ka thisena dānkhit athar, nangni ranga āsuok chu a ni. 21#Sām 41:9Tenchu entā, anā'n betōk rang pū kut chu ka bila dōkhama om. 22#Mt 8:20; Kui 2:23Ataktaka, Miring Nāipasal chu ei ānruot dān anga a sē, tenchu anā'n betōkpū chu a vān a duoi!” a tī na. 23Hatuka tū mo amāni bila hiva hi āthō ranga, tīna amāni lē amāni chu ankel ansiat u na.
Vānrama Rēngrama Ālian Khīt Rang
24 #
Mk 9:34
A zolāi ngāi kāra tū mo ālian khīta ānbē rang tī ruia a kār una ankhalna a om a. 25Isuo'n a kōm u na, “Namtei rēng ngāi chu a mi ngāi chunga anlal u. Amāni chunga ningneina dōn ngāi chu āsā thōpū a ti u na. 26#Mk 9:35; 1Pe 5:5Tenchu na kār una chu hantin han ni mak. Hanēkten, na kār una ālian khītpū chu nāipangpū anga lē ruoipū chu dorbōndompū anga ni rase. 27#Mt 20:28Tū mo ālian bet? Dōkhama ansutpū mo ole dorbōndompū mo? Dōkhama ansutpū ha ni nō ni mo? Hanum ni sela, koi chu na kār una dorbōndompū anga kei om a ni.
28“Tenchu nangni chu antak ka tiar lāia ka bila āom chian ngāi nā ni u. 29#Mt 25:34; 2Ti 2:12Ka pā'n rēngram khat a na lei pēk anga, nangnī'm ka na pēk u. 30#Mt 19:28Nangnī'n ka rēngrama dōkhama nei nēk nei sāk thei una rang lē ka rēngchōmphānga ansuta Israel nam sōmleianni ngāi chunga rui nei ril thei una rang a ni.
Peter-in Isuo ei Maniang rang Aphāmān a Lei Ril
Mt 26:30-35; Mk 14:26-31; Zn 13:36-38
31 #
Zōb 1:6-12; Am 9:9 “Pumā'n, Simon, Simon, entā, gōm ansāp anga anā'n sāp ranga Setan-in ei na zōt kēng. 32#Zn 17:9, 15; 21:15-17; Rōm 8:34Tenchu nei iamna ei ānpei nōkna ranga, na ranga zār ka na zongpē na. Ka kōma na hong ākīr rēt tika, na paruol ngāi chu manrāt ro,” a tī na. 33#Zn 11:16Tenchu Peter-in a kōma, “Puma, ankhumna-ina ānkhum lē āthi ranga na bila āsē ranga kā'n sin,” a tī na. 34Amā'n, “Peter, kei na ril a ni zei, avian voi anthum na maniang māseng ār khuong nō ni,” a tī na.
35 #
Mt 10:9-10
Amā'n a kōm u na, “Sumkok, marsā lē kekok abuia ka na tīr u lāi han, nei ānsam u mo a om?” a tī na. Amānī'n, “Ansam mak mē,” a ti u na. 36Amā'n a kōm u na, “Atun chu sumkok ādōnin hava ha chōi rase, hantin dēn han marsā dōnin um. Khendāi dōnluiin a raliang zuora, angkhat rachōk rase. 37#Isa 53:12Kei na ril a ni u zei, ‘Ama chu ānsialpū ngāi bila antel a,’ (Isa 53:12) tīna a lei ānziak chu koia ei kip theina rang a ni. Ka ruia ānziak chu ei hong kip a ni zei,” a tī na. 38Hatuka amāni'n, “Entā, Puma, hiva hin khendāi anni chu a om,” a ti u na. Amā'n a kōm u na, “Ahun hale,” a tī na.
Oliv Muola Isuo Zārzongna
Mt 26:36-46; Mk 14:32-42
39 #
Mt 21:1
Ama chu a suok a, ei thō chachak dān anga Oliv Muola a sē na, a zolāi ngāiin um ama chu a zī u na. 40#Mt 6:13A muna a hong āsuok le, amāni kōma, “Anthēmnāna nei lūt u nōkna ranga zārzong u ro,” a tī na. 41Ama chu amāni kōm ātā lung dēng phā tuka ankhāi a, khūksabila, zār a zong a, 42#Mt 20:22; 26:39“Ka Pā, nei zōt a ni ten, hiva khuri hi ka kōm ātā na khāipē ro. Tenchu kei zōt anga ni mak, nang nei zōt anga ni rase,” a tī na. 43#Mt 4:11; Mk 1:13Hatuka a kōma vānram ātā vānpalāi khat a hong anlang a, ranak a hong pēk a. 44Lunghāng ansaka ei om sika, taksat riama zār a zong a. A rathan chu thisen tang anga phila a chul a. 45Ama chu zārzong ātā anthui a, a zolāi ngāi kōma a hong a. Lungnāna a lei in u chu a hong mū na. 46Amā'n a kōm u na, “Ichang mo na lei in u? Anthēmnāna nei chul u nōk ranga, anthui u tānla, zārzong u ro,” a tī na.
Isuo ei Ānsūrna
Mt 26:47-56; Mk 14:43-50; Zn 18:3-11
47A la chong lāi han, entā, mipui lē sōmleianni ngāi bila Zuda āntī ha amāni matona a sē na, Isuo tum ranga ama chu a va pan a. 48Tenchu Isuo'n a kōma, “Zuda, Miring Nāipasal chu atuma mo nei mansūr rang?” a tī na. 49Ama a ravēla āom ngāiin hong mo ei hong ni rang a mū u na, amānī'n a kōma, “Puma, khendāi le hin nei tuk rang mo?” a ti u na. 50Amāni bila angkhatin chāizūng ulian khīt a suok chang kuor a tukpē ving a. 51Tenchu Isuo'n, “Mong ta ro, ahun zei,” a tī na. A kuor a va tōn a, a mandampē a. 52Hatuka Isuo'n chāizūng ulian ngāi, tempul ruoipu ngāi lē pātar a kōma āhong ngāi kōma, “Mīsuom ngāi āsūr ranga anga khendāi le, sunrol le nei hong u? 53#Mt 8:12; 26:55; Zn 1:5; 12:27Anikhuona tempula na bil una kā om lāi han, anā sūr rang pūt u mak chē na. Tenchu hiva hi nangni na hun u lē āzīng ningneina a ni,” a tī na.
Peter-in Isuo amaniang
Mt 26:55-58, 69-75; Mk 14:48-54, 66-72; Zn 18:12-18, 25-27
54 #
Mt 26:57-58; Zn 18:15 Ama chu a sūr u na, chāizūng ulian khīt ina ama chu a ruoi u na. Peter-in rāl ātā a nūk a zī na. 55Tenchu kholāi moi athōna, lōkō ansut u na, Peter chu amāni bila ansut a. 56Suok nupangtē khatin ama chu moi kōla ei ānsut a mū na, ama chu a en chian a, “Hiva mi hī'm ama bila āom kēng,” a tī na. 57Tenchu Peter-in, “Nupang, ama chu riat mak ung,” tīna amaniang a. 58Asīnānī mītei rētin ama chu a mū na, “Nang um a bil una mī kēng nā ni,” a tī na. Peter-in, “Miring, koi ni mak ung,” a tī na. 59Hatuka dārkār khat dām suole, mītei khat rētin anngam laka a kōma, “Hiva mi hī'm ama bila om ngēt kēng. Asik chu ama hi Galili mī kēng,” a tī na. 60Tenchu Peter-in, “Pasal! Hong mo nei tī hi riat mak ung,” a tī na. A lā chong lāi han ār a hong ākhuong len a. 61Puma chu anhoi a, Peter a en a. Hatuka Pumā'n, “Ār a khuong mān voi anthum na maniangin na ti,” ei ti ha Peter a malunga a hong āchui a. 62Peter chu apanga a suok a, a vā chap sabak a.
Isuo Maniērō a Thō u
Mt 26:67-68; Mk 14:65; Zn 18:22-23
63Isuo āsūr ngāiin ama chu maniērō a thō u na, a zēm u na. 64Ama chu a mit a khitpē u na, a māisuo a bēn u na, a kōma, “Dēchong ril ro. Tū mo a nā'n bēn?” tīna a rakel u na. 65#Mt 16:21Ama aduia a siat ātampā a ril u na.
Isuo Sanhedrin Matona
Mt 26:59-68; Mk 14:55-65; Zn 18:19-24
66 #
Mt 5:22; Mk 15:1 Khuo ei hong vār le pātar ngāi, chāizūng ulian ngāi lē dānmīnchūpū ngāi chu anruola a hong u na, ama chu amāni ruirilnazōla a ruoi u na, 67“Nang hi hā Khristā ha nā ni ten, na ril ro,” a ti u na. Tenchu amā'n a kōm u na, “Ka na ril u nā'm, iam u nō ta ni. 68Ka na rakel u nā'm, na masang u nō ta ni, na mazōk um u nō ta ni. 69#Sām 110:1; Mk 16:19Atun ātā chu Miring Nāipasal chu Pathian ranak chang tiang ansut in ti.” 70#Mt 4:3; 27:11Amāni dōrā'n, “Hanōkten, nang hi Pathian Nāipasal mo nā ni?” a ti u na. Amā'n a kōm u na, “Kei nī hi nangni kēng āril,” a tī na. 71Amānī'n, “Riatpuina atei hong mo nei nāng? A mūr ātā koini len hi āriat nā ni zei,” a ti u na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.