Lūk 24
24
Isuo ei Ānthuirētna
Mt 28:1-15; Mk 16:1-11; Zn 20:1-18
1Hapta nikhuo mānsāna, ārkhuona amāni lē nupang atei senkhat amāni bila, marimhui ei sin u ngāi achōia, thāna a hong u na. 2Tenchu thān ātā lung chu ankhāia a va mū u na. 3Hatuka asūnga a vā lūt u na, Puma Isuo ruok chu va mu u mak. 4#Zn 20:12Hintin hin a ni na, hava ruia anbuoi u lāitak han entā, raliang a ēl ansil miring anni a kōla anding u na. 5Hatuka a rathā ta u na, a māi u phil atōna anbu u na, amānī'n a kōm u na, “Hong sik mo āthi ngāi kāra ādam chu nei ravān u? 6#Mt 17:22Ama chu hiva hin om mak, anthui zei! Galili-na a om lāia ei na ti u ha riat u ro? 7#Mt 8:20; 16:21‘Miring Nāipasal hi misalui ngāi kuta anbetōk in tia, khrōsa antār in tia, nīnthum nikhuona anthuirēt in ti,’ ei na ti ha,” a ti u na. 8#Zn 2:22A chong ngāi chu a hong riat u na. 9Thān ātā a hong ākīr u na, sōmleikhat ngāi lē atei ngāi dōra kōma hiva rui ngāi dōra chu a va ril u na. 10#Mk 6:30Kuitīr ngāi kōma hiva rui ngāi āril ngāi a ni zei: Magdalene Mari, Zoanna, Zakob a nū Mari lē a bil una nupang atei ngāi a ni u na. 11#Mk 16:11Tenchu a chongril u ngāi dōra ha amāni ranga chongkorong mamei a ni na. Amāni chu iam u mak a. 12#Zn 20:3-7, 10Tenchu Peter chu anthui a, thāna a tān a, a sē na. Anbūna a va en a, linen puon ngāi chu anbuk chīta a va mū na. Ama chu hava rui ngāi sika, a boi a don a riat a, a kīr a.
Emau Lampuia Zolāi Anni kōma Isuo ei Anlangna
Mk 16:12-13
13 #
Mk 16:12
Entā, a kār una anni chu hava nikhuo len han Emau ei ti u khuona han a sē u na. Hava khuo chu Zerusalem ātā mēl sari#24:13 mēl sari: Km 11 tāng a ni. a ni. 14Amāni chu hava rui ani ngāi sika a chong tir u na. 15Amāni chu ei chong ei ānril balam una han, Isuo a ning lena a hong ānāi a, a bil una a sē na. 16#Zn 20:14; 21:4Tenchu a mit u ngāi chu ankhār a, hasikhan ama chu riat u mak a. 17Amā'n a kōm u na, “Na kal chōi u balama hong rui mo nei ānril tir u? Nā'n ngūi u na?” a tī na. 18#Zn 19:25A raming Kleopa ei ti u hān a masang a, a kōma, “Zerusalem-a hin nang rong mo khuol, hiva kāra rui asuok ngāi riat lui hi?” a tī na. 19#Mt 21:11; Mk 1:24Amā'n a kōm u na, “Hong rui ngāi mo?” a tī na. Amānī'n a kōma, “Nazaret Isuo ruia. Ama chu Pathian lē miring dōra makunga, sina lē chonga deari ranakanei a ni na. 20Chāizūng ulian ngāi lē koini na ruoipu ngāiin ama chu āthī ranga āsia anlō ranga a betōk u na, hatuka ama chu khrōsa a tār u na. 21#Mt 16:2Tenchu amā'n Israel ei mazōk ranga koinī'n na lei sabei a ni. Hava ngāi panga han, hiva rui alei ni ngāi hi avian hin nīnthum changna a ni zei. 22Koini na bila nupang senkhat ngāi chu ārkhuona thāna a sē u na, koini na boi a mandong u na. 23Ama ruok chu va mu u mak a, a hong ākīr u na, ama chu ādam kēng, tīna vānpalāi ngāiin a kōm una ei ril anlārna ei va mū um a hong ril u na. 24Koini na bila āom mī senkhat chu thāna a sē u na, nupang ngāiin ei ti u anga a va mū u na. Tenchu ama chu va mu u mak a,” a tī na. 25Hatuka amā'n a kōm u na, “O āmo ngāi, deari ngāiin ei ti ngāi dōra āiam ranga malung asēt ngāi! 26#Heb 2:10; 1Pe 1:11Khristā'n hiva ngāi dōra ei tiara ni mak mo ei liannāna ei lūt rang?” a tī na. 27#Aph 3:15; Atl 21:9; Dān 18:15; Isa 7:14; Izk 34:23; Dnl 9:24; Mik 7:20; Mal 3:1; Zn 1:45Mōsi nātā anphut a, deari ngāi dōrā'n ama ruia Pathian lekhabūna ānziak ngāi chu amāni kōma a rilmanthiang a.
28Hatuka ei pan una rang khuo a vā nāi u le, ama chu ala uola a lā sē rang a thō na. 29Tenchu amānī'n a kōma, “Koini na bila om ro, khului rang a ni zei, nikhuo'm ābui rang a ni zei,” tīna a khāp u na. Amāni bila āom ranga a vā lūt a. 30#Mt 14:19Hintin hin a ni na, ama chu amāni bila nēksāk ranga ansut a, vāipōltāp a lāk a, bōr a pēk a, a khiak a, a kōm una a pēk a. 31Hatuka a mit u ngāi chu anlong a, ama chu a riat u na. Ama chu a mitmū u nātā anpei a. 32#Sām 39:3Amāni lē amāni chu anril u na, “Lampuia a na chongpui lāi lē Pathian chong a na rilmanthiang lāi han, koini na malung ngāi chu har vung mak mo ha?” a ti u na. 33Hava hun len han anthui u na, Zerusalem-a a kīr u na. Sōmleikhat ngāi lē a bil una āom ngāi chu munkhata anbūma a va mū u na. 34#1Ko 15:5Amānī'n, “Puma chu anthui tatak kēng, ama chu Simon a kōma anlang a,” a ti u na. 35Amānī'n lampuia ii āni ngāi lē vāipōltāp a khiak lāia ama ei riatthei u rui ha a ril u na.
Isuo a Zolāi ngāi kōma ei Ānlangna
Mk 16:14-18; Zn 20:19-23
36 #
Zn 20:19, 21, 26 Amānī'n hava rui ngāi a ril u lāitak han, Isuo a pum len chu a kār una anding a, a kōm u na, “Na kōm una phūkdāina om rase,” a tī na. 37#Mk 6:49Tenchu amāni chu rathā mo ei mū tīna a rathā a ta u na, āchi sabak u na. 38Amā'n a kōm u na, “Hong sik mo nei ānbuoi u? Hong sik mo na malung una songankharna ei suok? 39#Zn 20:27; 1Zn 1:1Entā, ka kut ngāi lē ka ke ngāi hi, koi kēng kā ni. Na tōn u tānla, en u ro, koi kei dōn nei na mū u anga, rathā'n taksā lē rū dōn mak,” a tī na. 40Hiva a ril suona, a kōm una a kut ngāi lē a ke ngāi a manmū na. 41Tenchu a rāisān u sika iam u mak a, a boi a dong u na, amā'n a kōm u na, “Hiva hin nēksāk mo nā dōn u?” a tī na. 42Amānī'n ngā ānrui ratin khat lē khuoithār a pēk u na. 43#Kui 10:41Amā'n hava ha a lāk a, a makung una a sāk a.
Lupuok Alian
Mt 28:16-20; Mk 16:15-18
44 #
Sām 2:6-7; 110:1, 4; Mt 1:22 Amā'n a kōm u na, “Na bil una kā om lāi han hiva chong ngāi hi ka na ril u na. Mōsi a Dāna, deari ngāi lekhabūna lē Sām lekhabūna ka rui ānziak ngāi dōra chu ei hong kip zit rang a ni,” a tī na. 45Pathian chong ei riatthei una ranga, a malung u a malongpē na. 46#Mt 16:21Hatuka a kōm u na, “Hintin hin anziak a, Khristā chu tiar in tia, nīnthum nikhuona āthī nātā anthui in ti. 47#Isa 2:3; Mt 28:19; Kui 5:31Ama raminga ansīrna lē āsia anduolna chu Zerusalem ātā anphuta nam tin kōma anpuong in ti. 48#Zn 15:27; Kui 1:8; 1Pe 5:1Hiva ngāi ruia āriatpui ngāi chu nā ni u. 49#Zn 14:16; Kui 1:4Entā, ka Pā chongtin chu na chung una ka hong tīr. Tenchu chung ātā ranak le han anthuoma nā om u māseng chu Zerusalem khopuia ngāk u ro,” a tī na.
Pathianin Isuo Vānrama ei Ruoina
Mk 16:19-20; Kui 1:9-11
50 #
Mt 21:17
Amāni chu Bethani tenpei a ruoi a. Hatuka a kut ngāi ālāng a, bōr a pēk a. 51#2Rē 2:11Hintin hin a ni, amāni chu bōr a pēk lāitak han, amāni le ansen a, vānrama anruoia om a. 52Amānī'n ama chu ā mōk u na, rāisān sabaka Zerusalem-a a kīr u na. 53#Kui 2:46Pathian anpāka lē rāisānna antung chunga tempula a om chian u na. Amen.
Currently Selected:
Lūk 24: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Lūk 24
24
Isuo ei Ānthuirētna
Mt 28:1-15; Mk 16:1-11; Zn 20:1-18
1Hapta nikhuo mānsāna, ārkhuona amāni lē nupang atei senkhat amāni bila, marimhui ei sin u ngāi achōia, thāna a hong u na. 2Tenchu thān ātā lung chu ankhāia a va mū u na. 3Hatuka asūnga a vā lūt u na, Puma Isuo ruok chu va mu u mak. 4#Zn 20:12Hintin hin a ni na, hava ruia anbuoi u lāitak han entā, raliang a ēl ansil miring anni a kōla anding u na. 5Hatuka a rathā ta u na, a māi u phil atōna anbu u na, amānī'n a kōm u na, “Hong sik mo āthi ngāi kāra ādam chu nei ravān u? 6#Mt 17:22Ama chu hiva hin om mak, anthui zei! Galili-na a om lāia ei na ti u ha riat u ro? 7#Mt 8:20; 16:21‘Miring Nāipasal hi misalui ngāi kuta anbetōk in tia, khrōsa antār in tia, nīnthum nikhuona anthuirēt in ti,’ ei na ti ha,” a ti u na. 8#Zn 2:22A chong ngāi chu a hong riat u na. 9Thān ātā a hong ākīr u na, sōmleikhat ngāi lē atei ngāi dōra kōma hiva rui ngāi dōra chu a va ril u na. 10#Mk 6:30Kuitīr ngāi kōma hiva rui ngāi āril ngāi a ni zei: Magdalene Mari, Zoanna, Zakob a nū Mari lē a bil una nupang atei ngāi a ni u na. 11#Mk 16:11Tenchu a chongril u ngāi dōra ha amāni ranga chongkorong mamei a ni na. Amāni chu iam u mak a. 12#Zn 20:3-7, 10Tenchu Peter chu anthui a, thāna a tān a, a sē na. Anbūna a va en a, linen puon ngāi chu anbuk chīta a va mū na. Ama chu hava rui ngāi sika, a boi a don a riat a, a kīr a.
Emau Lampuia Zolāi Anni kōma Isuo ei Anlangna
Mk 16:12-13
13 #
Mk 16:12
Entā, a kār una anni chu hava nikhuo len han Emau ei ti u khuona han a sē u na. Hava khuo chu Zerusalem ātā mēl sari#24:13 mēl sari: Km 11 tāng a ni. a ni. 14Amāni chu hava rui ani ngāi sika a chong tir u na. 15Amāni chu ei chong ei ānril balam una han, Isuo a ning lena a hong ānāi a, a bil una a sē na. 16#Zn 20:14; 21:4Tenchu a mit u ngāi chu ankhār a, hasikhan ama chu riat u mak a. 17Amā'n a kōm u na, “Na kal chōi u balama hong rui mo nei ānril tir u? Nā'n ngūi u na?” a tī na. 18#Zn 19:25A raming Kleopa ei ti u hān a masang a, a kōma, “Zerusalem-a hin nang rong mo khuol, hiva kāra rui asuok ngāi riat lui hi?” a tī na. 19#Mt 21:11; Mk 1:24Amā'n a kōm u na, “Hong rui ngāi mo?” a tī na. Amānī'n a kōma, “Nazaret Isuo ruia. Ama chu Pathian lē miring dōra makunga, sina lē chonga deari ranakanei a ni na. 20Chāizūng ulian ngāi lē koini na ruoipu ngāiin ama chu āthī ranga āsia anlō ranga a betōk u na, hatuka ama chu khrōsa a tār u na. 21#Mt 16:2Tenchu amā'n Israel ei mazōk ranga koinī'n na lei sabei a ni. Hava ngāi panga han, hiva rui alei ni ngāi hi avian hin nīnthum changna a ni zei. 22Koini na bila nupang senkhat ngāi chu ārkhuona thāna a sē u na, koini na boi a mandong u na. 23Ama ruok chu va mu u mak a, a hong ākīr u na, ama chu ādam kēng, tīna vānpalāi ngāiin a kōm una ei ril anlārna ei va mū um a hong ril u na. 24Koini na bila āom mī senkhat chu thāna a sē u na, nupang ngāiin ei ti u anga a va mū u na. Tenchu ama chu va mu u mak a,” a tī na. 25Hatuka amā'n a kōm u na, “O āmo ngāi, deari ngāiin ei ti ngāi dōra āiam ranga malung asēt ngāi! 26#Heb 2:10; 1Pe 1:11Khristā'n hiva ngāi dōra ei tiara ni mak mo ei liannāna ei lūt rang?” a tī na. 27#Aph 3:15; Atl 21:9; Dān 18:15; Isa 7:14; Izk 34:23; Dnl 9:24; Mik 7:20; Mal 3:1; Zn 1:45Mōsi nātā anphut a, deari ngāi dōrā'n ama ruia Pathian lekhabūna ānziak ngāi chu amāni kōma a rilmanthiang a.
28Hatuka ei pan una rang khuo a vā nāi u le, ama chu ala uola a lā sē rang a thō na. 29Tenchu amānī'n a kōma, “Koini na bila om ro, khului rang a ni zei, nikhuo'm ābui rang a ni zei,” tīna a khāp u na. Amāni bila āom ranga a vā lūt a. 30#Mt 14:19Hintin hin a ni na, ama chu amāni bila nēksāk ranga ansut a, vāipōltāp a lāk a, bōr a pēk a, a khiak a, a kōm una a pēk a. 31Hatuka a mit u ngāi chu anlong a, ama chu a riat u na. Ama chu a mitmū u nātā anpei a. 32#Sām 39:3Amāni lē amāni chu anril u na, “Lampuia a na chongpui lāi lē Pathian chong a na rilmanthiang lāi han, koini na malung ngāi chu har vung mak mo ha?” a ti u na. 33Hava hun len han anthui u na, Zerusalem-a a kīr u na. Sōmleikhat ngāi lē a bil una āom ngāi chu munkhata anbūma a va mū u na. 34#1Ko 15:5Amānī'n, “Puma chu anthui tatak kēng, ama chu Simon a kōma anlang a,” a ti u na. 35Amānī'n lampuia ii āni ngāi lē vāipōltāp a khiak lāia ama ei riatthei u rui ha a ril u na.
Isuo a Zolāi ngāi kōma ei Ānlangna
Mk 16:14-18; Zn 20:19-23
36 #
Zn 20:19, 21, 26 Amānī'n hava rui ngāi a ril u lāitak han, Isuo a pum len chu a kār una anding a, a kōm u na, “Na kōm una phūkdāina om rase,” a tī na. 37#Mk 6:49Tenchu amāni chu rathā mo ei mū tīna a rathā a ta u na, āchi sabak u na. 38Amā'n a kōm u na, “Hong sik mo nei ānbuoi u? Hong sik mo na malung una songankharna ei suok? 39#Zn 20:27; 1Zn 1:1Entā, ka kut ngāi lē ka ke ngāi hi, koi kēng kā ni. Na tōn u tānla, en u ro, koi kei dōn nei na mū u anga, rathā'n taksā lē rū dōn mak,” a tī na. 40Hiva a ril suona, a kōm una a kut ngāi lē a ke ngāi a manmū na. 41Tenchu a rāisān u sika iam u mak a, a boi a dong u na, amā'n a kōm u na, “Hiva hin nēksāk mo nā dōn u?” a tī na. 42Amānī'n ngā ānrui ratin khat lē khuoithār a pēk u na. 43#Kui 10:41Amā'n hava ha a lāk a, a makung una a sāk a.
Lupuok Alian
Mt 28:16-20; Mk 16:15-18
44 #
Sām 2:6-7; 110:1, 4; Mt 1:22 Amā'n a kōm u na, “Na bil una kā om lāi han hiva chong ngāi hi ka na ril u na. Mōsi a Dāna, deari ngāi lekhabūna lē Sām lekhabūna ka rui ānziak ngāi dōra chu ei hong kip zit rang a ni,” a tī na. 45Pathian chong ei riatthei una ranga, a malung u a malongpē na. 46#Mt 16:21Hatuka a kōm u na, “Hintin hin anziak a, Khristā chu tiar in tia, nīnthum nikhuona āthī nātā anthui in ti. 47#Isa 2:3; Mt 28:19; Kui 5:31Ama raminga ansīrna lē āsia anduolna chu Zerusalem ātā anphuta nam tin kōma anpuong in ti. 48#Zn 15:27; Kui 1:8; 1Pe 5:1Hiva ngāi ruia āriatpui ngāi chu nā ni u. 49#Zn 14:16; Kui 1:4Entā, ka Pā chongtin chu na chung una ka hong tīr. Tenchu chung ātā ranak le han anthuoma nā om u māseng chu Zerusalem khopuia ngāk u ro,” a tī na.
Pathianin Isuo Vānrama ei Ruoina
Mk 16:19-20; Kui 1:9-11
50 #
Mt 21:17
Amāni chu Bethani tenpei a ruoi a. Hatuka a kut ngāi ālāng a, bōr a pēk a. 51#2Rē 2:11Hintin hin a ni, amāni chu bōr a pēk lāitak han, amāni le ansen a, vānrama anruoia om a. 52Amānī'n ama chu ā mōk u na, rāisān sabaka Zerusalem-a a kīr u na. 53#Kui 2:46Pathian anpāka lē rāisānna antung chunga tempula a om chian u na. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.