Jaan 15

Jesu bä 'cɩca viinyëtuu

Kolɔɔsënyüü 2.6-7; Galaatënyüü 2.20; Jaan 14.21-23; Lukë 3.6-9

1«'Mɔɔ bä 'cɩca viinyëtuu#15.1 viinyëtuu: 'Üma 'pa viinyëa ‑gä nɩ, Israɛɛlë 'ü 'daa. 'Uu tʋä diili (rɛsɛɛn 'bü) 'ü nöa' ‑bɛ 'ü nöa' ‑duvɛɛn. Jeremii 2.21., 'na Tʋ bä viinyëplanyɔɔ. 2Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa. 3'Amɔlɔ nɩ, wiili 'n 'kpɩaa' 'amɩ, 'ii 'a kä 'amɩ kpëtä. 4'Ba kʋ 'mɩ 'lɩ, 'sɩrɩ 'n kʋa' 'amɩ 'lɩ. 'Sɩrɩ kata ma 'nyɩa' viinyëtuu ‑gbakäma, ‑bɛ 'äa 'kpɔ 'nyɩa' 'lɩbɩa 'ämäa' tʋ nɩ, 'asɩ 'ana 'mʋgbɛ bä. 'Ama 'nyɩ 'mɩ 'lɩ ‑a kʋ 'anyɩ 'lɩ ‑a bɩa 'amä tʋ. 5'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ. 6Nyɔɔ ma 'nyɩ 'mɩ ‑gbakä ‑a 'ma, ‑fälɩ 'ü be 'ɔɔn ‑beere katëlë 'ü 'böa' 'lɩ ‑bɛ ä maa'. Üma 'bütö 'üün, kapu 'lɩ 'ü be 'üün 'kä 'ü fie. 7'Ama 'ma 'mɩ ‑gbakä ‑bɛ 'na 'papawii ma bä 'amɩ 'lɩ nɩ, dɛɛlɛ 'a 'bataa' 'ba 'bete 'ɛɛn, 'anya 'ɛɛn 'jäa. 8'Ama tʋ ‑gböösa nɩ, 'anya 'na 'wʋnyɛrɛnyüü bäa#15.8 'anya 'na 'wʋnyɛrɛnyüü bäa: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: «'a bä 'na 'wʋnyɛrɛnyüü».. 'Iibä 'na Tʋa 'wliklɩ 'bʋalakʋ. 9'Sɩrɩ 'na Tʋ ‑waa' 'mɩ, 'asɩ 'n ‑wa 'amɩ. 'Ba kʋ 'na ‑wawakʋ 'lɩ. 10'Ama ‑träärälɩ 'na ‑dɔwii nɩ, 'anya 'na ‑wawakʋ 'lɩ kʋa, 'sɩrɩ 'n ‑trääräa' 'lɩ 'na Tʋa ‑dɔwii ‑bɛ 'n kʋa' 'ɔa ‑wawakʋ 'lɩ. 11‑Gbala 'n ‑gbala 'amɩ 'iin, 'kä dɔrʋlʋ bäa' 'mɩ 'lɩ, 'umä 'amɩ 'lɩbä, ‑bɛ 'ana dɔrʋ 'mä 'wlijrä. 12‑Jää 'na ‑dɔwiili 'nëmäa' 'amɩ ‑gbala: 'Ba ‑wawla, 'sɩrɩ 'n ‑waa' 'amɩ. 13Abɩa nyɔɔ 'sa 'ɔa nyufa 'ɔa ‑gbötümüa ‑gʋ nɩ, 'ia ‑wawakʋ 'nyɩ 'sɔɔa nu ‑a kä. 14'Ama ‑träärälɩ ‑dɔwiili 'n ‑gbalaa' 'amɩ nɩ, 'na ‑gbötü 'a bä. 15'N ‑ka ‑nëmä 'amɩ 'jrʋpafɛnyüü ‑a 'dara. 'Jrʋpafɛnyɔɔ 'nyɩ jre wiili kä 'fɩɔ 'ɔa 'kamanyɔɔ nöa' ‑a. Ama 'dara 'amɩ ‑gbötü nɩ, wiili kä 'fɩɔ Tʋ 'kpɩaa' 'mɩ 'n 'kpɩa 'amɩ 'ia 'fɩɔ. 16‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ. 17Wiili 'n 'daa' 'ba nʋa' nɩ, 'iibä, 'ba ‑wawla.»

'Pläa 'nyüamlɩjrarakʋ

Matiö 10.22-23; Jaan 16.1-3,33; Jaan 3.18-19

18«'Plä ma jrara 'amɩ 'nyüa 'mlɩ, 'ba jresaa 'mɔɔ ‑kätɩ 'ä jrara 'nyüa 'mlɩ. 19'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ. 20'Ba 'pa waklöölä 'n ‑gbala käa' 'amɩ plɛ: ‹'Jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si.› Üma nʋ 'mɩ ‑gbi ‑gba, 'ünya 'amɩ ‑gbi ‑gba nʋa bɩa; üma ‑träärälɩ 'na mlɩa wii, 'ünya 'lɩ 'ana ni ‑trääräa bɩa. 21'Na 'nyrɩa ‑gʋ 'ünya 'amɩ 'ia 'fɩɔlʋ ‑gba nʋa, 'be nyɔɔlɔ blɔa' 'mɩ, 'ünyɩ 'ɔɔn jre ‑a jre. 22Ama 'nyɩ ɩ ji ‑a ji, ‑bɛ ama 'nyɩ ɩ 'üün ‑a ‑gbala nɩ, ‑balʋ ‑nëmä ɩ 'üün 'lɩ ‑a bä. ‑Maa 'ü ‑kanyɩ ‑gäa 'balafa ‑a kä. 23Nyɔɔlɔ jraraa' 'mɩ 'nyüa 'mlɩ nɩ, 'na Tʋ 'ɔ jrara bɩa 'nyüa 'mlɩ. 24Ama 'nyɩ ɩ 'üa ‑tɔrʋpɩɔ 'jrʋpa ‑a ‑fɛɛɛrɛ, ä nyɔɔ ‑kaapɩɔa' ‑fɛ nɩ, ‑balʋ ‑nëmä ɩ 'üün 'lɩ ‑a bä. ‑Maa 'köklesaplɩɩ ɔ nɩ, 'ü 'jä 'ään, ‑bɛ 'ü jrara 'mɔɔ ‑bɛ 'na Tʋ 'nyüamlɩ. 25‑Maa wiili ‑jɩjraa' 'üa ‑dɔ 'lɩ, 'i bäa' ‑maa: ‹'Ü jrara 'mɩ 'nyüamlɩ 'fʋflɛsa#15.25 'Lɩbrɛrɛpɔɔkʋ 35.19; 69.5.› 'i nrörö.

26«‑Maa 'taɩn 'lɩ 'mäa' 'amɩ ‑Gbajisusulu sraraa' 'cɩcasa ja, u sɔa' 'na Tʋa ‑nyɛɛ nɩ, 'unya 'na ‑gä 'paa#15.26 Tɛ plɛlɩsasrawiili ‑jɩjraa' Jaan 14.16.. 27‑Bɛ 'ana 'mʋgbɛ nya 'na ‑gä 'pa, 'be 'nyraa 'amɔ kolo 'wʋ 'kä.»

Currently Selected:

Jaan 15: Bakwé

Highlight

Copy