1 KORINTUS 4
4
Karaeng Isa jua kale-kalenna hakking
4:1-5
1Appakonjomu paralluna tau inni anjanjang geo' ri kambe: Assimpole ata ri Almase, tumange ri ia ripassareang harasia Allataala. 2Nukala'busanna risikonjo pajampangi ripa'bojai nuappakonjo injo iamo intu ma'nassana iyai injo toje'i akkulle ripatappa'. 3Ri nakke gelejuai parallu ambahang baji' injo nakke riadeli ri kau iyareka rise're pangadelang rupatau. La'bipa pole kalengku gele to'juai kuadeli. 4Saba' toje'i nakke gelea ngu'rangi ri iangase'na passala ri kalengku, mingka gele kanara injomo nakke ripa'naba, passangadinna Karaengmo ngadeli ri nakke. 5Injomo saba'na, akolalo ngadeli rigelenapa larapi' hattunna, iamo intu rigelenapa rie' Karaeng Isa. Ia lanyinari, manna pole nuta'lengu' injo lalang rikalammang, na Ia lapappijanjangangi apa nurinaha-naha lalang ri ati. Sallo' sikuanna tau lanarima kala'birang battu ri Allataala.
Pakatunai kalemmu
4:6-21
6Urang siana', pau-pau inni kupabattui mae ri kalengku to'jua na ri Apolos, kanara kau, solanna battu ripappau na panggeokang baji'ba kaui akkulle appilajara apa battuanna pau inni: ”Ako appila'bii rinuta'ukiri injo”, solanna gele rie' ri kaui intu tuattampo-tampo surangang lasukkukangi se're na rinumaraengangang injo. 7Saba' inai jua larapang kalenna sanna' riparalluang? Na apa muampunnai, nugele mutarima? Ampa toje'i mutarimainna, ngura attampo-tampoko, assimpolekalena gelei mutarima? 8Bassorimoko, kalumannyangimoko, manna gele kanara ri kambe maeng a'jari karaeng ngasekimoko. Ah, sanna'i baji'na ampa appakonjo toje'i ma'nassana a'jari karaengimoko, jari manna kambe minahangkang a'jari karaeng surang kaui. 9Saba', assituru' panguppaku, Allataala assare mae ri kambe, suro-suro inni, tampa' nukaminang tuna, assimpole tau risare injo hukkungang mate, saba' kambe maeng a'jari janja'-janjangiammakang ri lino inni, risikonjo malaeka', surang ri rupatau. 10Kambe ba'gakang passabakang ri Almase, mingka kau ngisse'ko lalang ri Almase. Kambe lamma, mingka kau gassing. Kau la'biri, mingka kambe tuna.
11Sa'genna hattu inni kambe pa're, tirere, assola'-solara, rirabung surang tallasa lambara, 12#Suro-suro 18:3Kambe anggeokang jama-jamaang lima nuterasa. Ampa kambe rikukuki, injo kambe ambarakkaki; ampa kambe ripa'ri'-pa'risi, injo sabbarakang; 13ampa kambe ripitina, injo kambe tulusu appihali lumukang; kambe maeng a'jarimakang assimpole loro ri lino inni, assimpole loro battu risikuanna, sa'genna hattu inni.
14Passala inni kuukiri gele lappakasiri' ri kaui, mingka appisangka ri kaui assimpole ana'-ana' kukamaseang. 15Saba' manna injo kau muampunnai assa'bu-sa'bu anrong guru ri Almase, gelejua lohe amma muampunnai. Nakkemo tau ri Isa Almase maeng a'jari ammammu kanara Injili. 16#1 Kor. 11:1; Flp. 3:17Injomo saba'na nakke appiu'rangi mange ri kaui: Pinahangi panggeokangku! 17Ripassabakang injomo nakke assuro ri Timotius lamange ri kaui, iamo ana' kukamaseang surang mallangi lalang ri Karaeng Isa. Iamo laappiu'rangi ri kau ta'ra tallasa'ku lalang ri Isa Almase, assimpole nukupangajarang injo mange-mange lalang risikonjo jamaah. 18Mingka rie' sikura lohena tau a'jari tampo, kanara larapanginna ma'nassana nakke gelea larie' pole mange ri kaui. 19Mingka nakke lalassiri jua laa'lampa mange ri kaui, ampa lakaa'raki Karaeng Isa na lakuisse'i, gele sangga ripassala pappauna tau tampo injo, mingka ripassala rikagassinganna todo'. 20Saba' Pakkaraengang Allataala gelei ammenteng ripau, mingka battui rikahasa. 21Apa mukaa'raki? Apa nakke parallu larie' mange ri kaui ngerang panrabung iyareka surangang pangamaseang na surangang nyaha lumu?
Currently Selected:
1 KORINTUS 4: LAI_SLY
Highlight
Copy
Compare
Share
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)