1 KORINTUS 8
8
Passala passidakka ri barahala
8:1-13
1Passala assi binantang nuripassidakkaang mange ri barahala, riisse'i: ”Ditte rie' ngase' pangisse'.” Pangisse' appakonjo injo lapaa'jari tampo tau inni, mingka pangamaseang appakasa'ga' tau. 2Ampa rie' tau larapangi ma'nassana ia ngampunnai se're ”pangissengang”, injo ia gelepai anrapi' ripangisse', appaanteekamua nuparallu injo ripirapiki. 3Mingka tau ngamaseang injo ri Allataala, ia riisse'i ri Allataala.
4Passala nganre assi binantang nuripassidakkaang ri barahala, ditte riisse'i: ”Gele rie' barahala ri lino inni na gele rie' Allataala maraenganna Allataala nukale-kalenna injo.” 5Saba' toje'i rie' nuriare' ”sombaang”, baji' ri suruga, iyareka ri lino – na toje'i nabana lohe ”sombaang” surang lohe ”kara'-karaeng” appakonjo – 6mingka mae ri ditte se're jua Allataala, iamo intu Amma, iangase'na nubattu ri Ia na mange ri Ia tallasa'ta, na se're jua Karaeng, iamo intu Isa Almase, nupatteteang ri Ia sikuanna maeng ripaa'jari na kanara ri Ia ditte nguppa tallasa. 7Mingka gele sikuanna tau lauppai pangisse' injo. Rie' tau, nukanara tassikko' juapai ri barahala, nganre assi binantang assimpole assi binantang nuripassidakkaang ri barahala. Passabakang lammai ati si'nonnai, ati si'nonnai rirammasii ri injo. 8”Kanre inni geleki laerang seppa' mange ri Allataala. Tide' jua karugianta, ampa geleta jua nganre surang tide' to'jua sahala'na ampa nganreki.” 9Mingka katutui, solanna kalaloasaammu inni andai a'jari batu patatto'roang mange ri tau lamma injo. 10Saba' ampa rie' tau anjanjang ri kau turie' intu ”pangisse'na”, attangnga attolong nganre lalang ri sapo somba-sombaang, gelejua tau lamma injo ati si'nonna assimpolei turipassuroang langanre assi binantang nuripassidakkaang ri barahala. 11Ri appakonjona, tau lamma injo, iamo intu urang siana' julu katappakammu, numange ri ia maeng lakamatei Almase, a'jari mate pole kanara ”pangisse'mu” injo. 12ampa kau lalang rita'ra appakonjo doraka mange ri urang siana' julu katappakammu surang mupa'risi nyahanai nulamma injo, sitoje'na kau doraka ri Almase. 13Injomo saba'na, ampa kanre injo laa'jari batu patatto'roang ri urang siana' julu katappakangku, nakke gelema langanre assi binantang situlusu'na, solanna nakke gelea a'jari batu patatto'roang ri urang siana' julu katappakangku.
Currently Selected:
1 KORINTUS 8: LAI_SLY
Highlight
Copy
Compare
Share
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)